المساعد الشخصي الرقمي

مشاهدة النسخة كاملة : النكهه و الرائحه الموجوده بتانكي الفيبرجلاس


يا من يراعيني
17/12/2007, 02:50 AM
السلام عليكم
عودا حميدا لمنتدانا الغالي ...بعد الزحمه
كل عام و انتم بخيـــــــــر...قبل الزحمه
ودي اعرف من اهل الخبره كيفيه ازالة الرائحه او النكهه الموجوده بالخزانات الفيبرجلاس الجديده
مع العلم اني ناوي اشري اللي يفرش بشنطة الاندكروزر بس خفت من الريحه,,,,,,
لاني صراحه انصرعت من ريحته وانا مزكم وش لون لو اني طيب ومابي خلاف الظاهر اموت :eek:
هذا اللي حبيت استفسر عنه و ياليت اهل الخبره ما يقصرون معنا ,,,اسف ع الاطاله
يا من يراعيني
17/12/2007, 03:51 PM
معقوله ولا واحد عنده خبر عنها
افا,,,,,
سعد الدين
29/12/2007, 11:28 PM
والله أني كنت ناوي اشتري هذا التانكي

بس والله من مشاركتك وقفت حتى أنتظر الاجابة من الاخوان اللي جربوا التانكي
باثفندر
30/12/2007, 01:16 AM
خل فيه مويه على طول ( يعني لايفضى ابد ) وانشاء الله مايتغير طعمه .
bu talal
30/12/2007, 11:39 AM
عب ثلثه مويه وحط به صابون وامش بالسياره كم يوم
وغيير الماي وحطه بدون صابون وامش به كم يوم
وفضي التانكي واغسله من بواقي الصابون وانشاءلله يكون بدون رائحة .

على فكرة لازم يبقي شي يسير من النكهة وبعد عدة استعمالات ستذهب
الصقار10
30/12/2007, 03:43 PM
السلام عليكم

الطريقه مجربه عب فيه مويه نصف أو ثلاث ارباع التانكي ثم حط معه موية ورد وخله لمدة 10 ايام إلى اسبوعين واغسله وبتروح الريحه
العمرالحزين
30/12/2007, 08:35 PM
يا الحبيب والله لم اجرب الفيبر من قبل ولكن من واقع االخبرة ان الفيبر لازم يكون فيه طبقه عازله باللون الأسود لأن الشمس والضوء يؤثر على الفيبر فيتغير طعم الماء ويسبب تكوين الطحلب المسبب للرائحة وأكبر دليل جراكل الماء ذات اللون الابيض يتغير لونها بعد مده لذلك على المشتري الحرص على النوع الجيد المكون من عدة طبقات 0 محبكم في الله 0
q.8
30/12/2007, 10:41 PM
اخوي الفيبر جلاس من افضل انواع الخزانات وبالنسبه للنكهة والرائحه هذي توجد بالايام الاولى ولكن بعد مده بسيطه تختفي ان شاء الله
ابو ابراهيم2
31/12/2007, 02:19 PM
آسف على التأخر
شف سلمك الله أنا فصلت تانك فيبر عند محل الذيب اللي في بريده ولما اخذ المقاس قال جب فرشة بلاستيك اللي تفرش بالمطبخ نلفه عليه ونغريه , طرررررت لم حقين الفرشات وجبت المطلوب وفصل التانكي ولزق عليه الفرشه وصار آية...
وللمعلومية الفرشه مهمة جدا جدا لأنها تمنع الضوء ولها فائدة كبيره حيث أنها تقيك شر الألياف اللي تدخل في صنع الفيبر فهي تمشع باليدين وتوذيك وكذلك يسهل عليك تركيب العفش وسحبه على الفرشه
نرجع للرائحة : شف سلمك الله التانك لازم تغسله عدد من المرات تحط فيه نصفه ماء وترجه ولا بأس بالصابون أو الملح مع الغسلات الأولى , وتأكد إن الرائحة سوف تنتهي شيئا فشيئا مع مرور الوقت حتى لو استمرت شهر أو أكثر
التانك الفيبر ممتاز ولا يفوتك وفيه مميزات منها إن داخل التانك مقسم إلى أكثر من ثلاثين خانه فهو قوي جدا حتى لو تاطاه بالسيارة ما راح ينكسر ومن فوائد التقسيم ما يرج ولا يهز الموتر خصوصا إذا وقفت تبي ترمي
بس انتبه لا يزيد عرضه عن عشر سانتي احذراحذر ( يكفيك مئة لتر ماء )
أنا فصلته خمس عشر سانتي وصار وزنه ثقيل ويأخذ ماء كثير مئة وخمسون لتر يعني بررررررميل كامل أي عشر جراكل موية صحة امهات ست ريال . فصرت اعبيه إلى النصف فقط وجلس معي خمس سنوات وفي الأخير ركنته بالحوش بسبب كبر حجمه واستعملت بداله جركل خمسون لتر


وسلمتكم .... وعساي فدتك اخوي
الفتكي
31/12/2007, 03:20 PM
السلام عليكم
كل عام وانتم بخير
شوفو يا اخوان الحل انكم تروحون لمحل عروق الشمال وتوريه التانكي الفيبر حقك وتقول فصل لي مثل التانكي الفيبر بس المنيوم وكد ومد لا ريحه ولا طعم ولا طحالب وخفيف الوزن وريح راسك والي يبي يفصل تانكي لا يفصل الا المنيوم زيد من القيمة شوي وارتاح؟ واشكرك
the.5555@hotmail.com
يا من يراعيني
31/12/2007, 04:39 PM
يا ملا العافيه الصافيه
شاكر لكم يا اخوان و ما قصرتو
مبعوث
31/12/2007, 04:45 PM
ماقصروا الاخوان وفوا وكفوا ,,,