كيف تختار اخويا البر

[ابو الشمقمق]

بسم الله الرحمن الرحيم
السلام عليكم ورحمة الله وبركاته وبعد
المكرمون أعضاء المنتدى الغالي مكشات كيف حالكم


الكتاب بين من عنوانه
كيف تختارون اخويا البر

بصراحة طلعنا مع ناس واجد بس قليل تلقى منهم اللي يبرد صدرك فالبر
من المواقف الكريهة اللي صارت لي بالبر ولا نسيتها
مرة كنا طالعين على جال شعيب وعطيت واحد الدلة يغسلها واخذها اب الشباب وحذفها لواحد جالس يغسل الصحون بالشعيب:mad:

وقصص كثيرة ترفع الضغط
بصراحة وانا اكتب الموضوع دخن راسي :confused: من القهر


ولكن عندي مجموعة ذهبية بصراحة يعجبونك بالحيل مع ان واحد منهم اكبر من الوالد طبع زملاء مدرسة ولكن يوسعون الخاطر رحنا لابها والطايف ولباحة بصراحة ذيابة
شغل ووناسة وسعة صدر وكرم

[جفيل]

من ناحيتي مازد طلعت طلعه الا ويصير واحدن معي مدبلن تسبدي..يابرفالته او انه عجاز اوثقيل دم

بس اسوي تصفيه يعني اجربهم في الطلعات تسانه طلع شقردي وطير بر حطيته على يمناي وتسانه طلع خايب ماعاد أطلع معه.

تحياتي..

[ماهر والمقناص]

السلام عليكم
الله يوفقكم في طلعاتكم

[المتهني]

والله يا اخي الكريم لابد ان يكونون على الدين والمله اول شي
وثانيا لابد انك مجربهم قبل يعني قد طلعت معهم طلعات قريبه والا من الصبح الى الليل
ما تسافر معهم اوتكشت لك يومين والا ثلاثه الا وانت عارفهم
ولابد ان يكونون حريصين على الصلاة والذكر وينبهون اخوياهم عند الاذكار والا عند الورد الصباحي والمسائي

امل اني قد افدتك

[قارمن]

و الله صدقت يا خيي اللي يرفع ضغطك لا صار معك واحد ما له بالبر و لا علومه و إلا يبي يشوف البر و نشب لك زي الزرار ، هذا اللي نشبه تلقاوه متبطح ولا شغل و مشغله ماغير منسدح هذا اللي يجب لك الإحباط ويخليك تديور مع أو كبري .

و الشي الثاني بعد أنا مالي خلق اللي له قفلات ما لهن داعي أذكر أكثر من مرة كشتنا مع مجموعة من الشباب و فجأة يجيك واحد تقفل معه و تصير الأخلاق نعال ، طيب ليش يقولك أبا أرجع ..!!

واااااااااوك ..
يا خي قلبت علي المواجع ،،

[الذيب المغترب]

انا عندي طريقة لاهل القفلات بالبر اذا لزم يطلع معك للبر خلة يلحقك بسيارته وانت بسيارتك مع اخوياك طيور شلوى واذا قفلة معاه قلة هذي سيارتك وبي باي يالندن بس وره الطريق زين حتى مايضيع ولا يصير لكم موضوع ثاني !!!!!!!!!!!!! تعال حلها ثقيل طينة وضايع بالبر؟؟!!؟؟؟؟

[بدنية2002]

استغرب ان الواحد مايعرف اخويااااااااااااااااااااااه

[mr guzai]

احب اطلع مع الشقرديه واحيانا نحتاج العجازه ننكت عليهم ونضحك بشرط لايكونو الأكثريه

[بارود برنو]

افضل خوه للبر 3 اشخاص مصفيهم ومجربهم ومخرب عقولهم
اطلع معاهم اخطر الامكن فالبر يعني تنام في ضلع طبعا اعشق نومة الضلع عن الوادي
عشره ذيابه يكحلن فيك ---قابلني:j المهم
ماهو بطلعه عشره اشخاص وعشره سيارات كل واحد صوته واصل عشره كيلو تهدد الحياه الفطريه بالخطر
وحلات البر وحلا الخوه الى معك
ان البر بعيده عن المدينه مهو اجلس باالبر وشوف انوار والا الخط قريب مني هذا مهو برهذا سطوح بيتنا ازين
وان الخوه الى معاك كل واحد احسن من الثاني فالدين- وفهيم فالبر - وقناص درجه اولى- والريوس مفصول عنده

وبارك الله فيكم

[ابو سمر]

صدقتم فالصديق قبل الطريق ..

المهم معرفة الصديق وأخلاقه قبل الكشتة لأن البر ليس كالمدنية يتوفر فيها كل شىء ..

شكرا لك عزيزي ..

