الغش واضح يا حطاب قال من العمال .... [الأرشيف]

مشاهدة النسخة كاملة : الغش واضح يا حطاب قال من العمال ....

راعي الفورت

30/11/2007, 03:02 PM

خرجت من العمل في الأسبوع المنصرم
وشاهدت ذاك الهايلوكس المحمل بجلاميد السمر
وقطع كبار ما عندك باحسن منها

أشرت للرجال ووقف ..

سألته بكم الحطب يالطيب ؟

قال : سِم ( من السوم ) .

قلت حلالك وانت ابخص عطنا علم وبعدين نشوف ..

قال : 500 ريال .

قلت كثير بالحيل .. ما به مراعاة ..

قال كم تقول أنت ؟

رحت أقلب الحطب وأتفرج عليه

وفجأة قزيت ( نظرت من مكان ضيق )

إلى طريقة الرص ( صف الحطب )

وإذا به مرفوع من تحت بحركة فنيه بحيث يرتفع الكوم

ويغريك بأن السيارة مليانة بالحيل ( الله المستعان )

قلت للرجال : ليش الغش كذا رافعين الحطب ؟

قال : هذاولا العمال الله يهديم .

سبحان الله

نصيحة
لكل من أراد أن يشتري الحطب
أن يتأكد من عملية الغش هذه .
وكذلك تتأكد إن الحطب نوع واحد وهو سمر مثلا لا يكون محطوط معه خشب من حق الشوارع أو أنواع ثانية رديئة .

الله يهديكم يا عمال تغشون وأنتم هالكبر .

winchester

30/11/2007, 03:17 PM

عاشق VXR

30/11/2007, 03:29 PM

ما نقول الا ((( حسبنا الله ونعم الوكيل )))
مشكور على التنبيه يا غالي ...

راعي الفورت

30/11/2007, 10:06 PM

حركـات المشكه ماعنده مانع يأكل حراام

عندك مثلاً صفات الغنم تلقى بعض أهل الاغنام حاط الغنم بصندوق الددسن من شافهن من بعيد يقول وش هالغنم وش هالزين تظن أنهن كبـار لكن للأسف أعمارهن على ثلاث شهور وأربعه شهور وش يسوون يحطون بصندوق الددسن تراب (بغير هالوجيه) علشان يرفع الغنم ليظن الشاري أنها كبيره وهي العكس

دمـت بود

تسلم على مرورك أخي العزيز

وفعلا هناك للأسف عند الكثيرين أيضا الاعتماد على العمالة الوافده

في عمليات الرص والتصليح مما قد يعرض البضاعة للغش

الله المستعان

الله المستعان

الجاسوس

30/11/2007, 10:12 PM

الغش منتشر في كل شيء ...

نصيحه للي بيشتري حطب انه يشرط على صاحب الحط انه اذا ماهو مرصوص مثل الي فوق برجعه وحساب العمال عليك ... واذا جاء معك للبيت انت الي وقف مع العمال وانتبه للستبنه ( الكفر ) وانتبه لبعض العيدان يحطه بالعرض واذا شفت منها شيء على طول رجعه ولا تعطيه فرصه يكلمك ادخل للبيت وخله يتفاهم مع العمال

مارشال

30/11/2007, 10:21 PM

اقول اخوي راعي الفورت

سالفتك تهون الف مره عند سالفتي......
مره لقيت راعي هايلكس محمل حطب سمر وقلت له بكم قال ب 500 ريال قلت له شريت
بس الحقني للموقع
يوم قمنا بتنزيل الحطب في الموقع المطلوب
تفاجأت بأن راعي الحطب ............ ؟؟؟؟؟؟؟؟؟ !!!!!!!!!!!
حاط في الصندوق رمل بأرتفاع 10 سم تقريبا ومغطيه بشراع ابيض
قلت له وش هذا قال ابد هذا من زمان في السيارة وقام يخربط
قلت له الله لا يهينك شل حطبك ما ابي اشتريه ....... يالله بسرعه
المهم قام يحاول اني اشتريه المهم انه قال ابحسبه لك ب 400 ريال
قلت له خلاص لكن المسألة ذمه ....... كيف قلبك يسمح انك تغش الناس

وللأسف انه سعودي ............. يعني ابن بلد

برق4

30/11/2007, 10:46 PM

اسئل الله ان يهديهم سبحان الله على هاللي يعلم ان فعله حرام ومع ذلك يصر على الحرام

LOGAMALOGA

30/11/2007, 11:01 PM

خرجت من العمل في الأسبوع المنصرم

وشاهدت ذاك الهايلوكس المحمل بجلاميد السمر
وقطع كبار ما عندك باحسن منها

أشرت للرجال ووقف ..

