ممكن مساعده؟

[والد البحرين]

السلام عليكم

عندي طير حر المشكله انه الطير ياكل من يدي بس لحد الحين ماستجاب حق ندى الي ادعيه فيه

ويذى ياكل بجنبي من الفريه اول مايشبع ابي اشيله على دس مايرضى ويهرب مني

واشوي اشوي مع التهديل يرضى انه يجي على الدس بس من اول مره

اول ماجي اشيله على دس يبتدي الطير بصياح؟

ابي الحل يذى ممكن

[والد البحرين]

وكيف اعلم الطير على انه يكون هادي في سياره
وكيف اعلم الطير على هرن السياره وكيف اعلم الطير على حب راعيه

ممكن المساعده يااهل الخير

[خشف.]

ان شاء الله ما يقصرون اعضاء الخيمه

[جارح العين]

اذا جا وقت العلف خل طيرك مفرع على الوكر وحط قطعه من اللحم على يدك وخلك على مسافه متر وناده باسمه واصبر عليه شوي لين يجي وياكل القطعه وبعدين دهله شوي ورجعه على الوكر وكرر العمليه عده مرات وانشاء الله يصير ماينحاش ويوقف على الدس لاكن يبيله صبر.
.
.
اما الندا لازم كل يوم تعلفه على يدك وتناديه باسمه بصوت مرتفع بتكرار
.
اما الركاد بالسياره عللى ما اعتقد انك تعلفه على التكيه الى ان يشعر بالامان في السياره
.
وكيف اعلم الطير على هرن السياره.....والله مافهمت قصدك .......
.
اما اذا تبي طيرك يحبك ويطيعك اكرمه بالعلف ودهله كل يوم ونقله معك وتمشابه حتي يرتاح لك ويطمان

.
ارجو انك استفدت .
تقبل مروري

[السكب 001]

ماقصر اخوي جارح العين....

[والد البحرين]

كيف اخلي طير يتبع هرن السيارة؟

ابي الطير يكون في الجو هو يتبع السياره

هل اعلمه على الصفاره و هرن السياره؟

[جارح العين]

والله اول مره ادري ان الطير يتبع السياره
وانشاء الله احد يفيدنا بالموضوع.

[القرناس المهاجر]

مشكور اخي جارح العين على المعلومات إللي قدمتها 0
بالنسبة لكون الطير يتبع السياره صحيح .. واعتقد ان الأخ يقصد إنه يجي على صوت البواري حق السياره
اما كيف .. فهو مثلما تفضلت في تعليم الطير .. لكن بعد أن تطمئن ان طيرك يجيك من مسافات بعيده .. قم بتعليمه على تتبع الموتر وذلك بدعوه وهو جائع وأنت ماشي بالموتر وهو يجيك وقد يصد .. لكن بعد عدة محاولات يصر على الإنقضاض على يدك .. عندها أوقف الموتر تدريجياً ثم خله يعلف قليلاً ثم أطلقه في الهواء وكرر العملية .. ثالث مره أدخله معك في الموتر على مرتبته وخله يكمل علفته .. بكذا وبعد عدة ليالي يكون اتقن الدرس وأول ماتضرب بوري أو تصيح يجيك للعلف :D
هذي سويناها اثناء الصيد والطير يتبع الموتر كيلوات حتى نعثر حنا وإياه على الكروان ومن ثم يهد عليه :good:

[جارح العين]

لاهنت ياقرناس المهاجر على المعلومات
لاكن اذا غيرنا السياره بالشكل او اللون هل يتبعها او اعلمه على شكل او لون واحد

[القرناس المهاجر]

لاهنت ياقرناس المهاجر على المعلومات
لاكن اذا غيرنا السياره بالشكل او اللون هل يتبعها او اعلمه على شكل او لون واحد

ابد ماعند الطير مشكله في اللون .. من يوم يذوق العلف من المواتر يتبعها أي كان لونها :)
كان عندي شيهانه من يوم افكها بالمهد واتركها تتطلق شوي تروح لسيارات أخوياي .. ثم ترجع لموقعها اللي هدت منه ..
لكن ياحسافه ماطالت بها الفرحه :( :(
مشكور ياجارح العين :good:

[نبع الدموع]

اذا ما كان هناك مشكلة بسمع الطير هذي المشاكل كلها مشاكل تدريب للطير
و اول شئ يبيلك تنتبه منه هو مشكلة ترويع الطير و هالمشكلة يصادفها كثير من
الشباب الي مالهم خبرة و بعد كذا الجوع و انا اخوك يخلي الانسان يطيع فما بالك بالطير
اي شئ تبي تعلم الطير علية ادعية علية و هوا بيدورة دوارة بعد كذا ولاكن ما انصحك بتعليم الطير على السيارات لان كثير من الطيور ماتت دعس بسبب الدعو على المواتر او ان الطير ضيع موتر راعية و الراعية يفكر ان الطير يلحقة و في الحقيقة الطير يكون يلحق موتر ثاني

اذا بغيت تدعي الطير و عيا لا يجي على الدس برقعة و لا تعلفة بذاك اليوم و خلية ثاني يوم و ان عصى خلة لثالث يوم و هوا بيجيك يزحف بمعنى اصح خلة يطيعك ولا تطيعة. الا لا عطاك الي تبي لازك تشكرة بالعلف الزين. و ان بغيت اي خدمة انا حاضر.

[جارح العين]

والله معلومات جديده ومفيده الله يعطيكم العافيه وما قصرتوا
بعد اذنك يا ولد البحرين

[عاشق مكشات]

مشكور اخي جارح العين على المعلومات إللي قدمتها

[والد البحرين]

مشكورين على المعلومات يعطيكم العافيه

لاهنتو يالغالي ممكن ترسلوني على الاميل لو سمحتو
jassim_10_96@hotmail.com