المساعد الشخصي الرقمي

مشاهدة النسخة كاملة : سؤال عن الحنيني تكفون ادخلو


طرطيع
27/12/2007, 09:17 AM
السلام عليكم ورحمة الله وبركاته

الله يجزاكم خير

ابي طريقة الحنيني وشلون تزينونه

واي محل يبيع حنيني زين
الطرشي
27/12/2007, 09:25 AM
بدون تكفى وانا اخوك ابشر :
المكونات :
عجينة قرص (بر اسمر)
تمر بدون نوى (عجم)
سمن ويفضل البري

الطريقة
تسوي القرص واذا خلص تعجبنه( عبك او عبط ) بالسمن وقطع التمر اللي بدون عجم لين يصير القرص مثل المبشور (قطع صغيرة )
وبالنسبة لمقياس السمن والتمر على حسب رغبتك ناس تزود وناس تخفف
وانصحك بعدم شراء من المحلات ترى الحنيني اذا ماكان شغل بيت ولا بلاش منه

وبالهناء والعافية
طرطيع
27/12/2007, 03:01 PM
مشكور اخوي ( زين الحلايا )

بدون تكفى وانا اخوك ابشر

بشروك بالفردوس الاعلى بالجنه
عاشق السيل
28/12/2007, 02:08 PM
وعليكم السلام ورحمة الله وبركاته ،،

وهذي طريقتنا للحنيني وكل من ذاقها يمدحها بزيادة ( ولايهون أخوي شين الحلايا الله يبيض وجهه )

المكونات : 8 حبات خبز بر من الفران المصري ،، كيلو تمر ( عبيط ) يعني مطحون بدون عبس ( عجم ) كأس حليب ساخن ،،

الطريقة : يتم تقطيع الخبز إلى أرباع ثم تغمس في خليط الحليب مع ماء دافي ( غمسة خفيفة وسريعة ) وبعد الانتهاء من التغميس يتم خلط التمر مع الخبز ووضعها في فرامة اللحم ليتم فرمها وخلط الخبز بالتمر بشكل متساوي ثم يعاد فرمها مرة ثانية ،، وبعدها توضع في قدر ويصب عليها الزبدة الساخنة بمقدار فنجال تقريبا وتوضع على نار هااااااااااادئة مررررررررة لمدة نص ساعة تقريباً ،، ثم تقدم بالصحون ويفضل الليمون معها وبالهناء والعافية ،،،،

وتقبل مروري ومشاركتي .....




.
طرطيع
29/12/2007, 07:18 AM
الله يعطيك العافيه مشكور اخوي عاشق السيل (الله يمطرنا عاجل غير اجل بي سيل حتي تستانس اخوي )
الضاري
29/12/2007, 12:56 PM
أكلة الحنيني ( دواء البرد ) بالصور المفصلة (http://www.mekshat.com/vb/showthread.php?t=116820)
صليب الرأس
06/01/2008, 03:06 PM
ماقصروا الاخوان واذا تبي المحل اذا انت في الرياض شف مطاعم الشعبية اللي في تقاطع طريق الملك عبدالعزيز مع شارع بن سيناء قبل بندة المصيف وانت متجه شمال حنينيهم ممتاز
كشته 111
07/01/2008, 03:20 PM
وهذي طريقة سهلة للحنيني بخبز التوست البر مع التحية لطرطيع :



المقادير:


كيس كامل من خبز التوست البر
أصبع زبدة
كاس ونص تمر معبوط (معجون) أو أكثر
وشوي حليب


الطريقة :



يطحن الخبز
و نسيح الزبدة ونحط معها التمر عشان يلين


http://73loo.jeeran.com/honaini.jpg



وبعدين نخلطهم مع بعض ونضيف الحليب
لا نكثر بس شوي يعني ...يلين الخليط .. يعني نرشه بس
ونخلطهم مرة ثانية سواء في الخلاط أو بيدك .. في الخلاط أسهل ويطلع نثري


http://73loo.jeeran.com/honaini3.jpg



طبعاً الحنيني يطلع نثري نوعاً ما .. ماهو متماسك
ونحطه في صينية ثم في الفرن على حرارة متوسطة .. لمدة ربع ساعة
http://73loo.jeeran.com/honaini2.jpg



وبعدين نفتته لو احتجنا لذلك
ونحطه في الحافظة .. وبالعافيه عليكم ..
ونقدر نحطه في أكياس في الفريزر (شغل مريح) و إذا بغيته تسخنه عادي



http://www.hawahome.info/uploaded/37402/1170077727.jpg
مع خالص تحياتي ...
فتى التويم
07/01/2008, 05:10 PM
فيه طريقه عندي ممتازه مررررررره


اللي هي


المكونات:

دقيق اسمر

اصبع زبده

تمر بدون فصم(عبس)
زيت بيالتين

ماء دافي

الطريقه

تكب الدقيق في قدر وتخلطه مع الزيت إلين يصير زي التراب وانت بكرامه

وبعدين تكب الماء الدافي عليه وتخلط إلين يتماسك وينعجن صح

تحط في قدر ثاني الزبده والتمر وتقصر على النار

وبعدين تجي للعجينه

وتاخذ منها شوي وتفرد على الصاجه إلين تحتمي ثم تفتته وتحطه في القدر اللي في التمر والزبده وتخلطه

وتسوي هالطريقه بالعجين كله

تفرده وتفتته وتحطه في القدر وتخلطه

وبعد مايخلص العجين خل القدر على نار هاديه لمدة نصف ساعه

وبالهناء والشفاء
جنون الليل
09/01/2008, 04:50 PM
مشاء الله تبارك الله يا طرطيع كل الأخوان ماقصروا
وخذي طريقة أخونا دهران تراها ممتازة
لأنها نفس طريقتي
وعساه مهابيط العافية على قلبك يا أختي طرطيع