اذبحن البرد بالمخيم افضل فرش البر [الأرشيف]

معالي الوزير

29/12/2007, 12:08 AM

اخوي عساف اسأل مجرب ولا تسأل طبيب

انا معي فراش دريوش من 4 سنوات ولا في احسن منه لو الجو جمده مافيه ادفى منه

صح انه سعره اغلى من الفرش الثانية قيمته من الموزع اكثر من 300 ريال بس يستاهل

واذا كنت من الرياض انا ادلك للموزع .... وراح تدعي لي

s3ed

29/12/2007, 12:28 AM

شوف هذا اللنك

غالي بس يتحمل معاك لين 18- تحت الصفر

هذة الماركة معتمدة للقطب الجنوبي والهملايا نورث فيس

http://www.thenorthface.com/na/gear-shop-category-7.html

عشانا

29/12/2007, 07:40 AM

طال عمرك انا مفصل منام عند محلات غنام للرحلات في بريدة
تنزاني مبطن بالبروستر بمبلغ 190 ريال ومنذ اكثر من 5 سنوات
في هذا العيد 1428 طلعنا الى البر ودرجة الحرارة 3 تحت الصفر والله لم احس بالبرد

شروكي ربع

29/12/2007, 09:15 PM

رح للغرابي وخذلك تنزاني وداخل فرو ..

وانسى البرد ..

سعره يوم اشريه من سنتين او اكثر 180 ان لم انسى ..

بس شييييييييي

ارحم يا مسلم

30/12/2007, 01:01 AM

شكرا لكم اخواني على تواصلكم مع الموضوع

الحر123

30/12/2007, 01:13 AM

فراش الدريويش

وبس

اشتر وإن شاء الله ماتخسر

الفتكي

30/12/2007, 06:50 AM

السلام عليكم
كل عام وانتم بخير
فراش الدريويش البوليستر وليس الفرو عشان مايجمع التراب عليك عندالنوم والله شيء غير معقول .

عجاج

30/12/2007, 07:01 AM

فراش الدريويش ممتاز انا مجربه لي الان اربع سنوات لكن مشكلته ثقيل وكبير ياخذ مكان مع الاغراض انا من رايي اخوي عساف انك تاخذ فراش عملي بمعنى انه يكون خفيف وحجمه صغير ودافي اتوقع ان فراش القاضي زين وانا ماجربته

عصيقيل

30/12/2007, 07:23 AM

انا عندي فراش السنيدي من 4سنوات شراع تنزاني ومبطن بولستر امريكي شي

برادو97

30/12/2007, 07:54 AM

ارحم يا مسلم

30/12/2007, 06:43 PM

مشكورين على التواصل مع الموضوع يعني احسن فرش موجودة بالسوق فرش الدريوش

ولدالعم

30/12/2007, 07:39 PM

الفراش الامريكي عند الرمايه خفيف الوزن ولا احسن منه

نجد 2007

30/12/2007, 07:53 PM

الدريويش وبس
أنا شاري واحد من برق الحيا مخرج 15 بسعر 285 ريال
قماش تنزاني من داخل مخمل وبصر احة ماهي خساره فية

البدائع ديرتي

30/12/2007, 08:42 PM

فراش الخليج وفية ثاني بس نسيت اسمه تلقاه عند برق الحيا بالرياض

إعصار

30/12/2007, 08:58 PM

عندك اثنين ..

1/ الدريويش .
2/ فراش الخليج .

مجربة وممتازة ..:)

ارحم يا مسلم

30/12/2007, 10:53 PM

مشكورين على تواصلكم بس وش رائكم بفراش الصمان من القاضي

غيث الحيا

30/12/2007, 11:14 PM

قناص الحبارى

31/12/2007, 12:20 AM

من خلال تجربة شخصية اللي يتحمل غثى فراش البيت بطانيات ومفارش وحبال وحل وربط وخرابيط :) ما فيه مثله من ناحية الراحة بالنوم ...
أمل اللي يبي الفراش المصّنع للبر من خلال تجربتي لأكثر من نوع وبحيادية فلا أظن فيه فرش أفضل من فرش القاضي ( جودة، ودفى، ونعومة، وسهولة حمل، وأسعار مناسبة )
تحياتي لك وللجميع .

