المساعد الشخصي الرقمي

مشاهدة النسخة كاملة : عشان تفتك من صوت انذارحزام الامان ل FJ Cruiser


s3ed
29/11/2007, 05:24 PM
السلام عليكم


هذة طريقة سهلة ومجربة وانا مجربنها بنفسي



صوت انذار حزام الامان لل FJ Cruiser


دخل مفتاح السيارة وخلها على وضع ال on


اضغط على زر المسافات اتأكد انة على وضع مشي السيارة لمدة 10 ثواني بعدها دخل حزام الامان في القفل
من دون شيل اصبعك عن الزر


دخلة وفكة


بيطلع معاك على شاشة المسافات beeb on حولة الى beeb off


وبهذة الطريقة بتفتك من الصوت



ان شاء الله اتكون الطريقة مفهومة


اعذورني على الشرح
ثــــايـر
29/11/2007, 05:39 PM
طريقه ممتازه لكن لم استوعبهاااا ياليت لو تتكرم يالغالي وتشرحهااااا مره اخرى بالتفصيل الممل لأنهاااا تشكل لي كثير من الازعاج .. نوع سيارتي فورد كراون مكتوريا جديد
s3ed
29/11/2007, 05:44 PM
اخوي ثاير

هذة الطريقة للتويوتا ماعتقد تضبط معاك للفورد
ولد وايل
29/11/2007, 05:55 PM
اخي الكريم بارك الله فيك انت راش لون الدعامات واللون الاسود يعني هذي سيارتك الله يبارك لك فيها
ولد وايل
29/11/2007, 05:56 PM
اي شاشات المسافات وين تكون هذي ممكن تصورها وتنزلها بالمنتدى
s3ed
29/11/2007, 05:59 PM
ولد وايل

هية نعم سيارتي الله يبارك لك في عمرك يارب العالمين


انا راش السيارة من تحت الربل الاسود الا من خلف بنزل لك صور
ولد وايل
29/11/2007, 06:00 PM
وش رايك ارش الربل الاسود عندي والا اخليه كذا عادي ممكن تصور لي سيارتك من الداخل
ولد بن حمد
29/11/2007, 06:17 PM
احسنت وبارك الله فيك
s3ed
29/11/2007, 06:47 PM
عدنا مرة اخرى .............





هذة الطريقة بالصور



بسم الله الرحمن الرحيم


خلنا بالفصحى عشان اتحس انك اتشوف الكاتلوج


1- سم بالرحمن


2-ضع السيارة في وضعية الاستعداد ال on


http://www.mekshat.com/pix/upload02/images55/mk11661_1.jpg





3- اضغط بسرعة على زر المسافات تأكد انة على وضع ODO
خلك ضاغط لمدة 10 ثوان


4- لا تشيل صبعك من على الزر بنفس الوقت ادخل حزام الامان واخرجة مرة اخرة للحظة فقط
وطبعا صبعك على الزر



http://www.mekshat.com/pix/upload02/images55/mk11661_7zam.jpg



5- اضغط مرة ثانية بتطلع معاك هذة الاشارة حولها من ON الي OFF


http://www.mekshat.com/pix/upload02/images55/mk11661_10000.jpg
وسلامتك




ولد وايل هذةصورة خلفية صبغت السيارة الا هذا المكان عشان الدوس والتحميل



http://www.mekshat.com/pix/upload02/images55/mk11661_ttttt.jpg



ان شاء الله اتكون الفكرة واضحة يا اخواني اعذوني اذا ماقدرت اشرح لكم بصورة واضحة
ولد وايل
29/11/2007, 07:05 PM
بيض الله وجهك والله يزوجك من الحور العين بارك الله فيك ويارتنا نخدمك باللي تامر فيه
ولد وايل
29/11/2007, 07:08 PM
اخي الكريم جربت السياره بالرمل ودي اعرف كيف افصل مانع الانزلاق vsc وش الحل معه
بن فيصل
29/11/2007, 08:13 PM
بيض الله وجهك
s3ed
29/11/2007, 11:08 PM
ولد بن حمد

