طبخت الملح ؟؟؟؟؟؟؟

[راشد الخلاوي]

السلام عليكم ورحمة الله وبركاته

ياخوان قالي واحد من الاخوان عنها ولاكني ما جربتها ولا سمعت عنها بعد

يقول أخذ القدر وحط فيه من الملح الخشن مايقدر بأرتفاع 4 او 5 سانتي تقريباً وحطة على النار وبعدين حط اللحم ويكون شرط أنه ناشف من الماء تقريباً وبعد حواللى 45 دقيقة وهو مغطى تمام تلقاه نجح ولا راح تنسى الطبخة طول حياتك من زين الطعم وقلت لع بدون أي شي قال على كيفك يمكن تحط شوي من الملح والبهارات فوق اللحم وبس ويمكن تسألون بدون ماء بقول نعم بدون أي شئ مثل ماقلت لكم لا ويمكن تجرب الدجاج لاكن المدة أقل حوالى30 دقيقة ؟؟؟؟؟؟؟؟؟؟؟؟؟؟؟؟؟؟؟؟؟

وش رايكم من الكلام وهل أحد جرب الله لا يهينكم عطونا الخبر

أخوكم الخلاوي

[الصياد 1]

انا أتوقع ان القدر بينفجر من صرقعة الملح لااكن انصحك لا تجرب في قدر ظغط والله يجيب العواقب سليمة وخلك حذر ياخوي تسلم تحياتي

[د م ق]

والله الصدق اني ما هقيته لاكن جرب

[أبويوسف]

لاكن قبل تبدأ بأكله حط عندك جركل ماء لأنه يبي يذبحك بالعطش

[القصيعة]

.
.


فالحقيقة سبق وجربة الطريقة هذي .. والله أنه لذيذة بشكل غير طبيعي


وهي تشبة طريقة المظبي .. بس المظبي على المرو وهذا على الملح


وبالنسبة للقدر الكاتم ماسبق وجربة هالطريقة فيه








وأن شاء الله بأقرب فرصة ( خصوصاً العيد قرب واللحم وافر :D ) أسوي تقرير مفصل عن هالطريقة << ترى ما أواعدك :no2: أقول أن شاء الله


.
.

[مكـiiiـات]

التجربة خير برهان .

[العنووود]

هالطريقه عُرضت بالتلفزيون لكن بالفرن وعلى سمكه
الطباخ دفن السمكه بكميه هائله من الملح الخشن صارت مثل الجبل
دخلها بالفرن والملح ماذاب صار مثل الصخره
قام يكسر فيها إلى ماطلعت السمكه

شكلها كان خرافي

لكن بقدر الكاتم اعتقد انها خطيره نوعاً ما

[مخاوي الذيابه]

التجربة خير برهان مثل ما قال أخوي مـكـiiiــات

[abdahma]

جربتها من قبل في الكاتم وهي لذيذه جدا

بس لازم تقصر على النار و تكون طبخه على نار هادئه

[راشد الخلاوي]

الله يعطيكم العافية وأكيد أن التجربة هي الأساس وعلا ما قالو العيد قرب ولا فيه مانع من التجربة

[الماهر2000]

الماهر 0 الصراحه طريقه رائيعه جدا ولذيذه لكن لاتصلح فى قدر الظغط انما قى القدور العاديه على نار هاديه جدا يوضع قصدير تحت غطاء القدر لعدم خروج البخار كدلك وضع حجر او اى ثقل على غطاء القدر المده حسب عمر الذبيحه من نصف ساعه الى ساعه كامله 00 با النسبه القدر لاينفجر الى اذاا زادة النار على القدربشكل غير طبيعى جربوها لاترددون العيد قرب اللحم متوفر جدا ولله الحمد والشكر وكل عام وانتم بخير حجا مقبول وسعيا مشكور وذنبا مغفور باذن الواحد الاحد 0000000

[عاشق السيل]

هذي الطريقة سمعت عنها من زمان ومتحمس أسويها والكل يمدح الطعم وفيه ناس قالوا بالكاتم أطعم وإلى الآن ماجربتها !!

لكن مادامي عزوبي الليلة عهد علي إني أجربها بالبيت بإذن الله وأبشروا بنقل النتيجة بعد العشاء إن شاء الله ،،،،



.