الي يبي البرميل المندي العجيب يتفضل

[رمال الصحراء]

السلام عليكم ورحمة الله وبركاته
الى اخواني اعضاء مكشات الطيبين كيفك حالكم وكل عام وانتم بخير وعافيه وحج مقبول للي حج والي ما حج الله يوفقه فس السنين القادمه باذن الله 000
وهذي مساعده مني لمن اراد ان يصلح برميل اختصره الطريق والوقت وهي مجرد خدمه بسس ابي منكم الدعاء
الله يجزاكم خير 00 وانا سويته عند هالورشة
وهي ورشة بريده -- المسئوال - عادل جواله 0563417215
والسلام عيكم ورحمة الله
على فكرة سعره معقول

[أبو مها]

طيب وين البرميل

[عاشق السيل]

وعليكم السلام ورحمة الله وبركاته ،،

بيض الله وجهك على خدمة الاخوان بمكشات وهذا من طيب أصلك ،،

لكن يالغالي ماذكرت أي شي عن البرميل ( المقاس ، الشكل ، السعر ، مكان الورشة ) وغيرها ،،

ومن الضروري جدا إنك تحط صورة للبرميل وبهالطريقة تشجعنا نتصل على المهندس ،،،

وياليت تستعجل شوي تراي متحمس ،، وتقبل مروري يالغالي .....



.

[السهران1]

الله يعطيك العافيه وارجو تزويدنا ولو بصوره منه

[شروكي ربع]

الله يجزاك خير لحرصك ..


ويكتب لك اجر نيتك ..


بس ياريت تعطينا مواصفاته ومعلومات اكثر ..


ولو في صور اكون من الشاكرين لك ..

[ابو ايمن]

ياأخوان شوفوا رابط الصور والشرح عن البرميل في توقيع الرجال .. إذا كان هذا هو البرميل المقصود ..

شكرا لك اخي على الاهتمام وجزاك الله خير .. على طيب نيتك ..

لك مني تحية عطرة

[رمال الصحراء]

http://www.moq3.com/img/uploads/wMq88295.jpg (http://www.moq3.com/img/)

السلام عليكم ورحمة الله وبركاته
طبعاً هذا الله يطول عمركم هذا هو البرميل والي تم وضعه من قبل العضو الغالي / عاشق السيل 00
وانا لفيت ليت لقيت ورشة بريده هم الي ضبطوه لي بالنفس الشكل والمقاس زي ما قال اخونا
عاشق السيل
القطر 50سم والطول او الارتفاع 20 وتلبيسته عند الغرابي محل اللحيدان
والله يوفقك لما يحب ويرضاه

[عاشق السيل]

لا لا لا لا

كذا احرجتني يارمال الصحراء !!!!!

والله إني اعتز وأفتخر إني أفدتك بهالبرميل وأتمنى من باقي الشباب يحذون حذوك ويفصلون زيه ،،،

وهذا رابط الموضوع للي يبي يعرف القصة :
http://www.mekshat.com/vb/showthread.php?t=111587

السؤال الأول : كم كلف تصليح البرميل وكم كلفك الجراب ؟؟

السؤال الثاني : بشر عساه ضبط معك المندي ؟ وعساك عرفتله ؟؟

السؤال الثالث : وراك ماتحط صورة للبرميل اللي سويته أنت علشان أوريه الشباب ؟؟

أخوي رمال الصحراء إذا بغيت أي استفسار عن طريقة المندي الناجحة مية بالمية تراي مستعد وأبشر باللي يسرك ،،

بيض الله وجهك ولك مني خالص الشكر والتقدير وتراي أنتظر إجاباتك على أحر من الجمر ....

.

[jwan]

ماشاء الله عليك خدمتني وانا اقول لك مشكور من كل قلبي

[سيف الظفير]

مشكور بس ياليت تعلمنا السعر وكم مدة التفصيل

[راعي الصطحه]

يعطيك العافيه والله يكتب لك الأجر

[رمال الصحراء]

السلام عليكم ورحمة الله وبركاته
اولاً كل الشكر والتقدير لكل من مر وعلق على الموضوع والله يبيض وجيهكم والله يحفظكم بحفظة
الاخ العزيز عاشق السيل
الف شكر على الكلام الطيب بس ترا العين ما تعلا على الحاجب الله يطول عمرك اما بالنسية للأسئلة فهي
1 - كلف البرميل 200 ريال والجراب 80 ريال والله سعره فيه 0
2 - الحقيقه الا الحين ما جربته ليكن السبوع هذا طالع لدهنا وباذن الله بجربه 0
3 - صورة البرميل هو نفس الي انت زينت بالظبط اخوه ميه بالميه نفس القطر ونفس الطول 0
اما بالنسبة لطريقة فالحقيقه اني ما اعرفها والله تسوي خير وتقولي الطريقه بالتفصيل
لأني ان شا الله الخميس بطلع للدهنا وبجربه 00 00
والله يوفقك لما يحبه الله ويرضاه
اخوك - الصغير ابو عبدالله

[عاشق السيل]

وعليكم السلام ورحمة الله وبركاته ،،

ياهلا وغلا بخوي أبوعبدالله ،، ولي الشرف إني أقولك طريقة تصليح المندي بهالبرميل ،،

أولا : احفر حفرة بالرمل بمقاس البرميل تقريبا وحط فيها البرميل وادفن الجوانب من الخارج وطلع التراب ( بوجه العدو ) اللي بالداخل إلى حد البرميل من الأسفل ولاتزيد بالحفر لأن الرمل اللي على الجوانب يبي ينزل عليك بالداخل ،، وأهم شي تخلي مسافة 7 سم من البرميل تكون مرتفعة عن الأرض علشان تقدر تغطيه زين ..

