اللي ضايع لـه سلقة .. ^_^

[واحد طش]

السلام عليكم ورحمة الله وبركاته


صبحكم / مساكم اللـــــه بالخيــــر ..


وشلونكم يالربع عساكم بخيير .. كلن بنـكه :$


العلم سلامتك سبقنا بـه الاخ مدرب الطير الله يبيض وجه يوم اعلـن عن سلقة فالصمان ضايعه
واخونا القطري ما يحضرني اسمه < سوداني :d
اللي اعلن عن ذيخ في قطــــر .. وعسى من هالمنبر نجتمع على خير في حفظ سلع اخواننا اللي تضيع ..
وانا اليوم ابي اعلن واقول اللي ضايع لـه سلقة فالطائف وبالاخص فالحـوية ينزل اوصافـها .. ويبشر بهـا .. والسلقة تعتبر عند راعيهـا .


ياليت اللي ضايع له سلقه .. يوصفهـا كامله واذا عنده صور ترى ماهيب شينـه ..



أخوك واحد طش .. ><

[الخشبة]

مشكور على امانتك ياخوك والله يكثر من امثالك

[بوعلي قطر]

مشكور اخوي على الامانه والله يكثر من امثالك وتقبل مروري
اخوك بو علي

[سلطان العوني]

بيض الله وجهك

[القحطاني505]

مشكووور على الامانه وانا ضايعه علي سلقه زرقه عظامها دقاق وراسها كبير شوي واذانيها كبيره وعمرها 3 سنوات ونص ولاهنت يابعدي

[عاشق السلووقي]

مشكور ومتقصر وهذا من طيب اصلك وانا نشال ان راعيه بيوصلك
اخوكم الدوسري مع تحيات الرفاقا 502

[واحد طش]

هلابكم اخواني يا هلا ومرحبـــــا ..

القحطاني السلقه اللي ضايعتن لـك .. لها صور .. هل السلقه وفلا .. ولا عصلا .. فيها مواررري .. لان اللي لقيتها فيها ماريه الظاهر الظاهر ان ماخاب ظني ان هالماريه حاطها راعيها بالعنيه والسلقه ما يبالها فيها فواررق واجـد .. ودقة العظام وانا اخوك ماهوب وصف اغلب السلق عظامه دقاق .. اذا عندك صور لسلقتك الضايعه نزلها وابشر باللي يرضيك اذا كانت لك