سألته بكم الحطب يالطيب ؟

قال : سِم ( من السوم ) .

قلت حلالك وانت ابخص عطنا علم وبعدين نشوف ..

قال : 500 ريال .

قلت كثير بالحيل .. ما به مراعاة ..

قال كم تقول أنت ؟

رحت أقلب الحطب وأتفرج عليه

وفجأة قزيت ( نظرت من مكان ضيق )

إلى طريقة الرص ( صف الحطب )

وإذا به مرفوع من تحت بحركة فنيه بحيث يرتفع الكوم

ويغريك بأن السيارة مليانة بالحيل ( الله المستعان )

قلت للرجال : ليش الغش كذا رافعين الحطب ؟

قال : هذاولا العمال الله يهديم .

سبحان الله

نصيحة
لكل من أراد أن يشتري الحطب
أن يتأكد من عملية الغش هذه .
وكذلك تتأكد إن الحطب نوع واحد وهو سمر مثلا لا يكون محطوط معه خشب من حق الشوارع أو أنواع ثانية رديئة .

الله يهديكم يا عمال تغشون وأنتم هالكبر .

بيض الله وجهك على النصيحة الطيبة

والله يهدي العمال...;)

وهذي هديه لك مني
http://www.mekshat.com/pix/upload02/images55/mk39966_29112007382j.jpg

راعي الفورت

30/11/2007, 11:02 PM

الاخوان الأفاضل

عاشق VXR
ما نقول الا ((( حسبنا الله ونعم الوكيل )))
مشكور على التنبيه يا غالي ... بارك الله فيك وشكرا لمرورك

الجاسوس : الغش منتشر في كل شيء ...

نصيحه للي بيشتري حطب انه يشرط على صاحب الحط انه اذا ماهو مرصوص مثل الي فوق برجعه وحساب العمال عليك ... واذا جاء معك للبيت انت الي وقف مع العمال وانتبه للستبنه ( الكفر ) وانتبه لبعض العيدان يحطه بالعرض واذا شفت منها شيء على طول رجعه ولا تعطيه فرصه يكلمك ادخل للبيت وخله يتفاهم مع العمال
ما شاء الله عليك نسيت الاستبنه فعلا حركة خبيثة لبعضهم سامحه الله .

مارشال : اقول اخوي راعي الفورت

سالفتك تهون الف مره عند سالفتي......
مره لقيت راعي هايلكس محمل حطب سمر وقلت له بكم قال ب 500 ريال قلت له شريت
بس الحقني للموقع
يوم قمنا بتنزيل الحطب في الموقع المطلوب
تفاجأت بأن راعي الحطب ............ ؟؟؟؟؟؟؟؟؟ !!!!!!!!!!!
حاط في الصندوق رمل بأرتفاع 10 سم تقريبا ومغطيه بشراع ابيض
قلت له وش هذا قال ابد هذا من زمان في السيارة وقام يخربط
قلت له الله لا يهينك شل حطبك ما ابي اشتريه ....... يالله بسرعه
المهم قام يحاول اني اشتريه المهم انه قال ابحسبه لك ب 400 ريال
قلت له خلاص لكن المسألة ذمه ....... كيف قلبك يسمح انك تغش الناس

وللأسف انه سعودي ............. يعني ابن بلد الله المستعان احتراف وفن ولكن الذمه ( نعال ) عند بعضهم هداهم الله ....