وفيك بارك يابن حمد جزاك الله خير


ولد وايل

اذا مانحلت مشكلة حزام الامان اجيك الرياض حاضرين

مشكلة ال مانع الانزلاق vsc نزلت موضوع خاص لهذة المشكلة

جزاك الله خير على الدعوة الحلوة

بن فيصل

ووجهك ابيض ياطويل العمر الله يكرمك برفقة نبيك الكريم
جنتلمان نجد
30/11/2007, 12:53 AM
الله يجزاك خير ,, وهالطريقه ناجحه مع جميع سيارات تويوتا لإزالة صوت جرس الحزاام ,, جربتها ع الافلون ونجحت معي
ولد وايل
30/11/2007, 11:13 AM
سعيد ... تصدق انها ما مشت معي لعل ابوعبدالله خوينا يعرف لها بارك الله فيك
ريم البراري
30/11/2007, 11:17 AM
:) عشان تفتك من صوت انذار حزام الامان قم بربط حزام الامان ((لسلامتك))
z a n h o r
30/11/2007, 01:25 PM
طريقه ممتازه لكن لم استوعبهاااا ياليت لو تتكرم يالغالي وتشرحهااااا مره اخرى بالتفصيل الممل لأنهاااا تشكل لي كثير من الازعاج .. نوع سيارتي فورد كراون مكتوريا جديد

يالغالي بالنسبه للفورد فهي سهله بس يبيلك تسويها كل مره

اذا ركبت السياره اربط الحزام ثم افتح الباب ثم سكره ثم فك الحزام يبي يروح جرس الانذار << مجربه على فورد 2002 و 2003

بس الان فيه قطعه تباع بمحلات الزينه تركبها على مكان الحزام وانساها بـ 20 ريال تريح بالك
ولد وايل
30/11/2007, 01:27 PM
اخي الكريم ريم البراري ليس المقصود عدم ربط الحزام ولله الحمد لا استطيع قيادة السياره الا بربط الحزام من قبل ان يكون الازامي المشكله بالراكب لان الاف جيه جرس تنبيه الحزام للراكب مزعج والركاب يختلفون اغلبهم لايريد ربط الحزام
s3ed
30/11/2007, 02:04 PM
جنتلمان نجد

الحمدلله انها مشت معاك

فية طريقة ثانية ياريت اعرفها او احد يعلمنياها وهي لما اتبدل جنزير المكينة يخارج الوكالة يأشر عندك في الطبلون
T/BEIT

فية لها برمجة بسيطة اتشل هذة العلامة المزعجة
رحت الصناعية في ابوظبي وجا هندي وخذ السيارة عني دقيقتين وراحت العلامة وطلب مني في البداية 100 ريال وعطيتة بس ماعلمني


ولد وايل

سبحان الله خل واحد غيرك يسوي الحركة يمكن انت تستعجل خللك طبيعي بالحبيب :cool:



ريم البراري

جزاك الله خير على خوفك على مصلحة اخوانك ..طال عمرك الصوت عالي ومزعج جدا


z a n h o r

اعتقد فية طريقة اسهل حاول تفصل الفيشة اللي تحت الكرسي بس اتأكد انها ماتكون فيشة ال air bag
pharamazar
30/11/2007, 03:30 PM
شكرا اخي الكريم
بس يزيل الصوت لى المقعدين ؟
ولد وايل
30/11/2007, 07:13 PM
اخي الكريم سعيد ... حاول غيري اظاهر عند ابوعبدالله
المناعي2
17/12/2007, 11:15 AM
مرحبا شباب بس بغيت أوضح شغلة لشباب ألي يركبون أحزام الأمان ويخلونة وراهم علشان الصوت وبهاذي الطريقة يكون البالون ألي في السكان (إرباغز) جاهز للنتفاخ وهاذا خطر أذا كان السائق مش لابس الاحزام بشكل الصحيح و أذا حصل حادث لقدر الله سوف يصدم البالون وجـه السائق وحسب ماهو امسجل في كتلوج السيارة ممكن يوئدي الى الوفاه وتمتم سالمين .........
قمرزمانه
18/12/2007, 02:46 AM
روح ياسعيد الله يريحك دنيا واخره ريحتنا من الصوت
ذيب بلاده
18/12/2007, 11:37 AM
حزام الامان لسلامتك بعد الله سبحان وتعالى واحنا في قطر 500 ريال غرامة الحزام علشان سلامتنا
وعندي سؤال أذا فصلنا مانع الانزلاق هل تختلف سواقتها في الرمل مع ذكر السبب ههههه صار درس عربي
القناص
20/12/2007, 10:39 PM
طريقة قد تتسبب في موت السائق عند الاصطدام لا قدر الله

