المساعد الشخصي الرقمي

مشاهدة النسخة كاملة : استشاااارة ........ اطباء المنتدى


شبراق
29/12/2007, 01:52 PM
بسم الله الرحمن الرحيم

السلام عليكم ورحمة الله وبركاتة

كيف حالكم ....... وش اخبارك مقناصكم

مابي اطول عليكم

عندي طير بدى يجيه تشنج اذا بغا يهد او بعد مايهد ويصيد وخلصت منه العلف او اذا صرت اقنص ومفرعله على التكية اذا احرى يجيه التشنج او اذا لوحت له بعض الاحيان يوقع ويجيه التشنج مايطول لمدة دقيقه او دقيقتين ويرجع طبيعي ويصيد ويهد مهدات زينه ولا احسن منه لكن مادري وش النصيب هل هناك علاج له ؟؟

افيدون الله يجزاكم خير

اخوكم أبوطلال
الفوار2008
29/12/2007, 02:02 PM
اخوي
شبراق
الله يشفي لك طيرك ويعافيه
ويفيدونك الأخوان انشاء الله
جارح العين
29/12/2007, 02:06 PM
هذا فيه شلل او صرع والله اعلم وسببها نقص فيتامينات Bl و E
لاكن لازم تمر المستشفى في اقرب وقت ممكن
أبو رداد
29/12/2007, 05:39 PM
عليك بمستشفى الطيور اخوي
بعض الطيور اذا ماتعطيها تطعيم سنوي تصير فيها مثل هذه الحاله
بـــن خــتروش
29/12/2007, 06:06 PM
في البدايه يكون هذا المرض غير خطير وسهل العلاج ومثل ماقال جارح العين هذا فيه نقص فيتمينات ومحتاج تعطيه مع العلف فيتمينات موجوده عند كل بيطري وهي نفس فيتمينات الدواجن والطيور الأخرى الله يكرمك إذا لم يوجد لديك فيتمينات خاصه بالصقورومحتاج فترة تشميس أكثر من قبل والأفضل مستشفى متخصص بالصقور والله يشفيه
حطاب 123
29/12/2007, 07:40 PM
هذا فيه شلل او صرع والله اعلم وسببها نقص فيتامينات Bl و E
لاكن لازم تمر المستشفى في اقرب وقت ممكن
جارح العين
29/12/2007, 08:44 PM
هههههه
تعبت نفسك بالكتابه يا حطاب 123
فنجون
29/12/2007, 08:51 PM
نقص فيتامينات
عابر القارات 2000
29/12/2007, 08:55 PM
اذا صار صرع هذا ماله علاج يعني يخلف الله عليك ياطويل العمر بواحدن اطيب منه
رامى السيد
29/12/2007, 11:22 PM
اخى هذا صرع والله اعلم فاذا كانت الحاله لازالت فى اليدايه فاسرع بعرضه على طبيب مع اطعامه كبد الماعز لمدة اسبوعين فهى تجيب نتيجه رائعه باذن الله فهى مجربه والله يشفيه لك
أبو ممدوح
30/12/2007, 12:42 AM
الله يعينك يا شبراق وانشاء الله تلاقي علاج لطيرك وسو مثل ما قالو الأخوان الله يجزاهم بالخير وانشاء الله تطلع بنتيجه وانا سمعت بالكبده انها تعالج الصرع في بدايته مثل ما تفضل اخونا رامي السيد لكن انشاء الله انه ماهو صرع والله يشفي طيرك
شبراق
30/12/2007, 08:43 AM
ابوالعبدي

جزاك الله خير على مرورك يالغالي

جارح العين

والله قالي كذا واحد انه نقص فيتامينات وبدية اعطيه

ابو رداد

بيض الله وجهك يابورداد انشاءالله بوديه للمستشفى

بـــن خــتروش

تسلم يالغالي ماقصرت بالنسه للتشميس هذي سهل امره وفعلن ياخوي الشمس ماجت على بالي


حطاب 123

تسلم يالغالي على مرورك

فنجون

تسلم على مرورك

عابر القارات 2000

تسلم على مرورك بس تفائلو بالخير تجدوه :)

رامى السيد

ياخوي اول مره اسمع عن كبد الماعز شلون ياخوي ممكن تشرحلي شرح مفصل يعني هل ادعي الطير ولا بس اعلفه لمدة اسبوعين كبد ماعز ؟

أبو ممدوح

تسلم يالغالي ماقصرت

.................................................. .

