المساعد الشخصي الرقمي

مشاهدة النسخة كاملة : الحصان والوررررررررررطه اللي جتني !!!!!!! الفزعه يارجاااال ودي اصير خيال!!


ابو شويشه2
30/12/2007, 02:23 AM
السلام عليكم ورحمه الله وبركاته ........ وبعد
اخواني في هذه الخيمه خيمه الابل والخيل كيف حالكم ان شاء الله بخير
اولآ:- انا اول موضوع اكتبه بهذه الخيمه ..
ثانيا:- عندي كم استفسار وان شاء الله القى المساعده منكم جميعا.
ثالثا :- انا شريت لي حصان من قبل اسبوعين والحصان معسوف وجاهز
لا كن الحصان مهمل من قبل صاحبه من ناحيه العلف والعنايه مثل
المروش وتقليم الاضافر ..ووووووالخ ! يعني راعيه الاول بس يركب ويلحق الابل وبس ويرجع للمربط...
وودي الله يسلمكم ..
تعلمونني وش اسوي فيه من جميع النواحي ودي صراحه اطلعه حصان صح ....لين يزين ... وفيه حاجه نسيتها الا وهي
فيه تقول رضه برجله او كسر والله ماأدري لا كن واضحه وهو عادي يركض ويمشي ....
وانا ركبته كم مره والله نفسه ماهي زينه لا زم يرجع للمربط ويعافت ويناقز براعيه ... اللي يتجود يمشي والي والله انه .....جاكم على جنبه ...
ووش السوات .. دلوني على الدرب الصحيح وجزاكم الف الف خير....
وشكرا ... واسف على الاطاله تحياتي للجميع..,,,,
ابو شويشه2
30/12/2007, 04:38 PM
64 =مشاهده ولا ررررررررد واحد,,,,,!!!!!!!!!!!!!!!!!!
عقاب البر
30/12/2007, 04:43 PM
معليش والله ما به خبر بالحصن
#الفارس#
30/12/2007, 08:24 PM
هلابك اخوي
ان شاء الله بنجاوبك على كل الي تبي بس انا ودي اسئلك كم سؤال على الطاير
كم عمر الحصان؟
وهل جسمة ضعيف مرة؟
و الي برجلة الله يهديك مو كسر لو كسر كان ما يمشي او يركض زين صح
(الاضافر) اسمها الحوافر عند اهل الخيل
طيب حوافرة طويلة مرة ومتعكفة ؟

اخوي الله لا يهينك ابيك تعطيني شرح ممل عن حالة الحصان وابشر بعز ان شاء الله ما راح نقصر معك
اخوك الفارس
ابو شويشه2
31/12/2007, 03:14 AM
هلابك اخوي



ان شاء الله بنجاوبك على كل الي تبي بس انا ودي اسئلك كم سؤال على الطاير
كم عمر الحصان؟
وهل جسمة ضعيف مرة؟
و الي برجلة الله يهديك مو كسر لو كسر كان ما يمشي او يركض زين صح
(الاضافر) اسمها الحوافر عند اهل الخيل
طيب حوافرة طويلة مرة ومتعكفة ؟


اخوي الله لا يهينك ابيك تعطيني شرح ممل عن حالة الحصان وابشر بعز ان شاء الله ما راح نقصر معك


اخوك الفارس


========================
يعطيك الف الف عافيه اخوي ماقصرت الله لا يهينك
اخوي لا تشره على اهم شي لاني اول مره اشري حصان واعرف عنه شي ...
وانا ودي صراحه اتعلم ...
بالنسبه للحصان الحوافز طوال ومحفورات من الداخل متكسرات شوي .
حاله نحيف شوي .ماهو مره وهو احسن من اول ماجبته,
وعمره والله مدري كم بالضبط لا كن مو كبير اعتقد.. والله اعلم .
واللي برجله من الداخل جهت الركبه (((منتفخ )))مدري وش..!!
هذا الحصان ووش السوات ؟؟؟
وانا الان اعطيه علف برسيم الصبح , وشعير بوجه العدو بالمغرب
ملحوظه :- اخوي انا عطيته عصار دود قبل اسبوع ونص عن طريق الفم
قالي واحد ... وطبقته ..
ومضه اخوي
تراي على النيه مااعرف شي قلي واسويه هذا اللي اعرف
وياليت فيه مصطلحات للخيول ... وشكرا وجعلها بموازين حسناتك ....
وشكرا
#الفارس#
31/12/2007, 10:45 AM
يعطيك الف الف عافيه اخوي ماقصرت الله لا يهينك
اخوي لا تشره على اهم شي لاني اول مره اشري حصان واعرف عنه شي ...
وانا ودي صراحه اتعلم ...
بالنسبه للحصان الحوافز طوال ومحفورات من الداخل متكسرات شوي .
حاله نحيف شوي .ماهو مره وهو احسن من اول ماجبته,
وعمره والله مدري كم بالضبط لا كن مو كبير اعتقد.. والله اعلم .
واللي برجله من الداخل جهت الركبه (((منتفخ )))مدري وش..!!
هذا الحصان ووش السوات ؟؟؟
وانا الان اعطيه علف برسيم الصبح , وشعير بوجه العدو بالمغرب
ملحوظه :- اخوي انا عطيته عصار دود قبل اسبوع ونص عن طريق الفم
قالي واحد ... وطبقته ..
ومضه اخوي
تراي على النيه مااعرف شي قلي واسويه هذا اللي اعرف
وياليت فيه مصطلحات للخيول ... وشكرا وجعلها بموازين حسناتك ....
وشكرا