[ابو الشمقمق]

اشكر الجميع على التفاعل الكريم وهذا طيب منكم ولكم جزيل الشكر واتمنى لكم التمتع بحياة كريمة هادئة مطمئنة مع الاهل والاحباب والابناء

[سرهيد]

السلام عليكم

مصابع يدك ما هي واحدة

ويجيك من يبل تسدبك ويسعدك بكثر مسابقة لك على الشغل ما بين شبة نار والا تنزيل عفش والا غسل وغيره

وفيه ناس لا في العير ولا في النفير

ترى هبات الريح مواهب وعطايا يعطي الله من يحبه

بس يالربع وش نسوي مع الطينة واللا ما غير يامر وينهى تقول في بيت ابوه ، وهو حتى القطة ما يقطها

[الخادم]

موضوع شيق و متشعب
فية واحد قرم و نشيط و لكن طول الرحلة ساكت
وفية واحد نشيط و هميم و لكن دائم معارض على الموقع على الطبخ على كل شئ
وفية حبيب و راعى الغاز و راعي نكت و لكن كسول جدا حطني تلقاني سولي شاهي سولي كبسة وهو متربخ عند النار
و الاعل واحد حبيب و شغيل لكن اذا طلع لزم معة واحد هو يعرفة و الباقين مايعرفونة و تلقاة علة كبد
و الاهم الرحلة رحلة حاول تكييف نفسك معها و لاتضيق صدرك و تضيق صدر الكشاتة معك

[فهد الخالدي]

انا من الناس اللي لا يمكن اشيل احد بسيارتي يعني اركب السياره لوحدي والا يبي خوتي اشرط عليه صدام بصدام يمشي وراي ويكون زاهب من العزبه مما جميعه ويوم علي ويوم عليه الطبخ وكلنا يطبخ وينظف عزبته واذا ضاق صدره مني او العكس البر وسيع وطبعا الاختيار للصحبة باعتناء واجب واختر مما يعنونك على الطاعه جربت هالطريقه حتى وقت الصيد وناجحه مليون بالميه ومريحه جربوها ما تندمون
تحياتي

[طراد 1]

كنت اكشت مع ناس يشيشون وماشوف منهم الى الاوامر ....

وقد كشت مع وآحد لو تبي تقوم تروح لسويسرآآ ...{ احم احم } حلف انه يروح يقضى الشغل بدآآلك .هههههههههههههههههههه كل شي بالحلف عنده ...اقول تبي تكشت رح مع الشيبان الله يخليهم لنا هم العارفين للوضع ...وشكرآآ

[برق سرى]

والله مايدبل كبدي غير اللي يزارقني على سواتي:no: :no: :mad: وهذا اذا زودها معي لفعته باللي بيدي
سكين حدجه جرمه اللي بيدي

ومدري عن نفسي انا وشلون خوتي ======= خبل الماخوذ

بس اللي اعرفه اني اخلاقي مع المغرب تصير زفت مدري ليه:mad:


احد يقبل يخاويني ؟؟؟؟؟

يردلي

[فهد الخالدي]

لك من اسمك نصيب والبرق خير ياتي بعده الغيث وخوتك تنشري ما تنباع تقبل اجمل تحيه

[ذيب عنيزه]

صباح الخير
انا يا واحد على قولتهم مال من نقل الدمال:mad:
ما مثل الطلعه مع أم العيال:D

[shagyteacher]

والله سوال حلو
اخوياك بس

[قلب شاهين]

موضوع رائع ومفيد ،،

أهم شي انك تخواي ناس أخلاقهم زينه ومحافظين على الصلاة ،،

انا عن نفسي عندي 3 أصناف أطلع معهم ،،

صنف يعجبونك لكن مخلين كل شي ضحك وأستهتار وبالليل كل واحد ماسكن زاوية ويرضع :):) ( يغازل )

وصنف يعجبونك وراعين طيور ووناسه بس الصلاة مو محافظين عليها واجد ما اقولك مايصلون لا يصلون لكن بعجز وبعد كم مره تقوله يالله قم توض يقول لا ابتيمم :)

والصنف الأخير الي هم عيال عمي وعمامي وطلعاتي معهم رسمية يعني مقناص 10 ايام والطلعه وأزين شي بالطلعه ان يكونون الي معك شيبان تتعلم منهم وتستفيد أشاء كثيرة ،،

والسموحه على الأطالة ،،

تقبل مروري ،،

قلب شاهين ،،

[سرهيد]

انا من الناس اللي لا يمكن اشيل احد بسيارتي يعني اركب السياره لوحدي والا يبي خوتي اشرط عليه صدام بصدام يمشي وراي ويكون زاهب من العزبه مما جميعه ويوم علي ويوم عليه الطبخ وكلنا يطبخ وينظف عزبته واذا ضاق صدره مني او العكس البر وسيع وطبعا الاختيار للصحبة باعتناء واجب واختر مما يعنونك على الطاعه جربت هالطريقه حتى وقت الصيد وناجحه مليون بالميه ومريحه جربوها ما تندمون