لاكن يأخوان الطير من فتره تجيه لكن اذا ارتفع وزنه سبحان الله ينقطع الي يجيه يكون طبيعي لكن مشكله اذا ارتفع وزنه تنكر ولا هد على سيرة يبيله قصرة (زوي) اذا قصرتله يطربك
قشاع الرمث
30/12/2007, 01:00 PM
السلام عليكم ورحمة الله وبركاته

اخوي شبراق مساك الله بالخير

مايشوف الشر طيرك

لاكن وانا اخوك لاتظعف الطير بالحيل
باي حال من الاحوال . وهذي نصيحة اخو .

وبالنسبة لطيرك اذا انت بالرياض رح به للمستشفى
واذا انت بعيد ارسله لي بالرياض وانا اوديه والله العالم
ان الطير عنده نقص فيتامينات ويحتاج ينحط بالشمس
الصبح بدري والعصر الاخير .
واي مرض في البداية سهل العلاج لاكن لا تخليه يستفحل
والي بالطير مهو صرع ابدا .

والله يعنك ..
شبراق
30/12/2007, 01:51 PM
السلام عليكم ورحمة الله وبركاته

اخوي شبراق مساك الله بالخير

مايشوف الشر طيرك

لاكن وانا اخوك لاتظعف الطير بالحيل
باي حال من الاحوال . وهذي نصيحة اخو .

وبالنسبة لطيرك اذا انت بالرياض رح به للمستشفى
واذا انت بعيد ارسله لي بالرياض وانا اوديه والله العالم
ان الطير عنده نقص فيتامينات ويحتاج ينحط بالشمس
الصبح بدري والعصر الاخير .
واي مرض في البداية سهل العلاج لاكن لا تخليه يستفحل
والي بالطير مهو صرع ابدا .

والله يعنك ..

بيض الله وجهك يالغالي ماقصرت بالنسبة الاضعاف منب اضعف الطير اخليه يهلك لا ياخوي اخليه على وزنة مهاده وكرمه اكثر بعد لكن الطير يفسق اذا رفعته بالحيل هذا قصدي

بالنسبه انا منب بعدي عن الرياض وماقصرت ياخوي على اهتمامك ومايجي اقصور يالغالي وبيض الله وجهك وانشاءالله ابجيبه للرياض
خشف.
30/12/2007, 05:20 PM
ما قصرو اعضاء الخيمه
رآعي آلبآترول
31/12/2007, 02:53 AM
السلام عليكم ورحمة الله وبركاته
هلا والله وغلا يابو طلال
مايشوف شر الطير وماقدامه الا العافية ان شاء الله يابو طلال
بس انت عارف هاليومين البرد والمربعانية يبي لها طير صنيع
لاتشيل هم الي فيه الظاهر نقص فيتامين ب حق الاعصاب
والي فيه مستحيل يكون صرع ابد ابد ابد لان الصرع معروفه اعراضه
ابو طلال اذا مابعد وديته المستشفى خلني اتقابل معك في نصف الطريق وانا اوديه
واشتري لك حبوب فيتامين المانية ممتازه تباع في محلات البيطره درجه اولى
وهي تجي على شكل كبسولات اصفر وابيض
واما مسألت المستشفى لا تشيل هم انا اقابلك في وسط المشوار واخذه منك واخدمك

ولا تشغل بالك ترا مشكلتك بسيطه ولا قدامه الا العافية ان شاء الله تعالى
شبراق
31/12/2007, 11:21 AM
راعي الباترول - ابوخالد


بيض الله وجهك يالغالي مايجي اقصور انا والله رايح رايح انشاءالله للرياض وباخذه معي وبشوف الحبوب الي تقول ابمربه للمستشفى وخالد العويدي والله يكتب الي فيه خير انشاءالله

بالنسبه هالوقت ماقصرتله بالحيل ازكه والله رافعه
رامى السيد
03/01/2008, 09:47 PM
اخى العزيز اشكرك على اهتمامك بردى على موضوعك واتمنى من الله ان يشفى لك طيرك
اما عن كبد الماعز فهو مميز عن غيرة حيث انه مخزن ملئ بالطاقه والفيتامينات وخاصه فيتامين e
الذى يسبب نقصه ظهور مرض الصرع وبالتالى فان اطعام الطير منه مع الراحه يجعل الجسم يمتصه ويشبع نقصه من ذلك الفيتامين ويبدا بالتحسن التدريجى حتى تنتهى الحاله.........باذن الله............. ففكرة اسبوعين تجعل منه كورس علاجى مكثف يعوض مفقود الجسد من الفيتامين كما ان وصفك للحاله بان التشنج لا يطول يوضح ان الحاله فى بدايتها مما يجعلها اكثر استجابه للعلاج الطبيعى وبالنسبه لكبد الماعزكعلاج للصرع ليس بدعتى وانما هى تجارب لاكبر الصقارين فى حلات لم تستجيب حتى للعلاج بالكى ................واشكرك واتمنى ان يشملك الله برحمته والا يضرك فى طيرك