المساعد الشخصي الرقمي

مشاهدة النسخة كاملة : يا قناصة الكويت تراه بين


معشوق
19/09/2003, 07:06 PM
السلام عليكم ورحمة الله وبركاته
ياجماعه ترى حمام البر بين انا قبل يومين او ثلاث شفت 3 حمامات وبعدها رحت منطقه ثانيه ولقيت حوالي 20 حمامه وهالله هالله بالصيد وبشرونا :D
الرماي
19/09/2003, 11:23 PM
ابشر بالصيد اذا صادفناه
بس ممكن تحدد المكان الي شايفه فيه
وعلى فكره توه قبل يومين صايدين حمام عند محطة الزور
السنه هذي مبين خير ان شاء الله
@ عاشق البر @
20/09/2003, 02:35 PM
الحمام بالفعل بين بالكويت و انا صايد يوم الثلاثاء اللي طاف 12 حمامه بالدوحه ( المشروع )
وانشالله الخير جاي بالطريج

اخوكم : @ عاشق البر @
معشوق
20/09/2003, 03:01 PM
السلام عليكم ورحمة الله وبركاته
الرماي انا شفت 3 حمامات على طريج كبد وشفت 20 حمامه جدام مفرق الصبيه بشوي واذا تبي المكان بالضبط لما تدش مفرق الصبيه كمل سييييييييييييده راح تلقى مبنى لي الحين ماكمل مال الحرس الوطني اول ما توصله اكسر يمين وروح لي البحر احنا لنا شاليه هناك عاد فيه صفصاف كل الحمام يقعد عليه بس دير بالك ترميه واهو على الشجره لأنه في بالشاليه حمام ياويلك ان حشته ويا ويلك ان اذيت الحارس :D
الرماي
20/09/2003, 10:56 PM
يعطيك العافيه على هذا الوصف وابشر اذا لقينا شي راح نبلغكم
ان شاء الله
الفهد
22/09/2003, 11:43 AM
اللة يبشرك بالخير
وانا صدت عشر حمامات بالسالمى قبل امس
وفالكم الصيد
الحين وقت الحبارى
اكرم بن نصر
02/10/2003, 09:51 PM
السلام عليكم
حياك الله اخوي الرماى ودي اسأل هل تقصد الحمام القمري او نوع اخر من الحمام
وفي اي شهر يبداء القمري بدخول الكويت.
ومادا تسمون الطير الموجود في الصروه الدي في توقيعك
وبارك الله فيك
معشوق
03/10/2003, 05:19 PM
السلام عليكم
يعطيكم الله الف عافيه على مروركم للموضوع
اكرم بن نصر: على طاري استفسارك اي اهو الحمام القمري واهو الحين يبدي موسم عبوره للكويت

السموحه
اكرم بن نصر
04/10/2003, 10:26 PM
بارك الله فيك ومشششششكور اخوي selleabar وماقصرت

ترى اني كنت محتار في القمري وين ايروح بعد ما يخرج من ليبيا

وربي يفتح لك ابواب الخير