تسجيل الدخول

مشاهدة النسخة كاملة : 95 المطور نبي معلومات ؟؟؟؟؟؟


رحال العمر 80
03/01/2008, 07:05 PM
السلام عليكم ورحمة الله وبركاته وبعد
انا اعرف ان الموضوع طرح اكثر من مره في الصفحات السابقه
ولكن انا ابحث عن جواب شافي ونهائي

ارغب في شراء جوال ملاحي وفكرت في نوكيا 95 الاسود سود الله وجه العدو :D
لسبب الشاشه كبيره :good: / الذاكرة كبيره :good: / الكاميرا قويه :good: اضافة الى المميزات العديده لهذا الجوال

نأتي للجزء الاهم في الموضوع

لا ابحث :no2: عن جهاز ملاحه مستقل بل جوال ملاحي
( حتى ما يقول احد خذلك جهاز ملاحه )
لو تحدثنا عن الملاحه في هذا الجوال كل ما وجدته في الصفحات السابقه يخليك تصدع من كثر المعلومات المطروحه عنه

الي ابي اعرفه انا وغيري من المهتمين بهذا الموضوع
:confused:
1- هل الخرائط الملاحيه الموجوده في الجهاز سهله
و معربه
2- اذا كانت غير عمليه هذه الخرائط اتمنى منكم
شرح طريقة اعداد الجهاز بافضل برامج الملاحه السهله
وكيفية الحصول عليها
وطريقة تثبيتها على الجهاز
وشرح طريقة استعمالها
خطوة بخطوة
حتى نستفيد جميعا من خبرة من لهم خبره في هذا
المجال

عذرا لاطالة الكلام بس صدقوني محتاج وقفتكم الصادقة
لأني بالفعل من كثر الكلام عن الملاحه في هالجهاز
ما صرت اجمع :(
واشكركم على متابعتكم الموضوع
رحال العمر 80
04/01/2008, 01:22 PM
أفاااااااااا
ما فيه ردود
ما توقعت كذاااااااا
سيل سهيل
04/01/2008, 01:47 PM
انالااعرف طريقة الخرائط ولاكن المهم في الجهاز الاحداثيات لقد اشتريت الجهاز وجربته في ذلك وهو فضيع وسهل جدا ما عليك الا الذهاب الى الادوات فالتوصيل فبيانات gpsثم تنتظر عمل الاقمار وتذهب لخيارات فتعين الوجهه اما من موقع محفوظ مسبقا او من ادخال الاحداثيه ولا بد ان يكون السهم دائما للاعلى
الرحال الحزين
04/01/2008, 08:26 PM
اخوي رحال
اخوي عن طريق هذا البرنامج تقدر تشغل خرائط الجارمن لجوالك 95
وانا انصحك حاول قدماتقدر انك تنزله بجوالك او تروح لاي حد ينزله لك وهو
http://www.mekshat.com/vb/showthread.php?t=117126
في هذة الوصله وبصراحه عجيب
رحال العمر 80
05/01/2008, 12:08 AM
اشكركم على تجاوبكم معي يا شباب :)
سيل سهيل و الرحال الحزين
بس المشكله يا الرحال الحزين
رحت للرابط الي اشرت له وشرح جدا وافي
البلا في السوق من الي تثق فيه عشان يشرحلك على الجوال وطريقة استخدامه غالبية الي في السوق يبي يبيع وبس
وبعدين ابحل بعمرك :no:
انت تبي واحد فاهم :cool:
اذا عندك محل معين في الرياض متمكن من البرامج هاذي وقادر يساعدني تكفى ترا تكفى تهز الرجاجيل
اذا تورطت في المسأله ترا برجعلك واحد لزقه :D :D :D
وبعدين يا الرحال هل هذا البرنامج مناسب جدا للجوال 95 الاسود
وهل ضروري يتحدث باستمرار حتى يتابع تغيرات المواقع في المدن
ترا اخوك لك عليه في هالمواضيع :j
الرحال الحزين
06/01/2008, 07:45 AM
الاخ رحال العمر
اخي العزيز انا من الامارات والله لوكنت جنبت بوصل الى عندك وبركب لك اياه
عموما البرنانج مو صعب انت حاول ولا تخاف وهو يشتغل على جوالك
وكل شي فيه بلاش وفيه خراطة الصحراء وبالعربي بعد
وحسب علمي لا يحتاج تحديث
ما اقول الا الله يحفظك اخي
eyesmax
06/01/2008, 09:19 AM
السلام عليكم...
اخي الكريم انا امس شريت الجهاز... بصراحه ما ادري وش الطبخه...

