طريق حائل الجوف ( رحلة مصورة )

[Khalid AlGhamdi]

السلام عليكم ورحمة الله
الحمدلله بعد الانتظار الطويل طريق حايل الجوف قرب يكتمل ، ومن فترة والناس تروح وتجي معاه لكن اقصد اكتمال السيدين ، قبل العيد رحت للجوف لكن بليل وتفاجأت طول الطريق بالانوار القوية على يمين الخط وانت متجه شمال والمعدات شغالة والعمل متواصل حتى في الليل !
وسمعت من اهل الجوف ان هذا العمل على سكة الحديد ويمكن الاخوان في المنتدى يأكدون صحة هالكلام من عدمه .
اما الخط الاسفلت فهو تقريباً مكتمل لكن فيه مناطق يصير فيها السيد واحد واما الاغلب فهو سيدين وللأسف ماصورت شي وانا جاي بالليل
اما رحلة العودة فمشيت بنهار وهذي الصور من الخط اللي وفر علينا مشوار طويل حتى نروح للشمال

بداية الطريق من الجوف لحايل على سيد واحد والعمل في السيد الثاني شغال ويبدو انه على وشك ينتهي

http://www.mekshat.com/pix/upload02/images56/mk6097_1.jpg

http://www.mekshat.com/pix/upload02/images56/mk6097_2.jpg

ولو تلاحظون في الصورة هذي الرتفاع اللي عاملينه بين النفود لسكة الحديد حتى يصير الخط مستوي
بعكس خط الازفلت اللي فيه طلوع ونزول واجد
http://www.mekshat.com/pix/upload02/images56/mk6097_3.jpg

مع العلم ان التربة اللي يستخدمونها ماهي من النفود لانها طينية ويرشونها بماء بشكل مستمر حتى اللي ماشي عليها طريق الاسفلت مثل ماهو واضح بهالصورة

http://www.mekshat.com/pix/upload02/images56/mk6097_4.jpg

وانصح الاخوان بالمشي بالنهار بسبب كثرة البعارين على الخط لان مافيه شبك والحذر مطلوب حتى في النهار لان الطريق فيها ارتفاع ونزول
http://www.mekshat.com/pix/upload02/images56/mk6097_5.jpg
http://www.mekshat.com/pix/upload02/images56/mk6097_6.jpg

اما من ناحية شبكة الجوال فهي متوفرة طول الخط ولله الحمد واللوحات الارشادية مازالت قليلة جدا وهي موجوده باتجاه حايل اما باتجاه الجوف فما شفت لوحات حتى الان

http://www.mekshat.com/pix/upload02/images56/mk6097_7.jpg

وصلة صغيرة جاري العمل عليها لكن ماتضايق المسافرين لان الخط واسع وزي ماتشوفون انهم يجيبون التربة من مكان ثاني ماهو من النفود والله اعلم

http://www.mekshat.com/pix/upload02/images56/mk6097_8.jpg

كان لي نزول بسيط عن الخط ناخذ فنجال قهوة وللعيال فرصة للعب
http://www.mekshat.com/pix/upload02/images56/mk6097_9.jpg

[Khalid AlGhamdi]

مع اني احذر الاخوان من النزول من اي مكان لان الدفان اللي عاملينة جانب الخط من يوم تنزل يغرز موترك خصوصا اذا مانسمت الكفرات مع ان الاجاويد مايحتاج لهم اشارة يوم شافوني مغرز وقفوا لي من غير ما اشير لهم والحمدلله مجرد مانسمت هواء الكفرات طلعت من غير سحب او غيره وخوينا راعي الشاص غرز جمبي :) وماطلع الا يوم نسم الكفرات بعد لذلك لازم الاخوان ياخذون الحذر خصوصاً اني لاحظت ناس معهم كوامري او فرود ينزلون عن الخط والحذر واجب

نفخ الكفرات ، والله اني حاقر هالمنفاخ لكن يوم جربته والله انه ممتاز

http://www.mekshat.com/pix/upload02/images56/mk6097_10.jpg

قريب من جبه والروض

http://www.mekshat.com/pix/upload02/images56/mk6097_11.jpg
http://www.mekshat.com/pix/upload02/images56/mk6097_12.jpg

قرية الروض وفيها محطة بنزين تشوفها وانت على الطريق تحت
http://www.mekshat.com/pix/upload02/images56/mk6097_13.jpg

http://www.mekshat.com/pix/upload02/images56/mk6097_14.jpg


واعتذر منكم على الاطالة في الصور لكن كنت انتظر احد يحط صور للطريق حتى اشوفه اطلع معه ولا لا
واللي متردد يمشي معه اقول له توكل على الله الطريق اكثر من رائع ويوفر على اهل الشمال شي واجد وبالتوفيق للجميع

[قاطع شعيب]

يعطيك العافية على التقرير الجزل.

