الحمـــــد للي رجع اليــــــوم مكشات ... [الأرشيف]

مشاهدة النسخة كاملة : الحمـــــد للي رجع اليــــــوم مكشات ...

خالد الوقيت

14/12/2007, 09:03 AM

...

الحمد للي رجع اليوم مكـــــــــــــــشات
من بعد ماطـــــــــــــــــــول علينا غيابه
انا اشهد اني عشت يالربع حِـــــــيرات
حيرة حزينٍ وادعـــــــــــــــــوه القرابه
احاول ادخل فيه بالـــــــــــيوم مرات
واضيق لا من جيت مصكـــــــوك بابه
منول اشكي والاوامـــــــــــــــر ثقيلات
وازعل الى من قال ماش استـــــجابه
وعقب غيابه قلت لا واحــــــــــــلولات
ليته على ثقله قريبٍ جــــــــــــــــــنابه
رحت لمواقع ثانيه دون مشـــــــــهات
ورجعت ما شد النواظـــــــــــر سرابه
واليوم بان الصبح من بعد غيــــــبات
ورجع لنا مكشــــــــــات يا مرحـبا به
عساه مايرجع لنا بانقـــــــــــطاعــات
وعساه دايم باريٍ من صــــــــــــــوابه
اشتقت لربوعه هل الـــــعرف بالذات
شوقٍ ضرب قلبي بنار التــــــــــهابه
اهل الوفا والطيب واهل الجمــــالات
عون الرفيق اللي زمـــــــــانه عثابه
علومهم تجلي عن القلب ضــــــيقات
لا قمت انا اقراها تــزول الكـــــــــآبه
من كل دارٍ تبرد الكـــــــــبد نـــشرات
لا جابهن النت يدلــــــف ركــــــــــابه
اشتقت لعلوم المطر والمــخــــــيلات
والمنخفض اللي تكوم سحــــــــــابه
عقب البطا وحزومنا المكفــــــهرات
ريحة خبرمَطْــــــره لمثلي اطـــــلابه
لو هي ارشوشٍ بالديار البعــــــيدات
يا مرحبابه صدق واهلا هــــــلا بـه
اشتقت لاهل الصيد وافيــن الاصوات
اللي فعايلهم ســـــــــــــــواة الذيابه
آخد بخــيمتهم لك الله ســـــــــــجـات
مستانسٍ بين الطرا والـــــــــطرابه
شوف الصور والذكريات العجـــيبات
اللي مع ايامي تراها تشــــــــــــابَه
لابد ماجيهم واسجـــــــــــل زيارات
واكتب مواضيـعي واصــف الكتابه
واسوق غرات الليال القديمـــــــات
من حد الاريل لـــين حد الشغـــــــابه
ايام لا جبته اجــــــــــــــر التنــهات
وتجيب عـــيني زفرتي بانســـــكابه
اشتقت لاهل الشعر عذبين الابيات
ناس تسر القــلب مما لـــــــــــــجابه
ابيات جزله بالمعاني وشــــــــيلات
لا سمعها المشتاق شوقـــه سرى به
اشتقت ثم اشتقت مالا نهــــــــايات
كل شي في مكــشات قلبي شــقى به
والحمد للي رجع اليوم مكـــــــــــــــشات
من بعد ماطـــــــــــــــــــول علينا غيابه
عساه مايرجع لنا بانقـــــــــــطاعــات
وعساه دايم باريٍ من صــــــــــــــوابه
واختامها مني صلاة وتحــــــــيات
.على النبي المصــطفى والصــــــحابه

خالد بن صالح الوقيت التومي الشمري - الرس - 5/12/1428هـ

بارود برنو

14/12/2007, 09:22 AM

صح لسانك وبيض الله وجهك

السمح

14/12/2007, 09:23 AM

صح لسانك ، وعشت على هالإبداع المتجدد يا شاعرنا المحبوب .
وصدقت مكشات لوحده علم لا يمكن إيجاد البديل له ، وأعضاؤه مثل ما تفضلت :

اهل الوفا والطيب واهل الجمــــالات
........... عون الرفيق اللي زمـــــــــانه عثابه

كل الشكر والتقدير

ابوإبراهيم132

14/12/2007, 09:31 AM

صح لسانك يالمبدع ........يالشاعر المتالق..

بدراان

14/12/2007, 09:32 AM

...

الحمد للي رجع اليوم مكـــــــــــــــشات
.......... من بعد ماطـــــــــــــــــــول علينا غيابه

صــح لسانك . . . ومبروك علينا عودة مكشاات .

وسم 29

14/12/2007, 09:32 AM

رحت لمواقع ثانيه دون مشـــــــــهات
........... ورجعت ما شد النواظـــــــــــر سرابه
واليوم بان الصبح من بعد غيــــــبات
........... ورجع لنا مكشــــــــــات يا مرحـبا به

مبدع
مبدع
صح لسانك يابو صالح على الابيات التي تعبر عن حب هذا المنتدى
وهذا لسان حال كل مكشاتي
وتقبل تحياتي

واثق

14/12/2007, 10:24 AM

الحمد لله على نعمه وآلائه
لكل مصيبة نهاية :D

جمران

14/12/2007, 10:34 AM

صح لسانك يبو صالح كل الشكر والتقدير لك على القصيدة الأكثر من رائعة
ماهي غريبة عليك يالغالي
تقبل تحيتي
أخوك أبو عبدالرحمن

خالد الوقيت

14/12/2007, 10:36 AM

.بشرني اخونا برق السناف البارحة بعودة مكشات وكان موجود وسم 18 وعاج فقلت اني بكتب قصيدة بعودته
بكرة وكتبتها اليوم وكملتها بتسجيل صوتي ...