بس ان شاء الله حبه حبه :)
برق الشرقية
06/01/2008, 10:57 AM
هلا اخوي رحال
شوف انا ماسوي فيها فاهم لكن على ماقال اسأل مجرب ولاتسأل طبيب ، والحقيقة انا عندي نفس الجهاز اللي تنشد عنه ، الجهاز انصحك فيه ، وبعدين عزيزي الجهاز معه خرائط مايحتاج تشغل نفسك من هلناحية وهي تأدي الغرض وبشكل ممتاز ،والملاحة برضو فيه حاجة حلوة الصراحة ومدمجة معة ولا فيه تعقيد بل يتفوق على اجهزة الجارمن من ناحية المواصفات ماعدا فيما يخص الاحداثيات ، وهذي مو مشكلة كبيرة لان الاختلاف اللي بالاحداثيات مرح يعمل اي مشكلة وتقدر تركب برنامج لتحويل الاحداثيات عن طريق قوقل او غيرة ونا مرح انزلها لاني مرتاح بالوضع الحالي ولاني رجل استخبارات عشان ادقق بالاحداثيات ، وبعدين الجهاز مريحني مرة من ناحية السعر مقارنة مع اجهزة الجارمن المبالغ فيها ومواصفاتها عادية جدا" وللأمانة مرة بغيت اموت بالبر والسبة جهاز جارمن لابارك الله فيه هههههههههههههههه مدري شصار بالاحداثيات ومن المغرب الين عشر بالليل تونا نطلع ، الحقيقة اهنيك على اختيارك وقول لك اعقلها وتوكل ، وتراني بالشرقية وخذته معي للأمارات وخذته وخذته معي لمنطقة الرافعية كانك سمعت فيها ا تبعد عن الدمام 45 كيلو تقريبا ولله الحمد من ابدع مايكون ، ويفيدك بعد عن الاماكن المجاورة منك من ناحية الخدمات والمساجد وطريق بديل ومحطات البنزين وكم تبعد عنك وكثير من اللي لحد الآن اجهزة جارمن عجزانة تسويها ، وتراني رميت جهاز الجارمن وستخدمت جوالي الجديد ههههههههههههههههه مبسوط فيه مره ، وهذا مجرد رأي شخص عادي ولكني متمسك فيه يكفيني اني افتح الاميل بواسطة الجوال مثلا" في اي مكان يتوفر فيه واير ليس وغير بعض المواصفات الجيدة . واي خدمة حاضر طال عمرك .
رحال العمر 80
06/01/2008, 11:57 PM
مشكورين على تجاوبكم معي
كل الشكر يالرحال الحزين ابعد الله عنك الحزن
ويسلمون عيال زايد
وما تقصر يكفي شرحك المره الي طافت
مشكور يا eyesmax
شكر خاص لبرق الشرقيه كفيت ووفيت وانت فوق الأمر ما يامر عليك ظالم
انا معجب بالجهاز من اول بس ابي اريح ضميري
ابي اجمع خدمتين جوال مميز وملاحه

بس وش قصة الاحداثيات مثلا ابي اوصل لشخص معين بالاحداثيات تنزيله صعب وطريقة التعامل معه سهله

طيب ما تعرف محل ثقة بالرياض او الشباب الي متابعين الموضوع يدلوني على محل متخصص بهالجوال
يقدر يشرحلي عليه من ناحيه البرامج

عموما ثقلت عليكم الله ينور دروبكم

يا شباب الي عنده معلومات لا يبخل علينا

وجعلنا أمرهم شورى

شكل هالجهاز بيعيد قصة الرهيب اول ما نزل سبب عقده لنوكيا حتى تخلصو منه بعد موديلات واجد
سقرااااط
07/01/2008, 06:33 AM
هلا اخوي


