المساعد الشخصي الرقمي

مشاهدة النسخة كاملة : هل رايتم الباث الجديد ابداع صراحة في التغيير2008


أفق
17/12/2007, 04:37 AM
الباث الجديد 2008 ابداع في التغيير ليس في الشكل الخارجي كثيرا بل من الداخل وهي كالاتي: 1) شاشة ملاحة
2) شاشة دفي دي
3)الشنطة الخلفية شفط
4) التكييف مركزي
5) المفتاح ليزر ( يعني التشغيل بدون مفتاح)
6) بلتوث
7) كميرا خلفية
8) ضغط هوا الكفرات يطلع على شاشة الملاحة
9)التحكم في برودة الكمبرسر للسائق والراكب كلا على حده
10) القير تماتيك وعادي بنفس الوقت0
11) مكينة 4000
وهناك تفاصيل دقيقة اخرى لم الم بها الى الان
wewe150
17/12/2007, 05:12 AM
بس سعره 149 ألف

عذاب يا حبيبي عذاب


مشكووووور
شمالات نجد
17/12/2007, 05:55 AM
اي والله غالي من يصدق أنه قبل أربع سنين بحوالي 80 ألف الفل كامل

بصراحه مافيه مقارنه بالسعر.. والأول أذرب بالنسبة لي

وخذها قاعدة الشي إذا كثرت خرابيطه كثرت خراباته

بالتوفيق أخوي
سيد النشاما..
17/12/2007, 12:51 PM
افق بارك الله فيك ولاهنت
عـhddـاشق
17/12/2007, 01:01 PM
الجديد ماينفع ولا بريال
الاول أحسن بكثير من ناحية البر والشكل
وارخص يعني هالحين اندبل السعر
والجديد مثل الارمادا بس صغير >>> كرتون
.أبوعبدالرحمن
17/12/2007, 02:08 PM
اخوي بسعره فك لك فتك اطلق منه


في الشكل والرفع والبر والخط وفي كل شيء


على العموم الله يعطيك العافية
أبونورة777
17/12/2007, 02:22 PM
عندي صورته .. بس للأسف ما عرفت أنزلها ..
أفق
17/12/2007, 05:05 PM
شكرا للأخوة على مرورهم الكريم
لكن مع احترامي للبعض انا صراحة معجب في الموتر اعجاب شديد من عدة نواحي
اولا / هذه هي المنافسة والتطوير المطلوب من الشركات
ثانيا/ بعض الاخوة يقول الفل كامل كان قبل ثمان سنين بثمانين الف وانا اقول الفي اكس ار كان قبل نصف المدة هاذي يعني قبل اربع سنوات بمائة وثمانين الف ولآن بكم !!!!!
مشكلتنا اننا ننظر للأصل والفصل حتى في السيارات والله عقدة هههههههههه
ثالثا/ سعر الفل كامل مائة وستة واربعين ولاقل منه مع اختلافات بسيطة بمائة وستة وثلاثين والفئة الاقل بمائة وثمانية عشر الف وجميعها فيها شاشة ملاحة وتكييف مركزي
وختر كثرة وقلة التقنية على مزاجك وحسب الفئة المناسبة0
شبح الصحراء
18/12/2007, 12:45 AM
الموتر اذا كثرت حساساته كثرة خراباته ومع كل هذه الأجهزة المعقدة التي ليس لها داعي الموتر لن يصمد إلا لأربع سنوات بعدها سوف يطلب ويصبح صديق الورش .
بدوي جنوبي
18/12/2007, 02:55 AM
اخي افق اذا نويت تشتري توكل علي الله

واستخير صراحه سياره رائعه جداااااا
اقتصاد في الوقود
تسارع قوي
راسيه جداااا في المنعطفات وسهلة في المناوره
نظام البريك قوي وتجاوب سريع
صناعة امريكيه بجودة عاليه
مزودة بأوفر درايف وشاشه ملاحه بسيطه اكيد تتطورت مع 2008
مواصفات ممتازه وسعر لا بأس به
اخي يمتلك موديل 2006 الي الان لم يعمل لها صيانه
بعد صيانه ال 1000 ك الاولي

وما شاء الله تبارك الله لا يوجد اي اعطال
ويستخدم بنزين الاخضر

صدقني اذا جربت السياره لا تتردد في الشراء
شركة نيسان لو يشوفو ردي مفروض يعطوني وحده هديه
(اقصد سياره) ،،،

