منفاخ الهواء الاصلي من تايوتا

[ثورة الشك]

ياشباب السلام عليكم ورحمه الله وبركاته


ايش رايكم بمواطير الهواء (منفاخ )اللي يجي بالسيارات الجديده التايوتا واين اجدها اذاكانت جيده وتنصحوني بها وما هو افضل ماطور يجي باي سياره


لاني رحت السنيدي ولقيت جميع الصناعات صينيه وهو ماردني عن الشراء

[ابوقاسم]

هلا اخوي ثورة الشك
ترى اغلب الماركات اللي بالسوق صيني حتى اللي تجي في سيارات تويوتا واعتقد اني لقيته باحد المحلات بالشارع الملكي بـ250 ريال
ودفعه قوي ولكن هل يحتر او يضعف هذا ما ادري عنها لاني شغلته فقط عند راعي المحل
ويحتاج واحد حربه علشان يحكم عليه
ادري اني طولتها ولكن حبيت افيدك
وعذرا على الاطالة

[أبو مها]

اخوي خذ الي يجي مع سيارات التويوتا الجديدة تره ممتاز مجربة
ومصنع في الصين ولكن بمواصفات تايوتا العالمية تلقاه في فروع تايوتا الكبيرة تباع بقسم الاكسسري

[ثورة الشك]

ابو قاسم


ابو مها


بيض الله وجيهكم ياالنشاما ولا يهون من يقرا ما كتب الكيبورد



وان شاء الله يفيدنا من لديه علم والسلام عليكم

[ساقان]

اخوي خذ الي يجي مع سيارات التويوتا الجديدة تره ممتاز مجربة
ومصنع في الصين ولكن بمواصفات تايوتا العالمية تلقاه في فروع تايوتا الكبيرة تباع بقسم الاكسسري
كم سعره يالغالي

[ابو وتين]

اخوي تلقها في الغرابي وترها ممتازه

[شاهين2007]

بالسوق ماطور صيني عباره عن 2 كمبريسر...الماطور ممتاز جدا وسريع ...صار له معي فوق السنه
واستعمله بشكل اسبوعي (2-3 مرات)

[أبو مها]

كم سعره يالغالي

السعر غويلي بس خذ ما طور لك وللزمن بـ280 ريال لكن احسن من كل المواطير الي جربتها وكان اخرها ابو جمل وهذا الاخيرعيبة لي الهوى ينقطع معك ولا يعيش،.
حق تويوتا شنطة صغيرة وذفة والله اني نفخت فية ثلاث سيارات بوقت واحد ويتميز بسرعته في النفخ مقارنة بحجمة الصغير

[شروكي 1999]

السعر غويلي بس خذ ما طور لك وللزمن بـ280 ريال لكن احسن من كل المواطير الي جربتها وكان اخرها ابو جمل وهذا الاخيرعيبة لي الهوى ينقطع معك ولا يعيش،.
حق تويوتا شنطة صغيرة وذفة والله اني نفخت فية ثلاث سيارات بوقت واحد ويتميز بسرعته في النفخ مقارنة بحجمة الصغير
ليش ابو جمل ينقطع
انا ماخذ ابو جمل الكبير من 4 سنوات ما شفت فيه شي

[قسوره2006]

يا اخواني انا جربت الي يجي مع تويوتا

احس انه مقلب

اشتريت هيلوكس موديل 2003 وكاله وجاي معه وعندي

واشتريت موديل 2005 وجاي معه واحد

والان اشتر اخي موديل 2008 جاي معه واحد

انا ومن واقع تجربه انصح اخواني لا يشترو ماطور تويوتا

صدقوني وجوده في السيارة هوى هدية من تويوتا تحفيزيه للمبيعاتها ودعايه لها

صيني ومن اخس الصناعات الصينيه هناك صيني جودته عاليه وهناك صيني اي كلام

تصدقون انفخ به كفر واحد المسه القاه جمره الله يكافي مجرد انفخ الثاني يقول هذا مكان

ويشهد الله على ما اقول خرب علي اثنين ما ادري تصلح ولا لا

عندي منفاخ كبير الي بشنطه اسمه سفاري معي من سبع سنين ما عمره قال لا صح يحتر بس

يفصل اتركه يبرد شوي بعدين عاود استخدامه ويا سلام

حق تويوتا صح يفك ازمه للكفر المنسدح يرفعه شوي مجرد يوصلك البنشري

بس اذا تبي تعبي كفرات هلكس الاربعه كلها في وقت واحد والكفرات من سدحه ما فيها الى 15 وتبي تعبي كل كفر 30 معصي ابعد لا يفجر في وجهك

خذ شي زي الناس لك ولزمن وبس

والي يبي يشري واحد حق تويوتا بشنطته مختوم انا عندي واحد بشنطته مختومه ما بعد فكيته


سم للبيع

[هبيس]

قسوره

انا شراي ابيه للزنقات

حد علي ولا راح تختلف وانا اخوك

[ثورة الشك]

بيض الله وجيهكم يالنشاما على المداخلات المفيده لكن بغيت اسال بما ان اللي بالسوق صيني واللي يجي بالوانيتات صيني وانا صراحه ما اثق بالصناعه الصينيه بقيت اسال الاخوان السيارات الامريكيه كالجموس مثلا والالمانيه مايجي فيها ماطور هواء والجيب النيسان والتايوتا مايجي فيها ماطور ارجوالافاده من الاخوان

[أبن حرب]

أخوي إذا كنت ملزم على ماطور تويوتا ...
أفضل شيء إنك تعرف أحد عنده مكتب تأجير
سيارات ... وتشرية منه بسعر رخيص ..
هذا إذا كنت ما ترغب بماطور ( أبو جمل )
وهو موجود عند السنيدي بسعر ( 250 ) ريال ...

