اختلط زيت القير مع مويه الاديتر

[لمع السحاب]

في يوم قلت اغير موية الرديتر وتفاجئت بوجود زيت في الرديتر وعند الفحص تبين انه منفقع ثلاجة تبريد زيت القير اللي تحت الرديتر وقمت بعمل اللازم بتصليح الثلاجة وتنظيف القير وتغيير الفلتر مع الزيت اللي اخذ مني تقريبا 10 علب تنظيف مع التغيير المهم بعد اسبوع الا اشوف فيه اثر قال المنهدس ان يحتاج تنفيظ ثاني وقمت بتغيير الزيت مره ثانية بس فيه مشكله ان احيانا بعد المشااوير الطويله عندما احط النمره في ال n والقمة في d ما يشبك القير بسرعة وتسمع صوت مسكه القير مع المكينة هل هذا الأمر خطير على القير ام لا علما السيارة باثفيندر تماتيك 2003 ارجوا التفاعل
fofo4000@hotmail.com

[طناف]

غير الاديتر ومن ثم غير زيت القير
مشكلتك بسيطة لكن أبتعد عن ورشتك السابقة .

[لمع السحاب]

اشكرك على الرد بس ارجوا التفسير كيف اغير الاديتر مع انه تم تنظيفه كامل مع السلنددرات وانا واقف عن المهندس وهو يشتغل في الاديتر ارجو التوضيح

[بواردي الدلم]

السلام عليكم ورحمه الله وبركاته

بالنسبه لي انا صارت معي نفس مشكلتك واصلحتها قبل شهر بالظبط

الرديتر كان لون المويه في احمر ( زهري ) وقلت يمكن لون المويه كذا احمر زي النوع الثاني الاخضر لاكن اللي مادخل مزاجي اني لقيت الغطاء حق الرديتر فيه ماده غليظه كانها معجون اسنان
وفعلا صارت المشكله عندي نفس مشكلتك (( مبرد زيت القير مثقوب ثقب صغير جدا ))

الزيت يروح للمويه لاكن ضغط الزيت مايسمح للمويه تروح لزيت القير

لذالك عندي لك طريقه على قوله المصريين متخرش المويه
صب في الرديتر بياله تايد وخل الموتر يشتغل او رح عليه مشوار اهم شي حاول انه يقعد له ساعتين شغال
بعدها فض المويه وعب مويه جديده فقط من البزبوز
وكرر عمليه تجديد المويه مع تشغيل السياره واغلاق الصره طبعا انا مالقيت صره فقمت بفك الخرطوش السفلي الى ان ينتهي اثر الصابون من الرديتر

( تم وضع الصابون لتنظيف الرديتر ومجاري الماء في المكينه من اثر زيت القير )

لاتنسى تقوم بتسييخ الرديتر وانصحك تقلع البلف وراح تنسى شي اسمه حراره

بتشوف الامبير طايح كأنه خربان لا تخاف ." إذا كنت راعي تطعيس يالله توصل معك الى الربع اول شرطه"

[طناف]

أخوي كلامي واضح للقير مواصير تروح للأديتر وترجع للقير فية تنسيم في
المواصير اللي داخل اللاديتر وتسرب زيت القير في الرديتر .
نصيحة : لايشتغل في سيارتك باكستاني ولاسوري

[لمع السحاب]

الله يجزاكم كل خير الاديتر نظف تمام والمويه الخظراء ممتازة مافيها خلاف ابد بس سؤالي ليش الرده احيانا ما يلقم القير معي هل فيه خلاف او ماشابه وانا الان ما جاتني المشكلة ثاني بس اخشى انه تجيني المشكله في البر و السفر
تقبلوا تحايتي

[واعي]

إذاكانت المشكلة تأخر شبكة القير عند وضعه في D فإذا كان التاخر بسيطا لكن يشبك طبيعي وبدون (طقة) فما عندك مشكلة لأنه ثقل في بلف خاص بالنمرة داخل القير ، أما إذا كان التأخير شديدا أو هناك صوت قرع عند التلقيم فعنك مشكلة تحتاج إلى إصلاح عاجل
لكن لا تصلح سيارتك إلاعند ورشة مختصة ومعروفة لأن القير حساس ما يضبطه أي أحد

[لمع السحاب]

اخي الكريم (( واعي)) إذاكانت المشكلة تأخر شبكة القير عند وضعه في D فإذا كان التاخر بسيطا لكن يشبك طبيعي وبدون (طقة) فما عندك مشكلة لأنه ثقل في بلف خاص بالنمرة داخل القير ، أما إذا كان التأخير شديدا أو هناك صوت قرع عند التلقيم فعنك مشكلة تحتاج إلى إصلاح عاجل
لكن لا تصلح سيارتك إلاعند ورشة مختصة ومعروفة لأن القير حساس ما يضبطه أي أحد

تسلم عزيزي على الرد
الحمد لله المشكلة بس صارت معي تقريبا 2 مره خفيفه عدم شبك القير في الd بسرعة اما الثالثة كانت اقوى شوي انه طوول وبدون طقة او اي صوت بس اذا دست على البنزين تحس انه يشبك بطقة خفيفة تضيق الصدر لانها اول مره تصير اما السيارة انا الان اليوم الخميس مسافر عليها تقريبا 180 ك عن الرياض وما حسيت اي شي وبعد المشوار الطويل قلت اجرب ان كان فيه مثل الاول ما صار شي ولله الحمد والشكر
والله يطمن بالك والشكر موصول للزملاء اللي تفاعلو مع الموضوع وجزاكم الله كل خير
انشاالله اذا رجعت بغير الزيت مع الفلتر مره ثانية احتياطا تؤيدوني والا لا يمكن يكون فيه باقي اثر بسيط للماء ؟؟؟؟
جزاكم الله كل خير