كل عام وانتم بخير
قسوره2006
18/12/2007, 03:09 AM
شكر لك على التقرير المختصر
أفق
18/12/2007, 06:33 PM
شكرا لمشرفنا الكريم على مروره وتعليقه المفيد
والشكر موصول لجميع الأخوة الكرام على مرورهم
بورهف
18/12/2007, 09:17 PM
السلام عليكم ورحمة الله وبركاته جميعا
انا من رايي ان الموتر جدا ممتاز
مهو باحسن من القديم في البر لاكن الموتر فيه حقه طبعا انا اتكلم عن تجربة انا عندي باث 2003 واخوي عنده 2006
خاصة في المحرك قوة خياليه
والشركة طورة السيارة وما قصرت
وبالنسبة للسعر هذي اسعار السيارات هالايام 100 وطالع طبعا من نفس الفئة
بواردي الدلم
18/12/2007, 09:31 PM
افق

كلام كبير وانا اخوك

ترى الباث موتر للي يعرف له ويحافظ عليه

اشهد بالله انه موتر تمنيته من موديل الفين وواحد لين قدرني الله على شراه 2005
أفق
19/12/2007, 12:42 AM
ابو رهف شكرا لمرورك وتعليقك المهم
بواردي الدلم / شكرا لك فهمتها وهي طايرة والله يباركلك في موترك 2005 من افضل الموديلات ومحاكيك يملك مثله الله يبارك لنا فيها ويطعمنا خيرها ويكفينا شرها واخوانا المسلمين آمين
القناص
19/12/2007, 01:12 AM
سياره شاملة لكل ما يطمح اليه صاحب الاستخدام اليومي والكشتات الموسمية

من جد ابداع الباثفيندر 2008
المحبوب11
19/12/2007, 01:18 AM
بس والله ياعليه نشاط ماشاء الله تبارك الله وهدوء
وصرفيه حلوة بس عيبه الوحيد تانكيه صغير هذا من ناحية 2006
والله الموفق
أفق
19/12/2007, 05:13 AM
القناص و المحبوب
شكرا لمروركم على الموضوع وتعليقكم عليه
ومن ناحية النشاط بالباث ماشاء الله تبارك الله مايصدقها الا اللى جرب الموتر
شمالات نجد
19/12/2007, 04:48 PM
ثانيا/ بعض الاخوة يقول الفل كامل كان قبل ثمان سنين بثمانين الف




يا أخوي ركز زين ترا ما أحب أحد يقولني شي ما قلته


أنا قلت (أربع سنين)


بعدين الموتر غالي وسعره مهوب فيه وما يستاهل أكثر من 120 ألف الفل كامل منه


وأنا أخذته قياده تجريبيه من الحمراني بصراحه كأنك راكب سيارة أمريكية من جميع النواحي ما عدا الوجهية وعلامة نيسان.


الباترول سفاري تيب2 أصرف منه مليون مره وأقل منه في السعر قليلاً ويحمل من الفخامة الشيء الكثير.


بالتوفيق مره أخرى
أفق
20/12/2007, 01:38 AM
وبراسك يابو عــــــــــــــــزام اربع سنين
بس ترا سعر الفل قبل اربع اسنين ماكان بثمانين تأكد يعني 2004
يسرني مرورك وتقييمك للسيارة
الهاوي.
20/12/2007, 02:01 AM
مشكووووووووووووووووووووووووووووور
شمالات نجد
20/12/2007, 02:04 AM
وبراسك يابو عــــــــــــــــزام اربع سنين
بس ترا سعر الفل قبل اربع اسنين ماكان بثمانين تأكد يعني 2004
يسرني مرورك وتقييمك للسيارة

متأكد يا أخوي

وموديل 2005 بـ 85 ألف (فل كامل)

