قررت اشتري باث فايندر 2008 نصيحتكم تهممني

[عتابه]

السلام عليكم ورحمة الله وبركاته
حقيقة قررت اشتري باث فايندر 2008 و نصيحتكم تهممني .
ابي اخواني تعطوني ميزات وعيوب هالموتر
ولا خاب من استخار و لا ندم من استشار
طبعا استخدامي للموتر :
سفريات ، بر على الخفيف مانب راعي مطاعس بس ادخل الرمل كم كيلو ووقف السيارة ، داخل الديره وجر اللنش مستقبلا ان شاء الله.

[إعصار]

موتر مدينة .. أبشر بسيارة .. وعزم هبال ..

والله العالم أن سعره غالي خاصة الفل .. حول 145000 ..


لكن راعي بر يعني كل خميس وجمعة .. ووقت الامطار كل يوم في شعيب ..
ــــــــــــــــــــــــــــــــــــــــــــــــــ ــــــــ

دامك في هذي القيمة ورى ماتفكر في الفتك ..


ولاتنسى الاستخارة ..

[برج العرب]

هلا والله بخوي عتابه

أنا معي باث فايندر 2007 شاريه من 7 شهور تقريبا

ولي رجعه لموضوعك الليله إن شاء الله وراح اعطيك مميزاته وعيوبه

مع إنها قليله :D

بس صراحة موووووووووتر مايحتاج :good:

[AZOO9Z]

هلا أخوي إذا أنت شريت فالله يطعمك من خيره و يكفيك شره

و أنا بعطيك ملاحظة وحدة فيه هي الي تشد الأنتبااااااااااااااه الا وهي :

أن السيارة من الداخل ( المقاعد ) ضيقة بشكل غريب فقط

أنا معي قديم موديله 2004 أوسع و الله من الجديد هذا مع انه ضويق بعد

و الله يرزقك بالموتر الي يريحك و يكفيك شره قل امين ...

[ابوحمد..]

عليكم السلام..
يااخوي الباث الجديد ضيق وصرف بنزين والسعر مبالغ فيه..
ان كانك تبغى الشور خذلك فورتشنر 6 سلندر دامك وصلت للباث
وترى الفورتشنر 6 سلندر صبور وعزمه مايجتاج واقتصادي ..
والله يكتب لك الي فيه الخير..وشكرا

[عـhddـاشق]

انا مع اخوي ابو احمد
الفوتشنر أزين بواجد من الباث
الباث ضيق وبعين الجديد عيوب واجد
والفوتشنر 6 سلندر ممتازواوسع واقل صرفيه
وبالتوفيق

[escape_man]

اخوي عتابه

اذا المقارنة بين باث 2008 او فورتشنر فالباث عندي افضل للمناطق السواحلية لان شكلك عايش فيها

اذا بتقارن بين الباث والبرادو ... انا ما ارى الباث شي عن البرادو ولو رجع بي الزمان كان طقيت برادو

لو اتدين مع انه الباث الي معي الحمد لله جديد ومحافظ عليه لكن فعلا البرادو افضل مع سلبياته واكشخ

واكثر تحمل ونظام تعليقه ودفعه الرباعي ممتاز.

[أبن حرب]

هلا بك أخوي ...
الباث الجديد نصبه ...
ما شاء الله عليه ...
لكن إستخدام عائلي بحت ...
اللي أعرفه عنه ...
إنه ضيق خاصة المراتب اللي ورى ...
ونازل شوي وهو بدون حمل ...
يعني ممكن يحك في أي طلعه ..
هذا ما عندي ...
والله يرزقك الطيب ...

[نمر بن حثلين]

الباث زين يوم هو رخيص

لكن ما دامه وصل 140
انصحك تعيد التفكير بالبدائل

مثلا اليوكن
راحه وفخم ونظره
وسعره اقل
خصوصا ان استخدامك له بالبر قليل

[**( تلمي )**]

إذا عند أحد من الأخوان صور للباث أو للفونتشر ممكن يعطينا ولا عليكم أمر

تحياتي

[.أبوعبدالرحمن]

اخوي اقترح عليك انك تفكر في البرادو والفورنتشر


الباث ما عليه كلام في العزم والقوة


لكن الموتر نازل بالحيل وبالذات اذا ركبت معك ركاب نزل مره او اغراض


الدبل حقه الصراحة ما فيه امان وحتى اذا كنت منت راعي بر بيجي يوم تحتاجه


ما يمسك سعره فيما بعد وانت عارف الدنيا الله يكفينا شرها


وسعره غالي بالحيل


ومن ورا ضيق جدا جدا جدا


والله يكتب لك اللي فيه خير


وفكر في الفورنتشر والبرادو ويكفي انها تويوتا

[أفق]

