السفر بالسيارة واخطارة؟؟؟

[YOU1]

السلام عليكم ورحمة اللة وبركاتة وأسعد اللة اوقاتكم ....
بصراحة انا متابع قديم للمنتدي ومشترك جديد وللامانة منتدي مكشات اكثر من رائع واعضائة في غاية الأدب والروعة.
ومن غير اطالة لي سؤال وارجو منكم أن لاتبخلوا علي بالاجابة أو بالاحري بالنصيحة.
انا اخوكم مغرم بسفر السيارة واحبة جدا خاصة اوقات الشتاء الربيع وسفراتي اغلبها عائلية وسيارتي شفر فان النوع الكبير وبصراحة استمتع بمشي الليل من حيث الهدوء وفضاوة الخطوط بهالوقت عقب ما يتعشون الأهل ويفرشون ينامون مع الأطفال وانا اسري بهالليل واستمتع بكل شي بالطريق حتي ليتات التريلات الملونة اللي علي جنبها تعجبني بالليل وهي واقفة.
بس من خلال تصفحي لمنتدي مكشات لاحضت ان فية تحذير من بعض الاعضاء من مشي الليل ومن بعض الخطوط..ارجو بيان هل فية خطر من ممشي الليل وهل فية خطوط خطرة وما ينصح المشي فيةا مع العلم ان اخر سفرة لي كانت الصيف اللي فات والحمد للة كانت دوريات امن الطرق علي طول شغالة من ابها عبر وادي الدواسر الي الرياض الي الدمام ونقاط التفتيش كثيرة وهذا يحسسنى بالامن ولكن يمكن فية اشياء ما مرت على ...ارجو منكم النصيحة وشكرا لكم وعذرا لأ:) طالتى عليكم.

[مطاربروق]

اخوي السلام عليكم اول شي عليك بدعاء السفر والثاني عليك بلاذكار وانشاء الله ان الله يحميك من مخاطر الطريق والله انك مثلى تماما واني ما احب امشي الا بالليل وكثر سفارتي كلها بر والله يحميك ويستر عليك والاخوان يفديونك عن الخطوط الى فيها خطر اما انا لله الحمد ما قد واجهت اى مشاكل علما اني قد طفت المملكه طول وعرض وكذلك ذهبت صيف العام الى صلاله وتقبل مروري

[الساهر2003]

اخوي اهم شيي عدم التفريط في شيي ماء والدعاء والاذكار والمكتوب مقدر
وعيون الليل ضواق لكن المشي في النهار افضل بكثير الاستمتاع بالطبيعة ولو حصل شيي في السيارة او في الطريق ممكن تتفاداه باذن الله وغالبا الطرق ذات مسار واحد هو الاخطر
واتوقع اغلب الشباب يحب مشي الليل ولكن النهار افضل من ناحية التمشي واذا بتقضى لزوم مشيي الليل اريح لنفسيا لكن اذا تعطل الموتر او غيره في الليل تكون النفس شينه تتمنى انه متعطل في النهار افضل بكثير
مع اطيب تحية

[شحبار]

الله يسمح دربك
اول شي تعرف على الله بالرخاء يعرفك بالشده
ممشى الليل مهم ان يكون معاك ليت وظروري جيك((عفريته)) احتياط انا كنت احب ممشى الليل لكن صارتلي مواقف كرهت ممشى الليل وصرت امشي بالنهار

[المحبوب11]

افعل الاسباب اخوي وتوكل على الله
والله الحافظ

[مرفــأ]

بالنسبة لي احب ممشى الليل خاصة اذا كانت قمرا

ولكن ممشى النهار اكثر امن

والحمد الله لم تحصل لي اي مواقف

[YOU1]

