لاهل الخبره في المكا ئن السناريه

[المبردي]

هل استطيع تركيب خيط 70على ماكينه اطول من 200 متر وما هو اقصى حدفي الطول واين اجدها بالشرقيه وش رايكم بالمكينيه المستخدمه على القارب الي تجي بالعرض فيه امل ولا لا اذا اجبتم سوف اعلمكم لماذا هذا اطلب بس اكيد اهل الخبره بصيدوني وشكرا :confused: :confused: :confused: :confused: :confused:

[شعور]

على حسب علمي المكائن العرضيه اللي يسموها (ترولينج) تشيل ماشاءالله خيط كثير اعتقد لو خيطك 90 او 100 مافي مشكله

و اذا عبيت 200 متر كفايه تنزل منهم 50 متر في البحر والباقي احتياط


لكن في الصيد من الشاطئ ماتساعدك في الرمي ولفها بطيء هذي للابوات فقط

فيه مكائن عاديه تشيل خيط كثير زي دايوا وبانكس ... لكن خيط 70 مايزيد عن 150 متر وفي الرمي والسحب الله يعينك ممكن يفرط بسهوله


60 جيد واستعمل مصفر احتياط

[بوحور]

والله ودي اعرف السالفة

[شعور]

بو حور مرحبا

السالفه ان اخونا المبردي يريد يستعمل خيط للصيد مقاس 70 ملمتر

وهذا المقاس كبير نسبيا وماهو اي مكينه تشيله ..... ويفضل ان المكينه تتعبي بخيط طوله على الاقل 200متر وانت طالع والا هناك خطوره على العده انها تروح في البحر


وشكرا

[المبردي]

الله يعطيك الف عافبيه اخوي شعور على ها لمعلومه ونبي بعد اكثر من اخوانا اهل الخبره الي شرواك :) :) :)

[( برى بحرى)]

اخى الكريم

مكائن الترولنج يعنى خاصه للتشخيط لها مقاسات واحجام منها الصغير ومنها الكبير

كل مكينه مكتوب عليها حجم الخيط اللى تقدر تلفه وجم متر تاخذ منه

على فكره مكينه الترولنج ما تقدر تشوح او تحذف منها من على الشاطىء لا تنسى هذى المعلومه

لان نظامها يختلف عن المكينه الاخرى


تحياتى