تحياتي



اخوي الخالدي

انا عكسك

مزهب العزبة ومزهب كل شيء بس ابيه يتكرم ويخاويني وين ما يبي وهاب الريح ما يحتاج نطلب منه اكيد بيلزم وبيحلف يكون المرة الثانية عنده

تقبل احترامي

[ami1948]

خويا البر موضوع يبدا ولا ينتهى :
ماأحد يطلع للبر إلا وهو يعرف خوياه اللى يرتاح لهم ومع ذلك خوياك ذولى يختلفون فيهم الشقردى وفيهم كثير الانتقاد ولا يشارك فى العمل وفيهم النوام وفيهم الأنانى اللى يحب كل شي لنفسه وفيهم الطمه الكبرا اللى ينحاش عند الشغل ويسوى نفسه ذكى ؛ الحاصل ماتقدر تولف لك مجموعه على كيفك 100% سدد وقارب واستمتع بالرحله .

[شطه]

اخوي الغالي .......المتعارف عليه في طلعات البر ان يقسم الشغل بينهم وكلا عارف شغله كذا احسن
وتقبل تحياتي

[ابو الشمقمق]

اشكر الجميع على التفاعل الرهييييييييييييب
لاوفيه بعض الناس تقول له يالله طلعنا قالك لكن بدون قطة آآآآآآآآآآآآآآآآآآآآآآآخ بس ليه ولدي على غفلة

[abo tamem]

الحمدلله جربت اطلع مع ناس كثيرين لا كن احسن شي تطلع مع ربع تفهمهم
ويفهمونك لاكن بشرط ما يزيدون عن خمسه


مجرد راي

[اسير الاحزان]

والله ونا اخوك الامر اكبر من اللي تتوقعه وهي مهيب هينه .اختيار اللي ترتاحله
يبيلك تخاوي اكثر من عشره وتبدأ تصفي وتنقي اللي يجوزلك واللي فاهمك
للأنك تجد بعضهم ثقيل طينه على ماقالوا الاخوان واحيانا عصبي واحيانا كسول
واحيانا بثر ويأمر على كيفه كننك اصغر عياله فقليل تجد المرح وموسع الخاطر وشقردي
وتبي تعرف تطلع من بين هؤلاء العشره او الاكثر يبيلك تطلع معهم وتسامرهم وتعرف سواليفهم
ثم تتقرر للأن الدعوه مهيب بساهل تجيك والله يوفقك وحنا والله جربنا من هذه الاشكال من الناس 00

والسلام عليكم ,

[ابوفهيدان]

المشكله لاصار يبلشك بنفعته ويسوي نفسه بطيحان
وتري حلاة الطلعه لاصار معك كم واحد منهم تراهم يضيعون الوقت عليك وتقدر تستغلهم بالترفيع عاش والله الذيب ومن ذا الحكي بس اهم شي خلهم يغسلون الصحون والقدور ويعبون المويه وتراهم يحبون الطرشات للمحطات ويفكونك منها لانقصت حاجه من العزبه

[راعي صيد.]

الي يعرف الدروب زين هو الي تاخذه معك

[فاقد تبوك]

الموضوع جدا رائع ..

على قول المثل ((الحي يحييك والميت يزيدك غبن))

أخويا البر هم الحركين والنشيطين واللي يعينونك على طاعة الله وماسواهم خلك منه

[qatar999]

موضوع مفيد شكرا لكم

[نفس السحاب]

- اكرم وانعم بالاخويا الشجعان اللي كلمتهم وحده ومايختلفون على عشرين رأي .
- امير الرحلة لازم يكون قدها وقدود ويكون هو القدوة في الرحلة .. يعني يهمني منهو اميرنا بالرحلة بعض الاخويا تفرح به وتقول كفو ونص وبالبعض الله يهديه ينكب عفشك ويورطك ويخليك بين الحيا والموت في طعس او في اقصى وادي .
- الكرم والإيثار هم اللي ابحث عنهم في طلعت الرحلات ..
- الزعول واللي يبي كلمته تمشي نادر اطلع معهم واذا طلعت معهم صرت شايل همهم لايخربون الكشته ..
- الصلاة الصلاة الصلاة ... والله انه شئ يفرح اذا سمعت الكشاته اللي جنبك يأذنون لصلاة الفجر ويقومون بعض نننننننعم الاخويا والله



وسلامتكم

[ريتاج2005]

والله أنا من وجهة نظري الإنسان الزعول أبعد عنه بطلعات البر

ينكد الطلعه كلها

[الساهر2003]

