إن شاء الله نويت اشتري خيمة وابي نصيحتكم

[ناجز]

السلا عليكم ورحمة الله وبركاته إن شاء الله نويت اشتري خيمة والي في بالي خيمة البيرق مقاس 3×3 .
ايش رايكم هل هي جيدة او فيه بديل؟
الي جرب هذا المقاس من الخيام هل الخيمة تشيل 4 نايمين او اقل او اكثر؟
بالنسببة لاحتكاك الحديد هل يسبب ازعاج؟
وسعرها الان 4×4 طبقتين 1480 ريال ـ 3×3 طبقتين 1050 ريال طبقة واحدة 750 ريال.


تصحيح ناصح

[الساهر2003]

اخوي ممكن تشوف خيمة توافق ممتازة بالنسبة لرايي
وهذا رابط لموضوع قديم
http://www.mekshat.com/vb/showthread.php?t=96951

[الفتكي]

السلام عليكم
كل عام وانت بخير
شوف اخوي ناجز خيمة البيرق3*3 لا تأخذ الا ثلاثة اشخاص للنوم فقط اذا بتطيع شوري خوذ لك البيرق لاكن احسن لك اشتر البيرق 4*4 طبقتين ممتازه وسهله التركيب انا عندي خيمتين الوسم طبقتين 3*4 والثانية البيرق طبقتين 4*4 لكن البيرق سهلة التركيب لكن اكبر الحجم اما الوسم صغيرة الحجم واصعب من البيرق تركيب ! اما صوت الحديد لف عليهن شطرطون ويروح صوت الاحتكاك. انا من رأيي اشتر لك البيرق 4*4 ازين لك لأنها تأخذ 8 اشخاص مرتاحه . مجرد راي

[عاشق السيل]

وعليكم السلام ورحمة الله وبركاته ،،

أول شي الله يبشرك بالخير لأن الأسعار اللي ذكرتها أقل من قبل شهرين ،، أنا رحت للقاضي وسألت عن أسعار البيرق بكل المقاسات وكانت أكثر من كذا ،،

ثاني شي مقاس 3*3 ممتازة جدا وتكفي لأربعة أشخاص بالراحة وأنا واحد من الأربعة اللي ناموا فيها وكانت رحبة جدا جدا جدا ،، ومن ناحية طقها أو فكها سهل جدا ،،

ثالث شي إذا تبي نصيحتي خذ 4*4 تراها أكبر وأريح خاصة بالجلوس والأكل داخلها وسعرها مناسب وفيها ،،

أتمنالك التوفيق وتقبل مروري يالغالي .....



.

[ناجز]

الله يجزي الجميع خير على النصائح
ياليت فيه احد مجرب البيرق والتوافق ويعطيني الفرق بينهم وياليت اعرف سعر التوافق 4×4

[برق بن رعد]

خيمة التميمي المقاس 3*3 مكونة من ثلاث طبقات شراع وبلاستيك وبطانة مكبوسة مع بعض بالضغط الحراري وصايرة قطعة وحدة(وهذا الكبس خاص بالتميمي فقط) وسعرها مناسب جدا بـ650 ريال وانا مجربها وسريعة التركيب وهذا رقمهم 2703377 وهذا جوال عبدالسلام في محل البطحاء شارع الغرابي0557123851
ولهم فرع مكة وجدة

[شاعر المستقبل]

اهم شي تكون رفيعه عشان ماتزعجك

[الوانيت1]

السلام عليكم
كل عام وانت بخير
شوف اخوي ناجز خيمة البيرق3*3 لا تأخذ الا ثلاثة اشخاص للنوم فقط اذا بتطيع شوري خوذ لك البيرق لاكن احسن لك اشتر البيرق 4*4 طبقتين ممتازه وسهله التركيب انا عندي خيمتين الوسم طبقتين 3*4 والثانية البيرق طبقتين 4*4 لكن البيرق سهلة التركيب لكن اكبر الحجم اما الوسم صغيرة الحجم واصعب من البيرق تركيب ! اما صوت الحديد لف عليهن شطرطون ويروح صوت الاحتكاك. انا من رأيي اشتر لك البيرق 4*4 ازين لك لأنها تأخذ 8 اشخاص مرتاحه . مجرد راي

طيب مدام الفرق بين 4*4 و5*5 فقط 150 ريال ليش ما ياخذ 5*5 أوسع وأكبر وأجود فى المواسير والعمود اللى بالنص أمتن وأقوى وفيه مجال للعفش وأغراض المطبخ وللقعدة ............ سؤال ؟؟؟؟.

