تركيب خيمه شعر في حوش البيت .. رايكم ونصائحكم .. [الأرشيف]

مشاهدة النسخة كاملة : تركيب خيمه شعر في حوش البيت .. رايكم ونصائحكم ..

Vacation

22/12/2007, 01:45 PM

مروق الثعلب

22/12/2007, 10:22 PM

أبد والله ياخوي ولا أزين من الخيمة في البيت ..

اقتراح : خل جوانب الخيمة قزاز على درايش :) وحط ستاير اللي يسمونها ( شرايح ) ..
وكثر العوازل ما دمت بتجلس فيها في الصيف .. وحط مكيف سبلت لأن المساحة صغيرة ما تحتاج صحراوي

سندهم

22/12/2007, 10:50 PM

اريد تركيب خيمة تراثية صغيرة (7 * 3) في حوش البيت .. ارجو نصائحكم من تجاربكم ..

اين اجد افضل المحلات المتخصصة بتركيب الخيام مع ديكور شعبي راقي في الرياض..

اريد تركيب خيمة تستعمل صيفا وشتاءا .. يعني ابحط فيها مشب ووجار للشتاء ومكيف سبليت او صحراوي للصيف ... هل تنصحون بذلك ..
هل صحيح ان خيمة الشعر في احواش الفلل تعتبر سيئة وتظهر ريحة مع المطر .. ويجب تغييرها كل سنتين او ثلاث ..

_________________________________________

الخيمة إللي أصلي قماشه عزالله كد ومد ومافيها ريحة لإصار قماش ألماني وهو غالي شوي شف أنا عندي خيمة (بيت شعر ) 8 ×4 وحاطها بمدخل الرجال قماش إلماني ضد المطروحاط وجار ومدخنة تسحب الدخان لبرى وباب سحاب وملبسها سدوا وبالصيف شغل الصحراوي بس ماجلس بة

والأخوأن يقيدونك لأني من القصيم

وشكراً لك

ثورة الشك

23/12/2007, 02:44 AM

ياسلام مافيه أزين من الخيمة في البيت

مشعل العيسى

23/12/2007, 03:00 AM

أخي الغالي ... عن تجربه مررت بها ... ركبت خيمة شعر إلماني .. 10000 وندمت اشد الندم ... والاسباب هي
1 - في المطر يطلع لها ريحه .
2- تمسك الغبار ومهما تنظفها ما تنظف ..
3 - في الصيف حاره جدا .. مع العلم ني مركب فيه سبلت ..

اخر شي بعتهاا بي 1000 ريال

وبنيت ملحق حلو وداخله دورة مياة ... ونصيحة محب لا تفكر في بيت الشعر .... والامر

مشعل العيسى

23/12/2007, 03:02 AM

نمر بن حثلين

23/12/2007, 06:08 AM

كلام اخوي غيثه سليم

الملحق عملي ولك وللزمن وصالح صيف وشتاء
ومابه قولة خر ماء او دخل غبار

إعصار

23/12/2007, 09:29 AM

والله ناس واجد ما ينصحون ببيت الشعر ..

لكن البيوت الطين طيبة بالحيل ..
وفيه رقم واحد يمدحونه الشباب .. اذا رغبت عطيتك اياه ..:)

الأكحل

23/12/2007, 09:52 AM

السلام عليكم ورحمة الله وبركاته
الأخ Vacation
بيت الشعر غير عملي وفيه من الأخطار الكثير فربما شرارة أو ألعاب نارية تنهيه بظرف 5 دقائق وايضا إذا صارت الدنيا برد قوة مايوقيك وشكله بعد فترة يغبر ويصير عالة على المنظر اللي حوله
فالأفضل في نظري مثل ماقال الأخ إعصار عمل ملحق على شكل بيت الطين تستخدمه بالصيف والشتاء وفيه ناس يتقنون الشغلة بعض المجالس الطينية اللي دخلته ودي ماأطلع

المرقاب

23/12/2007, 10:23 AM

أخوي (عطلة)
نصيحة اخ لأخوة ومثل ماقالو الأخوان لا تركب بيت شعر في البيت :no2: للأسباب التالية:

1- قابل للأشتعال :hot: نظراً للمكونات (شعر+خشب+ملتون+اسلاك كهرب+حديد+شمس حاره)= احتمال حصول التماس وحريق لا سمح الله.