[الخلف2010]

ماطور ابو جمل وبس

[هبيس]

اذا كان يأتي في شنطه صغيره حمراء بسحاب ومرفق معه

كشاف

عدة اسعافات اوليه

قفازات

فهو يباع عند محلات الزينه بسعر 100 ريال

واظن انه يأتيهم من مكاتب تاجير السيارات وبعض اللصوص للاسف

[ثورة الشك]

اذا كان يأتي في شنطه صغيره حمراء بسحاب ومرفق معه

كشاف

عدة اسعافات اوليه

قفازات

فهو يباع عند محلات الزينه بسعر 100 ريال

واظن انه يأتيهم من مكاتب تاجير السيارات وبعض اللصوص للاسف



اخوي ارجو منك ان توضح لي مكان محدد بالظبط اين يباع

[alhawaat]

اللي يجي مع تيوتا مقلب لانه يسخن ويصلح فقط لنفخ السيكل فهو لا بعتمد عليه0
أنا فعلا مجربه وخربت عندي أثنين منه فلا أنصح به000

[هبيس]

اخوي ارجو منك ان توضح لي مكان محدد بالظبط اين يباع
محلات زينه السيارات

الشفاء

الغرابي

[سيف الظفير]

كل شئ يجي من عبداللطيف جميل ماهوب زين

والماطور اللي يجي في سياراته من اندونوسيـــــا

[راعي الكار]

الأخوة اللي يسألون عن عدة الاسعافات الأولية
موجودة في شارع الظهران بالملز عند محلات
أدوات الاطفاء.
قيمة الشنطة 30 ريالوفيه أكبر منها 45 ريال

[عقرباء]

أما أنا من ناحيتي مجربه الإسبوع الماضي على كفرات الجيب 275/70 وكان فيها أقل من ال 10 وعبيتها كلها مرة وحدة إلى 25 وما قال شي...

[ابن الوادي]

اللي فهمته من ردودكم ان منفاخ تويوتا انواااع يعني فيه نوع مضرووووب بالسوق
ارجو من عنده خبره بالموضع ان يوضح لنا ذلك .
وسلامت كم
نرجع لموضوع الرواق هههههه

[شروكي ربع]

والله اذا تقصدون هذا :



http://www.mekshat.com/vb/http://www.stooop.com/Month/10/f050da2849.jpg (http://www.stooop.com/)



فتجربتي معه لا يعلى عليها ..


أكثر من ممتاز واكثر من جبار ..



يعيبه بطئه في التعبئه قليلا ..



انا كل ما اطلع البر اعبي كفراتي منه ..



255/70


تكون الكفرات فيها 10 واعبيها الى 35 ولا يحتر ( يطفي ) ولا يسخن أبد ممتااااااااااااااااااز ..



وتلقاه في الغرابي مع الشنطة كاملة بسعر 130 - 100 ريال ..



بس احرص على اللون الفضي لانه الاقوى ..



اذا ما لقيت خذ الاسود نفس الشكل ..



اذا مالقيت لا تشتري الشنطة لان الانواع التالي سيئة ولا يمدحونها ابد ..



والله اعلم ..

[yahoo]

الا خوان ماقصرو

[aahhhh2]

فيه في الغرابي امريكي والماني صحيح غليه بس ممتازه
وان بنسبه لي مجرب سوبر سفاري الي مكتوب على شنطتة ( الاصلي )
وله معي 5 سنوات و زين وكفراتي275 *70 *16
بس الاي افضل منة ابو جمل وترا ابو جمل و سوبرسفاري كلة صيني الله يدوم الرخص

[صحيح]

بالنسبه للمنفاخ ألي يجي مع سيارات تويوتا النوع القديم افضل من النوع الجديد وخاصة الي كان في سنة 2003 كان نوعها كويس اما الانواع الجديدة ( 2006)فتحس انها تفرق في جودتها وصناعتها واذا سخن ( يحتمي ) ما يعطي هواء صح وزر التشغيل يخرب ( توهيقه ) انا مرهم له فيش وانا انصح لا بهذا ولا بهذا لأني أستخدم أبو جمل يتفخ الكفر أسرع بكثير من حقت تويوتا خاصة اذا كانت كفرات كبيره وعريضه ( حقت نفوذ ) ويتفخ أكثر من سيارة ما عندك مشكلة وبالنسبه لي الهواء في أبو جمل اذا كان دايم معرض للحرارة تقل فيه الليونه بسبب ذلك لكن لك ولزمن أبو جمل الأصلي شنطته لونها بني وليس التقليد شنطته لونها زيتي.
استخدم حق تويوتا أحتياطي مع ابو جمل فقط سبحان الله لو خرب شي او تعطل .
معليش طولت عليكم تقبلو مروري صحيح.