يا كثر الشياهين

[بن ذيب]

كل يوم ينزل بالسوق من 3 - 4 شياهين مطروحة

لكن اغلبها صغيرة الحجم ، ويوم امس نزل الي السوق

ثمان شياهين ، وفيهم وحدة بحرية وافية فرخة وبصراحة

ماعليها كلام وصلت 820 دينار وما باع راعيها وطلع

اللة يكثر الشياهين ما أحلاهم.......... واللة الموفق

واقبلوا تحياتي ،،،،،،،،،

[السنافــــــي]

اشكرك اخوي على هذه العلوم الطيبه
والله يكثر من طيور السنة

[ميراج]

الاخ بن ذيب السلام عليكم

الله يعطيك العافيه على علوم الطرح

اصبر شوى 15 اكتوبر تشوف الطيور ماليتن السوق

اللى بعشرة الاف ذا الحين تلقاها بخمسة الاف ريال بس وين الصيد

تحياتى اخوك ميراج

[معشوق]

السلام عليكم
يعطيك العافيه اخوي بن ذيب على ذي العلوم
والله يخليك لو تخبر لنا طير او شيهانه رخيصه بلغنا

[@ عاشق البر @]

يابن ذيب انا واحد من اللي امس طرح شيهانه ونزلها السوق اول شيهانه نزلتها وانباعت 120 جانك تذكر
والشيهانه اللي تقول عنها 820 مالت الربع طرحوها يوم الجمعه المغرب وباعها على رفيجه 820
وفيه شيهانه بعد مطروحه بالسعوديه مالت الربع ونزلها بالكويت وانباعت 170 وفيه شيهانه مطروحه بالكويت
اوصلت 100 وما باعها

اما اللي طرحتها انا طولها 13 وعرضها 14 جرناس ثاني وفيها ثلاث ابثلاث وبعتها 120 دينار


اخوك @ عاشق البر @

[المري]

مرحبا اخوي ابن الذيب وتسلم يالغالي وماقصرت على هذه الاخبار الطيبه


وعاشق البر يستاهل كل علم غانم .............



اخوك / المري

[@ عاشق البر @]

يالمري تستاهل العافيه حبيبي وماقصرت وانشالله الفال لك وتطرح الطير



اخوك : @ عاشق البر @

[ابو عايد]

الرسالة الأصلية كتبت بواسطة السنافــــــي

اشكرك اخوي على هذه العلوم الطيبه

والله يكثر من طيور السنة

الله يعطيك العافيه

وتقبل تحيات ** العاشق الولهان

[بن ذيب]

السنافي : لاشكر علي واجب واللةيسمع منك

ميراج : اللة يعافيك واشكر لك مرورك ونحن بالانتظار لنزول الاسعار

sellebar: اللة يعافيك وان شاء اللة نلقالك شيهانة بس ماحددت السعراللي في بالك

عاشق البر : اللة يبارك لكم ويزيدكم من رزقة واذكر الشياهين عدل اللي قلت عنها

المري :مرورك علي موضوعي اكبر تشريف لي وانت راعي العلوم الطيبة

ابو عايد : لاشكر علي واجب واللة يسمع منك

واقبلوا تحياتي وسلامي.....

[معشوق]

يعطيك العافيه اخوي بن ذيب
انا الصراحه ولا مره شريت طير لأني توني صغير :D بس ودي اجرب واشتريلي طير رخيص اتعلم عليه يعني ابي طير بحدود ال50 او 80

[@ عاشق البر @]

يعطيك العافيه اخوي بن ذيب ومشكور وما قصرت وانشالله باجر بتطرح الوافي كاشف :D




واقبل تحياتي




اخوك : @ عاشق البر @

[معشوق]

السلام عليكم
ها خويي بن ذيب مابين ردك ؟؟

[بن ذيب]

اخي sellebar

اسف علي التاخير لانشغالي، بالنسبة لطلبك موجود بالسوق

فية طيورارباع ومثاليث ممكن تلقاها بهالسعر لكنها ماش

بس تمشي للتعلم عليها، او انتظر شوي لنص الموسم بتلقي

شي احسن شوي .... اكرر اعتذاري علي التاخير

واقبل تحياتي...........

[معشوق]

السلام عليكم
يعطيك العافيه اخوي بن ذيب معذور
بس مادري انا بالسوق مامن طيور وايد وبعدين كلها غاليه مادري ان كان عندك شي رخيص ؟؟