+++++++++++++++++++++++++++++++++

وبكل قوه أقولها ............ فراش القاضي وبس .... والله ثم والله أن الشباب يرجفون من البرد وأنا كل شوي أفتح الفراش يتهوى من الدفا .... والله على ما أقول شهيد

له معي أكثر من 3 سنوات

القاض وبس قيمته فيه 400 ريال تقريبا ومعاه الكيس حقه

أخوك/ قناص الحبارى

راعي المستوي

31/12/2007, 12:28 AM

السلام عليكم
الافضل حسب التجربة:
1- القاضي.. من داخل مثل البطانية ومن الخارج من الاسفل بلاستك لمنع الرطوبة.
2- الدريويش
وكلاهما لا تحتاج الى بطانية اضافية في شدة البرد
وبالتوفيق

سيف الظفير

31/12/2007, 01:28 PM

خذ لك فراش تنزاني الاصلى من الغرابي بـ 220 ريال

شغل عدل لو تنام تحت بلك ما دريت عنه

قناص نجد 2008

31/12/2007, 01:46 PM

من ناحيت فراش القاضي فهو دافي ولاكن ضيق مره ما تهنى بنومك وانا انصح الجميع انهم ياخذون فراش الخليج لانه مريح ودافي وله عدة مقا سات واللي يبيه يلقاه عند محلات السنيدي او برق الحيا
والسعر مهوب غالي بـ295 وتراه من تجربه مهب بس كلام اسال مجرب ولا تسأل طبيب

وسلامتكم

سنجااار

31/12/2007, 02:02 PM

عليك بفراش الدريويش الي سعره 400
اما القاضي مانصحك به

ارحم يا مسلم

31/12/2007, 08:32 PM

مشكورين اخواني على هذة المعلومات

أبو الطلعات

01/01/2008, 12:16 AM

أخوي الشباب ماقصروا والفرش كلها زينة وكل واحد فيه ميزة ، والواحد يأخذ الي يناسبه وأنا عندي لك ولشباب إضافة حتى نستفيد من بعض ، وهذه فكرة عن الفراش .
شف يالغالي فيه فراش عند دار الفراسة هو فراش الدريويش أصلاً بس تفصيل دار الفراسة وفيه زيادة في البلوستر الداخلي لأنهم زودوه في الفراش عن أول وصار أكثر سمك وأكثر دفئ صحيح كان أول ممتاز بس الحين أفضل ، وطبعاً هو مبطن فرو ـ وفيه عندهم بولستر النوع الثاني وطبعاً صار أكثر سمك عن أول .
وأنصحك بالفراش السميك لأنه يريحك بالنوم لأننا جربنا الي سمكه ضعيف ما ياقي عن الحصى ويصير قاسي على الظهر حتى لو كانت الأرض مستوية ولا على نفود .
وأهم شيء يكون عرض وطول الفراش لا يقل عن 120 سم * 220 سم .
بس لا تنسى تكتب أسمك عليه حتى ما يتلخبط مع فرش أخوياك .
وأتمنى لك رحلات سعيدة .

ابوعبدالله 32

01/01/2008, 12:56 AM

انا معي فراش دريوش وممتاز جدا

ابو شموع

01/01/2008, 10:51 AM

الدريويش له معي 4 سنوات ولا عاق معي بس
أتوقع أن أفراش الخليجي أحسن :good: وأزين وأدفى بعد على كلام أخوياي وقيمته 300 ريال بالسنيدي ببريده
أو عند برق الحيا بالرياض أمتداد مخرج 15 وأنت متجه شرق على اليسار
أو عند البريه أمتداد كلية المعلمين وأنت متجه غرب بعد ثاني أشاره على اليمين

يااااا . . باااااغي الخير أكثر من الأستغفااااار

بيرتا

01/01/2008, 05:55 PM

المثل الشعبي يقول (( فر من فراش الخليج فرارك من الاسد))

نصيحه يااخوان لاحد يقربه العام خنبق معي وحاسن حوس ولا خلان اتهنا بالطلعه ذيك

اتوقع انه افضل افراش حق اللرمايه يمدحونه كثير

بس اهم شي لاتقرب فراش الخليج لو بلاش

من العيوب السبت قطعت هالحين وش السبب مادري

ارحم يا مسلم

01/01/2008, 10:16 PM

http://up.bdr130.net/gallery_files/r6j54374.gif (http://up.bdr130.net/)

