اشتقت لايام المطر والمجاهــيــــم

[الوهيداني]

اشتقت لايام المطر والمجاهــيــــم =وشوف الفياض المخضره والخباري

بأرضٍ ضربها الوسم ديمٍ على ديم =وفي خايع لاعب هواه الخضــــاري

وتسمع بجوه00 (لأم سالم)00 ترانـــيــــــــــم =وبره ربيع00 ومدهل00 للحبـــــــــــــاري

واللي معك( حر) بالألوف قد ســـيـــــــم=ومولعٍ به00 ما انت بايــــع وشـــــــاري

ترحل على شـــانه مع البر وتقــيــــــم=ومدربٍ ولصيدة الخرب ضاري

مع ضبط فنجال الدلال المحاشيــــــم = بنار الغضى00 ماهي بغازٍ تجاري

وقدوعها من طلع نخلٍ مكاتيـــــم =وبهارها اغلا ماشري من بهاري

مع خوة اللي باالمراجل مقاديـــــــم =اهل العلوم الطيبه يابن ثــــــاري

واباانبسط والعمر فاني ولا يديــم =وماقدر المعبود حاصل وجــــــاري

والرزق با الدنيا حظوظ00 ومقاسيم = مالك عن المقسوم مهما تداري

***الوهيداني***



نسقت بواسطة راعي مرات

[الفاروع]

صح لسانك يا الوهيداني
ماشاء الله عليك

[راعي مرات]

الوهيداني الغالي000

تحية طيبة وبعد000

بكل شوق نقول لك أهلاً مليون وما يكفون000

الجميع يرحب بك أخي000ونحن سعداء بإنضمام إلينا000حياك الله00

ـــــــــــــ
مشاركة قمة000ومصافحة أولى من جزل000

تفننت لنا في هذه الشامخة000

جعلتنا نصمت امام إبداعك000نتمعن في حروفها000وجزالة معانيها00

لله درك000

لاهنت ولا شنت000ولعل لي عودة أخرى فهي تستحق ذلك00

[الوهيداني]

الفاروع**راعي مرات تشرفنا بامروركم الكريم والف الف تحيه وتقد ير

اخوكم الوهيداني

[صقر]

اخي الوهيداني

صح لسانك

اطربتنا والله بهذه القصيدة الرائعة


اذا تسمح لي ملاحظة خفيفة على هذا البيت

وللي معك حر بالولوف كد ســـيـــــــم

*************************وملعن به منت بايــــع وشـــــــاري

بدل كلمة (وللي) هل تقصد (واللي)؟؟
بدل كلمة (وملعن) هل تقصد (ومولعن)؟؟

يعني بعد التعديل يكون


واللي معك حر بالولوف كدسيم=ومولعن به منت بايع وشاري



ارجو ان يتم تصحيحها من قبل مشرفنا راعي مرات

واكرر شكري لك وبانتظار المزيد من هذه القصائد الرائعة

بارك الله فيك

[الوهيداني]

اخي صقر شكرآ على مرورك الكريم وتحياتي لك وشرفتنا في مرورك

وشكرآ على ملاحضاتك

تقبل تحيات

اخوك الوهيداني

[نقا هشال]

الوهيداني
ياهلا ويامسهلا

وصح لسانك على القصيد الزين

هيضتنا وانا اخوك

وكبيت على نار الشوق بنزين

[الفهد]

الغالى الوهيدانى
صح السانك ولاهنت
واللة انها رائعة
وعجبنى حلاوت تصويرك وابداعك بوصف الاحساس اللى يحس بة الواحد
لما يكون قاعد بالمكان هذا
لا لا لا عدمناك

[الوهيداني]

نقا هشال..الفهد..مرحبا الف على مروركم المشجع على المشاركات في هذا االمنتدى الرائع في وجودكم

الوهيداني

[الرماي]

صح السانك ((( الوهداني )))
على هذي القصيده الجميله

[ابو عايد]

صح السانك يا الغالى الوهيداني

واللة روعة روعة بارك اللة فيك

وتقبل تحياتي // العاشق الولهان

[المرتحل]

تسلم الايادي ايها المبدع وحبذا لوذكرت اسم الشاعر .

[الوهيداني]

اخي الرماي..ابو عايد...المرتحل مشكورين على هاالتشجيع الجميل وعلى مروركم الكريم وتشر فنا بكم في ها المنتدى الرائع منتدى النشامى

اخي المرتحل القصيده للوهيداني

وشكرآ لك ياراعي مرات على التنسيق الجميل للقصيده الف الف تحيه

وتقد ير للجميع

والله يالولا بعض الأوقات مكشات

**********************لا ضيق ضيق(ن) مالوسعه حدودي
تقبلو تحيات
اخوكم الوهيداني

[بـلـيـهـان]

الله عليك يالوهيداني ..

صح لسانك .. ولاهنت

وعز الله شوقتنا لايام المطر

عسى الله يجيب الخير ..

أبدعت في وصفك يالوهيداني ..

الله يعطيك العافيه ..

وبانتظار المزيد ..
تحيااااتي

[الوهيداني]

مرحبا هيل عدالسيل يابليهان اسم على مسمى وشكرآ لك على كلماتك الطيفه

و الف الف شكر وتحيه

تقبل تحيات

اخوك الوهيداني

[العـفــار]

الله يعيدها عليك بالفرح والمسرات
فالحقيقه كلنا أشتقنا لأيام الربيع والأمطار الله يرزقنا الغيث والربيع الطيب ( هيضتنا بها القصيده الرائعه ) الله يعطيك العافيه .
صح لسانك أخوي (( الوهيداني )) وأن شاء الله يتحقق مرادك

[ميراج]

اخوى الوهيدانى السلام عليكم

صح لسانك اخوى ولاهنت

[الوهيداني]

اخواني العفار...ميراج مشكورين على مروركم وتشرفنا

الف الف تحيه

اخوكم الوهيداني

[راعي الأوله]

قصيده جزله من شاعر جزل ،،،،،،


تسلم وصح لسانك يالغالي ....


تقبل تحياتي..

[الوهيداني]

مرحبا ياراعي الأوله الف الف تحيه ومشكور على مرورك

تقبل تحيات

[ريف النشاما]

الله عليك يالوهيداني ..

صح لسانك .. ولاهنت

وعز الله شوقتنا لايام المطر

عسى الله يجيب الخير ..

أبدعت في وصفك يالوهيداني ..

الله يعطيك العافيه ..

وبانتظار المزيد ..
تحيااااتي


من طول الغيبات جاب الغنايم