المساعد الشخصي الرقمي

مشاهدة النسخة كاملة : فزعتكم يالنشاما


alsarm
25/12/2007, 11:23 PM
عندي طير هديتها على حمام ولاارتفعت شوي وهي اللي تومي على وجها جيتها وعلفتها شوي بس يالله تاكل يمكن فيها دود ابي علاج القاه في البيطريات لاني ماعندي مستشفى صقور او ان فيها برد مدري تكفون الفزعه ومرش الطير يخالطه اخضر فاااتح
الفوار2008
26/12/2007, 01:01 AM
الله يشفي طيرك وانشاء الله يفيدونك الربع
شاهين2007
26/12/2007, 08:22 AM
السلام عليكم
تغير مرش الطير علامه قد تدل على تغير في صحة الطير
والمرش الاخضر خصوصا اللي يكون اخضر فاتح او بلون النيون علامه سيئه! ...فانصحك تعرض الطير على بيطري في اسرع وقت...
بعدبن هل كنت تدعي الطير قبل لا تهدع على الحمام ؟ وشلون كان طياره؟
بوخالد الكعبي
26/12/2007, 11:19 AM
اخوى صباح الخير

الله يشفي الطير ان شاءالله

ولكن اذا المحط اخضر فاتح هذا يالغالي الله لايقولها (( ارداد ))

ولكن اعرض الطير ويمكن فيه دود يالغالي
مطر مكة
26/12/2007, 11:31 AM
الله يشفيه
المزروعي
26/12/2007, 12:37 PM
أكثر ما يأثر على طيار الطير هو الكوكسيديا !! إذا المحط و أنتم بكرامه أخضر هذي علامة الكوكسيديا . والحمام أيضا يخلي محط الطير أخضر ...
بـــن خــتروش
26/12/2007, 02:14 PM
الطيب الله يشفي طيرك ويونسك بطياره
عندي إضافه وهي من واقع تجارب وخبره ولا يهونون الربع..مرش الطير ممكن يتغير الى اللون الأخضر في بعض الأحيان من الملع أو العلف أو الدود ولكن إذا كان فاتح كثيرا فهذا يعني مرظ خطير يستوجب العلاج (رداد-إلتهاب أمعاء-إلتهاب الرئه)أنصحك بأقرب صيدليه...أي دواء بشري للأطفال لقتل الدود وعاده ما يكون لجميع أنواع الدود مع تخفيف الجرعه-مضاد حيوي للإلتهابات على شكل بودره تستطيع إستخدامها مع العلف ونظرا لإختلاف الشركات وأسماء الأدويه فالبدائل كثيره وأهمها هو(سبارونكس)على شكل كبسوله فيها 100حبيبات صغيره يعطى الصقر 15 حبه صغيره يوميا مع العلف وأما إذا أستطعت الوصول إلى عياده بيطريه فأهم المظادات هي( ماربوسيل20مج) نص حبه لل 1000 جرام بالفم والجلوكوز والفيتمينات التي تعطى بواسطة الحقن فهي سريعة المفعول وعاده تكون الأدويه البيطريه لعلاج الحيوانات بشكل عام وتناسب الصقور أيضا مع مراعات تقليل الجرعه للصقر... تمنياتي لطيرك بالشفاء
alsarm
26/12/2007, 07:13 PM
الله يجزاكم خير خميعا ماقصرتوا الله يبيض وجيهكم يالنشاما
جارح العين
26/12/2007, 09:23 PM
الله يشفيه ويطعمك من صيده
مشعل العيسى
26/12/2007, 09:30 PM
الشباب ما قصروا بيض الله وجيهم ... ومثل ما قال اخوي شاهين 2007 اعرض الطير على بيطري ...
والله يشفيه ... وبإذن الله خير ... وقدامه العافية .
alsarm
26/12/2007, 09:36 PM
يعطيكم العافيه جميعا