رعد النجدي

01/01/2008, 10:48 PM

خالد الديويش
لا تاخد الا خالد الدريويش ترى فيه أثنين الدريويش خذ خالد خالد خالد ولا تتعداه والسعر 270 ريال
عندي من 11 سنه وهذا سعره لليوم
الي معي قماشه تنزاني ابيض مصفر
هالحين يجي بني
والله انك ما تدري عن البرد لا تحتاج بطانيه ولا غيرها
وعى ما يشهدون اذا ما جازلك اشتريه منك وش تبي بعد

الفتكي

02/01/2008, 06:40 AM

السلام عليكم
كل عام ونتم بخير
يا اخوي ترى فراش الخليج ما يزبنك عند المطر مثل الدريويش لآن الشراع رهيف على طول يتبلل من المطر اما الدريويش الشراع قوي صعب يتبلل من المطر. اما اذا تتشتري فراش من400 وفوق اشتر فراش امريكي كولمن. مجرد راي؟

أبو مها

02/01/2008, 01:26 PM

اخوي رقم واحد فراش الفصول الاربعة من القاضي
رقم ثنين فراش الصمان من القاضي

من تجربة علما اني جربت فراش الدريويش تراه زين بس الفرق كبير وواضح
ولصالح القاضي

عبدالرحمن 11

02/01/2008, 05:23 PM

سلام عليكم
اخوي افضل فراش موجود بالسوق الان الدريويش معي من اكثر من ثمان سنوات
تقبل مروري

رووس الشواهيق

02/01/2008, 05:46 PM

مع الشباب فراش الدريوش انا مجربة على كيفك

ارحم يا مسلم

03/01/2008, 01:58 AM

مشكورين اخواني على تواصلكم

راعي البرهـ

03/01/2008, 02:25 AM

خذ فراش الدريويش بالفرو ويكون بسحاب علشان يسهل تنظيفه وانس البرد خذ نصيحه مجرب وبتدعيلي انشا الله

قناص شدا

03/01/2008, 02:52 AM

يا اخوان في فراش عند الرماية يقولون انه الدرويش تنزاني لونه من برا بني ومن داخل رمادي ب 350 ريال هل هو نفسه الي تقصدونه وفيه ثاني بفرو ابيض

راعي الطعوس

03/01/2008, 09:40 AM

أنا مع ابو مها فراش الفصول الأربعه من القاضي دااااااافي وصفطته سهله ومهي كبيره وممكن ينغسل دراي كلين اذا احتجتم وله حلقات مخصصه ممكن تستخدمها لتعليق الفراش أو تثبيته بالارض إذا كنت تنام بره وله غطاء إضافي للرأس. وسلامتكم

البكور

03/01/2008, 10:08 AM

انا جربت فراش السنيدي وسعره بـ 280 ريال بصراحه تعبان
وجربت القاضي سعره بـ 300 حلو
وفيه فراش من امريكا يتحمل درجات عاليه تحت الصفر تاخذه وتلبسه تنزاني مع واحد من الشباب ويمدح ولا يستحي

شعال

03/01/2008, 12:04 PM

اخوي رقم واحد فراش الفصول الاربعة من القاضي
رقم ثنين فراش الصمان من القاضي

من تجربة علما اني جربت فراش الدريويش تراه زين بس الفرق كبير وواضح
ولصالح القاضي

وش الفرق بين فراش الصمان وبين فراش الفصول الاربعه يعني للصيف بعد......وله مقاسات؟

جوالة

03/01/2008, 09:42 PM

السلام عليكم ورحمة الله وبركاته
الفراش حسب راعيه أخوي ...
يعني مثلا إذا كان سمين لازم فراش كبير .
نحيف ما تفرق معه
رجال راعي مكاشيت واجد ولا يهمه الحجم
ورجال آخر يهتم بالحجم بشكل كبير
آخر إذا أمطرت ركب السيارة
وآخر لا يمكن يركب السيارة
رجل يحتر بسرعة
ورجل يبرد بسرعة