لو دققت اخوي شوي كتبت موضوع عن بعض مزايا الباث وسعر فئاته
وكانك ناوي توكل على الله بس
وما فيه مقارنة بينه وبين الفورتشنر مع احترامي للاخوة وبالعكس ماهو ضيق اوسع من الشكل القديم
وبعض الاخوة ناسي المرتبة الخلفية الإضافية عشان كذا يقول الموتر من ورا ضيق
حتى بالنسبة للبرادو انا ما اقارنه معه في موديل 2008 الباث افضل بكثير جدا
والناس اذواق ولولا اختلاف الاذواق لبارت السلع

[هبيس]

يقولون ما يصلح للطعوس

وحسب ما فهمت من ثقات انك لو تدخل متر واحد في رمل ابشر بالغراز ولا يطلع الى بسحب

يعني أبعد عنه

خذ لك وانا اخوك لاندكروزر جديد بميه وستين الف

ولا يوكن 145 الف

ولا باجيرو 11000

ولا تقرب الباث الجديد وبصراحه حتى شكله غبي ومتخلف

الله يوفقك ويرزقك

[الجفن]

بصراحه ماعندي ايت معلومه عن الباث الجديد لكن شكله حليل اما بنسبه للفورتشنر انا حاليا معي واحد 2008 فل كامل بصراحه ما شاء الله تبارك الله قوه وعزم ومكده لا يعلى عليها ولا تنسى انه تايوتا

[بدوي جنوبي]

السلام عليكم

اللي قارن الباث مع الفورتشنر بصراحه ظلم الباث

ياخي الباث صناعه امريكيه كامله
اما الفورتشنر ابو مكينة كامري تجميع

الباث ياخذ سبعه ركاب يكونوا متوسطي الحجم

مكينة الباث قوية جداااا وتسارع قوي واقتصادي في الوقود
موديل 2008 مزود بشاشة

http://farm2.static.flickr.com/1314/1410943590_41f80c8515.jpg?v=0


http://farm2.static.flickr.com/1193/1410943692_967a2601a2.jpg?v=0

نظام التعليق رائع بمعني الكلمه وكلامي عن تجربه
راسي في المنعطفات مثل السيارات الصغيره

http://nissan-me.com/Arabic/Files/images/vehicles/pathfinder/specifications/pathfinder-dim.gif

http://nissan-me.com/Arabic/Files/images/vehicles/pathfinder/specifications/pathfinder-mec.gif


مزودة بنظام ABS
مزودة بنظام EBD
مزودة بنظام VDC

ملف اكروبات Adobe بصيغة pdf

http://nissan-me.com/Arabic/Files/downloads/brochures/Pathfinder.pdf


اذا تبي تجرب قيادتها
عبي المعلومات داخل الموقع
http://nissan-me.com/Arabic/Pages/buying/brochure-testdrive-request.htm

[ابوحمد..]

معليش اخوي بدوي جنوبي انت الي ظلمت الفورتشنر
تقول مكينة كامري وانا خوك الفورتشنر نوعين ..
الاول /4سلندر وهذا الي تقصده مكينة كامري 2700.
الثاني/ 6سلندر وقوة المكينة 4000 وهذا مايحتاج نشيط وخفيف.
ارجو ان المعلومة وصلت .. وشكرا

[مقلع الرمث]

اخوي انصحك ب فرش النار الي هو فورشنر لانه اول شي ياباني الصنع ولكن الباث الجديد فهو امريكي مثل الا ارمادا ولا انصحك به ابد خذلك فرش النار وانصحك تاخذ 6 سلندر مكينته حجمه 4 ومكينه قويه وجبارة وتعليقه ممتاز جدا لكن عليك بالاستخارة وخذلك فتك ازيلك منهن كلهن مع اني متعصب نيسان بس انصحك ب فرش النار ولا كانك تبي تاخذ نيسان خذلك فتك ومعليش على الاطاله

[الربذي]

طيب ياحقين فرش النار انا معك ننحمل وقويه 6سلندر فقط لكن وش المميزات اللي بالفل كامل منها التكييف المركزي فتحه وحده كانها شكمان باص وقير ودركسون وبس اما الباث فكثيره جدا والمفتاح الذكي والشاشه والكميره الخلفيه وفتحه سقف ونظام للبريك اي بي اسو في دي سي واي بي دي

[الربذي]

ولاتنسون القارمن شاشة الملاحه ناطق



شف هذا الرابط حول موضوعك http://www.mekshat.com/vb/showthread.php?t=109800

[بدوي جنوبي]

الاخ / ابو حمد
اعلم ان الفورتشنر يجي مكينه 6 سلندر وبرضو اقول
مافي مقارنه مع قوة الباث


الاخ /مقلع الرمث
لو تجرب قيادة الباث الجديد صدقني ما تفكر في الفورتشنر
في فرق شاسع في التعليق الباث راسي في الخط الطويل و المنعطفات