ثانيا : شب حطب السمر وإنتبه تشب غير السمر تراه ماينفع إلا هو ،، وكثر من الحطب بمقدار حزمتين صغيرة تقريبا وخلها تلعلع داخل البرميل واحرص إنها تولع دفعة وحدة يعني خل الحطب فوق بعض علشان يجمر دفعة وحدة ،،

ثالثا : صف اللحم أو الدجاج في صحن كبير وكب عليها ملح وكثثثثثثثر وإذا بغيت تحط بهارات ممكن بس قليل جدا ولاتحط شي ثاني أبد وبعدين اقلب اللحم على وجهه الثاني وكرر نفس الطريقة وبعدين امسك كل قطعة وافركها بيديك علشان يتغلغل الملح داخلها وحطها بقدر ،، وإذا قضيت من كل الكمية غط القدر وخلها لوقتها ..

رابعا : حاول تكسر الحطب علشان يجمر بسرعة وإذا شفته صار جمر كله وزعه بالتساوي داخل البرميل وحط الشبك عليه ،، وبعدين جب اللحم وصفه على الشبك وانتبه لاتحط لحمة فوق الثانية لازم كلها تكون على الشبك وخلها لمدة دقيقتين علشان تاخذ شوي شلوطة ( ريحة الشوي ) وبعدين صب مقدار فنجال واحد من زيت الطبخ على الجمر وانتبه لايجي اللحم علشان يطلع ريحة المندي المعروفة وإذا مابغيتها مهب لازم ،، وبعد ماتصب الزيت على طول وبطريقة سريعة حط الغطاء على البرميل باحكام واهل عليه التراب وادفنها بارتفاع 20 سم تقريبا علشان يمسك الحرارة وابدأ بحساب الوقت ،،

خامسا : وبعد مرور ساعة اطبخ الرز بالكاتم او بقدرعادي وخله جاهز ،، وبعد الدفن بساعتين واحد من الشباب يجفى الرز بالصحن والثاني يطلع اللحم من البرميل ويكون حذر من التراب ويحط اللحم على الرز وبألف مليون عافية ....

تقبل تحيات أخوك عاشق السيل ....


.

[سنعوسي111]

الله يعطيك العافية

[االديحاني]

يعطيك العافية

[رمال الصحراء]

السلام عليكم ورحمة الله وبركاته
الاخ العزيز - عاشق السيل
الف الف الف شكر على الشرح الجميل وابشرك ضبطته معي ميه بالميه والله الحمد والله يجزاك الف خير وعافيه
ورحم الله واليدك 00 00
اخوك رمال الصحراء

[عاشق السيل]

أخوي الغالي رمال الصحراء ،،

وعليكم السلام ورحمة الله وبركاته ،، الحمد لله على السلامة والله يجعلها دوم ،،

والله يبشرك بالخير والله إنك أسعدت قلبي وعساه بألف صحة وعافية وتستاهل أنت وربعك أكثر من كذا !!!

والله يجزاك الجنة ووالديك والمسلمين ....


.

[hhaamadd]

يسعد مساكم يالغالين

البرميل موجود جاهز عند محل مكشات للرحلات بالسويدي مخرج شبرا بالرياض اوافيكم بعدين برقم المحل صراحةً البرميل ممتاز جربته سهل الإستخدام والوزن خفيف ما ياخذ مكان بالسيارة وسهل تنقلة للكشاته موجود جاهز عند المحل بالجراب.
اتمنى لكم ان تستمتعوا بطعم المندي بالبر .

[رمال الصحراء]

الله يجزاك خير والله يرحم والديك

[عدوول]

ان لله وانا اليه لراجعون لا حول ولا قوة الا بالله الله يرحمه رحمة الابرار ويسكنه فسيييح جناته آمين

[سيف الظفير]

يسعد مساكم يالغالين

البرميل موجود جاهز عند محل مكشات للرحلات بالسويدي مخرج شبرا بالرياض اوافيكم بعدين برقم المحل صراحةً البرميل ممتاز جربته سهل الإستخدام والوزن خفيف ما ياخذ مكان بالسيارة وسهل تنقلة للكشاته موجود جاهز عند المحل بالجراب.
اتمنى لكم ان تستمتعوا بطعم المندي بالبر .


كم سعره يا اخووي وياليت توصف المحل بالتفصيــــل

[مراقب الصيد]

ياليت ان الشرح مدعوم بالصور

[الطمار]

ماشاء الله عليك مشكور من كل قلبي

[yahoo]

مشكور
يعطيك