حدد طبيعة احتياجاتك وستجد الفراش المناسب
عني أنا قمت بعمل الآتي :
ذهبت إلى الغرابي في الرياض وفصلت لي فراش على مزاجي اخترت الحجم اللي يناسبني ووضعت من داخل مخابي داخل الفراش للسلاح والسكين وتريك صغير ...
وضعت قماش من اختياري وقابل للتغيير بحيث أضع من داخل فرو والفرو غالي علي بشكل كبير شوي لأنه أشبه بالجاعد حق السيارات .
وباختصار إذا كان الجو بارد حطيت الفرو وإذا كان الجو حر أو دافي وضعت الآخر وحسب تقييمي لوضع الرحلة ...
صحيح أحيانا يكون مكلف عليك لكن لن تبحث عن فراش آخر ابدا .

أبوبرقاء

04/01/2008, 11:18 AM

يقول المثل اسأل مجرب ولا تسأل طبيب
في الاجازة طلعنا الى النفود الكبير ويوم جاء الليل كنا خمسة اشخاص انا معي منام القاضي الصمان
واثنين من اخوياي معه الدريويش واثنين معهم الخليج كانت درجت الحرارة 8 تحت الصفر في الفجر من خلال
ماشاهدناه بالسيارة انا مانمت لان البرد شديد اضطريت الى النوم بالسيارة وايضا اخوياي اصحاب الدرويش
مانامو مع العلم انهم كانو قبل النوم يمدحون الدرويش ولكن عد الليله هذي اخذو يسبون بالمنام
اما اصحاب الخليج لم يضايقهم البرد

المنصوري 1

04/01/2008, 12:51 PM

يعطيك العافية ,,, وعليكم بالعافية

ارحم يا مسلم

04/01/2008, 08:42 PM

يا اخوان مشكورين وما قصرتوا على تواصلكم مع الموضوع بس حتى الان كل واحد يمدح فراش

الفتكي

04/01/2008, 09:28 PM

السلام عليكم
كل عام وانتم بخير
ياناس ترى الفرش الدافيه مره ماتنفع لاصاحب البر
اولا: الكسل وصعوبة الخروج من الفراش عند القيام لصلاة الفجر( اللي ثقيل نومه ) او قضاء الحاجة
ثانيا: ممكن يحصل الخنبقة لانه يحصل لكثير من زملائنا لانهم يحطون مع الفراش بطانية زياده لذلك يصعب
عليه الخروج منه.
وانا عندي لك رأي اذا تبي تدفاء شوف اذا جاك النوم ابعد انار والجمر ثم اسحب الرمل اللي تحت الجمر ثم ضعه في المكان الذي سوف تنام فيه بطريقه توزيع الرمل على الخفيف ثم ضع الفرشه حقة الجلوس عليه ثم تغط في الفروه وبشرط انك تكون ادفاء من الذي ينام في فراش الدريويش او الخليج او القاضي أو الكولمن الامريكي وريح راسك . جرب يا اخس من تجربه.
the.5555@hotmail.com

ارحم يا مسلم

06/01/2008, 12:42 AM

ما قصرت اخوي الفتكي على هذا الراى ويعطيك العافية

ارحم يا مسلم

08/01/2008, 12:33 AM

اشكر جميع من تفاعل مع الموضوع

دمعة حاشي

08/01/2008, 06:17 PM

فيه افراش ينقاله الصمان تلقاه عند القاضي سعره بــ300 جربته بالبر دافي جدا وخدوم وتقبلو مروري

ارحم يا مسلم

10/01/2008, 12:32 AM

مشكور اخوي دمعة حاشى على تواصلك مع الموضوع

ابو شعاق

10/01/2008, 01:59 PM

السلام عليكم
شف يابيي انا ابعطيك العلم اللي يجمد على الشنب وان شاء الله انك منتب عاقبن ابد ولاهوب قصور بالربع
ان كانك تبي الفراش اللي ماتحس بالبرد لو درجة الحرارة -13 ابد فعليك بحق السنيدي الجديد اللي بعد الخليج سعره 395 ريال وتلقاوه عند محل البريه اللي قبل حديقة الامانة بحي الروابي