[الوانيت1]

الله يجزي الجميع خير على النصائح
ياليت فيه احد مجرب البيرق والتوافق ويعطيني الفرق بينهم وياليت اعرف سعر التوافق 4×4

نفس السؤال...............؟؟؟؟؟؟؟ وشكرا.

[vx444]

خيمة التميمي المقاس 3*3 مكونة من ثلاث طبقات شراع وبلاستيك وبطانة مكبوسة مع بعض بالضغط الحراري وصايرة قطعة وحدة(وهذا الكبس خاص بالتميمي فقط) وسعرها مناسب جدا بـ650 ريال وانا مجربها وسريعة التركيب وهذا رقمهم 2703377 وهذا جوال عبدالسلام في محل البطحاء شارع الغرابي0557123851


ولهم فرع مكة وجدة


اخوي برررررررررررررررق
هل عندهم اربعة في اربعة لو تكرمت ؟؟؟؟؟؟؟؟؟؟؟

[ناجز]

جزا الله الجميع خير على التواصل والنصائح
اخوي vx111 اتصلت على المحل وسعر 4×4 1000 ريال ولاكن منتهية من عندهم لاهي ولا ال3×3 يبغالها شهر الى 3شهور علشان يجيبون

[سيف111]

جربنا البيرق الكبيره والصغيره بدون بطانه

اولا شريت الكبيره وكانت ممتازه من ناحية الوساع وكان هناك مطر ليس قوى جدا وبرد وكانت ممتازه ولكن قماشها كان ثقيل والحالى اخف..مشكلتها كانت ثقيله وطفشتنى بل كرهتها لانها كانت تزعجنى بالتركيب!

شريت الصغيره وكانت اخف وزنا ومن ناحية النوم كانت كافيه لاربعه فقط وعيبها اذا هناك هوا قوى فهى غير مريحه والسبب صغر حجمها ومع الهوا تضيق من الداخل ولكن اذا كانت على ارض قويه ومشدوده من القاعده ومن الرأس يمكن تحل المشكله...

فىكل الاحوال ربما تحتاج الى بطانه للحمايه من البرد الشديد وتخفيف النور!!

اعتقد اننى افدتكم من تجربه والله اعلم

[دمعة حاشي]

والله انا انصحك بخيام البيرق مثل ماقالو الاخوان 4×4 سعرها عند القاضي 1480 ريال ويمكن يرفعو سعرها لان الطلب عليها كثير يمكن تلحق او ما تلحق وتقبلووو مروري

[راعي المستوي]

انا شريت امس خيمة الفرسان 3 طبقات بــ 1650
ويجي معها غطاء مجاني يركب على الخيمة للمطر او غيره

http://www.mekshat.com/pix/upload02/images57/mk6706_4.jpg

http://www.mekshat.com/pix/upload02/images57/mk6706_5.jpg

[برق بن رعد]

اخوي برررررررررررررررق
هل عندهم اربعة في اربعة لو تكرمت ؟؟؟؟؟؟؟؟؟؟؟



يقول العامل اللي في المحل 4*4 منتهية ولا راح تجي الا بعد 3 شهر يعني الربيع قد خلص لكن تقدر تتأكد وتابع معهم على التلفون

[الربذي]

اخي بارك الله لك وبك بس ان شاء الله تكتب هكذا ان شاء الله

[ناجز]

جزى الله الجميع خير على التواصل
اخوي راعي المستوي الله يباركلك فيها ودي اعرف كم اقل عدد يقدرون ينصبونها وهل هي افضل من البيرق ويظهرلي انها جديدة في السوق وجمها ممتاز يخذ 6اشخاص للنوم

[خبراوي]

