يا مبارك محزمي ... شوق العذارى

[ابو عايد]

[poem=font="Simplified Arabic,5,darkblue,bold,normal" bkcolor="transparent" bkimage="backgrounds/18.gif" border="double,4,gray" type=2 line=1 align=center use=ex num="0,black"]

استوى طرق الشعر لي يوم حارا=والقوافي وإن عصت لازم تطيعي
والبيوت تساق من فكري تبارا=لين تبرك عند موردها الطبيعي
راكب اللي عدلوا فيه النصارا=نزلوا له حجم ما طور شنيعي
وردوه بشرط يجعل له مطارا=مخطرٍ يقلع من المشى سريعي
لا مشى يقدح مع " الشكمان " نارا=وإن نهبته زاد خطر إنه يزيعي
" شاص " سموه " الشبح " فاقلع وطارا=والسريع من " المواتر " له تبيعي
فوقه اللي يحكمه بر وقارا=في المساري لا يحير ولا بضيعي
" يا مبارك " محزمي .. شوق العذارا=شيك " الموتر " بنسري " يا المنيعي "
صوب دار للفخر مثل النهارا=ديرة رجال لها قدر رفيعي
ساقني شوق لها دار الحرارا=لعنبو قلبٍ عليها ما يليعي
جعل براق الحيال يسقي الديارا=يسقي الوادي ويرجع به ربيعي
يمطر بهضبه وعرقه والزبارا=لين يدله صاحب القلب الوجيعي

الشاعر ** فهد بن ماجد ال ناهش الودعاني
[/poet]

[راعي مرات]

أبو عايد000الغالي000

يسلم بنانك00وصح فكرك00أيها الغالي000

أخترت لنا فأبدعت من الحروف الجميلة التي صاغها /الشاعر/ فهد الودعاني

جميلة وأكثر من رائعة000توصيف بليغ000

جعلنا كأننا أحد ركاب السيارة000

تسلم أخي00ولا نستغرب الجزل منك أيها الأصيل000

[ابو عايد]

تسلم والله يا ابو عبدالله

وجعل عمرك يطول فهذا بعض ما لديكم فأنتم المدرسه ونحن من يتعلم فيها

وصح بدنك وما عليك زود يا غالــــــــي


الطيب ورثك ماشريته بالاثمان=متسلسل من نبع ناس عريبين
الطيب ساسك وانت للطيب ديوان=قول صحيح ولا يبي له براهين
لبست من طيبك على الراس تيجان=تاج قوي ولاتهزه سلاطين




واحببت ان اعبر عما في خاطري بهذه الابيات التي سمعتها مرات

وتقبل تحيات ** العاشق الولهان

[صقر]

مشكور ابو عايد

صح لسانك ولسان الشاعر الودعاني

واختيار موفق



بارك الله فيك

[منيع]

مشرفنا العزيز/ ابوعايد
الشعر ذوق وتذوق الشعر يدل على ادبيات الناقل
ولقد والله اجدت بطرحك هذه الابيات وهي من الشعر التقليدي الذي اطرب له ولمفرداته كثيراً

[ابو عايد]

هلا وغلا 00 بك00صقر

مشكور عزيزي 00 وصح بدنك يالغالي

والله لايحــــرمنا من تواجدك المسـتمر 00

الله يجزاك خير الغالي

وتقبل تحياتي // العاشق الولهان

[ابو عايد]

وغلا 00 بك00 منيع

مشكور عزيزي 00 على التحليل المخـتصر 00 والعبارات المشجعة

والله لايحــــرمنا من تواجدك المسـتمر 00

وما عليك زود يالغالي

وتقبل تحياتي // العاشق الولهان

[بـلـيـهـان]

ابو عايد ..

صح لسانك ..

ولسان الودعاني ..

اختيار جميل ..

تشكر عليه ..

لاهنت ..