نقطة تفتيش

10/01/2008, 09:06 PM

الدرويش من افضل المفارش لكن مثل ماقال اخوي عجاج ياخذ مكان,,,,,,,,,

ارحم يا مسلم

14/01/2008, 05:56 PM

مشكورين اخوانى على هذة المعلومات

المتر

14/01/2008, 06:26 PM

غير الدرويش لادور

اسال مجرب

ارحم يا مسلم

15/01/2008, 08:30 PM

مشكور اخوى المتر والله يعطيك العافية على التفاعل مع الموضوع

suleman15000

16/01/2008, 05:09 PM

بطانيه والسلام
و المخده ثم المنام:)

ارحم يا مسلم

18/01/2008, 11:46 PM

http://up.bdr130.net/gallery_files/CjZ69478.gif (http://up.bdr130.net/)

SAL

19/01/2008, 02:34 PM

اخواني انا من هل الخبر وقعدت ادور فراش الدريويش وما لقيته
وين احصله في الدمام او الخبر او النعيريه؟؟؟

SAL

kaaaatm

20/01/2008, 02:18 AM

الدرويش وبس

وسعرة من 270-290 ريال

انتبه خذ اللي داخلة بولسترين لان الفرو يذبحك بالحر في الصيف

طراد 1

21/01/2008, 12:15 AM

بطانيه والسلام
و المخده ثم المنام:)
:cool: بالله عليييييييييييييييك :no2: انت في مكان فيه برد وحر وحشرات لازم فراش يكون وسيع لشغل بالليل

أبو ستري

21/01/2008, 03:47 PM

اخواني انا من هل الخبر وقعدت ادور فراش الدريويش وما لقيته
وين احصله في الدمام او الخبر او النعيريه؟؟؟

SAL

تحصله في الرياض . قريب عند ايكيا ..
في الشرقية ما فيه .. :)

بريمي

22/01/2008, 10:06 PM

من واقع تجربه أخوي هناك فراش عند المرباع للرحلات في عنيزة القماش الخارجي تنزاني والداخلي مخمل سميك أو فرو وله إرتفاع بالجنب وفتحة تهويه عند الرغبه ..
فعلا فراش دافي وجربته في رحلات عده كما أن الإرتفاع في الجنب يعطيك راحه أثناء النوم..فعلا فراش يرضيك والتجربه خير برهان..ويذكر الإخوان هناك أنهم طوروا هذا الفراش بعد عدة تجارب ومن خلال التشاور مع أصحاب الخبرة من أهل البر....
وفقك الباري ورعاك...

ارحم يا مسلم

25/01/2008, 01:52 AM

مشكورين اخوانى على التواصل ويعطيكم العافية

مقلع الرمث

29/01/2008, 11:47 AM

خذلك درويش وبس

خبير البران

29/01/2008, 04:53 PM

اخوي عليك بفراش الدريويش

ارحم يا مسلم

01/02/2008, 01:11 AM

اشوف اكثر الاخوان يمدحون فراش الدريويش هل هو احسن فرش البر

فتى احد

01/02/2008, 01:53 AM

السلام عليكم ...

مرحبا أخي ارحم يامسلم ، يعتبر فراش الدريويش الفراش الشعبي لدى الكشاته وكذلك الصمان من القاضي وكثير التداول بينهم ولايعتبر الافضل ويوجد ماهو أفضل منه وأغلى منه وبالنسبة لي أنا فأنا ممن يفضل التفصيل بمزاج قماش تنزاني ثقيل من الخارج ومن الداخل أشتر فراش أمريكي وخيطه من داخل ولبسه عازل للمطر وركب له سحاب عريض وقوي من النوع الممتاز وخله واسع ومرتاح والله يحفظك .

mar100

01/02/2008, 05:14 AM

الصراحه القاضي عنده شي جميل راح يعجبك شوفه واسعره مره مناسبه وانت اذا تبي شي تفصيل او الخ اطلب منهم على حسب اختيارك .

