لمبة القناص (فكرة جديدة)

[albara]

بسم الله الرحمن الرحيم





إخواني الكرام ... السلام عليكم ورحمة الله وبركاته








لأن الحاجة تدعو البشر الى التفكير في الحلول . فقد نحتاج الي تطوير بعض الأفكار أو دمجها للحصول على أفضل الأدوات من حيث الحجم وتعدد الإستخدام وقلة التكاليف ....




الفكرة :-


دمج عصا نشيب الصيد مع لمبة المغناطيس العادية






السالفة :-





طلعنا للصيد في احد ايام السنة قبل الماضية وحصلنا والحمد لله خير , لكن يوم جا الليل وبغينا نطبخ العشاء جانا أعزكم الله حشرات والحشرات طبيعية بالبر ولكن كانت الحشرات بكميات غير طبيعية ابد , وكانت من نوع غريب , تهاجم النور وتظرب ظرب باللمبة وفي وجيهنا وفي القدر علشان نور النار لدرجة إنك ما تفتح قدرك الا ويدخل فيه خمسين مية , واعدنا حمس الكشنة 3 مرات وكل مرة تخرب ونكبها . قلنا نطق الخيمة الصغيرة الي معنا وندخل كلنا دفعة وحدة بالظلام ونقفل الخيمة ثم نشغل النور , لكن لازم نطلع بعض الأحيان علشان حاجاتنا , وفي أول فتحة للخيمة صارت تدخل لأن اللمبة قريبة من الخيمة بس اشوا شوي طبعاً إذا جا يطلع أحد نطفي النور بس هي تدخل على نور القدر لأن اللمبة جنب الباب وبسرعة يمديها تدخل , هنا أحتجنا نرفع النور مسافة عالية شوي وكانت الفكرة رفع اللمبة كم متر وهي برا الخيمة بواسطة (عصا نشيب الصيد) وبعد كم تلفيقة بالأسلاك الين طولنا اللمبة , وكانت الإضائة برا الخيمة وبعيدة وضعيفة . بس أهون شوي ,نشوف شوي لأن الخيمة بيضاء وخفيفة .






بعدها بديت أطور على الفكرة الين خرجت بالشكل هذا


http://www.mekshat.com/pix/upload02/images55/mk23372_b-1.jpg



http://www.mekshat.com/pix/upload02/images55/mk23372_b-2.jpg



http://www.mekshat.com/pix/upload02/images55/mk23372_b-3.jpg


وآسف أذا هي فكرة أحد غيري , ولا أدري بصراحة إذا أحد فكر فيها قبلي بس قلت أنزلها وإعتبروها هدية عودة المنتدى بعدتغيير مكينته.




1- سميتها لمبة القناص


2- إستخداماتها :-
· يستخدمها القناص لمبة وعصا لنشيب الصيد .
· إذا كشتتك في مكان واطي بالطعوس وتخاف يدرعم عليك أحد من المطعسين بالدبابات أو السيارات أرفعها الى آخر مدى .
· ممكن تميلها وترفعها وتزلها الين تجيبها فوق المكان الي تبيه , مثل القدر تحطها فوقه بالظبط علشان تشوف طبخك بالليل زين .
· تبعد عنك الحشرات إذا رفعتها فوق .
· ممكن تخليها إشارة للي جايك من بعيد إذا رفعتها لآخر مدى أو قعدت تشر بها كنك تخفق بعلم (بدل الفليشر) .
· ولما تجربها بتلقى فيها إستخدامات أكثر .


3- فوائدها :-
· لمبة .
· عصانشيب صيد .
· عمود متعدد الأطوال .



4- الأدوات المستخدمة :-




http://www.mekshat.com/pix/upload02/images55/mk23372_2.jpg




· عدد 2 أسلاك توصيل خاصة بالسيارات بطول 7 متر ,2مم. بـ 12 ريال
· مشابك (مقابض) أحمر وأسود . بـ 4 ريال
· لمبة 12 فولت ,أنا استخدمت (أوس رام) 100 وات . ب_ 15 ريال
· غراء (سوبر قلو) . بـ 5 ريال
· شطرطون كهرب .بـ 2 ريال أمريكي
· عصا نشيب الصيد , أنا استخدمت الي طولها 5.40 ياردة . ب_ 20 ريال لقيتها عند غالبية محلات الرحلات الكبيرة بالرياض , وهي معروفة من فترة عند بعض الناس.
· عدة .


