فايروخ 75

[abusara2006]

السلام عليكم ورحمة الله وبركاته
يشرفني تواجدي معكم في منتدى مكشات الكبير


اشتريت سكتون فايروخ 75 من الرميح وش رايكم فيها واللي عنده مزاياها و مواصفاتها لايبخل علينا وله منا دعواتنا.... الغريب في امر هالسكتون انها مصنعة خصيصاً لسعودية لأني بحثت و لفترة طويلة في الشبكة وماوجدت اي معلومة عنها وراسلت ايميل لشركة فايروخ وردوا لي بأنها مصنعه خصيصاً للمصنع السعودي للأعلام اللي هو الرميح وانها غير مدرجة في النت ولا في قاعدة معلوماتهم ولا في اي كتلوج.... ادرجت كذا موضوع في كذا منتدى اجنبي متخصص في البنادق الهوائية وكلهم ردوا بأنهم مايعرفون اي شي عن هالسكتون.....
عندي مشكلة بسيطه مع البندق هي جديدة واحياناً الصوت يطلع قوي واحيناً خفيف وش السالفة؟

[abusara2006]

غريبة ماهيب عوايدكم ياالنشامى معقولة من الصباح ولا رد الى الان وش السالفة اول مرة تسمعون عن هاالصتمه !!!

عموماً الله يعطيكم العافية في انتظار رد من احد الخبراء ومشكورين مقدماً

[abusara2006]

ولا رد الموضوع له شهر جزاكم الله خير

[وسيـع البـنايد]

يـبي يجـون الشباب ويعطونك العـلم ..

وانا ماعـندي خبرة فيها ولا أقدر أحكم من اللي سمعت عنها .. لازم يجيـك مجرب وخـبير

[abusara2006]

معقولة يااخوان مافيه احد قد اشتراها اوجربها بديت اكره هالبندق مجحودة

[مطحن]

السلام عليكم ورحمة الله وبركاته

الـ 75 ... اسطورة الدقة,,, لا صوت لا اهتزاز

يعيبة طريقة التعبئة، ثقيلة بالحيل، ما يصلحها اي واحد،قوتها نفس قوة الـ 27 بالظبط، السعر عالي جدا (كانت بـ 3000 ريال) <<< المعلومة هذي قديمة ما ادري عنه الان

اعرف مجموعه ما يتصيدون دخل الا به، وواحد من العيال صاد به رهوه، بغى ينهبل يوم طاحت ... لكنه وفق ان الضربه جت في مقتل والا البندق ضعيفه جدا على الرهو

الله يطعمك من خيره ويكفيك شره

اخوك عبدالرحمن

[abusara2006]

السلام عليكم ورحمة الله وبركاته

الـ 75 ... اسطورة الدقة,,, لا صوت لا اهتزاز

يعيبة طريقة التعبئة، ثقيلة بالحيل، ما يصلحها اي واحد،قوتها نفس قوة الـ 27 بالظبط، السعر عالي جدا (كانت بـ 3000 ريال) <<< المعلومة هذي قديمة ما ادري عنه الان

اعرف مجموعه ما يتصيدون دخل الا به، وواحد من العيال صاد به رهوه، بغى ينهبل يوم طاحت ... لكنه وفق ان الضربه جت في مقتل والا البندق ضعيفه جدا على الرهو

الله يطعمك من خيره ويكفيك شره

اخوك عبدالرحمن

اخي الكريم عبدالرحمن اشكرك على تجاوبك معي وإفادتي عن هاالبندق وفعلاً من خلال تجربتي لها امس وقبله اكتشفت انها حقت طيور صغار لأنها ماتطرح الا اذا اصبت في مقتل والغريب انها ومن نفس المسافة تقريباً وفي نفس مكان الاصابة تقريباً مع الطير الصغير تطرحة بسهولة وتأثيرالاصابة كبير عليه مثال لما تصوب على الراس تروح لطير تلقى جزء كبير من راسه راح ولما تضربه في مكان ثاني شوي ويقطعة اما من ناحية دقيقة فهي تحسسك انك بواردي بس مشكلتها ماتروح بعيد ضعيفة
اخوي عبدالرحمن وبقية الاعضاء ارجوا المشاركة ودي اشتري بندق اقوى وش تنصحني او تنصحوني ؟ ابغى شي يطرح الحمام والحجل بسهولة يعني مافيني اطارد ورى الطير من مزرعة لمزرعة بعد ما اهدفة او اصوبه وما استفيد منه مايجوز اعتقد.

الله يجزاك خير اخوي عبدالرحمن
و الله لا يحرمك الاجر

اخوك ابو سارة

[مطحن]

السلام عليكم ورحمة الله

سؤال مهم ....... قروشك واجد؟

اسال عند الرميح عن بندقيه انقليزية ... سرعة الانطلاق نفس سرعة انطلاق فشقة الخرازة (1200 م/ث)... بدون اهتزاز ... لكنه غاليه جدا ... سعرها 10000 (عشرة الاف ريال) وضمانها حسب علمي 50 سنة

اخوك عبدالرحمن

[خشف.]

ان شاء الله ما يقصرون اعضاء الخيمه....