برق4

اسئل الله ان يهديهم سبحان الله على هاللي يعلم ان فعله حرام ومع ذلك يصر على الحرام
آمين آمين

شكرا لكم جميعا

ا لطرقي

01/12/2007, 01:11 AM

اسئل الله ان يهديهم سبحان الله على هاللي يعلم ان فعله حرام ومع ذلك يصر على الحرام

راعي الفورت

01/12/2007, 06:17 AM

أخي الحبيب LOGAMALOGA مشكور على الهدية ونفتخر به ( الفورت فورت ولو ذابت رافرفه )

شاكر لمرورك

http://www.mekshat.com/pix/upload02/images55/mk39966_29112007382j.jpg

.................

هلا با ا لطرقي ويسعدنا مرورك وتعليقك اللطيف

السيف الحدب

01/12/2007, 04:48 PM

اعتقد اني وقعت في الفخ

الحمله اول ماشتريتها ياسلام تملى العين

طالعه فوق التندة

ولما نزلوها واذا بها قليلة جدا ولا أعرف ايش اللي سووه بالتحديد

لاني اشتريت الحطب في الليل والليل الصراحه مب زين الشرا فيه

لانك ماتشوف الحطب وهذي غلطه مني

ولما نزلوه كان وقت صلاة وغلطت غلطه ثانية قلت للعمال

اذا نزلتوه روحو في سبيلكم وفعلا لما رديت من الصلاة

حصلتهم نزلوه ومشو لكن وجدت الحطب مب الحطب اللي ملا عييني

قبل شوي واعجبني ماعرف ايش اللي صار وهذي غلطات

لازم يتعلم منها اللي بيشتري حطب في المستقبل

يفحص الحطب زين

يشترط على البائع

عند تنزيل الحطب يراقب العمال ويراقب طريقة رص الحطب

ماتروح السيارة الى وهو شايف حوض السيارة هل بقي حطب ام لا

وهل فيه استبنه او لا

والأمر لله من قبل ومن بعد

قناص الوعول

01/12/2007, 10:45 PM

شحنه هايلكس بسيطه بالمقارنه بشحنة العايدي او السكس المشكله انك ما تقدر تشوف داخل صندوق العايدي اذا هو مرصوص او مرفع المهم
مره شريت عايدي سمر واشوف من برى ذيك الشلايخ الكبيره المرصوصه من فوق و في خلف العايدي قلت لراعي العايدي العايدي مرصوص قال مرصوص قلت كم سيم قال سيم بخمسه الاف ريال قلت له 5500 بعتك قلت له الحقني للبيت رحنا للبيت ورحت وجبت عمال وقعدو ينزلون الحطب واذا راعي العايدي حاط تحت الحطب شجر كامل بفروعه وعروق وبعد التنزيل صار كثر الحطب كثر شحنه الدنه تخيل من شحنه عايدي كبيره الى كثر شحنه دنه والله قهر وانا اقول لعمال يا الله ردو الحطب للعايدي والبدوي يعصب ليش كذا قلت له انت مرقع الحطب وغشيت نفسك والناس وطلعت من هاذي البيعه بيوميه العمال قال لي خذه 3500 ريال وانا اصارحه طابت نفسي منه هو وحطبه وقالت له توكل على الله ما ابي حطبك

غواص الشمال

15/12/2007, 03:36 AM

http://asas123.jeeran.com/جزاك-الله-يااخي.gif

سيد النشاما..

18/12/2007, 08:13 AM

ياكثر من يسوي هالحركات ذى الأيام

الله يهديهم .,,..,..,.,

راعي الفورت يعطيك العافية أخوي ولاهنت

قسوره2006

18/12/2007, 08:36 AM

اخي راعي الفورت

ولا يصير خاطرك الا طيب

اعرفلك رجال يبيع بيع على النيه

تعال وحمل حطب سمر مبروم دقاق ملي صدنوق الغمارتين حملها بيدك حتى تملي الصنوق حد التنده وصفها انت عود عود سمر مبه شي مشورك شرط وهات 700 ريال

او مشكل فيها دقاق وفيها جلال اعني اكبر من الدقاق شي جبر شكل انت خذ جبر وخذ وسط وخذ صغار حتى تملي صندوق غمارتين حد التنده وصفه انت بيدك 850

والشي الجبر مره وشي يشرح الخاطر والموتر يطيح على الارض امله انت بيدك صفه صح

ومقطع على طلبك 1300

جب موترك انت ولا احسب التوصيل قريب زيده 50 بعيد 100

مرفــأ

19/12/2007, 06:00 AM

حسبنا الله ونعم الوكيل

كيف يرضون بالمال الحرام!