" شاص " سموه " الشبـح " فاقلـع iiوطـارا والسريـع مـن " المواتـر " لـه تبيـعـي

[نقا هشال]

ابو عايد
تسلم
ياغالي
اختيار ممتاز
وصح لسان الشاعر

وانا اشهد ان الشاص سياره

[ابو عايد]

اخي العزيز والغالي 00بـلـيـهـان

اشكر لك حسن انطباعك وعلى كلمات الاطراء الجميلة

ومشكور على مرورك

فلك مني اجمل تحــية

وتقبل تحيات ** العاشق الولهان

[ابو عايد]

أخي العزيز 00 نقا هشال

اشكر لك حسن انطباعك وعلى كلمات الاطراء الجميلة

مشكور ياخي العزيز على مرورك وتواصلك معنا

وصح بدنك يالغالي

فلك مني اجمل تحــية

وتقبل تحياتي // العاشق الولهان

[ريف النشاما]

ريف مر من هنا على شاص جيرانهم :d

[CRUISE**كروز]

ماسكة على الشعر ياريف:):)
الموضوع هذا له سنتين بالضبط
سبحان الدايم اللي مايموت
ماندري ياريف هو اللي كتبوه احياء والا رحلو مع الراحلين؟؟؟؟؟

[صاروخ]

قصيده رائعه وصح لسانك ولسان الشاعر

[ابو طنب]

بارك الله فيك اخي ابو عايد على هذا الاختيار الموفق


وصح الله لسان الوعاني



ابو طنب

[ابومشهور]

صـــــــح لســــــــانــــــك

وعــــــذب هتــــــــــانك


لاهنت يابوعايد على القصيده الرائعه

وبيض الله وجهك

[MOOM]

سلمت انامل الناقل

وصح لسان القائل

الف شكر ولاهنت

[ابو عايد]

السلام عليكم ورحمة الله وبركاته

مشكورين على مروركم وصحة ابدانكم ياريف مريت على رساله لها سنين ذكرتنا بالغالين

[عاشق الصحراء]

صح لسانك يالغالي.

[سليمان المطرودي]

مشكور يا اخوي على القصيدة الرائعة وصح لسان قائلها ، واود ان الفت انتباهك ان هناك خلطتين املائيتين في الكتابة بالكلمتين التاليتين : يضيغي مكوتوبه بضيعي ، والخيال مكتبوبة الحيال .

تحياتي
سليمان المطرودي

[شيخ نجد]

[QUOTE=ابو عايد]
استوى طرق الشعر لي يوم حارا=والقوافي وإن عصت لازم تطيعي
والبيوت تساق من فكري تبارا=لين تبرك عند موردها الطبيعي
راكب اللي عدلوا فيه النصارا=نزلوا له حجم ما طور شنيعي
وردوه بشرط يجعل له مطارا=مخطرٍ يقلع من المشى سريعي
لا مشى يقدح مع " الشكمان " نارا=وإن نهبته زاد خطر إنه يزيعي
" شاص " سموه " الشبح " فاقلع وطارا=والسريع من " المواتر " له تبيعي
فوقه اللي يحكمه بر وقارا=في المساري لا يحير ولا بضيعي
" يا مبارك " محزمي .. شوق العذارا=شيك " الموتر " بنسري " يا المنيعي "
صوب دار للفخر مثل النهارا=ديرة رجال لها قدر رفيعي
ساقني شوق لها دار الحرارا=لعنبو قلبٍ عليها ما يليعي
جعل براق الحيال يسقي الديارا=يسقي الوادي ويرجع به ربيعي
يمطر بهضبه وعرقه والزبارا=لين يدله صاحب القلب الوجيعي

الشاعر ** فهد بن ماجد ال ناهش الودعاني
[/p [/QUOTE


لله ما اخذ ولله ما اعطى
نيابة عن الاخ ابو عايد اتقدم بالعزاء الى جميع اعضاء مكشات والى كاتب الموضوع تحديدا وذلك في وفاة صاحب القصيدة الشاعر النقيب / فهد بن ماجد الودعاني وذلك اثر حاث انقلاب في الصحراء عندما كانوا في كشته بريه قبل اسبوعين وكان برفقته اثنين من زملاء العمل توفي احدهما ولم يصب الاخر بأذى ..

رحم الله فهد وزميلة وغفر لهما واكرم نزلهما وجبر عزاء اهلهما والهمهم الصبر والسلوان

انا لله وانا اليه راجعون