البيرق سهله التركيب وبعدين ماتحرك مع الهوا لانها مشدوده والحلو فيها مافيها اطناب هذا احلى شي فيها

وانا مجربها مطرنا ولله الحمد مطر قوي وديمه ولم تدخل المطر علينا

فعليك بالبيرق لانه افضل الموجود بالسوق واسهلها في البنا انا ابنيه بروحي يعني شخص واحد يكفي واذا اثنين يكون افضل لختصار الوقت وبنيتها ماتعدا عشر دقايق

[ناجز]

الله يجزيك خير اخوي خبراوي
العامود الي في النص مايظايق والظاهر ان ه يطلع صوت مع الهواء وهل فيه مكان للطبخ في الخيمة

[الفتكي]

السلام عليكم
كل عام وانتم بخي
اسمعو يا ناس كلامكم من ناحية الصوت في خيمة البيرق او تتحرك مع الهواء لها حل:
اولا: الصوت في المواصير تلف شطرطون على المواصير التي تدخل على العامود الأوسط ويرح الصوت
ثانيا: اما من ناحية الحركة فيها حبال خارجية من الاعلى شدها على اطناب وتروح الحركة من الهواء
ثالثا: مكام للطبخ ااي مكان مافيه مشكله لكن ضع تحت المكان الذي تريد الطبخ فيه كيس رزفاضي عشان
مايخرب شراع البلاستيك حق الخيمة او افتح الفتحه الموجوده المخصصه لشبتة النار واطبخ بمكانها
ولا تقرب خيام القاضي طبقة واحده تراها تسوي صقيع. (يكون بعلمك خيام البيرق شتويه وصيفيه لأنها يوجد فيها ثلاثة ابواب افتحها في الصيف ما راح تحس في الكتمه او الحراره مثل الخيام الثانيه لوجود الأبواب الثلاثهوالارتفاع العلوي لها).

[نقطة تفتيش]

باختصار وش احسن خيمة بغض النظر عن المقاسات ؟؟؟
بسرعة جاوبوا والا بروح اشتري الحين!!!!!!!!!!!!!

[حريميس]

البيرق 4×4 طبقتين استعمالات متعددة مارح تندم اسأل مجرب

[دحيم العبود]

لبيرق البيرق البيرق 4 ×4 طبقتين

[بيت طين]

عليك بالخيمه الصباحيه الاصليه بك وللزمن

[الفتكي]

البيرق طبقتين 4*4 لجميع الفصول

[برق بن رعد]

التميمي 3*3 ثلاث طبقات مكبوسة مع بعض ولك وللزمن

[الكونترولCONTROL]

3*3 كبيرة على 4 أشخاص - و حجمها بالسيارة كبير
=================
لو تفصل لك 2.60 * 2.80 أتوقع ممتازة لأنك توفر الحجم و القيمة
و تكلف بين 800 و 900 - مخرج 15 شرق فيه عدة محلات

[ناجز]

ابشركم الحمد لله شريت خيمة البيرق 4×4 لان اكثر الاخون مجربينها ومتوفرة في السوق وهي سهلة النصب والفك وممكن انك تنصبها وتفكها لحالك ولايحتاجلها حبال تشدها هي شاده نفسها وتتحمل رياح بسرعة 90 كم في الساعة ومعرض القاضي الي في الدائري الشرقي عارض البيرق وحاط فوقها ماصورة تصب عليه ماء وهذا نوع من الدعاية .
وبالنسبة للفرسان قصيره من الجوانب وماتقدر تنصبها لحالك.
وبالنسبة للتميمي غير متوفرة في السوق هذي الايام واقرب وقت راح تجي فيه بعد 3اشهر.
والشكر لكل من ساهم في النصح لي في هذا الموضوع.

