ليا ناحرت لي كن بيت الشعر مفتوق

[ابن الصحراء]

من قصيدة طويلة في وصف المجاهيم اخترنا ما يلي :
للشاعر محسن حمود العتيبي .


يقولون يا عاشق تكلم عن المعشوق = ومنهي سعيدة حظ ودك تصادقها
وأنا ما عشقت من الأوادم ولا مخلوق = ولا همّني شوف البلاد وفنادقها
أنا أحب شوف البر ومولّعٍ فالنُوق = وأنا شف بالي فالمجاهيم واعشقها
أنا عاشقٍ للنُوق ماهو لزاهي الطوق= عسى لايمي كبده على الجمر يحرقها
ليا حوّلت في فيضةٍ حفّها الرقروق = تكاسر على المقهور محدٍ يصافقها
فياضٍ عذية عشبها تله الزملوق= بعيد المشارب والغنم ما ترافقها
ثمانين كيلو كان فيها وعَر وعروق= قياسٍ لشدّتها وعشرين لحقها
مجاهيم فيها وحده كنها الغرنوق= رباعٍ ردوم محيوله ما نسوّقها
بنات الفحل ومسلسله مالحقهن عوق = من الفاطر اللي قلت سبحان خالقها
ليا ناحرت لي كن بيت الشعر مفتوق= وسيعٍ نحرها والقلايد تعلّقها
سناد الغوارب والشحم شالته مفهوق= طويله بقامتها طويلٍ معنقها
حداد الوجيه اللي عليها الأذاني فوق = عليها من أبو غدران وصفة تناسقها
ليا جيت فايمنها تشوف العلامة ذوق = عليها ثلاثة من الشهر معء مطارقها
زمانٍ مضى يوم ان عود القنا زاروق = رعينا بها الأقفار محدٍ يضايقها
رعينا بها مع ضف قطعان برقا وروق = نبات الحيا من حيث ما لاح بارقها

[ابو عايد]

وتسلم يمناك ابن الصحراء

صح لسانك ومشكووووووووور الله قصيده جميله . قمه في الروعه

وانشاء الله يجي منك زود

وتقبل تحياتي // العاشق الولهان

[راعي مرات]

الغالي000 أبن الصحراء00

تختار فتجزل000

وهذه عطية طيبة000من وجه طيب00أخي000

صح لسان الشاعر/ محسن حمود العتيبي

وسلمت يمينك التي إنتقت لنا هذه الرائعة000

قرأتها وأعدت قرأتها وفي كل مرة أسعد كأنني أقرأها لأول مرة00من فرط إعجاب يبها00

فيها من السلاسة والعذوبة00والوصف الرائع00ما يجعلك تعيد قرأتها أكثر من مرة00

سلمت أيها المبدع000


وسلم رأس قائلها000فعلاً التولع بالنوق000يعادله تولع الصقار بطيره000وهناك قصائد في هذا المجال كثر000

لاهنت000دام عزك وإبداعك000

تقبل فائق تقديرنا

[الفهد]

الاخ الغالى ابن الصحراء
واللة قصيدة رائعة رائعة
بارك اللة فيك لا عدمناك

[ميراج]

الاخ ابن الصحراء بيض الله وجهك

قصيده ممتازه فى وصف المجاهيم صح لسانك ولسان الشاعر
تحياتى

[نقا هشال]

ابن الصحراء
يعطيك العافيه
اختيار موفق
وصح لسان الشاعر

[العـفــار]

أخوي (( ابن الصحراء ))
صح لسانك ولسان الشاعر/ محسن حمود العتيبي
والله يعطيك العافيه على هالقصيده الجزله ومشكور على حسن الأختيار
وللصحراء ان تفتخر بإنجاب أبن وفي مثلك .. يقول خلف بن هذال :

البل لها في مهجت القلب منزال ===== منايح القصار سفن الصحاري
أجمع من البل عشر وتصير وبال ===== وختر فحلها مع جنبها يباري

[ابو عمر اللاحم]

الله يعطيك العافيه يا ابن الصحراء على اتحافنا بهذه القصيده الجميله في عشق المجاهيم .

تحياتي ،،،

[ريف النشاما]

ريف مر من هنا على ناقته

[الدهماني]

صح لسانك ولسان الشاعر العتيبي
عزالله خوش قصيدة
يوم قريتها حسيت إني أتمشى بينهم وسط الفياض

أخوك أبو محمد

[ابو طنب]

تسلم يمينك ابن الصحراء

اختيار جميل في المعنى والمضمون بارك الله فيك

وصح لسان شاعرها

ابو طنب

[krar]

صح لسانك ولسانه
قصيدة طيبة من قلب مولع بالبل

[جفيل]

وتسلم يمناك ابن الصحراء

صح لسانك ومشكووووووووور الله قصيده جميله . قمه في الروعه

وانشاء الله يجي منك زود