2- يحتاج لصيانة ومتابعة :alarm: لأن الشعر له عمر افتراضي ولو انك مركبة من احسن نوع ومن احسن مكان بعد لابد ما يتقطع ويخرب نظراً للظروف المناخية (مطر,شمس,تراب الله يكرمكم) وطريقة التركيب (الشد) بعدين القطاوه وما ادراك ما القطاوة تجي فوق البيت وتقعد تمغط وتقطع بها الخيوط ومع مروور الزمن تلقاها ارخت لك خيط.

3- النظافه تتعبك كثير :looney: خاصةً اذا صرت تبي تزينه وتحط فيه شي فخم (زل وفرش شغل عدل).

النصيحة:
سو لك ملحق وشكله خيمه من الداخل :good2: امان اكثر بأذن الله ومن داخل يعطيك جو. او بيت طين المهم فكر من ناحية الأمان ومن ناحية الخدمة (العمر) ومن ثم السعر.

أخوك مركب بيت شعر من 6 سنوات ومتكلف فيه لأني مخليه مضافة مقاسه 5*8 تقريباً ,المشب والأوجار جبس قوالب ونقش شغل المدفائة مقاس 4*2 تقريباً وكلام كثير, المهم أني متحسف بقوة وأقول يالتني سويته ملحق.

عذراً على الأطالة وأخوك ممتر:mad: ولا ودي يصير لك الي صارلي وشاور غيري وراح تستفيد أكثر

الله يكتب لك الي فيه خير ويكفي كل شر والمسلمين أجمعين

سرهيد

23/12/2007, 11:53 AM

السلام عليكم

قمتب الرد عليك في موضوعك في الساحات العربية واعيده هنا

السلام عليكم
اولا كل عام وانت بخير
وتقبل الله منا ومنكم صالح الأعمال
تبي شور مجرب وتبي اللي يكد ويمد عليك ببيت الطين
تقوم غرفة كاملة من بلك وتقوم بعمل غرفة طين
كان عندي خيمة في استراحتي وحقيقة الخيمة ليست عملية يعني يا ماء يدخل عليك يا رواق متقطع وهكذا
يعني تشغلك
رمضان الماضي سويت بيت طين لأني اشوفه اروق واصبر على مر السنين برغم انني عملت بيت طين في بيتي ولكني مع ذلك سويته في الاستراحة لأني رأيته اقرب للنفس من غيره .
وهذي صور منه وأنت الحكم
الصور التالية لبيت الطين من الخارج
https://il.packet.me.uk/dmirror/http/www.mekshat.com/pix/upload/images50/mk40450_teen1.jpg
والصور التالية لبيت الطين من الداخل
https://il.packet.me.uk/dmirror/http/www.mekshat.com/pix/upload/images50/mk40450_teen.jpg

بالنسبة للخيام التي انزلت صورها هي كلها للبيرق بس الاولى عادية والثانية مبطنة .
ما انصح بالخيمة وخاصة الخيمة اللي ذكرت لأن لها عيوب وهي دخول المطر الى الخيمة بسبب طريقة ميولها مما يدعل المطر يدخل .
ثانيا تركيتها تحتاج الى تثبيت من اسفل وهو اهم شيء وهذا صعب في بيتك ...
على فكرة خيمة البيرق جيدة للرحلات مع محاولة اخذ حل لدخول المطر عندي منها ثنتين الأولى 3*3 والثانية 4*4
تقبل احترامي
اخوك
ابو عبدالله

ابوفيصل200

23/12/2007, 12:54 PM

مثل ما قالوا الاخوان انا اشوف ان بيت الطين افضل وخاصة اذا كان اللي مشتغلة واحد فاهم في طريقته واهم شي اللي يبني المشب علشان يضبط عملية خروج الدخان او ركب المشب الحديد الجاهز تراه عملي والله يوفقك,,,,

قرناس نجد

24/12/2007, 02:01 AM

بيت طين وغير لا تفكر انا مسوي خيمة بالبيت ولما شفت الملاحق إلي على شكل بيت الطين صراحه نتدمت