[abusara2006]

السلام عليكم ورحمة الله

سؤال مهم ....... قروشك واجد؟

اسال عند الرميح عن بندقيه انقليزية ... سرعة الانطلاق نفس سرعة انطلاق فشقة الخرازة (1200 م/ث)... بدون اهتزاز ... لكنه غاليه جدا ... سعرها 10000 (عشرة الاف ريال) وضمانها حسب علمي 50 سنة

اخوك عبدالرحمن


حياك اخوي عبدالرحمن

حدي طال عمرك 1500 الى 1800 وتخب على سكتون

جزاك الله خير وماقصرت

[مطحن]

السلام عليكم ورحمة الله وبركاته

مالك الا الـ 80 فايروخ مقاس 4.5 (300 م/ث) دوا للصغير والكبير من الطيور.... واحذر من الـ85 تراه نفس قوة الـ80 بالظبط الا ان سبرنقها اطول وانحف وهذا اللي يخليه ينكسر بسرعه

[abusara2006]

جزاك الله خير وماقصرت اخوي عبدالرحمن

[القناص 3626]

فايرخ 80 قيمتها 1400 عند الرميح افضل شي جربته بس ما تصلح لدخل لانها تقطعه حت حته :d :d

[Shadw]

يا حبيبي لا تاخذ لا فايروخ ولا قامو وتضيع فلوسك على الفاضي

عليك بالتركيه سرعة الطلقه 380 متر بالثانيه وتركب عليها مناظير الخرازه وفيها مثبت وطريقة التعشيق بالأصبع والنيشان تشوف الطير الي بعده 100 متر يصير 10 كيلو

وضربتها قاتله حيل وذبحت فيها حصني وكلب وماجربتها على الطيور لانها توها جديده :D

كل هذا وسعره 50 دينار (500ريال سعودي) ومعاها ترخيص فوري يا بلااااااااااااااااااااااااااش

وتفضل هذا الموقع
http://www.hatsan.com.tr/new_airguns_torpedo_155.asp

[ابوفهيدان]

اخوي Shadw وين احصلها اللي تقوها ولاتهون
انا اول مرة ادري ان فيه صناعة تركية

[مطحن]

السلام عليكم ورحمة الله وبركاته

الاخ abosara2006 وجب علي تصحيح المعلومة... كنت اتكلم عن الديانا 75 وجميع الوصف السابق عن الديانا ... اما الـ 75 فايروخ فانا اعتذر منك بشدة ... لا اعلم احد جربها...

اخوك عبدالرحمن

[مخاوي قناص]

السلام عليكم صبحكم الله بالخير جميع اول مره اسمع بها صراحه ولاكن الالماني ممتاز بس ونااخوك الواحد لايجرب الا المجرب 80 سلملي عليها عيبها الوحيد ثقلها وعندي وحده غثتني بثقلها ولا رميها ممتااااااااازز اخوك مخاوي قناص

[Shadw]

اولا السلام عليكم جميعا

ثانيا اعذروني عن الانقطاع وذلك بسبب الاجازه

والبنادق الهوائيه التركيه توها تطلع على ذمة راعي المحل ويقول انها قويه ولكن تحتاج الى عافيه لحملها وكسره السبطانه لتفشيق ..

والبندق موجوده عند محل القناص الكويت واليوم توني شاري دربيل خرازه ومركبها عليه مشاء الله وتوني ضاربلي كلب مسعور ذبح من حلالنا يبيه حول خمس دقايق حتى يموت اذا

[الرّمااااي]

اخوي shadwa ياليت تفيدني عن حجم الصجم ومبروك علي البندق الجديد

[salehzahrani]

السلام عليكم

انا يا اخواني مجرب الديانا 27 وعندي الحين جامو الأسبانيه "هنتر 1250" سرعة طلقتها 1250 قدم/ث يعني بقوة الناري بس معي من زمان و يبي لها ترميم الحين ماعاد تخرق قاعدة علبة بيبسي بس مره وديتها عند واحد يصلحا ورما بها على حديده عنده يجرب فيها البنادق وماشاء الله خرقتها والرجال انهبل يقول اول مره هوائي يخرق هالصاجه والله العالم انه صقعها بعين "استغفر الله ما اظلم الرجال يمكن واحد غيره" بس من ذاك اليوم والخرابات متواليه لكن من ناحية القوه مايحتاج والله وخدمة وكيلها ممتاز ويأمنون لك جميع القطع ورخيصه يعني انا لاقي الجلده والسبرنق بـ70 ريال فقط والنيشان بـ70، طبعا انا ركبت عليها منظار وماكمل اسبوعين وتكسر القاعده ماكانت تمام، من قوتها ما شاء الله تطلع المنظار من القاعده ومره سألت واحد ع اليوتيوب معه واحده مثلها قال تأكد من القواعد انها ممتازه وعلى قولته هذي مدمرة المناظير بس بصراحه لا يعلى عليها ويعيب عليها فقط الثقل وشوي قوة السبرنق لكا صدقني مررررررررره جيده واذا تبي اضافه رح موقعهم وتأكد من الموديل اللي ذكرته لك: وعلى فكره وكيلها هنا هو الرمايه تبع زيد الحسين والمحل اللي بالرياض اللي في جده مايبيع سلاح يبيع مناظير وعدة صيد بس
www.gamo.com (http://www.gamo.com)

[abo noorh]

ياخوي انا شريت فايروخ 75 والله البندق مضبوطه وصوتها عادي وقوتها وحجمها 35 الفايروخ مابه فرق ألا السعر وانا يوم رحت اشري مالقيت الا 75 ولا كان خاطري ب 35 وأخذتها ب 1600من عند الرميح الي بالزلفي وموجود كميه عنده لاني رحت آخذ التصريح ويقول عندي 5 حبات بس

[الوريكه]

اخوي فايرخ75 افضل وانصح اخواني فيها لانها افضل من ال35
35 وزنها 3.700 غرام ثقيله وال75 وزنها 3.200غرام
يعني وزن اقل وقوا من 35 اتمنى اني افتك

[لا تتعب]

عندي وحده زينة بس عيبها بعد كل رمي لازم تشد مساميرها