اما الفورتشنر ترا ارتفاعه علي غير سنع يعني منعطف قوي اتوقع يقلب بسرعه ،،، التعليق في الفورتشنر ما يقارن مع الباث ،، وكلامي عن تجربه
في منعفطات خطيرة جدااا علي سرعات متفاوته تبدأ من 80 الي 120
تصل بعض الاحيان الي 130 كأنك تقود سياره رياضيه صغيره

تحياتي

[برج العرب]

ماشاء الله على الإخوان اللي يذمون الباثفايندر كلامهم عن تجربه والا سمعنا من فلان وعلان :mad:


بعدين حرام عليكم قارنوا الباث مع البرادو أو الباجيرو أما تقارنونه مع علبة الكبريت الفورتشنر :no2:


أنا بتكلم معكم عن تجربه معي باث موديل 2007 مستخدمه لي 6 شهور وأكثر :confused:


السياره ماشاء الله تبارك الله عزم مايحتاج تبيها إستخدام داخل المدينه رووووووعه


قبله كان معي كابرس 2002 عندي الباث أفضل داخل المدينه :good:


سافرت في على طرق طويله من الرياض إلى المدينه المنوره مريح جدا :D


جربته في طرق بريه حلو لكن ماجربته في رمال قويه حتى أحكم عليه يعني ماطعست به إلى الآن :D


بجربه إن شاء الله في الخراره واعلمكم ، عاد اللي يروح الخراره ويلقى باث مغرز الله لايهينه يسحبه


يمكن يكون أنا :D


بالنسبه للبنزين أعبيه واللمبه والعه ب 33 ريال طبعا بنزين 95 ، عيبه تانكيه صغييييييييير على جيب


ممكن إذا فاضي مره ياخذ 60 لتر ، يمشيني داخل المدينه 350 إلى 380 كم !


سعر موديل 2008 غااااالي مره طبعا زادوا فيه عن 2007 بالنفقيشن وبلوتوث وكميرا خلفيه


أنا شاريه ب 108000 واللي مثله من موديل 2008 مع الزيادات ب 137000


وأي سؤال أنا حاضر :cool:

[الجفن]

اخوي برج العرب انت تقول ان الفوتشنر علبه كبيت
يا اخي وين الباث في شوارعنا بصراحه تجدها قليله جدا لكن الفورتشنر ما شاء الله تبارك الله كل يوم في ازدياد يعني الناس هذي ما عندها سالفه يا اخي حنى ما نقول الباث فيه شي لكن ما تقارنه في مكده الفورتشنر ان قلت مميزات انا بصراحه اقولك نعم الباث مميزاته افضل لكن يا حبيي تراى مميزات الفورتشنر ما هي شينه وبعدين الواحد من يدور على موتر يكده ويروح عليه بعيد وقريب وهو مطمئن فتايوتا لا يعلى عليها من الناحيه هذه
مميزات الفورتشنر ست سلندر مثبت سرعه مراتب جلد دفع رباعي مستمر دف لك ارتفاع جدا ممتاز لصحاب البر والكشتات عداد السياره كرستال مكيف خلفي وغيره الكثير
تــــــــــــــــــــايوتا وبــــــــــــــــــــــــــــــــــــــــس

[الربذي]

كلا وقناعته الشخصيه فيه فنان مشهور يقول رينو وبس خدومه وصبوره وننحمل كتير ودحين ماستخدم الا رينو !!!!!!!!!!!!!!!!!!!!!!!!!! رينو سياره ؟؟؟؟؟؟؟؟؟؟؟؟؟؟؟؟؟؟؟

[عتابه]

متابع ....
وشكر الله لكل من رد واستمتعت بالنقاش بين المادح والذام .
لكن سؤالي ما هي المميزات والعيوب ؟

[سرمد2007]

يقول المثل
لف صبعك كل ينعت لك دوا
استخير وتوكل على الله وشوف قناعتك انت وين لو انت هاوي السيارة الله يبارك لك فيها مقدما
المواصفات روعة كثير
انا مالي علم بالسيارة بشكل عام ممدوحة من الجميع

[القناص]

نصيحتي لك الباث
لكن ما عليك
توجه فورا الى تويوتا واطلب تجربة (الفوتيونر) كما يسمونه اخواننا المصريون هناك... انواع السعودة عند ابو جميل

ثم اتجه فورا الى الحمراني الاحساء وجرب الباثفيندر من احد الاخوة السعوديين
وستجد نفسك منجذبا انجذابا واضحا الى المنتج الياباني الاصلي

اسال الله لك التوفيق في باث رخيص
حيث ستنزل الاسعار قليلا ان شاء الله في شهر 1 من عام 2008 حسب كلام بعض المطلعين على امور نيسان في الوكالة.

[هبيس]

عطفا على كلامي

الباث افضل بكثير من الفورنتشر

ولكن رغم ذلك لا انصحك به

ابدا ابدا

السياره سيئه للبر

سيئه الوكيل

سيئة الشكل والتصميم

ابحث لك عن بديل