المساعد الشخصي الرقمي

مشاهدة النسخة كاملة : السلقه والحمل


ابن برقاء..
22/12/2007, 07:24 PM
السلقه متى ينزل بطنها وتبين انها حامل بعض الناس تلد سلقهم مايدرون انها لقحه وبعدين التشبيه وحده تكفيها ولى تشبيات عده عشان تكثر الجراء وشاكر الكم مقدما
الابتر
22/12/2007, 07:56 PM
اخوي ابن برقاء كل عام وانت بخير
يحصل لي الشرف أن يكون ردي من أول الردود طال عمرك
كان عندي سلقه لما شباها الذيخ من بعد أسبوع تقريباً أو عشرة أيام بدأ بطنه بالنزول وبالنسبه للتشبيه إذا كانت مره أو أكثر فهي السلقه بعد ما تلقح سواء من التشبيه الأولى أو الثالثه تربض على الأرض وتطرد الذيخ وتحاول تعضه فهذا يبين إن السلقه لاقحه وترفض التشبيه وبالنسبه لعدد الجرا فهي على نوع السلقه ماهو على عدد التشبيه فبعض السلق يجيبن سبع وبعظهن ثمان وبعظهن عشر ونفس السلقه ممكن ولده تجيب ثمان ولده تجيب سبع فهذا الشي علمه عند الله ..
آسف على الأطاله وأرجو أن تقبل ردي والسلام عليكم ....
ابن برقاء..
22/12/2007, 07:58 PM
تسلم يالابتر ماقصرت وكلامك صحيح عندي جرو من جراها عمره حول الثمانيه عند واحد من اخوياي لمى طلعنا للبر تهارش السلقه عليه وتسلم بس اشوف الطيبه مالها بطن
الابتر
22/12/2007, 08:06 PM
ابن برقاء
كم لها مشبيه طال عمرك...
ابن برقاء..
22/12/2007, 08:14 PM
اخر يوم في شهر 11عربي يااخوي الابتر بس قبل ولدت تسع سبحان الله مالها بطن ماكنها مجريه
الابتر
22/12/2007, 08:21 PM
سبحان الله صراحه شي عجيب ولكن إذا كان هناك نزول فهو بسيط من الأسفل بعد مرور 12 يوم وراح تبدا نهودها بالبروز والله يشبعك من صيد أعيالها ...
الأكيدر
23/12/2007, 04:38 AM
البطن يبدى ينزل بعد اسبوعين عند اغلب السلق بس فيه بعظ السلق مايبين بطنها الى بعد الشهر اما عدد الجرا حسب السلقه والذيخ الي شباها هذا الي اقدر اقوله 000
جن جون
23/12/2007, 05:39 AM
ابن برقا مشكور على السوال المهم ونشكر اخونا الابتر على ارد الجميل والله يحفظكم ويرعاكم لكم تحياتي جن جون
خشف.
23/12/2007, 12:30 PM
ما قصرو اعضاء الخيمه
ابن برقاء..
23/12/2007, 08:41 PM
تسلمون وجعلكم على القوه الي رد والي مارد
القحطاني505
24/12/2007, 05:25 AM
هلابك اخوي ابن برقاء وشعلومك عساك بخير

وماقصر اخوي الابتر وانا من مؤيدينه ولاهنت يابعدي
ابن برقاء..
24/12/2007, 06:05 PM
تسلم اخي القحطاني ابشرك ابخير ولله الحمد
سلطان العوني
24/12/2007, 10:45 PM
يبدا بطنها بالنزول بعد الشهر وخمسه يام او ثلاثه ايام تلاحظ نزول البطن بشكل واضح
وعدد التشبيات مو شرط يمكن من المره الاولى او العاشره