خبر جديد

[الودعـاني]

السلام عليكم ورحمه الله
بعد اذن اخوي المري
يا شباب عندي لكم خبر حلو تدرون وشو البارح وصلت للرياض كميه من الطيور المفرخه في المانيا
انا شفتها بعيوني وهي منوعه فيها جير صافي وفيها حرار صافيه وجير حروجير شاهين وقراميش شعل وسنجاريه اصليه
المزرعه في المانيا بعد ماتفرخ الطيور تطلق في المزرعه وتعيش حياتها الطبيعيه وتصيد بنفسها انا شفت فلم لها وفيه الوان شي واطوال شي للمعلوميه الطيور هذي مجربه مع الشيوخ وفعلت فعل شنيع
الطيور موجوده عند معرض الصقر والصقار في حي النهضه شارع سلمان الفارسي ت 012263452
0اللي يبي اي معلومه انا تحت امره

[المري]

مرحبا ومسهلا بالودعاني ومن طول الغيبات جاب الغنايم


وتسلم على هذا الخبر الزين


بس هل يوجد في مكان السوق المعروف لاني ماادل شارع سلمان الفارسي

ماادل الا السوق اللي عند الامارة , المبنى القديم..



وياليت يالودعاني تحط اسعارها كم وصلت ولا كم حادينها ..


ولك مني كل تقدير واحترام..............


اخوك / المري

[الفهد]

الغالى الودعانى
بارك اللة وطابت اعلومك
والرجاء أفادتنا اكثر لاهنت

[ابو عايد]

مشكور على الخبر ياودعاني والله لايهينك

ومن طول الغيبات جاب الغنايم

و ياليت لو كان مدعم بالصور

وتقبل تحيات ** العاشق الولهان

[الودعـاني]

اخي المري
الموقع شرق الرياض طريق خريص بأتجاه الشرق من قبل اخر نفق تاخذ يمين ثم تجيك اشاره لف يسار ثم لفيسار ثانيه ثم يمين ثم امش على طول بعد حوالي 700متر شف المحل على اليمين
بالنسبه للاسعار تبداء من4000 الى 150000ريال انا اخت واحد منها سنجاري اصلي بس قرموش
16في16 ابلم

[اعقاب]

الاخ العزيز الودعاني
مشكور على هذه المعلومات
الله يبارك لك في طيرك اللي شريت ويرزقك من صيده:)

[المري]

اخوي الودعاني


كم اسعار القراميش السود؟؟


وكم طير مازال موجود في المحل ؟ ارجو ان تفيدني ...


اخوك / المري

[الودعـاني]

هلا والله
باالنسبه للمثاليث ما بقي الا اربعه كلها شقر واحدمنها وجهه حلو مره اما السود راحت من اول يوم
او بالاصح اول ساعه كان فيه ثلاثه سنجاريه و واحد ثلاثه ارباع سنجاري وربع جير بس ماهنا ذاك الطول اللي يملا العين اما قراميش الجير باقي ثلاثه بس ماهيب سود والوافيه اقل واحد فيها يمكن 17وفيها شي حلو مره وباقي سنجاري وافي 17.5/17.5
شرفونا انت والاخوان في المعرض وشوفوا بعيونكم افضل من اني اكتب لكم
للمعلوميه المعرض مفتوح من الساعه9 صباحا الى 12 ومن بعد صلاه العصر الى الساعه 11 وي مرحبا با الجميع ونصيحه يا اخوان لاتفوتكم كذلك يمكن تصديرها الى خارج المملكه مجرد ورقه من البايع وعلى طول الحمايه يعطونك امر تصدير

[امير الرفيعه]

اخوي الودعاني ....
السلام عليكم ....
مشكور على المعلومه هذي وانا شخصيا جايه قبل اسبوعين وقالي عن الطيور اللي بتجيه من المانيا
بس مادري السنجاري ابو 58000 ريال راح ولا باقي.......