فوجود الحزام للتقليل من خطر اوسادات الهوائية الذي لا بد منه

ارجو عدم السياقة الا بربط الحزام حفاظا على سلامتك

حفظنا الله واياكم من كل مكروه

بارك الله فيك اخي المناعي2

وفي الجميع
vxr99
24/12/2007, 01:12 AM
مساء الله بالخير اخوي سعيد وكل عام وانت طيب
الله يبارك لك بالموتر ويطعمك من خير

حاب استفسر منك انا ناوي اشتري fj وادور لي مستعمل حاب اعرف ممكن القي عندكم بوظبي لاني ناوي اجي خلال هالاسبوعين

اذا لك لزوم او توصي شي اتمنى ما يردك الا لسانك وتقبل تحياتي ....
ابوعزيزm
24/12/2007, 05:06 AM
السلام عليكم ورحمه الله وبركاته

والله كفّيت ووفّيت أخوي سعيد . .

جزاك الله خير . . والله يطعمك من خيره ويكفيك شرة . . .
s3ed
24/12/2007, 07:48 AM
السلام عليكم ورحمة الله وبركاتة


pharamazar (http://www.mekshat.com/vb/member.php?u=47459)


نعم اخوي الصوت يختفي



ولد وايل (http://www.mekshat.com/vb/member.php?u=9765)


مرعلية يمكن تظبط معاة الحركة سهلة بس يمكن انت من زود الحماس تستعجل


المناعي2 (http://www.mekshat.com/vb/member.php?u=62988)


صح كلامك اخوي وجزاك الله خير المشكلة انة صوتة مزعج للغاية



قمر زمانة


اذا ضبطت معاك الحركة تواصل مع ولد وايل عشان اتشل الصوت لة وسلمت والله على الدعوة الحلوة ........اجمعين يارب العالمين


ذيب بلاده (http://www.mekshat.com/vb/member.php?u=63878)


لايوجد 2 يختلفون على اهمية حزام الامان بس صوتة في الfj مزعج للغاية


انا سيارتي رقم واحد مافية اي مشكلة اذا اذا فصلت مانع الانزلاق بواسطة زر الفصل


اما اذا فصلت الواير من داخل المكينة اعتقد البريك يكون ضعيف عندك ومايمسك معاك 100%



القناص (http://www.mekshat.com/vb/member.php?u=79)


جزاك الله خير اخوي



vxr99 (http://www.mekshat.com/vb/member.php?u=53760)



مرحبا والله وحياك وعلى العين والراس


ياطويل العمر ماعتقد بتحصل بسعر مناسب


واهم سبب السعر


ال fj عندكم ارخص من عدنا ب 10 الاف ريال انا ماخذ سيارتي ب 121 الف وهية نفسها عندكم ب 110 الف ريال


ف اذا لقيت مستعملة في بوظبي بتكون بسعر الجديدة عندكم


المهم انت تعال بوظبي خالنا نفرح بشوفتك وملقاك ياطويل العمر


برسل لك رقمي علىالخاص اذا بخاطرك شي




ابوعزيزm (http://www.mekshat.com/vb/member.php?u=19280)


