المساعد الشخصي الرقمي

مشاهدة النسخة كاملة : ابي محطات تبيع قاز(كيروسين) في الرياض!!


واحد من البشر
23/12/2007, 05:12 PM
السلام عليكم

أخواني

ابي محطات تبيع قاز في شمال الرياض

تحديدا حول حي المصيف

وشاكر لكم:d
سري-للغاية
23/12/2007, 05:13 PM
وعليكم السلام

الي اعرف في البديعه

الشمال ما اعرف فيه شي

السموحه اخوي
واحد من البشر
23/12/2007, 05:15 PM
مشكور ما قصرت وياليت اللي يعرف يفيدنا
نجدي11
23/12/2007, 06:22 PM
عيدمبارك للجميع ..... موجود في محطة البنزين الموجودة في طريق العروبة وانت متجه للغرب(تقاطع التخصصي) على اليمين بين اشارة الملك فهد والتخصصي.
الكلام هذا من زمان الآن لااعلم يبيعون ام لا ؟
العاااازف
24/12/2007, 08:16 PM
اخوي فيه محطتين مقابل مقبرة النسيم اعتقد واحدة للادريس
بشارع المية...
برق4
24/12/2007, 08:27 PM
السلام عليكم

أخواني

ابي محطات تبيع قاز في شمال الرياض

تحديدا حول حي المصيف

وشاكر لكم:d

حبيب قلبي اذا بتسير علينا بشرق الرياض ابشر بعزك انا البارح معبي من محطه وو صفها كالتالي :-
وانت جاي من مخرج 15 ومتجه شرق خل اول اشاره ( اشارة ما كدونلدر) وروح سيده على طريق الخدمه تجيك ثاني اشاره ( شارع الأبراج ) اللي قبلها الهرم تتعداها وانت على طريق الخدمه بعد الأشاره هذي الثانيه تجيك اول محطه الدريس خلها تجيك بعدها ثاني محطه على اليمين طبعا خلها. ثالث محطه هي المحطه المطلوبه يوجد كورسين نظيف جدا"( ترى بعض المحطات يخلطون معه ديزل مجرمين هالبنقال )
واسف على الأطاله
يوكن 2001
26/12/2007, 05:24 AM
انت في جنوب الرياض فيه محطه على طريق الحجاز بعد بنك الرياض ومحطه في حي الحزم بعد الاشارة
جاك العلم
26/12/2007, 03:07 PM
القاز معدوم في الرياض

واذا لقيت محطه يرفعون عليك الاسعار

ومن ضمن هذه المحطات محطة الدباسي بالرياض

يدبلون الاسعار عليك
zzz714
26/12/2007, 11:05 PM
أخر شارع التوفير بالسويدي الغربي
مشعل العيسى
27/12/2007, 02:43 AM
عندك ساكو يبيعون القاز لكن غالين .....
power
17/01/2008, 01:06 AM
ياشباب ...

عجزت ألاقي محطة تبيع القاز تكفون اللي يعرف محطات أخرى غير المذكورة يدلنا ...
عبدالرحمن
17/01/2008, 04:28 AM
انا مثلكم تعبت و انا ادور في كل الرياض وما لقيت الا محطتين وكلها على مخرج 15 مقابل مقبره النسيم , الاولى ما فيها الا طرمبه وحده وزحمه مرررره و الثانيه محطه الدباسي فيها 3 طرمبات تشتغل وغير كذا لا تتعب نفسك لا بديعه ولا سويدي فيه . الكلام هذا يوم الاثنين الماضي.
مزاحم
17/01/2008, 09:46 AM
محطة الإدريس في شرق الرياض على شارع سلمان الفارسي وانت متجه شمال بعد الإشارة الثانية اللي عند بنك الراجحي تعداها تجيك المحطة على اليمين لايوجد زحام اليوم الصباح وانا مار ماشفت ماعندهم أحد.
فتى التويم
17/01/2008, 01:25 PM
قبل فتره قليله اعلنت شركة الدريس للخدمات البتروليه عن اماكن تواجد القاز(الكروسين)

واقرب مكان لك اخوي

عند دوار العويضه يبيعون القاز
ا بو بندر
17/01/2008, 03:49 PM
اليوم الصباح انامعبي من محطة سحاب على طريق مكة قبل سوق الغنام
ALMOVEED
18/01/2008, 10:26 PM
السلام عليكم
شباب
قبل شوي معبي من محطه الدباسي في مخرج 15
:good:
مشعل العيسى
18/01/2008, 10:32 PM
كانك بالجنوب شف عندك المحطة اللي قبل نزلة الجدية ...بس عليها زحمة مره ... يعني حاول تروح آخر الليل او بعد صلاة الفجر ...