نمر بن حثلين

19/12/2007, 07:33 PM

مخاوي الذيابه

20/12/2007, 01:00 AM

حسبنا الله ونعم الوكيل ...

الشكوى لله وش نسوي ؟؟؟

قسوره2006

20/12/2007, 04:22 AM

يا رجال وش لكم بالمواتر وغثاهن
يخلطون مع الحطب ويغشون بالصف
والادهى والامر ينصبون بالسومات

تلقا راعي الموتر يهز لحاله من الصبح والا سئلته قال تسام بالمبلغ الفلاني !
طيب وين راعي السومه وانت ما حولك احد ؟

انا من كم سنه فاك روحي
قبل يدخل الشتا اروح سوق الحطب واشيل من الاكوام المشلقه والمقصصه الي من العام
واضمن حطبي انه نوع واحد ويابس وعلى نظرك كله ماهنا شي متغبي

صحيح يطلع اغلى شوي لكن اضمن وافتك من تدوير عمال يقصصونه

نعم كلام سليم بس ياليت قومي يعلمون يا اخي نمر بن حثلين

ليت الناس تعي كلامك الواعي والمفهوم الصحيح الذي اوافقك الراي

اشتر شي على نضرك وبأختيرك وعلى ذوقك وطلبك وافلوسك تخدمك وخل عنك الي تقول فيه رخيص

وفي الاخر يحط لك تحت دقاق وفوق شلايخ من شافه قال يا سلم واذا شريته منه ونزله لك شوي وتضارب معه

خذها نصيحه مثل ما اقول لك وما قال اخي نمر

والي يبي يشري على نضره حياه الله يراسلني ويبشر بالخير بس السعر مافيه مجامل ولا مفاصل والله يرزق الجميع ويرزقنا على قدر النيه

وما اقول غير حسبنا الله ونعم الوكيل

وكل عام وانتم بخير

وشكرموصول للحميع

العودالازرق

20/12/2007, 10:09 AM

أما أنا أقول هناك ناس احترفوا الغش خاصة في سوق الغنم وسوق الحطب عمري
ما شريت ومدحت من شريت منه دايم الغش موجود واخرها هذا العيد
قي سوق الغنم شريت نجدي 1200 ريال وما غبت إلا 4 دقائق احضر فيها السيارة
إلا وذاك السوداني قام بلمح البصر وبدل الخروف .
رحت للبيت إلا الوالد مشاء الله عليه قال ما تشوف هذا الطلع في خد الخروف
قلت : لا ؟؟؟ والله كلام الوالد صدق طار راسي ورجع للسوق حتى وصلت للسوداني
قلت أشوقك ناوي شر اليوم قال ليه قلت الحين تقوم وتبدل الخروف يالي ما تخاف الله
قال لا وحاول يتملص لكن كان معي واحد باين أنه من أهل القصيم وناوي شر
قال يازول خلك عاقل وخلنا نصوم المهم الزول حاول يصلح الغلط ويثبت حسن نيته
عشان الزبائن الواقفه قال اختار الي تبغاه طمر القصيمي وقال خذ هذا وعلى مسئوليتي
المهم الزول شكل وجهه وراح عليه الخروق قيمته 1350ريال

قلت جزاه ما جاه .
والحذر من أهل سوق الغنم ؟؟

هوى الشرق

30/12/2007, 08:02 AM

موضوع جميل يعطيك العافية

خوي السرور

30/12/2007, 08:19 AM

صحيح الغش موجود لاكن لانعمم فيه ناس تبيع بكل امانة وصدق

وهناك اناس مصدر رزقهم وقوت اطفالهم على الله ثم البيع والشراء فلا نشوه سمعتهم ونتسبب بأبعاد الناس عنهم

نبع الدموع

30/12/2007, 08:23 AM

يعطيك الف عافية على هالنصيحة. الغش هالايام صاير بكل شئ و الله المستعان.