من عنده مرادي

[جن جون]

شباب عندي جرو عمره 6 او 7 شهور من يوم جابته امه لحد اليوم هذا ما ضربته وبلعكس مدلعه اخر دلع وكل يوم امشيه معي في السياره او انيا اربطه بحبل وامشيه معي و ما في احلى منه وبس افكه والله ماعاد اشوف الا الغبار وراه تقول تيربو وعلى طول البيت وكل يوم نفس الحكايه ابي حل قبل لا اذبحه والمشكله اني اجربه في الصيد يصيد الجربوع في النهار يعني اصيد له جربوع في الليل وافكه له النهار يصيده ولا يروح الجربوع وش الحل يا شباب مكشات

[ذيب عتيبه]

السلام عليكم والرحمه

حيــآك الله يالغالي .. ويامرحبا فيك ضيف مميـز في هالخيمه المميــزه ...ياهلا


بالنسبه يالغالي لأستفسـآرك وهالسؤآل ...


فأبسألك انا ..

1- هل بالبييت أو المكان اللي تربي فيه الجرو هذا شي تتوقع أنه يروح علشانه ؟؟ مثل أنه يكون فيه سلق أو أنك تجوعه ويكون في مكانه أكل مثلا ؟؟ ..

ياليت تجـآوبني على هالسؤآل ..

أما أذا كآن الوضع عـآدي .. فأبقولك يالغالي .. الطريقه ..

أنك تآخذه معك لبر يكون مافيه لامكان يتخفى فيه ولا مخبأ له ..

رآح تشوفه مايتعدآك .. وبها الطريقه أستغله أنت ... أنك تلاعبه وتمسح عليه .. ومايمنع انك تأكله .. وعلى هالحاله ثلاث مرات بالاسبوع ,.. وبشـرني بعدها وش يصير عليه



وموفق يالغالي .. والله يطعمك من صيده .. ويحفظه لك


يامرحبا

[القحطاني505]

تفكيرك سليم لكن لاتستعجل على الجرو علشان لايجيه ملع والله يهنيك فيه
//
القحطاني505

[مدرب الطير]

ما قصرو راعين الخبره معاك

[جن جون]

الله لا يهينكم يا الربع على الردود لاكن يا ذيب عتيبه وديته للبر ولافيه لا انا وهو ولا فاد من افكه ينحاش ولا عاد يوقف لحد ما الحقه بسياره يخاف ويوقف ولا غير كذا مافي امل والمكان اللي فيه مافيه الا هو مامعه احد والأكل اعطيه بعيد عن مكانه اخرها اليوم معطيه الاكل بعيد بعيد عن مكانه يجي ياكل ويرجع صاروخ ولا عاد يطلع حتى لو الباب مفتوح ولا عنده احد

[ذيب عتيبه]

الله لا يهينكم يا الربع على الردود لاكن يا ذيب عتيبه وديته للبر ولافيه لا انا وهو ولا فاد من افكه ينحاش ولا عاد يوقف لحد ما الحقه بسياره يخاف ويوقف ولا غير كذا مافي امل والمكان اللي فيه مافيه الا هو مامعه احد والأكل اعطيه بعيد عن مكانه اخرها اليوم معطيه الاكل بعيد بعيد عن مكانه يجي ياكل ويرجع صاروخ ولا عاد يطلع حتى لو الباب مفتوح ولا عنده احد




حياك الله ياجو جون ...


ولا أنت يالغالي ..


أبقولك شي يالغالي .. لكن يمكن تضحك أو تستغرب من هالسؤآل .. لكن ضروري تجاوبني ..


هل متأكد أنت بالاول أنه سلوقي ؟؟ أو جعري ؟.. جاوبني وياليت لو تنزل له صوره وحده كافيه

ووين موقعك الله يطولي بعمـرك
أنتظر أجآبتك يالغالي .....

[جن جون]

يا ذيب والله انه سلوقي اب عن جد واصلي ميه ميه ووابشر بصوره بس بكرها انزلها لك

[ذيب عتيبه]

يا ذيب والله انه سلوقي اب عن جد واصلي ميه ميه ووابشر بصوره بس بكرها انزلها لك




على الرحب والسعه .. وحيآك الله أنت وصـورك ... بأنتظآر الصـور ...

[جن جون]

هذي صورة الجرو يا ذيب عتيبه وسامحنى على الاطاله
http://www.mekshat.com/pix/upload02/images56/mk65557_dog.jpg
وهذي من المقدمة
http://www.mekshat.com/pix/upload02/images56/mk65557_dog1.jpg



وشكراً لك يا ذيب عتيبه

[محب مكشات .]

شف السلوقي طلعه كل مايكون اصغير احسن بس اصغير خله هو بلحاله يلعب او معه سلق ماتركضه ورى السياره لين عضامه توها وبعدين يمشي على جنب شفت سلق عند ناس كذا طله معك ويفضل تخليه يتعود على الناس وتسلم اكثير

[محب مكشات .]

