شوهد اليوم

[@ عاشق البر @]

السلام عليكم ورحمه الله وبركاته وبعد ...
اليوم لقينا طير مثلوث الموافق 30 /9/2003 يوم الثلاثاء
بس ما توفقنا فيه طار ولحقناه ونقطله حمام وفري بس الطير روح ما لحقنا عليه وانشالله الجايات اكثر
من الرايحات والله المستعان



تقبلوا تحياتي


اخوكم : @ عاشق البر @

[معشوق]

السلام عليكم
انشاء الله الجايات اكثر والله يوفقنا واياكم

[@ عاشق البر @]

يعطيك العافيه اخوي sellebar على مرورك على الموضوع
وانشالله الله يوفقنا ويوفقكم




تقبل تحياتي



اخوك : @ عاشق البر @

[معشوق]

بس ممكن توضح المكان اللي لقيتوه فيه ماعليك امر؟

[بن ذيب]

@عاشق البر@

يعوضك اللة خير منة ان شاء اللة

ولك تحياتي.............

[المسفهل]

توفق أخي عاشق البر بخير منه - إن شاء الله -

[العـفــار]

العوض في الجايات ياعاشق البر

ماتاخذ الا الى كتب لك . ماعليك الا الأجتهاد و الله يرزقك ان شاء الله باطيب منه .

[أبو جواهر]

السلام عليكم ،،،،،،،،

الله يعطيكم العافيه والبر فيه كل الخير والعبور جاي بكثره بس ورونى همتكم يالنشاما

واقول لاخوي عاشق البر انا صارلي بالبر تقريبا شهر ادور الطير ( تهقا اني احب البر)واليوم الساعه 7.15 لقيت شيهانه بحريه جتني على النقل (الباشق)من السماء يوم دربلت عليها ابي اتحقق من الطير اللى جاني ولا الشيهانه اللى ما تبي تشوف غيرها بحريه وااااافيه لكن مالله قسمها وانا ماقصرت معها كل اللى عندي قطيته لها لكن الظاهر انا شبعانه لان وقتها الضحى والجو اليوم حار.
وانا لقيتها في الصبيه وحاطه شبك الروضتين على اليمين وجهتها للعاشره او مطربه بس ان طقتها حومه ما توقع غير بسماح بالسعوديه.

وانا اليوم من الزعل رديت البيت وطردوني اهلي ماعرفوني صاير اسود حارقتني الشمس.

واسمحولي طولت عليكم واتمنى للجميع بموسم صيد جميل.

والقنص بالركاده والتسرع جهاله...........ومع السلام

[معشوق]

السلام عليكم
ماشاء الله , العبور مثل ماقلت بكثر هالسنه انشاء الله يوفقنا وياكم والجايات اكثر

[@ عاشق البر @]

bin deeb يعطيك العافيه ومشكور وما تقصر على مرورك للموضوع وانشالله الله بيعوضني بخير منها


العـفــار يعطيك العافيه على مرورك للموضوع وانشالله بنتعب ونلقاه


أبو جواهر : مشكور على مرورك للموضوع ياولد ارحم نفسك شهر بالبر :D وانشالله بتطرح احسن منه الشيهانه نبي الحر الوافي اللي راسه ابيض والله يوفقك


المسفهل : مشكور على مرورك للموضوع والله يسمع منك انشالله


sellebar : مشكور على مرورك للموضوع
المكان يا طويل العمر تدل شارع الابرق روح معاه لين تشوف على يسارك زبر سيارات متكسره روح معه
وطير نقلك( الباشق ) والله يوفقك بالوافي