ALSHOOOQ_2006

02/02/2008, 05:09 AM

أنا شريت فراش اليوم من برق الحياء مخرج 15 تقليد على فراش الدرويش سعره 230 ريال ونفس التفصيل والخامات المستعمله في الدرويش بالنفس أسمه فراش (برق الحياء) مع إضافة جيب للمفاتيح والاغراض في جنب المفرش وهو أقل سعر من فراش الدرويش ..تحياتي ،،،

azmm2009

17/12/2008, 10:08 AM

مع انخفاض درجات الحرارة المتوقع خلال الايام الجاية
وجدت هذا الموضوع مهم في هذا الوقت
مع خالص تحياتي

رعاد مطر

17/12/2008, 01:20 PM

ركز معي وانا اخوك

بطانية اسباني نفرين

وقماش تنزاني

وسحاب اصلي

خيطهم بعض عند محلات الخيام

وانس البرد

بريموس سويدي

17/12/2008, 01:23 PM

اشوف الااخاوان ناسين فراش الصحراء السنيدي

راعي اليتامى

19/12/2008, 10:02 PM

ركز معي وانا اخوك

بطانية اسباني نفرين

وقماش تنزاني

وسحاب اصلي

خيطهم بعض عند محلات الخيام

وانس البرد

يعطيك العافية

بس ياريت توضح كم التكلفة المتوقعة

سعر البطانية ؟؟؟

سعر التفصيل ؟؟؟

وتقبل فائق احترامي و تقديري ،،، ،،، ،،،

نثرية

20/12/2008, 12:24 AM

عليك بفراش الصحراء التنزاني

بالون

20/12/2008, 12:55 AM

!!!تبي تنسى البرد!!!!
الفراش الامريكي الي عند السنيدي
قيمتوه 440ريال وفصل عليه تنزاني
درويش.فصول اربعه. خليج . صحراء
فرش ماتسوي شي مع البرد الي جانا...

خذ العلم وبس. بالووون

الوسم

20/12/2008, 12:56 AM

يا نثرية ؟؟

هل جربت فراش الصحراء اللي تكلم عنه ؟؟

وكم درجة الحرارة يوم تجربة ؟؟

عطنا خلاصة جربتك !!

هل هو دافي في عز البرد ؟؟

هل هو ثقيل في الحمل ؟؟

هل هو صغير في الحجم؟ ؟

نثرية

21/12/2008, 12:36 AM

شف ياعزيزي انا ما جربته لاكن معي فراش الخليج وهو معروف لدى الجميع

الفراش لايعلى عليه ويتحمل حتى 10 تحت صفر وانا مجربه

الفرق بين الصحراء والخليج

الصحراء القماش الخارجي تنزاني رقم 1 (303) والحشو الداخلي نفس الخليج بلستر

مضغوط مضمون 3سنوات والبطانه الداخلية أفضل من الخليج لأن الخليج قطن +بلستر

والصحراء قطن 100% ولونها مموج ما يأثر فيه الأوساخ ولايمسك التراب وسحاباته

امريكي ومعه مخدة وكيس للأغراض الشخصية (جوال وغيره) والأفضل من ذا كله انه

يتحمل حتى 20 تحت الصفر أما بالنسبه للحجم مثل حجم الخليج والدريويش

أتمنى أني افدتك

الوسم

27/12/2008, 03:01 PM

عز الله إنك ما قصرت يا نثرية

جبت مواصفاته كلها

وعلى العموم آ مل من من جرب أي نوع يعطينا خلاصة تجربته !!

وأنا ما أبي أستفيد لوحدي !! أبي الكل والجميع يستفيد

سكوربيون

27/12/2008, 03:40 PM

معي فراش السنيدي شاريه قبل 6 او 7 سنوات بـ 280

وكانت درجة الحرارة عند شروق الشمس -1

يعني كانت الفجر والليل اقل من - 1

وكنت تاركه بوسط الخيمة ( صباحية ) ولا جاني النوم من البرد

اعوذ بالله كني جالس بـ فريزر

وهو من النوع تنزاني ( بوليستر ) وليس فرو

اول 111

27/12/2008, 06:31 PM

. اما اذا تتشتري فراش من400 وفوق اشتر فراش امريكي كولمن. مجرد راي؟

وين الالقيه الفراش الامريكي

بدر الجديد

27/12/2008, 07:03 PM

وين الالقيه الفراش الامريكي

ممكن في الرمايه والله اعلم

بيلسان

28/12/2008, 12:19 PM

مالك عن فراش الدريويش بديلاً
بحكم التجربه

الوسم

28/12/2008, 05:55 PM

بالنبة لي أخذت فراش أمريكي لونه أخضر وبشكل مستطيل

وحشوتة بوليستر أمريكي بحسب كلام من يعمل في المحل

وللمعلومية تراه عطاني ضمان سنه كاملة وقال قبل السنه بيوم !! إن كان ما جاز لك جبه وأنطله عند باب المحل وإلا هات فلوسك بعد سنه كامله !!