السلوقي تراه طيب بالحيل وعربي اصيل لاتفرط فيه وانا اخوك

[جن جون]

محب مكشات تسلم يا قلبي على المرور بس مابقى شي ماسيوته له دلع اخر دلع ولا في ضرب وحاولت بكل الطرق ولا في فايده اخرها اليوم ابيه يتعود على السياره لانك تعرف الجر اول ماتربكه في سياره يسويها وابيه يتعود اول ما وقفت يطب من حوض السياره وينحاااااااااااش وربي انا جلست اضحك عليه وش تبيني اسوي له عجزت فيه

[صياد حوران]

اخوي الكريم ازا عندك سلوقيات صياده طلعومعهن القنص شان يتعود ومنها يتمرن تقبل مروري اخوك صياد حوران

[جن جون]

مشكور شكراً عميقاً يا صياد الحورن بس ياخوك مابقى شي ماسويته معه بس مافي امل وهو يصيد بس ما يجي اذا ناديته

[الديموقراطي]

خله على راحته توه صغير والله يحفظه لك انطر عليه وقوول يا صبر ايووب على قوومه

[ذيب عتيبه]

السلام عليكم ورحمه الله وبركــآته


وشلونك ياجن جون .. بشـرنا عنـك .. عسى احوآلك زينه ... والعيد عليك مبـآرك ..


ماشاء الله تبـآرك الرحمن على جـروك ... ماشاء الله تبـآرك الرحمن ...الله يحفظه لك ويطعمـك من صيده ..


يبين لي من خلال الصـورتين انه حتى خآيف منك وهذا وآضح ...


لكن جرب هالحل وأنشاء الله بتدعيلي ..



أخذه وركبه بالحوض .. وأطلع به للبر وخله مـربوط بالحوض لاتفكه .. خله يتفرج عليك .. وانت نزل أغرآضك وأجلس ولاتفكر فيه خله يتفرج عليك .. سآعه ولا سآعتين وبعدها شل أغرآضك وأرجع ..((وأن كان عندك سلوقي ولا سلقه ثانيه يكون أفضل تنزلها وتلاعبها وخله هو مربوط ويشوف))..



بالكثير أسبوع وبتدعيلي أنشاء الله




باين عليه أنه كان يطلع به للبر ويضرب




وأعذرنا على الاطآله ..

[جن جون]

الديمقراطي نشكرك نحن جن جون على المرور وتسلم يا غالي والله لا يحرمناء منك يا غالي

[جن جون]

ذيب عتيبه الله لايحرمني منك وبجرب الفكره هذي الللي قلتها وانشاء الله تنفع وتسلم ياغالي على اهتمامك في الموضوع والله من غيرك مدري وش بيصير والله يفرج همك مثل مافرجت همي بهتمامك

[ذيب عتيبه]

ذيب عتيبه الله لايحرمني منك وبجرب الفكره هذي الللي قلتها وانشاء الله تنفع وتسلم ياغالي على اهتمامك في الموضوع والله من غيرك مدري وش بيصير والله يفرج همك مثل مافرجت همي بهتمامك




جن جون ...أن كان لرآعي الطلب شرف بخدمته فأنا على رآس الخدمه .. وانت يشرف الرجال مسآعدتك باللي يده وفكره يطوله .. وقل أمين ... الله لايحرمنا منك ومن أخلاقك ..

الله يسلمك من كل شـر ويحفظك الله .. والله يسعدك دنيا وآخره وكل حآضر ..

والرجال اللي شروآك وشروى كل حآضر تستاهل كل طيب والله يكثر من أمثـآلك

وأن أحتجت شي ولا شي وانا خوك لايردك الا لسانك ولو بالخآص .. ويامرحبا

[واحد طش]

السلام عليكم ..
وانا اخوك السلوقي شرود .. بس عاد انت خله على وضعه ذا واذا جلست فالحوش ولا شئ .. دق لك منساب واربط سلسلة الجرو فيها وخله عندك .. عطه شئ ياكله لين يحس بالامان عندك يصير دائما حوولك ما يروح بعيد سواء قنصت ولا جلست وهذا اللي عندي

[جن جون]

تسلم يا راعي المواجيب يا ذيب عتيبه وعساي اقدر وارد الجميل لك والله يدخلك فسيح جناته وجميع المسلمين

[جن جون]

واحد طش مشكور على اهتمامك الرد على الموضوع يا غالي وجربت الفكره اللي طرحتها ولا فاد معه

[الأكيدر]

السلوقي مشاء الله عليه طيب وماقصر اخوي ذيب عتيبه 000

[جن جون]

مشكور يا الاكيدر على المرور والرد تسلم يا غالي

[رحال عمان]

أخي جن جون أنا من تحليلي للصور هذا الجرو المسكين يحتاج له عناية أكثر حرااام عليك رابطة بخيط نايلون علشان شيه يشرد البيت الظاهر عليه أيضا مب شرس والله يوفقك .......

[جن جون]

لا ياخوك ابشرك هو مربوط قبل خمس دقايق من الصوره وبعدها فكيناه وشكرا ً على اهتمامك ومرورك يا غالي رحال عمان

[خشف.]

ما قصرو اعضاء الخيمه