الله يستر عليك دنيا واخرة ياطويل العمر

اذا جيت ان شاء الله الرياض بنمر عليك نتقهوي في بيت الطين

الله يجعلة بيت مبروك ويحفظ هلة من كل سوء
أبو مها
24/12/2007, 12:50 PM
اخوي سعد انا جربت الطريقة اكثر من مرة على سيارت اخوي
ولكن للأسف لم تنجح
vxr99
24/12/2007, 06:56 PM
جعلك سالم اخوي سعيد وجعل والديك الجنه ياليت واتعرف على هالوجه الطيب اخوي سعيد وهاذا ايميلي اذا توصي شي اجيبه معاي aaaa5555aaaa@gmail.com
so so
24/12/2007, 07:08 PM
مشكوور اخوي
SAL
19/01/2008, 12:30 PM
جزاك الله خير
بس سؤال هل
يفصل الair bag بعد؟؟؟ اذا فصلت الصوت
لأن مره رحت للوكاله عشان يفصلونه لي قال لي انه بيفصل عليك ال air bag
ومشكور

SAL
SAL
26/01/2008, 08:16 AM
حاولت اسويها ماظبطت
aziz2727
19/02/2008, 09:28 AM
بارك الله فيك يالغالي
حقيقه واحد من ربعي معه fj ومتبهذل من صور حزام الامان وقالي شفلي حل قلتله من موقع مكشات بشوفلك فيه مواضيع عن fj
طبعاً اخوك طبع الطريقة وابعطهيا . وتسلم يالغالي
ظبي
19/02/2008, 11:49 AM
الحقيقه فصلت اليوم اخوي سعيد
ارتحت الله يعافيك
وشكرا
ww4ss
19/02/2008, 12:55 PM
اخي الحبيب والعزيز s3ed اشكرك لك نظريتك ومشاركتك وعذرا اخي الغالي فعندي طريقه افضل واسهل من هذه الطريقه التي ذكرتها وذلك لصعوبة تطبيقها في كل مره ودوخة راس فاليك طريقتي بهذه المشاركه وتعتبر حل جذري وسلس جدا وتفضل بالدخول على هذه المشاركة وستجد مايسرك انشاء الله تعالى
افضل طريقه عشان تفتك من صوت انذارحزام الامانFJ Cruiser ‏ (http://mekshat.com/vb/showthread.php?t=125850)
جامح 998
16/04/2008, 11:31 PM
يا اخوان في قطعه على شكل مثلث موجوده جوا اللاف جي تجي مفكوكه شد بلد وش هذي القطعه ووين اركبها
مشار حايل
18/04/2008, 06:27 PM
أنا حصلت أفضل طريقة لاختفاء صوت المنبة الخاص بالحزام

بالنسبة لقائد السيارة إذا كان لوحده يربط الحزام ،، وإذا ركب معه أحد قدام يلزمه بربط الحزام ، وذلك لضمان الأمان له وللراكب معه بإذن الله

تحياتي
صلوحي حبي
25/01/2010, 08:44 AM
اخ s3ed
انا معي fj 2010 وما زبطت معي صوت حزام الامان سويتها كثير وش الحل ازعجني حييييييييل الصوت ؟؟؟؟؟؟؟؟؟؟؟
ولك جزيل الشكر ،،،
رحاااااال
13/02/2010, 01:30 PM
الله يعطيك العافية
الهواوي_1
13/02/2010, 10:42 PM
سلام عليكم جميعا ...........يوجد قطعه تباع عند محلات العليان مخصصه لهالشغله ورخيصه
....شقران....
26/02/2010, 09:13 PM
يعطيك العافيه ماقصرت
رفيع المقآم
26/02/2010, 09:25 PM
والله مافهمت الشرح لكن مشكوووووووووووووووور
f 16
01/04/2010, 02:32 PM
مسوي الطريقة وضبطت فترة ورجعت والحين ابسويه عيت تضبط
بالعربي الصوت بك بك الله لايعوق بشر الحين او بعد حين
عابرسبيل2020
03/02/2012, 09:45 PM
الله يوفقك ..... اليوم جربتها معي الاف جي 2009 ونجحت معي الحمد لله ارتحت من الصوت المزعج مشكور اخوي ........ ولايهون الجميع
س.س.التميمي
04/02/2012, 02:22 AM
الله يعطيك العافيه علي هالفكره والله انه يقروش راس صوت الإنذار حق حزام الأمان في الاف جي
مشكور اخوي
عابرسبيل2020
11/02/2012, 07:33 PM
مشكوووووور اخوي على هالمعلومة ....... جربتها ونجحت معي