المساعد الشخصي الرقمي

مشاهدة النسخة كاملة : الفزعة يإخوان .. ابي اعرف كل شئ عن الهايلوكس الدفرنسين 2008


ابوعلوش
02/01/2008, 12:01 PM
صراحة بعت الددسن الدفرنسين ، ونويت اشتري الهايلوكس الجديد 2008م دفرنسين ، لكني ماعندي اي فكرة عن مميزاته وعيوبه .. اللي اعرفه عنه انه اوسع من الددسن من الداخل !!!

فيليت اي واحد عنده خبره يفيدنا أو معلومه او رابط عن الهايلوكس الجديد ... وله منا الدعاء

ومعليش ابثقل على الإخوان .. أبسأل عن الإكسسوارات .. خاصة الترهيمات علشان البر ..

والشكر سلفاً لكل من شارك .. وجزاه الله عنا خير الجزاء

ابو علوش .. :cool:
najazy
02/01/2008, 12:16 PM
أبو علوش
هلابك
اللي أعرفه
هايلوكس2008 خليجي وارد البازعي بنزين دفرنسين بخطوط
سعره 81000 ريال

والله ييسر أمرك
ويامال الجنة
Abu Saad
02/01/2008, 12:23 PM
عندي 2007 دفرنسين (الشكل الجديد) ديزل تيربو .
شاريه وكالة بـ 73 الف تقريبا .
فل كامل .
نصيحة لاتشريه مكينته عزمها باااااااااااااااااارد جدا ..
وسبق وان كررت وقلتها 100 مليون مرة :
اي سيارة دفع رباعي 4 سلندر = مضيعة وقت وفلوس .
سواء بنزين او ديزل . ددسن والا هايلكس والا سوزو ( وجميع ونيتاتهن جربتهن لي شخصياً) خراميط ..
وسمعت ان الددسن 2007 الدفرنسين ديزل (تيربو) فيه عزم قوي وتواردت الانباء من اكثر من واحد على الشي هذا ، ولكن انا شخصيا ماجربته فلذالك ما اقدر اقول اشترته او لاتشتريه(اللي هو الددسن ديزل تيربو) .
وبالتوفيق .
ابوعلوش
02/01/2008, 12:30 PM
شكراً لكم .. وعلى حرصكم بالنصيحة الطيبة ..

لكن كان بودي اني اعرف تفاصيل السيارة من قوة وعزم الخ .. لكن السعر سبق اني سألت عنه .. لكني جاهل عن تفاصيله الأخرى .. وخصوصاً الترهيمات علشان البر .. من خزان ماء وشد واضافات علشان الطلعات البرية ..
واعيد شكري للإخوان اللي ماقصروا ردوا على المشاركة بعد وضعها بدقائق ، وجزاهم الله كل خير
بورهف
02/01/2008, 12:45 PM
الوالد عنده 2007فيه عيب واحد
عزمه مهو بذاك الزود
يعني ابعد
سيد النشاما..
02/01/2008, 12:58 PM
ابو علوش ولاتهون يالطيب
ودي اسألك كيف عزم الددسن الدفرنسين يوم انه معك
كيف كان نشاطه في الرمال وأداءه في الأماكن الوعرة
ابوعلوش
02/01/2008, 01:15 PM
أخوي سيد النشاما .. والله الددسن عزمه ماهوب شين .. وصراحة مثل ابو عزيز الدفرنس واحد لكن عندك واحد ثاني تعتزي به عند الصعبات ... لكن مشكلتي كانت السعة .. ليس إلا .. وإلا الموتر ما عليه .. لكن مثل ما قال الأخوان ليته سته سلندر كان صار عزالله موتر ..

والشكر لكل من شارك أو شاهد .. والسلام عليكم ورحمة الله وبركاته
سيد النشاما..
02/01/2008, 01:38 PM
يعطيك العافية أخوي علوش والله يدلك للي فيه الخير اللهم امين
.أبوعبدالرحمن
02/01/2008, 01:56 PM
اخوي ولد عمي معه هايلكس 2008


الصراحة الموتر قوي


ولا توقعت انه كذا يعني راح للافضل بكثييييييييييييييييييييير


وعزمه حلو



واي استفسار ابشر



عندك الخاص والماسنجر والمنتدى