واذا كنت بالشمال عندك محطة على طريق التخصصي قبل دوار ابو بكر ... اسمها محطة المدينة الجامعية طبعاً يبيعون بالجالون في نفس البقالة الليل بالمحطة .. والظاهر سعر الجالون 25 ريال ..

وعندك ساكو يبيعون بس غالي جدا ...

وفقك ربي لكل خير
عبدالله معاذ
19/01/2008, 09:29 AM
الموقع شارع 100 محطة الدباسي مخرج خمسة عشر الاشارة الثالثة
ذيب صعافيق
19/01/2008, 09:49 AM
000اتصل على الدريس عندهم ست محطات تبيع القاز اسئل عن اقرب محطه لك000
عبدالعزيز-1
19/01/2008, 12:42 PM
الحين كل محطات الدريس فيها كيروسين حسب اعلانهم بالجريده
صائد الخرب
19/01/2008, 12:51 PM
شرق الرياض بحي الجنادريه على طريق الدمام مقابل شرك فينيل العربية ( الدريس ) ما فيها زحمة واجد زي ما شفت من زحمة طريق المئة بالنسيم ( امتداد مخرج 15 ) مقابل المقبره وخاصة الصباح كل يوم امر من عندها يصوتون البنقاليه على الشارع -- قاز قاز قاز - ههههههههههههه بس الله يعينك اذا ضربت المشوار ولقيه مخلص
بالتوفيق للجميع
PocketPc
05/12/2011, 11:17 AM
حياكم الله جميعاً

فرحت بالموضوع بس لقيته قديم

وش اخبار القاز هذي الايام ارجو من يعرف محطة تبيع القاز يوصفها هنا
مشكورين
خالد العيسى
05/12/2011, 01:15 PM
يوجود محطة على شارع علي بن ابي طالب عند اشارة البان الصافي القديم
الفريح1
05/12/2011, 01:35 PM
الدريس لهم محطات تبيع القاز والي انا خابرها بس لاتعلمون احد ههههه (محطة الدريس الي في السويدي) الوصف الشارع الي موازي لشارع البجادي من شمال .وصف اخر نهاية شارع البجادي باتجاه الغرب تي تروح يمين يعني وجهك شمال ثم تي تروح يمين وجهك شرق شف المحطة على يمينك .شكلي دوختكم
PocketPc
05/12/2011, 02:20 PM
يعطيكم العافية
فكيتونا من بنغالي الدرعية الجالون يبيعة ب،15 ريال ونصه ماء
بارك الله فيكم
web
06/12/2011, 07:28 PM
حياكم الله جميعاً

فرحت بالموضوع بس لقيته قديم

وش اخبار القاز هذي الايام ارجو من يعرف محطة تبيع القاز يوصفها هنا
مشكورين

يعني تتوقع الادريس عزل لان الموضوع قديم ههههه

عندك محطتين الي اعرف وان شاء الله انه اكيد وحده اسمها الدباسي وانت على الميه وجهك شرق بعد المقبره على يدك اليمين جيتهم قبل يومين قالو خالص بكره بيجي قاز
وعندك محطة الادريس امتداد طريق خريص قبال شركة فنيل موجود عندهم وانا خذيت منهم
Raselny
14/12/2016, 08:34 PM
السلام عليكم

تحديثا للموضوع القديم

اللي يعرف محطة تبيع كيروسين بشمال غرب الرياض او حولها مثل لبن او الدرعية او ما حوليها اتمنى يفيدنا
ابومشعل3
14/12/2016, 11:19 PM
اخي الكريم اذا لم تجد ..محطه الدريس شارع فتح مكه محطه الدريس موجود القاز ..او توجد محطه بنزين الصناعيه القديمه مقابل شركه الضحيان بعد السالم للزجاج موجود ..تحياتي
حرف عطف
22/12/2016, 10:03 AM
حبيبنا وين بالضبط شارع فتح مكه ؟ وهل متوفر عندهم هذي الأيام ؟
ابومشعل3
22/12/2016, 10:25 PM
شارع عرفات اقرب وصف ....مخرج 22 تلف يسار باتجاه الجنوب تخلي سوق الحمام علي يدك اليسار وتطلع الكبري وسيده مسافه 1 ك واول شارع خطين علي يدك اليمن تدخل معه وسيده تجي اشاره محطه الدريس علي يدك اليمن ..معبي منهم قاز وعندهم طرمبه خاصه بالقاز .....تحياتي