[محلات الكشاتة الرئيسي]

أفضل خيمه وجيده عنده أشكال حلوه ومختلفه أسمه عوض جوال0556499000
http://www.mekshat.com/pix/upload02/images58/mk70213_52.jpg

[محلات الكشاتة الرئيسي]

أفضل خيمه 4×4 عامودين وسهله التركيب شريتها منالاسم:عوض جوال 0556499000

http://www.mekshat.com/pix/upload02/images59/mk70213_mk8008_190.jpg

[vx444]

يقول العامل اللي في المحل 4*4 منتهية ولا راح تجي الا بعد 3 شهر يعني الربيع قد خلص لكن تقدر تتأكد وتابع معهم على التلفون



تسلم على ردك اخوي الغالي
انا رحت للغرابي وفصلت على رغبتي 4x 3 يعني اضفت اضافات من عندي وهي القماش الخارجي تنزاني خفيف وعازل مويه والقماش الداخل سدو واغطية لصق من جميع الجوانب عشان عدم دخول الهواء

وتركيبها سهل جدا ممكن واحد يركبها وافضل اثنين
واهم شيء ان السدو دافي والعازل للموية قوي
اتمنى اكون افدتك

[ناجز]

vx111 الله يجزيك خير على المعلومة لاكن كم كلفت وياليت يكو فيه صور ليستفيد الجميع

[السعلووو]

شكرا لك عاشق الخبوب
استفدت كثيرا جزاك الله الف خير

[vx444]

vx111 الله يجزيك خير على المعلومة لاكن كم كلفت وياليت يكو فيه صور ليستفيد الجميع

يا هلا فيك
بالنسبة للقيمة ان كنت تبيها عادية تكون قماش وبطانة خيام عادية فسعرها تقريبا 1000 ريال
وان كنت تبغاها سدو زيد 200
وان كنت تبغاها معزولة بشراع قوي وتنخاط مرتين يعني تكون ثلاث طبقات قماش تنزاني وعازل وسدو وعليها تغطية للحزام من جميع الجوانب عشان دخول الهواء فبتكلفك 1400 ريال ويكون وزنها اثقل شوي عشان السدو العجاز والكسول ما يقواها
والصور ابشر ابي اطقها في البيت واصورها لك

[ناجز]

الله يجزيك خير اخوي vx111 بس عجل علينا

[vx444]

الله يجزيك خير اخوي vx111 بس عجل علينا

ابشر يا خوي صورناها لك لكن ابي طريقة رفع الصور لاني حاولت عن طريق ادارة المرفقات لكن ما مشت معاي

[vx444]

الله يجزيك خير اخوي vx111 بس عجل علينا

كما وعدتك صورت لك الخيمة
من داخل الخيمة

http://www.mekshat.com/pix/upload02/images61/mk52555_8.jpg




ومن الجانب يكون سحاب قوي وغطاء للسحاب لانه يمنع دخول الهواء
http://www.mekshat.com/pix/upload02/images61/mk52555_10.jpg


ومن برى
http://www.mekshat.com/pix/upload02/images61/mk52555_22.jpg
ومقدمتها
http://www.mekshat.com/pix/upload02/images61/mk52555_33.jpg



وعندك شيء مهم وهو الرواق السفلي لا يكون قماش عادي مع دفنه بالرمل يتقطع ابيك تسوي له قماس بي في سي قوي جدا ويتحمل وثقيل
http://www.mekshat.com/pix/upload02/images61/mk52555_44.jpg



وتفصيلها في الغرابي وسعرها 1400 ريال مع الاضافات الي قلت لك عليها وبدون الاضافات 900 ريال
ومقاسها 4*3

[ناجز]

اخوي vx111 ماقصرت الله يجزيك خيريالقرم
عسى ماخليتك تطلع البر علشاني ههههههههه
الف شكر لك

[محلات الكشاتة الرئيسي]

أفضل خيمه 4×4 عامودين وسهله التركيب شريتها منالاسم:عوض جوال 0556499000

http://www.mekshat.com/pix/upload02/images59/mk70213_mk8008_190.jpg
هذي أقل حديد وباشكال مختلفه بعمدان وبدون ويوجد نوعيات من السدو عنده وأقمشه أخرى وشكرأ
نصيحه لك ناجز

[راعي المستوي]

عندي وحده مثلها بالضبط لكن مقاسها 3*4 مستعمله مرة واحدة فقط وسعرها ارخص من الجديد مسيومة بـ 1000 ريال وحدي فيها 1200