الكهف1

25/12/2007, 05:25 AM

بيت طين
صح احسن واجمل

عبدالله11

26/12/2007, 01:13 AM

السلام عليكم
ياخوان اين نجد من يعمل بيت الطين في الرياض
ارجو الافادة
وشكرا

G.XR

26/12/2007, 01:45 AM

السلام عليكم
انا رأيت ردود الاخوان منهم من جرب ومنهم اعطاك السلبيات ومنهم اجابيات لكن انا رايت السلبيات غطة على الاجابيات مثل الحريق والتقطيع (القطاوه ) لكن ميزة بيت الشعر ان الشعر عمره طويل فوق الخمس او ستة سنوات وانا اعرف واحد حاط بيت شعر وعادي .
لاتحط اي شي خيمة ملحق الا اذا كان عندك مساحة وسيعه لان اذا حطيت الاضافة ايضا يكون عندك مساحة .
وانا ايضا انصح بالملحق ثم بيت الطين او بيت الشعر
هذا رأيي انا وترا كل واحد حسب الراي وترا كل شي فيه عيوب وفيه محاسن
وشكر والسلام عليكم ورحة الله وبركاتة

wewe150

26/12/2007, 03:13 AM

وش الله حادني أدفع 20000 ألف بناية ملحق

أدفع
5000 آلاف وأصلح خيمه على كيف كيفي وأحب يدي مقلوبة

هاذاني الحين بكمل السنتين ولا أشتكي من أي شي من الخيمة

بس أهم شي أسلاك التمديد تكون متينة وتشرف على العمل كامل بنفسك

الخزامى 19

26/12/2007, 09:12 AM

انا عندي ملحق أثري به وجار ومعاميل ومكلفني اكثر من 20 الف وعندي بيت شعر 3*6 ومارتاح الا فيه والضيوف يفضلون الجلسه فيه بس خله معزول ومن نوع الملكي . صحيح يطلع ريحه في المطر بس حنا متا يجي المطر الله يرحمنا برحمته . ومع ذلك اغسله بالصيف كل شهر وذا هو ببالك حطه ولا يهمك ..

كادر

26/12/2007, 10:35 AM

السلام عليكم
اذا كنت تبي تحطه توسع على نفسك في المجالس حط ملحق
واذ كنت تبيه كيف حط اللي في بالك لانه بتعشش في راسك لين تنفذه (اذا كنت مثلي)
تحياتي

كشته 111

26/12/2007, 10:51 AM

اخوي ابو عبد الله 11 فيه في الحسا معلمين مع معاونينهم وكلهم سعوديين متخصصين فقط ببناء بيوت وملاحق الطين علي الطريقة النجدية القديمة ومحترفين ومتقنين هالشغلة , ويبي لك واحد من هل الحسا عشان يجيب لك عناوينهم ويدلك عليهم اما اسعارهم ما ادري هم اغلي من الرياض او لا ,,,,

راعي المدينه

26/12/2007, 11:59 AM

لاكن افضل البني لك ولزمن وتركب ديكور من داخل

faisal456

26/12/2007, 01:20 PM

انا مع الاخوان بيت ملحق ومن جوا تصميم طراز قديم ( بيت طين ) افضل بكثيررر

انا بيت اخوي مسوي له واحد كلفه تقريبا فقط الديكورات لان الملحق موجود من قبل 10000 بس شغل انما ااايه

وهو بالرياض واي استفسار اانا حاضر ..

وفيه نصيحه أخرى اذا تقدر تشبك الملحق بالبيت بنظري انه افضل يعني تدخل للملحق من جوا البيت ما تشب وتدفى واذا جيت تدخل ولا تجيبلك اغراض من البيت لفحك البرررد وانواع الزكمات ..

وفالك التوفيق (:

دهامي

27/12/2007, 12:45 AM

اخوي الملحق احسن بس تراه يبي يكلف و حسب كلامك (3×7 )يبيله اقل شي عشرين الف تقريبا
لكن عند احد اقاربي مسوي خيمه مشدوده على حديد مثل بيت الشعر بضبط لكن اقماش مثل حق الخيمه والله انه ممتاز لا ريحه ولا يدخل مطر ولا اغبار وشكله ممتاز من برا.