حبا وكرامه اخوي طلو ولجميع اعضاء مكشات الغالين بدون استثناء

[الفوار2008]

السلام عليكم ورحمة الله وبركاته
احب اولا في البدايه ان اقدم شكري واعتذاري للأخ الفاضل طلو
وهو يعرف السبب الموضوع مايحتاج شرح


عندي موضوع مدري عساه يكون من اللي يظهر الهوايه بشكلها المطلوب


في الواقع انا املك جراء عمر الأول مايقارب الأربعة شهور
والثاني شهر واسبوع
المهم الجرو الأول
اطلعه للعب والاحظ عليه بل الصراحه لاحظ عليه اخوي وصديقي


سلطان العوني


انه مايلهث ويزبد فمه ويدوخ بالسياره على طول وعجزت عن حل المسأله هاذي واحتاج منكم لحل


اما الجرو الثاني
فمشكلتي معه هينه لاهي مرض ولا شين طبع بل الجنس انا الجرو ذا جاني هديه من واحد وكنت قد طلبت منه سلقه لكنه اعتذر بنفاذ الكميه وارضاني بالذيخ ونا ابي ابدل بسلقه لذلك من يرغب بالمبادله يعطيني عنوانه
ونحن على شعارنا الدائم اتصل نصل وعطنى العنوان على طول ندل

[ذيب عتيبه]

السلام عليكم ورحمة الله وبركآته ..

حياك الله يابو العبدي .. ولو ان عنوآن الموضوع والموضوع مايخصني .. لكن لمعزتك عندي وغلاك انت والاخو سلطان العوني ..مارديت ولا تعنيت .. ولي الشرف يابو الشرف اني أرد على موضوع يقترن بسمك أنت


بانسبه يالغالي لسؤآلك الاول .. فمآ أزيد على الاخو أبو عايش الرجال الخبير يوم أنه شاف الجرو وأبدى رآيه فيه .. ولو أن هالمسأله مامرت علي .. لكن وانا خوك حاول تمر بها دكتور بيطري يشوفها ويعطيك العلاج أنشاء الله


وبالنسبه يالغالي لموضوع الجرو الثاني .. فأشهد ويشهد علي الله ان لو عندي جرآوه غير الذيخ الساحلي لو لك نظر فيه فهو أعتبره وصلك ..لكن سلقه ماعندي ولوعندي والله أن يفدآك وان يوصلك لمحلك .. لكن أنت رجال تخبر وضعي ..وتقدره

لكن تلقى انشاء الله الرجال اللي يهديك انشاء الله الشي اللي يطيب خاطرك ويرضيك ...وحي الله موضوعك

[الهوى]

حيالله ابو العبدي بالنسبه للجرو اللى يزبد في السياره شئ طبيعي في بعض السلقان لانه مابعد يتعلم على الموتر اناكان عندي سلق عمره سنه واول ما ركبته الموتر مشيت بالموتر فتره قام يزبد وجاته دوخه نفس كلامك ومع الوقت تعلم على الموتر وصار مايزبد ...وانشالله اني وفيت

[جن جون]

كلام اخوي الهوى صحيح وانا مجرب نفس هذا الشي وراح يتعود مع الايام واذا صار عمره 6 او 7 شهور وعمل نفس العمل المهبب اضربه مره وحده بعد ما يسويها وانا اظمن لك انتهاء المشكله بس لاتضربه بقوه وحاول تكون وحده او ثنتين على راسه وانت تقول عيب او لا من احد الكلامات الناهيه وحاول يكون ضربك على راسه وبيدك مو بعجرا ولا خيزان يعني متوسط القوه ولك تحياتي

[سلطان العوني]

ابو عبدالله
انا انصحك تروح لاقرب بيطري يمكن يفيدك اكثر

[طلو]

حياك الله يابو العبدي وعلى عيني وعلى راسي وانا لا استحق الاعتذار هذا واجبي وعملي وجزاك الله خير
المعذره ابو العبدي لا استطيع الرد الكامل على موضوعك فانت تعلم الحال وتعرف ان الواحد ليس بحال الردود
فانت تعلم ماحل بنا من حزن على وفاه فواز العراف رحمه الله عليه

[واحد طش]

هلا ابو العبـدي .. مثل ما تكرمو الاخوان اللي ردو قبلـي على ان هالعادة ( الدوخة والزبـد ) في اغلب الجراوه وهذا شئ عادي انا لي جروه اذا ركبتها الصندوق تدوخ وتطرش الله يكرمكم ... وهذا شئ عادي بس انت خلها دايم فالصندوق ورح تمش بهـا شهر شهرين .. وصدقني راح تروح الحاله ذي .. واعتذر لاخي سلطان العوني .. حين أبدا رايه ويقول رح لـ اقرب بيطري والله بس بياكلون هالبيطريين على غير سنع سو هالسوات وصدقني ما تندم ..


تقبل مروري

[خشف.]

ما قصرو اعضاء الخيمه

[سلطان العوني]

هلا ابو العبـدي .. مثل ما تكرمو الاخوان اللي ردو قبلـي على ان هالعادة ( الدوخة والزبـد ) في اغلب الجراوه وهذا شئ عادي انا لي جروه اذا ركبتها الصندوق تدوخ وتطرش الله يكرمكم ... وهذا شئ عادي بس انت خلها دايم فالصندوق ورح تمش بهـا شهر شهرين .. وصدقني راح تروح الحاله ذي .. واعتذر لاخي سلطان العوني .. حين أبدا رايه ويقول رح لـ اقرب بيطري والله بس بياكلون هالبيطريين على غير سنع سو هالسوات وصدقني ما تندم ..


تقبل مروري





اخوي واحد طش
ما يحتاج عذر وانا اخوك لكن ما فهمت قصد الرجال وش يقول
يقول الجرو يركض ويزبد ما يفتح فمه اذا تعب وفمه كلب تزبيد وعجزنا فيه الصراحه

اعتذر عن التدخل

[راعي حركة]

واالله يا اخوي موب بس اسلقك الي لين اركبت السيا ره تسعبل وطرش كرمك الله

[القحطاني505]

ماقصرو الاخوان والله يعطيهم الف عافيه