المساعد الشخصي الرقمي

مشاهدة النسخة كاملة : سوال لاهل الرياض ارجو منكم الافاده !!


Mr.3BDULMAJED
30/11/2007, 11:29 AM
السلام عليكم ورحمة الله وبركاته

كيف حال الكشاته .. ؟

في البداية خلوني اشكركم على ما تقدمونه في منتديات مكشات الذي طالما بحثت في جميع مواقع الانترنت ما استفتدت كثر ما حصلت الفائده هنا !!

حبيت اسال اهل الرياض وكشاته اهل الرياض .. عن المخيمات الي تأجر في الثمامه اين مكانها . ؟

وهل هي مكتمله من جميع الحاجيات ..

وكم توصل اسعارهااا ؟

اخوكم من سكان مدينة الدمام :D وحبيت اطلع انا والشباب للرياض الاسبوع القادم نقضي يوم وتكون رحلتنا للرياض في احدى المخيمات ;) حول الثمامة

ارجو منكم الافاده :j


واشكركم على ما تقدمونه في هذا المنتدى
عبد المجيد
30/11/2007, 01:09 PM
أخوي المقناص فيه المخيمات الي بعد تفتيش خزام راح يجيك مخيمات على يمينك للتأجير وطبعا هذي مشرفه عليها الدوله لأن تنظيمها مختلف عن الباقيات وعليها حراسه وغيره
لكن انا انصحك تتعدى التفتيش بعشره كيلو تقريبا راح تجيك مخيمات خاصه للإيجار حلوه ونظيفه وهاديه نوعا ما
سنبل
30/11/2007, 01:17 PM
حياك الله يااخوي المقناص
احب اضيف على اخوي عبدالمجيد
اسمها منتزة الثمامة البري
وفيها قسمين رجال ونساء
تؤجر تقريبا 1100 ريال
وتجي بالسلامة ان شاءالله
تحياتي
Mr.3BDULMAJED
30/11/2007, 02:07 PM
مشكورين وما قصرتو ... كفيتو ووفيتو اخواني

رااح اوصي وااحد من ربعي من اهل الرياض يمرهم اليوم .. ويشووف كيف وضعهن

والف شكر مره ثانية على حرصكم وسرعة تجاوبكم مع الموضوع
شبح الصحراء
30/11/2007, 02:08 PM
وليش تاخذون مخيم؟؟ خوذوا معاكم خيمة ايجار وحددوا أي مكان يعجبكم بالثمامة وطقوا خيمتكم فيه ارخص لكم من المخيمات وأونس لكم تقدرون تاخذون راحتكم فيها .
المخيمات الإيجار هذي ياخذها بالعادة ناس عندهم مناسبات أو مجموعة عوائل يسوون فيها جمعة عائلية بينما انتم شباب ما تناسبكم مثل هذي المخيمات .
شقران نجد
30/11/2007, 02:17 PM
وليش تاخذون مخيم؟؟ خوذوا معاكم خيمة ايجار وحددوا أي مكان يعجبكم بالثمامة وطقوا خيمتكم فيه ارخص لكم من المخيمات وأونس لكم تقدرون تاخذون راحتكم فيها .
المخيمات الإيجار هذي ياخذها بالعادة ناس عندهم مناسبات أو مجموعة عوائل يسوون فيها جمعة عائلية بينما انتم شباب ما تناسبكم مثل هذي المخيمات .


بالظبط المخيمات اخوي فيها حكره ورسميه واقصد اللي هي منتزهات رسميه
دغيم1
30/11/2007, 02:26 PM
السلام عليكم
حياك الله أخي الكريم
بالنسبة للمخيمات .
هناك بدائل كثيرة وحلول مناسبة
منتزه الثمامة البري جيد وجميل ولكن لايصلح للشباب وذلك لبعده عن الخدمات العامة وكذلك للرياض
ولإرتفاع سعر الإيجار هناك
ولكن هناك مخيمات على طعوس الثمامة يمكن إستئجار مخيم صغير بقيمة أقل بكثير من منتزه الثمامة البري
كما يوجد على طريق مابين دوار العويضة ومزرعة خزام مخيمات ويمكن إستئجار خيمة هناك بكافة أغراضها من أحد المحلات المتواجدة بالقرب من المنطقة على طريق الثمامة
تمنياتي لك بالسلامة
تقبل تحياتي
ابو سلافه
30/11/2007, 04:23 PM
بس الظاهر الحـــين الثمامه يقولون مسكره وعليها شبوك ..
يقولون بيحطون منتزهات وأشياء ..,, ما أدري كل الثمامة أو بس جزء..,,