5- مميزاتها :-
· صغيرة .
· رخيصة .
· عملية .
· متينة نوعاً ما .
· قابلة للتفكيك والتنظيف .
· خفيفة .
· قابلة للتعديل في الطور حسب الحاجة من نص متر الى 4 متر .
· قابلة للتثبيت بأكثر من مكان في الموقع (بين حصى , على شجرة , بالسيارة , بالغرس بالرمل ,,,,,)


6- من عيوبها :-
* تحتاج الى تأني وطريقة معينة في تصفيطها (حوالى دقيقة إذا عرفت وتعودت عليها )


7- تركيبها :-


· لأن ما لقيت أسلاك سيارة لاصقة ببعض أضطريت إني الزقهم بالغراء ببعض بالغراء (سوبر قلو).




http://www.mekshat.com/pix/upload02/images55/mk23372_3.jpg



· إسحب الوصلات الأولى من العصا وذبها (حوالي 3 وصلات) الين توصل للوصلة الي ممكن يمر معها السلك .


http://www.mekshat.com/pix/upload02/images55/mk23372_4.jpg


· افتح فتحة بسدادة العصا الخلفية لدخول السلك منها .



http://www.mekshat.com/pix/upload02/images55/mk23372_5.jpg


· مرر السلك من خلالها .


http://www.mekshat.com/pix/upload02/images55/mk23372_6.jpg


· دخل السلك في الوصلة الى على مقاسة الين يطلع مع الجهه الثانية .


http://www.mekshat.com/pix/upload02/images55/mk23372_7.jpg


· دخل الوصله في الوصلة الي أكبر منها على طول بالعصا .


http://www.mekshat.com/pix/upload02/images55/mk23372_8.jpg


يتبع

[albara]

وصل اللمبة بالسلك بحيث يكون الأسود أطول شوي من الثاني علشان يتساوون بالطول , وهنا ملاحظة ( السلك الموجب باللمبة تلقى عليه واقي من الحرارة حاول إذا قصيت من هالسلك تاخذ الواقي الي علية وتركبه على السلك السالب الطرف القريب من اللمبة علشان الحرارة برظو . وهنا انا ما سويتها لأني ما عرفت هالملاحظة الا بعد ما جربتها بالبر زي ما هو بالصور الأولة , لأن الحرارة تميع السلك السالب القريب من اللمبة ويدخن ويميع على السلك الموجب بس بعد ما ركبنا الواقي وحنا بالبر مشت الأمور تمام التمام .



http://www.mekshat.com/pix/upload02/images55/mk23372_10.jpg



· ركب المشابك .


http://www.mekshat.com/pix/upload02/images55/mk23372_12.jpg


· ركب السدادة الخلفية .


http://www.mekshat.com/pix/upload02/images55/mk23372_14.jpg



· وحاول تقص بشويش من الوصلة الأولى من فوق الين تدخل اللمبة مكانها صح بالعصا .


http://www.mekshat.com/pix/upload02/images55/mk23372_000.jpg



http://www.mekshat.com/pix/upload02/images55/mk23372_vv.jpg


· ركب السدادة الأمامية .


http://www.mekshat.com/pix/upload02/images55/mk23372_dscf2666.jpg


وصار معك لمبه طولها من نص متر الى 4 متر تشتغل زي اللمبه العادية (المغناطيس ) تشبكها على سيارتك واللمبة محمية داخل عصا النشيب إذا صفتها وما تكسر من المطامر بالبر زي اللمبة المحفوظة في جراب قماش , وفيه أنواع لعصا النشيب لقيتها أطول من كذا بس دبل السعر مرتين وهذى كفاية جداً


ولقيت لها جراب تقو تفصال لها عند محل رحلات ب 12ريال وذفه بس ما صورته




ودمتممممممممممممممم

[خالي الذيب]

موضوع رائع
تسلم على الفكرة
اقل شئ اقول لك


شكراً

[عاشق السيل]

بيض الله وجهك وفكرة رائعة تدل على إبداعك الراقي ،،

حتى لو كانت مسبوقة ( وما أظن هالشي ) تستاهل قولت مبدع بس لوحطيتها على جيب كان أفضل من الفكتوريا !!!!!!

تقبل مروري وتعليقي يالغالي .....




.

[for]

بيض الله وجهك ......

فكره رائعه ومفيده فعلاً يالذيب

[إلياس المطلق]

فكرة حلوة رائعة

[قبندي]

تسلم على الفكره يعني قصدك سنارة سمك اللي تستعملها عفواً ممكن توضح العصى هذا اللي ياصل الى 4 متر سناره قصدك

[عاشق المزون]

مشاء الله اخوي مبدع مشكور على الفكرة وبالنسبة لاخوي قبندي هو قصدة عن عصاء تستخدم في جلب الطيور من الشجر بعد ماتصيدة وينشب في الشجرة هالعصاء تطول وتقصر على كيفك واسمحلي اخوي على القافة وشكرا :)

[قناص الوعول]

