قررت اشتري منشار ماطور اعطوني رايكم؟؟؟

[ابن المدينة]

بسم الله ... والصلاة والسلام على رسول الله ..
السلام عليكم يا اهل مكشات....
انا قررت اشتري لي ماطور منشار للحطب وللنخل ودي افزع للشايب ..
وابغى رايكم في الموضوع؟؟؟
اعطوني انواعها مميزاتها وعيوبها وافضل شي؟؟؟ واسعارها وقطع غيارها
وليت وتفصلون فيها وتفزعون بالصور ان كان لها صور ..

خلوني اشتري وانا مرتاح

[ابو ساره 999]

ياخوي ابن المدينه رح لفروع ساكو مسوين عروض طيبه على البنزين والكهرب
هذا ماستطيع خدمتك واذا انت منت من الرياض مستعد اروح اسئلك يالغالي اخوك ابو اريج

[مشعل العيسى]

مثل ما قال اخوي ابو اريج ... ساكو مسوين عروض زينه ... تلقاهم على الدائري الشمالي بعد مخرج 5 بتجاة الغرب ...

وعندك شارع الريل ...

نصيحة محب : الحذر الحذر من المنشار ... واول شي تسويه اذا شريت المنشار انك تقرا الكاتلوج اللي يجي معه وكيفيه مسك المنشار وضروري وانت تقص اي شي انك تبعد المنشار عن وجهك .. وتجعل يدينك مستقيمات ...

زميل لي كبير في السن اخذ المنشار يبي يقص شجره عنده في البيت وهو يقص الشجرة رجع عليه المنشار ...طبعاً ضرب وجه ونقل على اثرها للمستشفى وراحت وحده من عيونه وتاثر كثير ..

(( طبعاً اللي يخلي المنشار يرجع للخلف .. انك وانت تقص يقابل المنشار منطقة قوية فيرتد للخلف ... لذا انتبه واجعل يديك في وضع مستقيم وجسمك بعيد شوي .. يعني حتى لو يرجع ما يضرب فيك ))


والله يبعد عنا وعنكم وجميع المسلمين الضر والشر

[لواء الحق]

صدقت يا أخي المنشار خطير جداً وأنصح باستخدام (المحش) رخيص وآمن ويقوي العضلات ويستطيع الشايب استخدامه لأنك قد تشتري لك منشار على الكهرب بــ 1200 ريال مثلاً وما يعجب الشايب ثم تبحل به .

[ولدالعم]

عط الخباز خبزه ولو كل نصفه

العامل المتمكن يستطيع قطع الحطب وتكريب النخل
مافيه مثل المنشار اليدوي ابو قرش
السلامه مايعدلها شيء
الا اذا كنت صاحب بنيه قوية بحيث لا يمكن للمنشار ان يرتد لقوة اليد

الله يحفظ الجميع

[قناص متقاعد]

اخوي راطجع ها الرابط

http://www.mekshat.com/vb/showthread.php?t=116711

[قطام]

إذا كنت ناوي تشتري خذ كوماتسوسعره 1150 مقاس 18 إنش
صناعه ياباني
اوإيكوسعره 800 ريال وكذلك كناكا نفس السعرتقريبا
ونوعيه أخرى اسمه البانا صناعه إيطالي
ولكن أحذراشدالحذرمن المنشارلأن العملية تحتاج وقت لأكتساب الخبرةالكافية0

[الساهر2003]