يارجال توكل على الله وخذ لك حبه من هالجوال


والله معي الصراحه انه روعه اول مااخذته مادري وش الطبخه


وبديت اقلبه مع الوقت صرت افت به فت ابشرك


وماشاء الله ادخل من الاحداثيات واطاير بهالبران


وزينه لو تطلع باي مكان وتبي توصف لحد بس شغل


gps وسو للموقع الي انت فيه حفظ وارسله له رساله


نصيه واول مايستقبله يسوي له حفظ وهي تروح للمواقع


عنده ويالله ماتدري الا هو طاب عليك<<<طبعاً يكون جوالهn95


وبنسبه للخرايط موجوده بس المشكله المدن الي مفصله شويه


تقريباً الرياض - جده - مكه -المدينه


المشكله القصيم مافيه:(


ولا حلوه الخرايط مثلا الرياض


تحدد اي مكان تبيه وتطلب الاماكن الي حوله مثل مساجد فنادق مطاعم صرافات تاجير سيارات


اسواق والكثير الكثير لايسع المجال لذكرها<<<خليت فيها مجال:mad:


وفيه بالخرايط المحاكاه سلمك الله هذي مثلاً انت في مكان وسويت


بحث في الجوار عن مطعم يعطيك المطاعم الي جنبك وكم تبعد


اذا اخترت مطعم تسوي خيارت بعدين تختار الطريق الى


يعني من المكان الي انت موجود فيه الى المطعم وتسوي له


بدا المحاكات ينطلق من المكان الي انت فيه


ويعرض لك الخريطه والشارع والمنعطفات تسنك تمشي بالسياره


وكم باقي وش الي قدامك و فيه صوت بعد


يوجهك يعني يقول بعد 30 متر لف يسار ولايمين حسب الخط



وش بعد ياربي....


شكلي افغيت روسكم بكثرت الهرج :p


والشرح مولي :D


على العموم اخوي اي استفسار ترانا جاهزين لاتستحي كلنا


بهذا الصرح اخوان :rolleyes:


سلاااام
eyesmax
07/01/2008, 07:37 AM
اخوي رحال العمر .... اسمحلي بالسؤال معك ...

شباب انا عندي ملاحظات بسيطه و اتمنى تفيدوني.....

1- بالنسبه لادخال الاحداثيات ... عجزت... جربت اخذ احداثيات من قوقل و ادخلها في "الملاحه" بس ما يعرضها لي على الخريطه.

2- اذا انا مثلا بالبيت و سويت له الطريق من البيت الى فدق المريديان يعرض لي الطريق بالاسهم او بالخريطه لكن المشكله المؤشر ما يتحرك. و اذا سويت بدء الملاحه يرفض و يعطيني مسجات شراء .... هل في برنامج او ترخيص اضافي يجب توفره؟


و لكم جزيل الشكر
ابورشيد
07/01/2008, 12:51 PM
السلام عليكم يا اخوان
أنا اشتريت الجهاز وأكثر من رائع لكن المشكله عندي اني ماقدرت أوصل للاحداثيات سواء للموقع اللي أنا فيه أو ابي أروح له
ممكن تفيدونا مأجورين
رحال العمر 80
07/01/2008, 11:04 PM
مشكور سقراط
الله يحفظ الجميع :o
من خلال كلامك وكلام الشباب الي وضعو تعليقاتهم
ودي اطرح بعض الاسئلة :confused:
البرنامج الي في الجهاز ما يغطي اغلب المدن السعودية
وطرقها
ولا شامل للملكة وبدقة ممتازة
لاني لاحظت انك تقول القصيم ما يغطيه طيب لو بروح القصيم مثلا ما يوضحلي شي (طرق بران )يعني مايظهر شي على الشاشه
او لازم تنزيل برنامج الجارمن الي تكلم عنه الرحال الحزين
حتى تضبط معي الامور