وأطواله 120 في 220 سم ولا أتذكر إسم الشركة صاحبة المنتج أو الفراش

من محل الصقر والصقار بــ 600 ريال !!

وبصراحة تعمدت أني أجربه في درجات حرارة متدنية جداً للتأكد من صلاحيته

وفي مره واحده فقط لم أنم من البرد وقد كانت درجة الحرارة داخل السيارة - 9 تحت الصفر والربع اللي معي في خيمة وأنا برا الخيمه

وكانت الهواء شمالية شرقيه باردة بسرعة تقريباً عشرين كيلو في الساعة في المنطقه الشماليه من المملكة المشهوره بالراح الباااااااااااارده

له معي أكثر من سبع سنوات ولم يخذلني في غيرها بس ، أتوقع أنني -- مثل ما يقولون -- حدية على أقصاه

ولكن غيرها بصراحة يذبح بالحر !!

يعني إن كان الجو ما هو بااااااااارد فلا تنام فيه

وللمعلوميه خيطت عليه طربال تنزاني علشان ما يتشقق من الأرض

خلاصة التجربة 000 بالنسبة لي يستاهل دراهمة

وكل حر فيما يختار !!

abodolim

29/12/2008, 05:23 AM

:good: :good: عليك بالقاضي الفصول الاربعه

تميمي92

29/12/2008, 01:28 PM

اسعارهن تبدا من 50 ريال الى اكثر من 1000 ريال

وخذ اللي سعره متوسط

محمد الجويسر

29/12/2008, 01:42 PM

انا شاري واحد من السنيدي
قبل ثلاث سنوات ماتحس بالبرد واسمه فرش الخليج وسعره 290

عين الفرق

29/12/2008, 02:38 PM

تبي تنام كانك في بيتك الدريويش فرو خبرة شارية من عام 1416

الضوء الرقمي

30/12/2008, 12:02 AM

الاخوان اللي عندهم خبرة ومعرفة في الفرش

ماهو اسم الفراش الامريكي وما هو نوعة ؟
واين ممكن نجده ؟

الوسم

22/01/2009, 10:04 PM

بالنبة لي أخذت فراش أمريكي لونه أخضر وبشكل مستطيل

وحشوتة بوليستر أمريكي بحسب كلام من يعمل في المحل

وللمعلومية تراه عطاني ضمان سنه كاملة وقال قبل السنه بيوم !! إن كان ما جاز لك جبه وأنطله عند باب المحل وإلا هات فلوسك بعد سنه كامله !!

وأطواله 120 في 220 سم ولا أتذكر إسم الشركة صاحبة المنتج أو الفراش

من محل الصقر والصقار بــ 600 ريال !!

وبصراحة تعمدت أني أجربه في درجات حرارة متدنية جداً للتأكد من صلاحيته

وفي مره واحده فقط لم أنم من البرد وقد كانت درجة الحرارة داخل السيارة - 9 تحت الصفر والربع اللي معي في خيمة وأنا برا الخيمه

وكانت الهواء شمالية شرقيه باردة بسرعة تقريباً عشرين كيلو في الساعة في المنطقه الشماليه من المملكة المشهوره بالراح الباااااااااااارده

له معي أكثر من سبع سنوات ولم يخذلني في غيرها بس ، أتوقع أنني -- مثل ما يقولون -- حديتة على أقصاه

ولكن غيرها بصراحة يذبح بالحر !!

يعني إن كان الجو ما هو بااااااااارد فلا تنام فيه

وللمعلوميه خيطت عليه طربال تنزاني علشان ما يتشقق من الأرض

خلاصة التجربة 000 بالنسبة لي يستاهل دراهمة

وكل حر فيما يختار !!

تصحيحا للمعلومات بنفس المشاركة

الطول 205 فقط
العرض 107 فقط
للمعلومية جرى التصحيح بعد التأكد من برشور المنتج بالمحل