السلام عليكم ورحمة اللة وبركاتة وعيدكم مبارك وتقبل اللة مني ومنكم صالح الاعمال وعساكم تعودونة بالصحة والعافية وجميع المسلمين...
احب اشكركم علي تجاوبكم مع الموضوع ونصائحكم الطيبة..وفعلا اللي قال ان مشي الليل مخيف صادق.
انا حصل لي موقف قبل حوالي ثلاث سنين .كنت رايح لبنان مع الأهل والأطفال ومريت القصيم وقعدت كم يوم ومشيت يوم الجمعة الظهر مرورا بالزلفي مع خط لينا اللي يوصل لرفحة وكان المطر يصب صب من بعد الزلفي بشوي الي رفحة وعرعر وكان المطر غزير جدا جدا وبروق ورعود والجو بارد جدا واللة يومها ثلجث رجليني(كرمكم اللة)واشغل الدفاية كنها مكيف من البرد بصراحة عمري ماشفت مثل هالبرد انا سافرت عدة سفرات لبلاد ثلجية والوضع عادي بس هالبرد ماشفت مثلة بحيث اننا مانقدر ننزل من السيارة وسرعتي ماكانت تتعدي الستين لأني ما اشوف شي ويوم تعديت عرعر والساعة وقتها وحدة بالليل وانا لحالي بالطريق واللة مامر علي الا باص النقل الجماعي واستروفان طاير وغيرهم ماشفت احد بتاتا ماحولي الا ارض وبرق ورعد ومطر يصب شوي واشوف لمبات السيارة طار لونها اصفر وكنت مولع العالي ويوم شفت عداد البطارية لقيتة نايم عند الأحمروقفت وفتحت الغطا واسمع للدينمو صوت وعرفت انة تعطل وباقي تقريبا علي طريف ثمانين كيلو تقريبا اذا ماخانتني الذاكرة وبرد ومافية احد بالطريق وقتها التفتت للأطفال وهم نايمين بالدفا وقلت ياااارب علشان هالأطفال المساكين وصلنا لطريف وكانت اللمبات كل مالها تضعف المهم وكلت امري للة سبحانة وقمت اشب اللمبات شوي واطفيها شوي لين وصلنا طريف الفجر واجرنا غرفة ونمنا فيها وحمدت اللة علي السلامة والأهل طبعا ما يدرون بشى واللة لو الموتر طافي بهالبر كان مات الأطفال من البرد والخوف بس الحمد للة علي كل حال.:good:

[YOU1]

