فضلاً لا أمراً / أريد أقصر وايسر الطرق للوصول لمدينة الخفجي ؟؟؟؟

[الحريق 2007]

السلام عليكم ورحمة الله وبركاته وبعد...........
أريد أقصر وأيسر الطرق للوصول لمدينة الخفجي وياليت يكون الوصف بالتفصيل وأعني المسافة والوقت المستغرق التقريبي وسهولة الطريق وكم مسار إن أمكن , ولقروم مكشات خالص تحياتي.........

[ابو جلامبو]

اخوي/
ياريت توضح نقطة انطلاقك

[الحريق 2007]

اخوي/
ياريت توضح نقطة انطلاقك

العفو أخوي أبو جلامبو على النسيان .. نقطة الإنطلاقة من مدينة الرياض وتقبل تحياتي...

[السهران1]

فيه من الرياض عن طريق رماح بس مانصحك فيه اذا كان معك عوائل وفرقه عن الخط حق جوده 40 كيلو
بس فيه عندك طريق من الرياض الى الخفجي عن طريق جوده وهو مناسب لي
اخوي تطلع من الرياض كنك تبي الدمام بعد 220 كيلو تجيك لوحه مكتوب عليها جودة وفيه محطه عب بانزين منها وامسك الخط وانتبه من البعارين اذا كنت ماشي بالليل الطريق سايد واحد بس مقبول خلك ماشي حتى تجيك منطقه النعيريه هناك فيه لوحات تدلك على مدينه الخفجي وانتبه من الخط بين النعيرية والخط السريع تراه خطرطلوع ونزول ويمين ويسار وسايد واحد بس تراه 40 كيلو لاتسرع وينزلك على الخط المتجه للخفجي وبكذا خلاص مابقى لك الا تروح وترجع لنا بالف سلامه والله يحفظك ويرعاك

الخط من الرياض الى الخفجي على ما اعتقد 550 كيلو عن طريق جوده
الخط من الرياض الى الخفجي على ما اعتقد 520 كيلو عن طريق رماح
الخط من الرياض الى الخفجي على ما اعتقد 700 كيلو عن طريق ابو حدريه

[صاحب الجيب]

السلام عليكم ورحمة الله وبركاته
مساكم الله بالخير
أخوي الحريق فيه طريق رابع وهو
تطلع من الرياض باتجاه الثمامة بعد ما تتعدى الثمامة يجي مفرق الطوقي تفرق معه باتجاه الصمان وتمشي مع الخط حتى تجيك محطة دوار العتش وتعبي بنزين وتفرق مع الدوار متجه للصمان حتى تصل مفرق الرفيعة تروح معه وعليه تمشي حتى توصل مفرق قريه العليا تعبي بنزين ومن ثم التوجه للخفجي يمين

من الرياض إلى دوار العتش 160كم
من الدوار إلى الرفيعة 100كم
من الرفيعة إلى قرية العليا 80كم
من قرية العليا إلى الخفجي 150كم
مسافة ما تزيد عن500كم
تروح وتجي بالسلامة ولا تسرع فالطريق خط واحد ومفتوح للجمال السائبه

[ولد شقرا]

السلام عليكم ورحمة الله وبركاته
مساكم الله بالخير
أخوي الحريق فيه طريق رابع وهو
تطلع من الرياض باتجاه الثمامة بعد ما تتعدى الثمامة يجي مفرق الطوقي تفرق معه باتجاه الصمان وتمشي مع الخط حتى تجيك محطة دوار العتش وتعبي بنزين وتفرق مع الدوار متجه للصمان حتى تصل مفرق الرفيعة تروح معه وعليه تمشي حتى توصل مفرق قريه العليا تعبي بنزين ومن ثم التوجه للخفجي يمين

من الرياض إلى دوار العتش 160كم
من الدوار إلى الرفيعة 100كم
من الرفيعة إلى قرية العليا 80كم
من قرية العليا إلى الخفجي 150كم
مسافة ما تزيد عن500كم
تروح وتجي بالسلامة ولا تسرع فالطريق خط واحد ومفتوح للجمال السائبه


مثل ماتفضل اخوي صاحب الجيب هو افضل الطرق وتوي جاي منه
بس الحذر من القطعه من دوار محطة حفر العتش الى الرفيعه حوالي 100 كيلو
والقطعه من بعد العليا الى التقاطع الذي يذهب بك الى الخفجي مع انها بسيطه حوالي ال 40 كيلو
لكن الخط هذا ريحني مره من المشاوير الماضي اذا جيت اروح لم الكويت ولا الخفجي هذا اريح واسرع وبالنسبه لقطعة البنزين ماعليه خوف بالعكس راح تنبسط خاصه اذا معك عائله يشوفون القرى وكيف مداخلها خاصة ماشاء الله تبارك الرحمن قرية العليا تصميمها غير متوقع لتواجدها في هذه المنطقه....
تحياتي لك وتاصل بالسلامه

[الحريق 2007]

الإخوة الفاضل.. أبوجلمبو & السهران 1 & صاحب الجيب & ولد شقرا

مشكورين على الرد والتوضيح وبيض الله وجيهكم وحرمها عن النار , وفيتوا وكفيتوا ولكم مني خالص التحية والتقدير...........

[السهران1]

ولك بمثلها اخوي وحنا تحت امر الطيبين