هل الاحداثيات موجوده في الشاشه وهل لها خطوات معينه لتشغيلها
ولا ضروري ننزلها على الجهاز من موقع قوقل الي ذكره برق الشرقيه

اتمنى يشاركونا الشباب بالراي حتى تعم الفائده

تقبلوا خالص تحياتي ،،،
رحال العمر 80
07/01/2008, 11:09 PM
عذراً غلطت باسم المملكة وكتبت الملكه
احد يغلط في اسم حبيبته
المملكة العربية السعوديه
سامحونا
سقرااااط
08/01/2008, 04:36 AM
مشكور سقراط




الله يحفظ الجميع

من خلال كلامك وكلام الشباب الي وضعو تعليقاتهم
ودي اطرح بعض الاسئلة
البرنامج الي في الجهاز ما يغطي اغلب المدن السعودية
وطرقها
ولا شامل للملكة وبدقة ممتازة
لاني لاحظت انك تقول القصيم ما يغطيه طيب لو بروح القصيم مثلا ما يوضحلي شي (طرق بران )يعني مايظهر شي على الشاشه
او لازم تنزيل برنامج الجارمن الي تكلم عنه الرحال الحزين
حتى تضبط معي الامور


هل الاحداثيات موجوده في الشاشه وهل لها خطوات معينه لتشغيلها
ولا ضروري ننزلها على الجهاز من موقع قوقل الي ذكره برق الشرقيه


اتمنى يشاركونا الشباب بالراي حتى تعم الفائده


تقبلوا خالص تحياتي ،،،





العفو اخوي ماسوينا شي


سلمك الله بالنسبه للخرائط الي موجوده


بالجهاز ماتشمل جميع المدن يعني القصيم


لو دخلت عليه يعطيك تقريبا طريق الدائري


والطرق مع المدن ولاسجل اسم الطريق


بس يكتب فوق القصيم ولو قربت يعطيك


شاشه فاضيه لكن في بعض المدن مفصله


مثل الرياض_جده_الشرقيه



مفصله والشوارع واضحه ومسجل اسمائها



http://i30.servimg.com/u/f30/11/59/92/98/n95loc10.jpg (http://www.servimg.com/image_preview.php?i=348&u=11599298)
http://i30.servimg.com/u/f30/11/59/92/98/72edca10.jpg (http://www.servimg.com/image_preview.php?i=350&u=11599298)
http://i30.servimg.com/u/f30/11/59/92/98/d9e56e10.jpg (http://www.servimg.com/image_preview.php?i=349&u=11599298)



لكن تستطيع تنزل خرائط مفصله
على الجهاز وفيها جميع المدن...




وبالنسبه لنظام GPS


تقدر تستخدمه بدون الخرائط يعني


تدخل احداثيه اي موقع تبي شعبان -فياض


محطات -مدن ...


والاحداثيه تجي ارقام كل مكان له


احداثيه على الشكل


خط العرض
3537؛27 شمال
خط الطول
4476؛44 شرق


تاخذ الاحدثيه وتدخل على المواقع


الي جنب GPS


http://i30.servimg.com/u/f30/11/59/92/98/c4536711.jpg (http://www.servimg.com/image_preview.php?i=356&u=11599298)


وتسوي خيارات موقع جديد يدوي


وتدخل الاحداثيه وتحفظه عندك


واذا بغيت تروح للمكان تدخل


بيانات GPS


http://i30.servimg.com/u/f30/11/59/92/98/c4536710.jpg (http://www.servimg.com/image_preview.php?i=351&u=11599298)



تختار حالة القمر الصناعي


http://i30.servimg.com/u/f30/11/59/92/98/2fcedb10.jpg (http://www.servimg.com/image_preview.php?i=352&u=11599298)



يطلع لك على هذا الشكل


http://i30.servimg.com/u/f30/11/59/92/98/4bdf1f10.jpg (http://www.servimg.com/image_preview.php?i=353&u=11599298)


انتظر لحد مايشبك على الاقمار اذا صارت


الخطوط فوق بالصوره سود يعني شبك


ويكفي اربع يصيرن سود


بعد كذا تختار تعيين الوجهه موقع


http://i30.servimg.com/u/f30/11/59/92/98/1-910.jpg (http://www.servimg.com/image_preview.php?i=354&u=11599298)