وإن كاني غلطان صححوا لي ترى الكمال لله

شكراً
أبونورة777
20/12/2007, 02:27 AM
ما شاء الله .. بصراحة عاجبني مرة

يكفيك نشاطه ..
السائل
20/12/2007, 09:33 AM
أخي شكراً لك على هذا الموضوع الرائــع ،،،
لكن تبقى مشكلة الباث المزعجة جداً (بالنسبة لي) من موديل 2006 تانكي البنـزين صغير على هذه السيارة الرائعة
أفق
20/12/2007, 05:48 PM
شكرا للاخوة على مرورهم وتعليقاتهم اللطيفة
اخوي ابو عزام مرحبا بك من جديد اخوي انا فاك 2005 وكالة الله يطرح فيه البركة بتسعين الف وهو تحت الفل وكان عليه عرض وإلا كان بسبع وتسعين تقريبا وهو تحت الفل
الفل كان تقريبا بمائة وثمانية او عشرة ماني متأكد من سعر الفل صراحة0
أفق
23/12/2007, 01:26 AM
معلومة جديدة الفل كامل جنطه ( سبع طعش) صراحة منظره حلو ما شاء الله
أفق
23/12/2007, 01:27 AM
معلومة جديدة الفل كامل جنطه (سبع طعش) منظره حلو ماشاء الله
مخاوي الذيابه
23/12/2007, 02:03 AM
مواصفات الموتر رائعه ...

تطور الموتر عن العام اللي قبله من ناحيه المواصفات ...

بس ودي أسأل هل المكينه 6 سلندر أو 8 سلندر ...

لأني الصور قبل شوي كأني شايفها 8 سلندر ...
شمالات نجد
23/12/2007, 07:01 AM
شكرا للاخوة على مرورهم وتعليقاتهم اللطيفة
اخوي ابو عزام مرحبا بك من جديد اخوي انا فاك 2005 وكالة الله يطرح فيه البركة بتسعين الف وهو تحت الفل وكان عليه عرض وإلا كان بسبع وتسعين تقريبا وهو تحت الفل
الفل كان تقريبا بمائة وثمانية او عشرة ماني متأكد من سعر الفل صراحة0

شكراً على التصحيح أخوي أفق.. الله يعطيك خيره ويكفيك شره.. ما قصرت
AZOO9Z
23/12/2007, 01:56 PM
مشكور أخوي على طرحك لهالموضوع و صدقت المواصفات حلووووة مرة لكن

اذا تبي الصراحة و اذا انت رجال بتشتري ما يصلح تدري ليش ؟!!!

سبب واحد : الضيق بصراحة ما ينفع و أنا معي باث موديله 2004 توقعت الجديد

أحسن بمسافات كا كبر ، و رحت شفت الجديد في الوكالة

كمواصفات مثل ما ذكرت حلوووة لكن ما ينركب أبد .. حتى مكان السواق ضيق

هذا و أنا جسمي صغير و قصير ههههههه شلون السمان

يعني من جد ما ينفع أضوق من الددسن يمكن مع ورا و لا المشكلة انهم حطوا مرتبه ثالثه ورا قالوا لك أوسع

و ما دروا أنهم خربوه و ضيقوا الموتر ...

و هذا تعليقي على السيارة بشكل عام و الله يعطيك العافية و ما تقصر .
أفق
23/12/2007, 06:15 PM
مخاوي الذيابة الموتر مايجي في السعودية الا سته سلندر المعلومة اكيدة
اما في الخارج سمعت انه يجي ثمانية سلندر ونا ماني متأكد والله اعلم
ابو عــــــــــزام مرحبا بك ولا تحرمنا من نقاشاتك الحلوة والمفيدة ونا اخوك
عزوز شكرا على تعليقك
yaserx
24/12/2007, 04:02 AM
مافيه أحد يحط لنا صورة للموتر المذكور ........؟؟؟؟
أفق
24/12/2007, 06:07 PM
اخوي اللي طلب صورة الموتر ادخل على الردود الاولى احد الاخوة ما قصر حط الصور وشكرا عللى مرورك
الوافe
24/12/2007, 09:18 PM
الله يعطيك العافية
أفق
25/12/2007, 03:39 AM
عافاك ربي اخوي الوافي وشكرا على مرورك
الربذي
25/12/2007, 06:47 AM
بامريكا 8سلندر انا شايف 8 سلندر على باث 2008 وصاروخ
أفق
25/12/2007, 07:55 PM
اشكرك على الفايدة الحلوة يالربذي ولا تحرمنا مشاركاتك
أفق
28/12/2007, 06:58 AM
للفائدة احد الاخوة يقول ان شاشة الملاحة ماتعطيك القراءة الصحيحة لضغط الكفرات
والحقيقة ان اخوي جرب بموتره وتبين انه يعطيك اياها بالملي