المساعد الشخصي الرقمي

مشاهدة النسخة كاملة : سوق الرياض


alajmi110
15/12/2007, 11:53 AM
السلام عليكم ورحمة الله وبركاته
حبيت اسأل عن سوق الطيور با الرياض
من عنده علم والاخبر عن سوق الطيور با الرياض عن اسعار الطيور المجاهيل الزينه
من عنده علم لا يبخل علينا ....
مع اني سمعت ان سوق الرياض لطيور ملغي فا الوقت الحالي
شاكر للجميع
الاشعل 316
15/12/2007, 12:11 PM
والله خبري فيه رمضان واسعار المجاهيل من 4000الى 6000


بس الحين والله ماني بخابره
alajmi110
15/12/2007, 01:14 PM
الله لاا يهينك يا الاشعل
وشاكر لك مرورك
خشف.
15/12/2007, 01:45 PM
ما قصر الاشعل
الزاجل الازرق
15/12/2007, 02:52 PM
اخبار سوق الرياض يوم الخميس الموافق 12/03/1428 السوق جته طيور زينه شي مجهول وشي فروخ وقرانيس

بالنسبه للمجاهيل انعرض اكثر من طير والاسعار 6000 الى 9000 للطيور الملونه الزينه بالحيل

اما بالنسبه للفروخ انعرضت 5 فروخ متفرقه واكان اطيب واحد فيهن راسه مثل الثلجه ماشاء الله عليه وقف السوم عليه 7500 ولاباع طالب اكثر

وبالنسبه لفروخ البحريات انعرضت وحده مقاسها 15.5*15 وقف السوم عليها 13 الف ولاباع طرح مجيرمه

وانعرضت وحده ثانيه مقاسها 14.5*14 تقريبا وقف السوم عليها 7 الف ولاباع

وانعرضت جيرة شواهين زينات حيل بس مجهولات اعلى سومه كانت لوحده بهن3200 وكان قياسها 17.5*18 ولا ادري هوباع اولا

وكان السوق مليان من تبوع الحرار والشواهين ما ادري وش السالفه

وانعرض طير تفريخ حر*حر وكان قياسه 18*18 وشارط السبق على الحمام شرط والطير ماشف شي معه وعمر بكر وقف السوم عليه 3000

طبعا السوق العرض موجود ولكن مافيه شرايه والى السوق نزل فيه طيور زينه

بالنسبه للحراج ماجاء المحرج وكان السوق مفتوح

واخواني يفدونك اكثر انشاء الله
ابرق العزاف
15/12/2007, 02:59 PM
الزاجل الازرق تشكر
ْْالعواجيْْْ
16/12/2007, 12:47 AM
وش هو مجاهيل
جارح العين
16/12/2007, 10:11 PM
ماقصر الزاجل
الله يعطيه العافيه
alajmi110
20/12/2007, 11:29 PM
السلام عليكم ورحمة الله وبركاته
مساكم الله با الخير جميع .... ( وكل عام وانتم بخير )
ويعوده الله علينا وعليكم با الخير والصحه والعافيه
والله لاا يهينكـ يا الزاجل انت ومن شارك ويعلم الله انك جبت المطلوب
وبيض الله وجيهكم جميع

تقبلو تحياتي
اخوكم / ma0z
سلطان2007
21/12/2007, 07:53 PM
اخوي الزاجل الازرق لاهنت على المعلومات الوافيه ..

والمجاهيل يعني مجهوله مالها علوم ..

تحياتي لك ,,
ابن برقاء..
22/12/2007, 08:13 PM
تسلمون للي وضح
قرناس الرياض
22/12/2007, 10:18 PM
الأخوة الأعزاء في مكشات كل عام وانتم بخير /// انتم ملاحظين تاريخ الأخ الفاضل الزاجل او انه غلطان يمكن يكون 3 / 12 وبالنسبة لسوق الرياض دمااااااااااااااااار للبيع الطيور الحلوة والزينه المجهوله ما تتعدى 3000 ريال وأغلى شي بي 4000 ريال واللي بيشتري بيختار ويتدلل والللي بيبيع الله يخلف عليه لقلة العلف والحمام والله يعين وكل عام وانتم خير
مضيع نعوله
22/12/2007, 10:47 PM
سوق الطيور في الرياض مغلق وتم اعدام جميع انوااع الطيور الى الان لم يفتح بسبب انتشار فيرووس فلونزا الطيوور منطقة انتشار المرض من الخرج الى جنوب الرياض
قرناس الرياض
23/12/2007, 05:59 AM
مضيع نعوله الظاهر انك مضيع الطاسه من قالك ان سوق الطيور مسكر غير صحيح ولا تفتي بشي ما تعرفه لا هنت انا كل يوم بسوق الطيور ولم يتم اعدام اي طير ترى عيب عليك تلفق كلام فاضي والسوق شغال الي اليوم وشكرا ً
ابونقاء
23/12/2007, 06:08 AM
الله يجزاكم خير على هالمعلومات...بس عندي استفسار

عن السوق ..الى اي شهر يستمر سوق الطيور بالرياض

وهل احصل طيور التهجين او الجيره...وكم تبدا اسعر الطيب منهن

ولكم مني جزيل الشكر
ا
اخوكم ابونقاء
مضيع نعوله
23/12/2007, 06:42 AM
مضيع نعوله الظاهر انك مضيع الطاسه من قالك ان سوق الطيور مسكر غير صحيح ولا تفتي بشي ما تعرفه لا هنت انا كل يوم بسوق الطيور ولم يتم اعدام اي طير ترى عيب عليك تلفق كلام فاضي والسوق شغال الي اليوم وشكرا ً
اخوي ابوقرناس :confused: اسف اذا سبيتك او قطعت رزقك او شوهت سمعت محلك
انا ماجلست افتي في موضوع ديني علشان افتى على كلامك انا نقلت ماقريته في الجرايد جريدة الرياض خاصه اذا كان خطاء اسف بروح اقراه مره ثانيه يمكن اسوق الى سكروه مو بالسعوديه انشالله ;)
فيه اسلوب ثاني غير كذا الله يهديك :no: لا تستعجل في الرد يمكن تزعل اخوانك في المنتدى علمنا في علومك بغير الاسلوب هذا:cool:

وبعدين هدي هدي السرعه اخوى تعوذ من بليس اذكر الله اشرب عصير لليمون او ريح شوي من الانترنت اعوذ بالله عصبي شكلك شايب وشيبن فيك الحريم :D

ونشالله انشالله تبيع الطيور الى عندك كلها وبمكسب وتعرس في فلوسها الثالثه والرابعه وش تبي اكثر من كذا دعوه
ابشر انشالله اذا شفت لك :j رد او موضوع :j اخليك لحالك ولا ارد معك خلاص تووبه:no2:
اذا تبي سلف عطيتك بعد وش تبي اكثر من كذا

خشمك اموووووطخ:D