يطلع لك المواقع الي محفوظه ومدخل



احداثيته اختر الموقع الي تبي


يبي يطلع لك بهالشكل


http://i30.servimg.com/u/f30/11/59/92/98/1-1210.jpg (http://www.servimg.com/image_preview.php?i=355&u=11599298)


السهم يعني وجهك والموقع الي تبي هو النقطه الحمراء والي داخل الدائره المسافه
والي تحت الوجهه:المكان الي تبي تروح له
المده:كم باقي وتوصل الموقع
السرعه:كم تمشي كيلو بالساعه


اتبع النقطه الحمراء هي الوجهه وانت


تمشي هي تتحرك الى جهت الموقع الي تبي


يعني انت تمشي خل النقطه مع السهم


الي هو اتجاهك وتلاحظ يعطيك كم باقي


وكل ماقربت للموقع يصير الي جنب


النقطه احمر ويكبر كل ماقربت واذا


وصلت بالسلامة انشاءالله للمكان


يصير اخضر ويقول تم الوصول...


ملاحظه:


احداثيات قوقل والقارمن ماتصلح


لان الجوال نظام القياس عنده غير


لكن فيه احد الاخوان نزل برنامج


تدخل احداثيه من القوقل او القارمن


ويحوله للجوال.


هذا بشكل مختصر<<<ايه هين :eek:


الله يخلف ماهنا اسلوب شكل الشرح



لك عليه على العموم اذا مافهمت


ترانا حاضرين لاي استفسار..


سلاااام
رفيق ذو الرمه
10/01/2008, 06:51 PM
الى سقرااااط (http://www.mekshat.com/vb/member.php?u=67045) مكشات
شكرا على شرحك اللي تقول انه مختصر ، مع انه اشمل التعليقات في الموضوع . ذكرت في شرحك ان احد الاخوان نزل برنامج تدخل احداثيه من القوقل او القارمن و يحوله للجوال.
اسعفنا برابط الموضوع ... و لا عليك امر.
المجمعه
10/01/2008, 08:14 PM
اخوى سقراط
الغريبه ان مشاركاتك قليله جدا ... وعندك هالمعلومات اللى ما شاء الله تبارك الرحمن
بارك الله فيك .... عز الله انك وفيت وكفيت .... والظاهر انى عقب هالشرح ابى اروح اشترى لى واحد

الله يبارك فيك اخوى سقراط
سقرااااط
11/01/2008, 08:58 AM
الى
سقرااااط (http://www.mekshat.com/vb/member.php?u=67045) مكشات




شكرا على شرحك اللي تقول انه مختصر ، مع انه اشمل التعليقات في الموضوع . ذكرت في شرحك ان احد الاخوان نزل برنامج تدخل احداثيه من القوقل او القارمن و يحوله للجوال.


اسعفنا برابط الموضوع ... و لا عليك امر.







رفيق الرمه



العفو اخوي




وبنسبه لطلبك تامرأمر




ماحصلت الموضوع لكن جبت لك برنامج ورفعته على موقع تحميل




على شان تستفيد منه انت والاخوان وتدعون لي ;)




واستخدامه سهل وحجمه صغير مره ولا يحتاج تثبيت بالكمبيوتر





وهذي صوره لواجهة البرنامج مع الشرح




http://i30.servimg.com/u/f30/11/59/92/98/image10.jpg (http://www.servimg.com/image_preview.php?i=360&u=11599298)




الي بالون الاحمر هو الشرح اذا فتحت البرنامج





دخل ارقام الاحداثيه فوق


x تعني N شمال


Y تعني E شرق








وبعد ماتدخل الارقام بس اضغط على Convert




يبي يعطيك ارقام بالمربعين الي تحت




الاول شمال




والثاني شرق




خذ الارقام السته الي يسار ودخلهن بالجوال




المثال الي بصوره هو




احداثية القبله بالقارمن اختلفت بعد التحويل للجوال...