كله من غلا مكشات واعضاء مكشات ...

الله يحفظهم ويديمه ...

واليكم الرابط :
http://7doood.net/up/download.php?filename=69559f507e.3gp (http://7doood.net/up/download.php?filename=69559f507e.3gp)

وما ارجوه منكم ان نالت استحسانكم هو الدعاء لوالديي بالرحمة

ولي بالتوفيق

وشكراً جزيلاً لكم .
.

صالح الربيعان "برق السناف"

14/12/2007, 10:49 AM

ياهلا وغلا بأبي صالح وصح لسانك هلى هذه القصيدة المعبرة والتي تبين مدى حبنا الكبير لهذا المنتدى الشامخ والذي أعطانا الكثير والكثير وبقي أن نرد له الجميل وذلك بإثراء خيامه بالمواضيع القيمة والمتجددة من كافة الأعضاء الكرام أسأل الله تعالى أن يديم علينا نعمة الإسلام وإن يجعل قلوبنا صافية وأعمالنا خالصة له تعالى

وسم18

14/12/2007, 10:55 AM

صح لسانك يابوصالح مبدع بارك الله فيك
ووصف اكثر من رائع
مكشات ماعنه بديل
اسال الله الكريم ان يسهل لك كل درب
وان يكتب لك التوفيق في الدارين
واساله ان يتغمد والدتك بواسع رحمته
ويسكنهافسيح جناته
يارب العالمين

نجم سهيــل

14/12/2007, 11:00 AM

صح لسانك يابو صالح

عاشق السيل

14/12/2007, 11:03 AM

صح لسانك يالذيب وبيض الله وجهك ،،،

والله إنك جبتها ،، ذبحتنا غيبة مكشات !!!!

.

عاشق السيل

14/12/2007, 11:07 AM

اشتقت لعلوم المطر والمــخــــــيلات
........... والمنخفض اللي تكوم سحــــــــــابه
عقب البطا وحزومنا المكفــــــهرات
........... ريحة خبرمَطْــــــره لمثلي اطـــــلابه
لو هي ارشوشٍ بالديار البعــــــيدات
........... يا مرحبابه صدق واهلا هــــــلا بـه

صح لسانك يالذيب وبيض الله وجهك ،،،،،

.

القسامي511

14/12/2007, 06:14 PM

الشاعر خالد الوقيت
صح لسانك يالغالي
كفيت وفيت

دغيم1

14/12/2007, 07:39 PM

السلام عليكم ورحمة الله وبركاته

حياك الله أخي الكريم

أبو صالح

صح لسانك ولاهنت

قصيدة رائعة تعبر عن خلجات النفس ومكنونها لحب هذا الصرح العالي

ومن منا ليس ذيك المشاعر

حروف معبرة وصوت شجي

سلمت أناملك

ولافظ فوك

تقبل تحياتي وشكري

دمت في رعاية الله

مجتهد***

14/12/2007, 07:45 PM

صح لسانك و بيض الله وجهك

ثعل البرد

14/12/2007, 08:02 PM

صح لسانك وسلم بنانك يا أبو صالح

ـــــــــــــ

مقدور

14/12/2007, 11:06 PM

اخوي خالد جزاك الله خير ورحم الله والدينا ووالديك

ودائما تبهرنا بجديدك

ومتابعن هالابداع والتميز

الضاري

14/12/2007, 11:43 PM

صح لسانك وبيض الله وجهك يالذيب :good:
أبيات في الصميم تحاكي الواقع لأغلب أعضاء منتدانا حفظهم الله جميعاً
دمت في حفظ الله ورعايته أخي ابوصالح
تحياتي

تالي الاولين*

15/12/2007, 08:22 AM

.

صح لسانك

جزله من جزل

بيض الله وجهك

.

جرير

15/12/2007, 11:19 AM

صح لسانك
وجمل الله حالك
ابدعت وهذه عوائدك وبك وامثالك يحلو مكشات
.

ويستاهل مكشات واهله .

ناصر التميمي

16/12/2007, 12:35 AM

صح لسانك
وبارك

حسيان

16/12/2007, 01:33 PM

بيض الله وجهك اشهد بالله انك ماقصرت يابو صالح ومحبوبنا مكشات يستاهل أكثر 00وأسئل الله اللذي جلة قدرته أن يغفر لوالديك وأن يجمعنا بهم وجميع المسلمين في دار كرامته إنه ألقدر على ذلك

نجد 2007

16/12/2007, 01:48 PM

صح لسانك قصيدة جميله تحكي مشاعرنا جميعاً بعد ان فقدنا مكشات ايام مضت بلا رجعه إن شاء الله
والحمد للي رجع اليوم مكـــــــــــــــشات
من بعد ماطـــــــــــــــــــول علينا غيابه
عساه مايرجع لنا بانقـــــــــــطاعــات
وعساه دايم باريٍ من صــــــــــــــوابه

عاشق نجد ،

19/12/2007, 08:49 PM

صح لسانك يبو صالح كل الشكر والتقدير لك على القصيدة الأكثر من رائعة
والله يرحم والديك واللدين الجميع ويسكنهم جناتة

الشاهد1

21/12/2007, 04:01 PM

وعقب غيابه قلت لاواحلولاه = ليته على ثقله قريب جنابه
بيض الله وجهك يابو صالح وعزالله انه تضيق صدورنا الى انقفل حيث انه الموقع المطلوب للنفس ورغبتها