يعطيك العافيه فكره حلوه وممتازه بس عندي تعليق بصيط لو كان فيها مكره تلف سلك النبه في المكره بحيث تكون هاذي الفكره مرتبه اكثر واريح من ناحيه اذا اردت ان تمدها او تطويها

[غواص الشمال]

http://asas123.jeeran.com/جزاك-الله-يااخي.gif

[ابو شرف]

مشكووووووووووووور

[ابوقاسم]

والله مبدع
ولا في فرق العصا راكبه على فكتوريا والا جيب
الفكرة بحد ذاتها جيدة
وارجو لك التوفيق
تحياتي

[albara]

السلام عليكم ورحمة الله وبركاته

أشكر جميع الأخوة الذين قامو بالمرور على الموضوع .والأخوة الذين قامو بالرد على الموضوع .

أخوي (خالي الذيب )
عفواً أخوي ,وشكراً على سرعة تجاوبك .

أخوي (عاشق السيل)
حياك الله وشكراً على مرورك , بس هالى ققدامك تراه( فكتوكروز) :confused: ولو إنك ما مريت على الموضوع ولا قلت هالكلام كان أحسن :mad: .
.
.
.
.
.
.
.
أمزح معك يالغالي ;) , وهذا موتري الي يشيل رجلي وأكشت فيه حولي وحوالي , ولهوب يقصر بالشوكي والا خريم وان بغيت التنهاة والا الصمان ما يقول أي ,والين ألله أرزقنا ناسبنا الحمراني الي يبر الكبد شروى هالي بتوقيعك الله يعطيك خيره ويكفيك شره ولا من الطيب إبن آخيه عبداللطيف جميل , وركبنا اللمبه عليه إنشاء الله :) .

الأخ ( For)
شكراً على مرورك وأتمنى تجربها بتلقى فوايدها أكثر .

الأخ ( الياس المطلق )
توقيع يالغالي هو الى أحلى:good2: .
وإن كانك من أهل القصيم وبالتحديد من الرس ؟ , وقد أشتغلت من 1413 بالرياض ؟ , فتراى من خوياك القداما ( على زن المحاربين القداما )ergah@hotmail.com

الأخ ( قنبدي )
الله يسلمك . وزي ما قالك أخونا عاشق المزون , هي للصيد البري يشيلها الصياد معه ويا أغراضه أثناء الصيد , بطول نص متر وإذا صاد طير على شجرة وتعلق يطلع هالعصاويمدها الين توصل للطير ثم يبدا يهز الطير بالعصا الين يطيح بالأرض , وحنا قمنا حطينا بطرفها لمبه وجواها سلك وباخرها أطراف بطارية وصارة لمبة القناص .....( حلوة القصة ؟؟؟؟؟) .

الأخ (عاشق المزن )
لا والله أخوي لا لقافة ولا شي , وشكراً على إستجابتك وردك على الموضوع وإعجابك بالفكرة ,وأتمني تجربها

الأخ (قناص الوعول )
أعجبني تعليقك الفني هذا , ويدل على انك فكرت معي بالفكرة من الناحية الفنية , وأشكرك خصوصاً على هذا الرد .
وأنا فعلاً لقيت إن طول السلك مشكلة بعد اللف , ودورت لها حلول من ضمنها البكرة , بس حسيت إنها بتاخذ مكان كبير زيادة , غير أن بيكون لها مشاكل فنية كثير ولا فيه ذيك المحلات الى تبيع أغراض للتوليف زي برا , اللهم ساكو ويالله تلقى بعض الشي عندهم .
ودورت حل آخر مثل لف السلك على خطافين ظاهرين من قعدة اللمبة وغطاها بس الى الحين ما نفذته . وأتمني لو تساعدني .

الأخ (غواص الشمال )
وإياك أخوي ورحم الله والديك .

الأخ ( ابو شرف)
عفواً أخوي وحياك الله .

[albara]

والله إنك ولد ولد يا أبو قاسم إيه هذا الكلام . ما فيه فرق .


أشكرك بكل ما أوتيت من قوة على جبر الخواطر .



رح يا شيخ الله يوفقك في كل بر تروح له وبكل مكان حي وميت

[نبع الدموع]

عز الله انها فكرة و صدق من قال الحاجة ام الاختراع
لا هنت اخوي على الموضوع و جزاك الله خير

[albara]

ومن قال أخوي (نبع الدموع )





وبحاول أنزل ملف فيديو يوضح طريقة سحب العصا وتشغيلها وتصفيطها

[فهاد]

بيض الله وجهك ......

[ابو سمر]

الله يعطيك العافية أخي الكريم وفكرة أكثر من رائعة ..

شكرا لك ..

[المرقب العالي]

شغل تمام الله يعافيك

[gold18]

فكرة رائعه جداً جداً
وشكراً

[jaheez]

تسلم على الفكره والحاجه ام الاختراع

[فل اوبشن]

رائع بارك الله فيك ..

