استفسار عن الطيور ؟؟

[الاكستريما 2]

متى عودة الطيور بالتاريخ الميلادي ؟؟ ( العودة وليس الهجره )

[أبو فيصل]

الطيور أنواع وتختلف مواعيد هجرتها

أما الصقور فتبدأ العوده وتصل للشرقيه من بداية أبريل وتتأخر الشواهين الى آخر أيام العوده وهي أول أسبوعين في شهر مايو

أما الصقور اللي تفرخ في الجزيره (الوكارى والشاهين الجبلي) فتهاجر بعد ما تعتمد الفروخ على نفسها أواخر شهر مايو لأبعد حد واذا مكنها شهر يونيو فتقل نسبة هجرتها للحراره الشديده من الساعات الأولى في الصباح و تقضي باقي القيظ عند مصادر الماء و الغذاء

الصقور تهاجر مع الجوارح الأخرى اللي تحوم فوق ... يعني تبي تتأكّدد خذ طيرك وخله يساعدك في كشف الحوم (يعتي بمعنى آخر اذا الطيور تقدر تحوم فهي تقدر تهاجر وهذا واضح في أواخر الربيع دام الطير كل ما أرتفع كل ما برد ولقى تيار هواء على طريقه وهو مرتاح أما أواخر مايو فتبدأ البوارح)

لا أنصح بشبك الطيور في هذا الوقت لأنه مضيعه للوقت وخساره لا ترد حتى التكلفه وهي تكلفة الأستعداد والوقت اضافة الى أنك تحرم الطبيعه من أربع فروخ لكل زوج من الطيور اللي تبيض في مناطقها الشماليه أواخر مايو و أول يونيو وتعبر الفروخ مع أمها و غالبآ على نفس خط الهجره

[الاكستريما 2]

مشكور اخوي ابو فيصل على الرد الكافي والوافي شرواك

[خشف.]

ما قصر بو فيصل

[أبو فيصل]

ما سوّينا شي وهذا واجب خصوصآ أننا أفدنا وأستفدنا من جميع الأعضاء في هذا المنتدى المبارك صغيرهم و كبيرهم ولو أني عندي وقت و أعرف أكتب بالعربي بسرعه مثل أبو معيض كان كتبت مواضيع كثيره و مرتبه و تستاهلون ويقول المثل ... من قدم الطيب يستافي الجمايل