معليش ياشباب هذا اختصاصنا
ممكن تسمحون لي اضيف معلومات مهمة للجميع
اخوي لما جيت انا اشتري منشار سالت العالم كله ومريت شارع الريل محل محل لما عرفوني وكل واحد يمدح اللي عنده وسالت ناس كثير وفي الاخير رحت للباكستانيين في سوق الحطب اللي يقصون الحطب وراعين الحطب وسالتهم افضل منشار وافضل مقاس وقالولي تنكا ثم كوماتسوو فقط الاول وكيله في جده وسعره ارخص من الكوماتسو وكذلك القطع ومتوفر في الرياض عند القحطاني والفانوس والفانوس ارخص في اخر شارع الريل من جهة الغرب
واما الكوماتسو اغلى وكذلك القطع
ولما حققة في الامر لان كلها نفس بعض قالي واحد مكانيكي ان تنكا للبستم حقه شنبرين ويبطي ما يدج عزمه ويبطي مايوضب
والباقيه شنبر واحد وبسرعة يدج عزمها
وافضل مقاس 16 انش وسط وخفيف الحمل في التقطيع ما يتعب يدك
وللقص طريقة مريحة جدا للمنشار وراعي المنشار واذا عرفت الطريقة يكون امن باذن الله حتى الولد الصغير يقدر يقطع به واي رجل يقدر يقطع به ويجب مسكه بيديك الثنتين
ولا تظغط على المنشار حتى يقطع بسرعة وانما على هونه
من سلبيات المنشار الكهرب والبنزين يحتاج تنظيف كثير وزيوت لسير والبنزين اقوى واكثر مراعات ولاكن من يستخدمه استخدام جيد ولو قص خشبان الدنيا لن يخرب باذن الله
ويحتاج ان تشتري سير اظافي واحد او اثنين حتي اذا احتجت تغييره بعد مده تغيره وقيمت التجاري 15 ريال
ولا تاخذ الا تجاري لكن ابو 25 او 30 والاصلي 45 ريال
وللمعلومية عندي منشار 16 انش تنكا من سنتين وتوني اغير سيره قبل اسبوع وقصيت انواع الحطب يمكن حمولت دينا شاص طويل لكن مثل مايعطيني انا ادلعه كل ماخلصت من التقطيع انضفه واخليه يشتغل شويي يصمد راسي ثم اطفيه واسكب زيت على سيره واحطه بكيس لسنة الجايه وعلى ها الحال ولله الحمد
ونصيحة لكل الشباب اللي عندهم مشب او استراحة ان فلوس المنشار ماهي خساره على الخدمة اللي يسويها وقيمة التنكا العام الماضي عند الفانوس بحدود 900 ريال 16 انش
قيمته افضل من قيمة هالجوالات التالية
مع اطيب تحية للجميع ولعل سمعة المنشار تتحسن لدى الجميع

[القضاع]

صبحكم الله بالخير

يابن المدينه ولا يهونون الربع انصحك لاتشتري ابد استاجر لك من محلات العدد مع العامل المحترف باليوميه ويقص اللي تبيه وهو يتحمل مسئولية نفسه اذا حصل شي الله يكفيك الشر ومن يقرا ومنها توفر قيمة المنشار لك ومشاكله وخرابه وقطع غياره وسوء الاستخدام من الغير لو حصل. اسف للاطاله

[shaheenshah]

الكوماتسو انا مجربه وما لي عليه اي ملاحظات

[راعي بيشة]

الساهر يا خوي ما تركت لمن بعدك شي

أقصد شكلك جبت الزبده

بس أظن الكهرب ما هوب كويس البنزيم ممتاز

[الساهر2003]

الساهر يا خوي ما تركت لمن بعدك شي

أقصد شكلك جبت الزبده

بس أظن الكهرب ما هوب كويس البنزيم ممتاز


الله يجزاك خير اخوي
اريد الفائدة لصاحب الموضوع والقراء الكرام وهذا واجب علينا التكاتف
ولكن البنزين اقوى واسرع دورة وقيمة الكهرب 16 انش وافضل ماركه 450 الى 600 ريال واخف وزن واقل اعطال وصيانة ولكن البنزين اقوى ومتنقل والشخص المحافظ على الماطور لا يحتاج صيانة باذ الله تعالى
(وتجربتي مع الماطور خلال سنتين فقط والحمدلله )
مع اطيب تحية لك وللجميع

[PAJERO]

المنشار الالى والصاروووخ يبن ايدين قوية ولا الخطر كبير