[الشقردي(العيون)]

مشكور اخوي على الفكرة الرائعة والله ياعطيك العافية

[نجم البحر]

مشكوووووووور

[مطر مكة]

بيض الله وجهك وفكرة رائعة تدل على إبداعك

[صحيح]

أخوي البراء يعطيك العافيه على هذه الفكرة ومشاء الله تبارك الله
وانشاء انك تزود المنتدى والمكشايتن بأقكار أحلا وأحلا وتقبل مروري أخوك صحيح

[رحاااال]

معلومة مفيدة جداً وفيها الكثير من الإبداع كما عهدتك وأنا متأكد أنك ستفيد الجميع بالكثير من الأفكار الإبداعية
ولكن اعتب عليك عدم دعوتنا لهذه الرحلة الجميلة
(من القط إلى المخ)

[سنعوسي111]

http://asas123.jeeran.com/جزاك-الله-يااخي.gif

الله يعطيك العافية

[albara]

السلام عليكم ورحمة الله وبركاته


الشكر كل الشكر لمن قام بالرد على الموضوع ولمن شرفني بالمرور أشكر للجميع الدعم المعنوي الذي قدموه لي .

[albara]

ومن يقول أخوي فهاد


*************************


العفو أخوي (ابو سمر)


*****************************************


تسلم والله أخوي (المرقب العالي)
*********************************************
العفو اخوي (gold18) والأروع مرورك
********************************


الله يسلمك اخوي(jaheez) أتمني تجربها
****************************
ويبارك فيك اخوي (فل اوبشن)
*****************************


العفو اخوي(الشقردي(العيون)) ويعافيك
*************************************


العفو اخوي(نجم البحر)
**************************************


ووجهك اخوي(مطر مكة) وشكراً على دعمك
*****************************
مرورك على العين والراس اخوي (صحيح) .
والى يلقى مثلك ومثل الإخوان يدعمونه لو بالردود في مثل هذا الصرح (مكشات) بيحاول يجيب كل الي عنده , ولو انها تضل توليفات وحذبرة بسيطة وثانوية مقارنة بالأفكار الي طرحها الأخوه الأعظاء والي استفدت منها كثير كثير .


*****************************************
هلالالالالالالالالالالا بك أخوي (رحاااال)
والله مشاء الله يا إن (مكشات) يجمع الأحباب ,(صدتني مشاء الله عليك) حياك الله .
وانت تعرف إن الطلعات مع مثلك وشرواك تنتدور , بس عاد وانتا طيب (ملحوقة) .
أشكر إطرائك الكريم , وأتمني أفيد أحد , زي ما استفدت منهم .


( من المخ إلى القط )
**************************************
ويعافيك أخوي (سنعوسي111 )


************************************

[االديحاني]

يعطيك العافية

[عاشق الخلاء]

السلام عليكم ورحمة الله وبركاته
اخوي البراء مجهود رائع تشكر عليه
اما انا بالنسبة لي فأرى ان الفكرة مطوله شوي الضوء يأتي بأسهل من هالطريقة احس ان فيها تعقيد شوي
طبعا هذا رأي خاص ولايفسد اختراعك او فكرتك .
وتقبل مروري

[راعي الكار]

الله يحفظك
أشهد انك وليده

جزاك الله خير

[عاشق الخلاء]

ماشاء الله عليك تبارك الله
فكره جميله جدا
تراني مااعرف انطق الاسم هو البراء
بس انا شبهت على الفورد والوجه اللي مطموس وجالس قدام البراد ماهو غريب علي
وكأن كان لقد نقد على اسمي هههههههههه
المهم اخي فكرتك جميله ومجهودك رائع واعطيتنا شيء بلاش بدون اي مقابل لك اجمل تحياتي

[الفالحي]

فكرة جميلة

[المجمعه]

ماشاء الله عليك

فعلا فكره جهنميه

الله يعطيك العافيه

بس ما قلتلى ... قاعدين تتصيدون على صغيره

[الذيب المغترب]

فكرة حلوة والاحلى لو انها عصى صيد السمك فيها بكرة وخيط وتنزلها وترفعها على كيفك .................................................. .................................................. ............الف شكر لك

[مقلع الرمث]

مشكور اخوي على الفكره

[إلياس المطلق]

فكرة رائعه جداً جداً
وشكراً

[غارب النملة]

وعليكم السلام
فكرة رهيبة ...

[رعد الصحراء]

الله يعطيك العافيه على الفكره الأكثر من رائعه
بيض الله وجهك وما قصرت
’’تـقبل تحياتي’’

[mr vip]

ماشاء الله ..
الله يبارك لك