شروط فتح التصاريح للمخيمات منطقة العاذرية والثمامه

[فهووودي 7991]

السلام عليكم ورحمة الله وبركاته


شروط تخييم في منطقة العاذرية :-


1 - صوره من بطاقة الأحوال


2 - معروض تكتب فيه ارغب في التخيم في منطقة العاذرية ( انت واسلوبك في الصيغة المعروض )


(( مكان تقديم الأوراق عند مركز البحث حقين الحرس الوطني الي عند دخلت مخيم عبدالعزيز بن فهد على ردميت العاذرية تحصل خيمه وجيوب ربع باترول لونها ابيض تعطيهم الأوراق ويطلع معاك واحد يشوف موقعك ويقولك ابدا في التخيم ))


ملاحظه فاتحين التصاريح على آخر رمضان


= = = = = = = = = = =


شروط تخييم في منطقة الثمامه :-


1 - تعريف من العمل موجه الى مدير شرطه الثمامه


2 - صوره من بطاقة الأحوال


3 - صوره كروكي للموقع


4 - صوره من اقامه الحارس ( انا حاط صوره سواقنا )


5 - تخرم كل الأوراق وتحطها في ملف علاق


فيه 3 اوراق توقع عليها فيها في القسم وهم يرفقونها في الملف ومن ضمن الأوراق مواصفات لوحة التصريح


تقدم الملف للمركز طبعن تجي بعد الساعه 9 صباحاً يكون افضل وقت لك انت وحظك يطلع مع عسكري ولا يحدد لك يوم يطلع معك وتوريه الموقع هو يقولك الموقع مصروف ولا لا اذا لا بيعطيك رقم وانت تصلح لوحه وتحطها في الموقع الي مختاره وتبدا في التخييم


(( تصاريح منطقة الثمامه تقدم طلب عند مركز شرطة الثمامه ))


ملاحظه فاتحين تصاريح من 7/11/1428هـ
= = = = = = =


الكلام الي طلع انه فيه دفع فلوس وفيه وفيه وفيه كله كلام اشاعه انا طاق المخيم لي اسبوعين في الثمامه ولا ريال دفعت نفس الشروط السنين الي راحت وفترة التخيم الى شهر 5/1429هـ وتشيل مخيم انا موقع على تعهد


ارجو اني وفرت عليكم الطلبات الي يبي يطق مخيم واي شي تستفسرون انا حاضر