المهم بعد ما سكنا بغرفة حروة الفجر ونمنا وعينا خير قمت من النوم الساعة تقريبا سبع وقلبي ياكلني واحاتي واقول عسي القي قطع غيار للسيارة المهم سويت قهوتي وتقهويت وطلعت للأستقبال وسالتة ان كان فية كهربائي شاطر وقال فية واحد لبناني قريب واشر لي علية اثر الشقة اللي حنا فيها بصناعية طريف المهم قال الورش مايفتحون الا اعتقد قال الساعة ثمان او تسع ما اذكر بالضبط المهم شوي والا واحد داخل علينا هيئتة كهربائى او ميكانيكى يمنى المهم قال لي العاما هذا كهربائي فقال خير وشعندك قلت لة الموضوع كذا وكذا المهم قال لي المحل خلف الشقق وركب معاي وشغلت الموتر واشتغل وللة الحمد لأن البطارية كانت جديدة واحد من اصدقائي جزاة اللة خير وياكم نصحنى وقال معك عايلة حط بطارية جديدة ولاتخاطر تري ماتسوى عليك الوقفة وفعلا لو ماكانت جديدة كان فضت من زمان ..المهم ما اطول عليكم بعد ماركب معاي اليمني ورحنا الكراج ونزلت اشوف الرجال فتح باب السايق وقعد يجرجر المرتبة حقت السايق انا بصراحة استغربت وخليتة شوى ابي اشوف وش يدور؟؟؟ بالأخير سألتة وش تدور ؟؟ قال البطارية!!!! تصورو!كهربائي ويدور بطارية الفان تحت المرتبة!انا يوم شفت هذي حالتة قلت لة لو سمحت ما ابيك تشتغل بالسيارة وركبت ومشيت ورحت ادور اللبناني والظاهر اني غلطت وطعت لي بواحد اردني عقب ما فك الدينمو قال هذا ما يتصلح وتصليحة يكلف مثل الجديد المهم قلت لة جديد جديد المهم نخلص وركبت معاة بسيارتة ورحنا لمحل وقال للبياع بكم الدينمو الجديد وبكم المجدد فقال المجدد اعتقد ب300 والجديد يمكن ب700 تقريبا واعذروني اذا ماكانت الاسعار صحيحة لاني نسيت المهم واشوف الكهربائي دخل داخل وطلع الدينمو الجديد وحطة بكرتون المجدد والبياع مايدرى وانا ماكنت اعرف نيتة بصراحه وقام عطاة ثمن المجدد ويوم ركبنا السيارة قلت لة بكم شريتة قال شفت ماينفع معاهم ال هالأسلوب انا شريت لك الجديد بسعر المجدد!!!انا بصراحة انصدمت من فعلتة هذى وقلت لة لو سمحت روح رجعة او عط البياع باقي فلوسة ياخي حرام عليك المهم حاول يقنعني وقلت لة اذا ماعطيتة باقي فلوسة واللة لااروح واعلمة واشتكي عليك وقام يحاول المهم نزلت للبياع واخذت الدينمو معاي وقلت لة يااخي انا شريت منك دينمو مجدد ويوم طلعتة من الكرتون كأني اشوفة اصلى تأكد ياابن الحلال ويوم شافة قال فعلا هذا اصلي ويمكن احد من الزباين غلط وحطة بكرتون المجدد المهم قلت لة عطني المجدد وركبت مع الأردني ورحنا السيارة ووقفت علي راسة لما خلص الشغل اخف يسرق من سيارتي شي هذا انسان ماعندة امانة ولا مروءة وبعد ماخلص حروة الظهر توكلت على اللة وكملت مشوارى... ورحت سوريا فريتها وطلعت لبنان وقعدت فيها اسبوعين ماحركت السيارة وكنت اتنقل مع واحد بالأجار لأن الوقت كان ثلوج والسيارة كبيرة وسياقتها صعبة المهم قبل يوم المشية بيوم قلت خل اشغل السيارة وافحصها ويوم شغلت لقيت الدينمو خربان للمرة الثانية وقلتوش هالحظ توي مركبة وشكلة جديد المهم قلت لصاحبنا اللبناني قال ولايهمك ووكنت ساكن بمنطقة عالية وهالمنطقة كلها دروز فقال انا راح اوديك لمعلم كهرباء احسن من خبراء جنرال موتورز وفعلا رحنا لكهربائى درزي شنبة يوقف علية النسر ومن شاف الدينمو قال هذا ماينفع وراح اوريك ويوم فكة لقيت اللي بداخلة كلة مصدي فقلت لة وش الحل ياخي ابي اروح اشري اصلي واللة لو بالف دولار فقال ليش انا راح اسويه لك وشرط راح تجينا السنة اللي جاية واللي وراها وهو علي السيارة وقلت لة توكل علي اللة وقام يجمع لي قطة من فوق وقطعة من تحت لما كملة يعني ما استخدم من الدينمو حقي الا الغلاف بس واللي داخل كلة منة المهم ركبة لي ولليوم شغال وسافرت علية يمكن 15 سفرة وهو ممتااااز جدا...
وسامحوني اذا طولت عليكم بس مشكلتي اذا قلت السالفة لاازم اكملها والا ما ارتاح... ولااتبخلوا علينا بنصايحكم وتجاربكم..

[الذيب المغترب]

نعم اخي الحبيب الخبراء والمتمكنين بعملهم لايحتاجون للذهاب الى الغربة عن وطنهم فالطبيب الفاهم لايخرج من بلدة بسبب تمكنه من العمل وكثرة الزبائن عندة والمهندس كذلك وغيرهم من اصحاب المهن (وترى احنا مايجينا الا المتردية والنطيحة يعني اللي ماقدر ينجح ببلدة تلقاهم عندنا والكلام هذا يخص جميع الاعمال اطباء وواطباء اسنان ومهندسين بجميع تخصصات الهندسة والجميع المهن التي بالسوق)