المساعد الشخصي الرقمي

مشاهدة النسخة كاملة : ارغب في انشاء مخيم عائلي


اسمى المعاني
21/12/2007, 09:51 AM
السلام عليكم ورحمة الله وبركاته
من زمان وانا اتابع منتديات مكشات ويعلم الله بحبي الشديد لها
سؤالي لاهل الخبره
ارغب في انشاء مخيم عائلي ماهي المطلبات صغيرها وكبيرها حيث اني اجهل كثير من الامور
ودمتم
مكشاتي جديد
21/12/2007, 07:51 PM
وعليكم السلام والرحمه


اول شي يكون فيه قسمين للرجال والنساء ويكون تجهيزها كالتالي:-


الرجال:
عدد خيمتين مقلط ومجلس((وتقلبها للنوم بوقت النوم))
وحمام واحد مع حفر بياره بجانب الحمام للتصريف
وخزان مويه كبير وعدة مغاسل للتغسيل والوضوء تحت الخزان
والمهم والاجمل الدكه الخارجيه تكون بارتفع 70سم تقريبا


النساء:
3 خيام مطبخ ومجلس ومقلط
حمامين وبياره
خزان ومغاسل


المخيم كاملا:
ماطور للتشغيل
كبوس لمبات
ورواق حول المخيم
ولمبات داخل الخيام
وغرفة حارس

واجو يا اخوي اني افدتك

واذا كنت تبغى المخيم بالثمامه اعرف شخص يسويلك كل اللي كتبته لك مع التاثيث كامل مع التصريح
وملكيه الاغراض لك ب20الف فقط
اسمى المعاني
22/12/2007, 09:52 PM
السلام عليكم
جزيت خيرا
وماقصرت وبيض الله وجهك
الحقيقه طلعت التصريح
لكن ابسالك عن الخيام ماهو احسن نوع وماهي مواصفاتها؟
مروق الثعلب
22/12/2007, 10:10 PM
أخي الكريم .. أنا بدأت في إنشاء المخيم ..

اللي أنجزته ..

ساتر بحدود المخيم من ثلاث جهات ( 100م*100م*100م ) ..نوع الساتر : رواق بلاستيك أبيض يحجب الرؤية بدرجة مرضية .
أما في الجهة الرابعة من جهة الطعس خليته سلك شايك وأبعدته عن وسط المخيم ..
والرواق مربوط بمرابيع 8سم حطيت كل مترين ونص مربوعة ..
طبعاً حطيت باب مع فصالات بطول 3 أمتار ..
أما داخل المخيم .. فحطيت حمامين ( أجلكم الله ) والحمامات من الخشب ومصبوبة ومحفور لها بيارتين - تكرمون - 1.5*1.5*1.5م ..
وماصورة وحدة للكشاف تشيل أربعة

بس هذا كل اللي سويته .. وكلفني مع أجرة العمال ... الخ 4480 ريال .
والخيام ما بعد شريتها ..


بالتوفيق أخوي
اسمى المعاني
22/12/2007, 10:16 PM
مساك الله بالخير
ماشاء الله انا والله رحت لاهل الخيام سمت الخيام الكويتيه وكانت المقاسات 4*9 4*10و4*6 مع حماميين وخيمة مطبخ 7000 بدون مااحسب الماطور ولا الرواق لكن قيل لي ان الخيام الباكستانيه ارخص
مكشاتي جديد
23/12/2007, 01:13 AM
هلا باخوي اسمى المعاني
والله ما عندي علم عن الخيام واسعارها
لكن لا هنت حبيت اسالك وين انت بتحط المخيم هل هو بالرياض والا برا الرياض

وتقبل تحياتي
ناوي نيه
23/12/2007, 05:54 AM
الحين لازم تصريح للمخيم كيف وليش ووين اطلع التصريح
اسمى المعاني
23/12/2007, 07:08 AM
السلام عليكم ورحمة الله وبركاته
اخوي مكشاتي جديد المخيم بالرياض
اخوي ناوي نيه ايه لازم تصريح والتصريح علشان تطلع تروح لشرطة الثمامه ولازم تعريف--- ومدة المخيم محدده من شهر 10الى شهر 5/1429هـ بعدها يزال المخيم
لكن اللي اجهله هل التصريح خاص بالثمامه والا بكل بران الرياض