ولقد عسيت الطريق ثاني ايام العيد حيث كان لنا فرصة التخييم في الحرة وتفضل علينا الرحمن بان انزل علينا الثلج صبح ثالث ايام العيد

فالله الحمد والشكر

[H M O D]

يعطيك العافيه على التقرير
والشرح

**تحياتي حمود** ;)

[مسافر1]

تشكر أخي الكريم
على هذا البيان وتلك الصور
لهذا الطريق الذي اختصر كثيراً
ولله الحمد والمنة
والدولة ولله الحمد تسعى لتوفير جميع سبل الراحة
نسأل الله أن يحفظ لنا قادتنا

[البّري]

جزاك الله خير اخوي ابو معاذ

طرح جميل وانا ان شاء الله تعالى ابروح معه للشمال غداَ

بالنسبة للقطار فهو صحيح هذي ردمية القطار الجاية من الحديثة وحزم الجلاميد على طول طريق الشمال حائل القصيم الرياض

سلمت اخوي

تقبل مرور اخوك البرّي

[ابو رشيد]

الله يعطيك العافيه يابو معاذ صور فنان ونتظر جديدك

[أبن حرب]

الحمد لله على السلامة
يا أبو معاذ ...
صحيح الخط اللي يوازي خط حايل هو سكة حديد ...
من الشمال حتى القصيم ...
لكن على ما سمعنا بأنه من القصيم راح يتجه إلى مكه ...

[عاشق الرفاليو]

تسلم يالغالي تقرير رائع لك جزيل الشكر

[دغيم1]

السلام عليكم ورحمة الله وبركاته

حمدا لله على سلامتكم

ورحلة موفقه

شكرا أخي الكريم على التقرير الجميل

والبيان الشامل لطريق حائل الجوف

سلمت يمينك

تقبل تحياتي



آمل قبول إعتذاري بنقل الموضوع إلى مكانه الصحيح .

[سامي العنزي]

تسلم الله يعطيك العافيه على التقرير
لهذا الطريق والذي تمنيت ان احد
من الأخوه يعرض له ولو صوره .
شكرا لك اخي الكريم .

[tabrak]

جزية خيرا يابامعاذ


صحيح سكة القطار على يمين الخط وانت مشمل وهي من حزم الجلاميد الى الجبيل مرورا بالبعيثه
والقطار خاص بنقل الفوسفات .


الله يهديك وراك ماسيرت علينا شمال عليم بــ13 كيلو نفرح بجيتك وننسى البرد شوي الله لايعيدها من كشته ذبحنا البرد ليلة السبت درجة الحراره -9 الساعه 8 مساءا واخر الليل حدث ولا حرج

[ناصر التميمي]

يعطيك العافيه على التقرير
والشرح

[قلب الداهيه]

مشكور وما قصرت يالغالي على التغطية الرائعة
لطريق حايل الجوف اختصر عليهم واجد
ما شاء الله سيدين الله يعز حكومتنا الرسيدة على الجهود الجبارة
تسلم يالغالي على التقرير المصور 00

[Khalid AlGhamdi]

جزاكم الله خير على التعقيبات وزيادة التوضيح :)

[zahd]

ممكن يا شباب احد يفيدنا كم المسافه من حائل الى الحدود الاردنيه

[المتفضى2006]

مشكور وماقصرت ويعطيك العافية على هذا التقرير الرائع

[مرفــأ]

يعطيك العافيه على التقرير

[باترول 82]

ماشاء الله عليك تقرير رائع

مشكورين

[beddo]

:good: اشكرك اخي على المعلومات

[إلياس المطلق]

تـــقرير رائــع ,,
لك خالص تحياتي ,,,,

[Khalid AlGhamdi]

جزاكم الله خير على تفاعلكم

[مكشاتي الجزيرة]

الاخ الكريم ابو معاذ...

من وين اشتري جهاز نفخ الهواء في الرياض

http://www.mekshat.com/pix/upload02/images56/mk6097_10.jpg

[صيهد]

جزاك الله خير

[ابوإبراهيم132]

يعطيك العافيه على التقرير الوافي والكافي

لك كل الود.

[رسلان]

جزيتم خيراً على الإيضاح والمعلومات المفيدة ...
بورك فيكم ...

[مكشاتي الجزيرة]

الاخ الكريم ابو معاذ...

من وين اشتري جهاز نفخ الهواء في الرياض

http://www.mekshat.com/pix/upload02/images56/mk6097_10.jpg

[Khalid AlGhamdi]

هذا يجي مع سيارات تويوتا

لكني شفته بعد موجود بمكان الاكسسوارات بفرع العليا اللي جمب لكزس ولكني ماسعرته .

[مكشاتي الجزيرة]

هذا يجي مع سيارات تويوتا

لكني شفته بعد موجود بمكان الاكسسوارات بفرع العليا اللي جمب لكزس ولكني ماسعرته .


اي فرع تقصد ...الي في تقاطع مخرج 9 مع العليا... وهل تعرف اسم الجهاز..وبحكم تجربتك لهذا الجهاز ..هل هو سريع في النفخ وعملي...

وشكرا

[Khalid AlGhamdi]

عليك لمبه ( نور ) :) ايه هو نفس الفرع

اما اسمه فماله اسم ، منفاخ تويوتا ماعتقد يجي اكثر من نوع وهو يجي مع سيارات تويوتا الجديدة
وتجربتي للجهاز انه عملي ، مايحتمي ، لكن ماهو سريع جداً .. لكن سرعة النفخ معقوله جداً ومقبوله

[البكور]

الله يسلم ها اليدين اللي صورت وكتبت فعلاً موضوع نفتقد لمثله لأن هذه المواضيع تهم شريحه كبيره ممن يكون سفرهم عن طريق البر فجزاك الله خيرا

[الخيال2006]

يعطيك العافيه على التقرير
والشرح الوافي والصور الرائعة