هذا اذ اردت تحول من القارمن للجوال والعكس نفس الطريقه




شف الي مسجل بالصوره جوال وقارمن تحت يسار




حط النقطه على الي تبي تحصل نتيجته.




وهذا رابط البرنامج




اضغط هنا لتحميل الملف (http://www.qahtaan.com/works/up/get.php?hash=5cegmopswx1200027665)




وسلمك الله فيه مواقع كثيره لتحويل الاحداثيات هذا واحد منها لعيونك




http://jeeep.com/details/coord/ (http://jeeep.com/details/coord/)




ولقيت لكم ملف TXT فيه احداثيات


السعوديه ركبته معنا بالغماره وجبته
على دربي :p


اضغط هنا لتحميل الملف (http://www.qahtaan.com/works/up/get.php?hash=25670hkoux1200028336)




واي طلبات بالخدمه:D




سلاااام
سقرااااط
11/01/2008, 09:22 AM
اخوى سقراط




الغريبه ان مشاركاتك قليله جدا ... وعندك هالمعلومات اللى ما شاء الله تبارك الرحمن
بارك الله فيك .... عز الله انك وفيت وكفيت .... والظاهر انى عقب هالشرح ابى اروح اشترى لى واحد



الله يبارك فيك اخوى سقراط



المجمعه يامرحبا اخوي


العبره في الكيف وليست بالكم<<<بداية الغرور والهاويه:p


والله ياخوي ماسوينا شي يستاهل


كل هذا


المدح الله يرفع قدرك


اخجلتم تواضعي



شرفتني بردك الكريم


واي طلب او استفسار في الخدمة



سلاااام
رفيق ذو الرمه
11/01/2008, 02:33 PM
الى سقرااااط (http://www.mekshat.com/vb/member.php?u=67045) مكشات
ما يامر عليك عدو
الظاهر انه ما يكفي لك لقب سقراط ، بل يلزم اضافة لقب (كنفوشيوس) حى تجتمع لك الحكمة من الشرق و الفلسفة من الغرب.
مشكور على سرعة الاجابة التي تضمنت معلومات جاوزت طلبي ، و لا شك ان الاعضاء سيستفيدون مما ذكرت من معلومات جديدة ، فشكرا جزيلا مرة اخرى.
خير العلماء يا سقراط (و يا كنفوشيوس) من تعلم العلم ... و علمه.
abuud
12/01/2008, 02:50 AM
البرنامج مو راضي يتنزل مدري ايش علتة كل لابغيت اسوي تنصيب في الجوال يقول غير معروف ؟؟؟؟
سقرااااط
12/01/2008, 07:10 AM
الى سقرااااط (http://www.mekshat.com/vb/member.php?u=67045) مكشات




ما يامر عليك عدو


الظاهر انه ما يكفي لك لقب سقراط ، بل يلزم اضافة لقب (كنفوشيوس) حى تجتمع لك الحكمة من الشرق و الفلسفة من الغرب.


مشكور على سرعة الاجابة التي تضمنت معلومات جاوزت طلبي ، و لا شك ان الاعضاء سيستفيدون مما ذكرت من معلومات جديدة ، فشكرا جزيلا مرة اخرى.

خير العلماء يا سقراط (و يا كنفوشيوس) من تعلم العلم ... و علمه.










العفو اخوي



هذا من طيبك طال عمرك




ردك شرفني




واي خدمات لاتردك الى الكيبورد ;)




تحياااتي
/
:D :D :D سقراااط و كنفوشيوس :D :D :D
سقرااااط
12/01/2008, 07:14 AM
البرنامج مو راضي يتنزل مدري ايش علتة كل لابغيت اسوي تنصيب في الجوال يقول غير معروف ؟؟؟؟


اهلا وسهلا اخوي abuud


سلمك الله


البرنامج الي هنا يوضع في الكمبيوتر وليس للجوال...



سلاااام
رفيق ذو الرمه
21/03/2008, 11:24 AM
الىسقرااااط مكشات
طابت أوقاتك
جربت برنامج تحويل صيغ الاحداثيات الذي تفضلت به ، فوجدته ناجحا 100% ، أنجح المولى جميع أعمالك و مساعيك.