اخوي الناس اجناس وبعض الاحيان
يكون صاحبك تعرفه في الديرة وكشتات عشاء في الثمامة او على الدائري
ولما تكشت معه يوهقك بتصرفات عجيبه ويبط كبدك ويرتفع ظغطك وزودهو اللي يزعل وشو منه ماتدري
وعليك بالحبيب اللين وراعي بر ويعرف الدروب ودلولة وبارد وخفيف نفس ولو سواليفه قليلة لانه فيه ناس اذا تشتغل ما تسولف وناس ماتحب تجلس وتبطح وناس دقيقة في كل شي كنه جالس في استديو تصوير
وهبة الريح عطية من رب العالمين

[عبدالحميد الحربي]

لابد للانسان أن يختار الرفيق الصالح قبل كل شيء

ولي أنا ولله الحمد رفقاء دائمين في مجلس الكشتات

وإن خاوانا احد وما أعجبتنا خوته ماعاد نعلمه ولانكلمه للطلعات اللي بعدها بس بأدب وحسن اخلاق

فإن الناس أجناس ومن لاتعجبك خوته قد تعجب كثير غيرك ....والأمثله كثيره

[ابو الشمقمق]

الاخوة ريتاج ,نفس السحاب,الساهر , السيد عربي
اشكركم على التواصل واثراء الموضوع بحلول ممتازة لخويا البر

[فادي علي]

لا بد من ونيس وواحد ثاني يرفع الظغط وواحد بارد وواحد حار ووو.....الخ

وبعد كذا راح تزين الرحلة

بالتوفيق

[ابو الشمقمق]

نشكرالجميع على التفاعل الجم
ولكم مني وافر الاحترام

[turkey]

موضوع ممتاز
حنا شلة لنا فوق 8سنين مع بعض
عارفين بعض ندري ألى من جا المغرب هذي وقت-هضلة عنز-تقفيلة مخ فلان وأخلاقه زفت لا تهارجه:D

وهذا كسول وعجاز بس يوسع صدرك خفيف دم بس أذا قفلت معنا مسكناه مواعين الفطور والغدا تغسيل :D
وهذا راعي سوالف ويشب النار ومع قهوة المغرب يوسع صدرك بقصص آكشن :D:p مع أنه لك عليه
يعني كثير دبرهـ :mad: وتقوله الدرب يمين يقولك يسار ويغالط القارمن بعد:D
وهذا خطر يموت لو ما مسكته شغل :D وأذا مافيه شي يسويه مسكناهـ كريك يحفر بالأرض يطلع نفط:D
وواحدن بس أهم شي يولع له راس شيشة وبعدها خوي قلبك :D شغيل وونيس
يعني كلن فيه حقه ولا أحدن كامل وتلاقي الزين وتلاقي الشين من كل واحد
بس وسع صدرك وقل كلها كم يوم ونرجع ونفتك منه وخذ جانب أيجابي أنك عرفت أنه مايصلح:no2:

[راحة باال]

الصدز إنك جبتها على الجرح والخوي هو الي يزين المكان ويشرح الصدر وأهــم شي في نظري إن فكك الله من الي يقفل ( يتكرن ) فأنت بخير ولا ينفرد برأيه عن رأي المجموعة والشخص يتحمل مسؤلية إختياره للي يماشيهم ويماشونه فلا تلم أحد على تصرفه فقط بل لم نفسك إنك أنت راضي به . مــحــبــكـم

[محمد الرويس]

اهم شي في خويا البر مايكون واحد منهم نفسه ضعيفه ينكد على الباقين
مايطيع ولا يقبل الشور ولا يعجبه شي ماهوب هو اللي مقترحه

والباقي صدقني من حب البر بتحب خوته
طبعا قبل كل شي الخوي اللي يحث خويه للخير وينصح وذكر بالصلاه اشر خوته

[مسامرالقمرا]

موضوع جيد لي عودة ان الله اراد

[متعب الخليفه]

والله وانا اخووك لرجال مخابر مهي مناظر

ولزووووووووم انه الواحد تعرفه من وجهه انه راعي برررر ولا لا
والرجال ولله الحمد واجد وانت مراح تعرف الرجال الا بلسفره او في الكشته

[حامى الخبرا]

السلام عليكم ورحمت الله وبركاته.....بصراحه موضوع جميل جدا لان خوت البر موكل شخص يصلح يروح معاك لان البر يبى رجال بمعنه الكلمه لنك معرض لمواقف كثيره وتبين معدن الرجاال ,,,,,وشاعر شالح بن هدلان يقول....( أنا خوييك بليالى المعاسير ...ولا الرخا كلن يسد بمكانى )

[شلاش الدوسري]

تبي تروق خلك وحداني تريح وترتاح

[a.n]

اهم شي الواحد لا ينخدع بالرجال !!!!!!!! بالديره الله الله وبالبر يعلم الله