========================
هلابك اخوي
لا نشرة ولا شي افا عليك
طيب اخوي بلنسبة لحوافر الحصان
لازم تقصها اذا حولكم اسطبلات خيول رح لهم ودور واحد يقص حوافر الخيل اكيد بتحصلك عامل يعرف انت
اسئل وراح تحصل لان حوافر الحصان اذا طالت اكثر من اللازم مشكلة ...
.................................................. ..............
فية بسوق العلف اكياس زي اكياس الشعير يسمونها مكعبات مكتوب عليها اعلاف تسمين هاذي زينة للخيل
وتخلي جسمة اسمن واحسن (حط المكعبات مع الشعير) ...........
.................................................. ................
الورم الي برجلة اذا كان ما يضر الحصان ان شاء الله ما علية واذا ودك تتأكد شف واحد يفهم بلخيل قريب منكم
وان شاء الله بيقولك وش فية.....
.................................................. ...................
وعصار الدود اذا كان الاول مر علية عشر ايام عطة واحد ثاني
احسن طريقة علشان تستفيد من العصار وتذبح الدود عطة العصار الصباح واهم شي لا تعلفة يعني على الريق
واذا جا المغرب خلاص خلة ياكل .....
.................................................. ...............
الله يسلمك اخوي
انا حاضر بلي تبي واللي اعرفة ان شاء الله ما اقصر معك
اخوك
الفارس
خشف.
01/01/2008, 08:42 PM
ما قصرو اعضاء الخيمه
خيال تميم
02/01/2008, 12:07 AM
مساء الخير أخوي ...
إذا أنت بالقصيم أبفيدك بعد الله نبي نلقالة حل..
الحر جساس
02/01/2008, 12:54 AM
فعلا اخوي انا الاحظ ان مافيه ,,,,,, شي يخص الخيل هنا ابدا ,,, مثل التدريب والمصطلحات للخيل وطريقه الركوب للخيل ونوع السباقات على الخيل ,,, ووووالخ ؟؟؟
وياليت يكون هناك موضوع مهم للخيول بهذه الخيمه ....
من قبل الاداره والمشرفين ......
هذا مجرد اقتراح ..... لعل يستفيد الجميع منها وانا اولهم .
وشكرا
تحياتي لك اخوي ...... وان شاء الله يفيدونك البقيه بمعلومات ...
خبيرالقميري
02/01/2008, 06:44 AM
ياخوي تبي نصيحتي قلم الحصان وحذه حديد انتبه مهب المونيوم لانه يطول يقعد يمكن شهرين والالمونيوم يمكن ثلاث اسابيع اذ كنت تركبه كل يوم قبل التقليم والتحذيه ادهنه (بزيت محروق)ومثل ماقال اخوي الفارس مكعبات التسمين وحطه بدال الشعير وتراه ارخص من الشعير وعلى كلامك عطيته ابرة ديدان قبل اسبوع عطه جرعه ثانيه عقب اسبوع والورم الي بركبته (الانتفاخ)ماله علاج يابقا كما كان ولايضره اذ كنت مانت تبي تشارك بسباقات
اخوك خبيرالقميري والسلام
azazas
02/01/2008, 12:46 PM
شف ها المواقع يمكن تفيدك
http://www.frosiah.com/vb/index.php?
http://www.arabihorse.com/vb/
zmzmz9
02/01/2008, 01:00 PM
؟؟؟؟؟؟؟؟؟؟؟؟؟؟؟؟
ال معلى
02/01/2008, 01:03 PM
السلام عليكم ابوشويشه

اخوي فيه محل حق خيول متخصص بالخيول ولوازمها وكل شي حتى الظاهر يدربونها لك

الوصف

اذا انت بالرياض تطلع طريق الخرج واول مايجيك تفتيش الخرج تتعداه وبعد خمس او عشره كيلو يصير على يسارك يعني تقريبا 30 كيلو من الرياض وانت رح لهم واشررح لهم كل شي ويطلعون معك عامل يضبط لك كل شي
ويعطونك معلومات مهمه

وشاكر لك واي استفسار علمني
ابو شويشه2
02/01/2008, 05:36 PM
يعطيكم العافيه على المرور جميعا
و بيض الله وجيهكم يالنشاما,,,,,, على المعلومات الحلوه ,,,
وماقصرتم ,,, وان شاء الله يهتم المنتدى بالخيول وخاصه لا نه منتدى مهم من المنتدايات التي يشهد لها كل واحد دخل فيه ,,,,,وشكرا
تحياتي للجميع ,,,,,,
abdulaah 747
04/01/2008, 06:27 AM
اخي الغالي ابي افيدك بالي اقدر عليه والباقي ما قصرو الاخوان
بخصوص الانتفاخ اعتقد والله اعلم هذي رطوبه تصيب الحصان من قل الحركة
وسوء الاهتمام به.. وان شاءالله تعالي تتحسن مع الوقت وركوب الحصان اما من ناحية انها تظر الحصان فلا اعتقد ذلك
وتقبل تحياتي