الفزعه يالنشاما

[هداد11]

ياشباب اللى عندة معلومات عن الدول اللى تكثر فيها الحبارى برا السعوديه الله لايهينه يتكرم وش طريقةالمقناص برا وش يكلف وهل فيه احد نتوجه له في اى دوله نبي احد مجرب الرحله ولكم جزززززززززززيل الشكر

[جارح العين]

الجزائر فيها حباري واجد لاكن ماعرف التكلفه وهالسوالف
انشاء الله الاعضاء مايقصرون

[الشا صي]

عندك الجزائر والمغرب لاكن وشلون تدخل الطيور

[قلب ذيب]

الله يحييك.
المقناص الخارجي متعب ومكلف وفيه بعض المخاطر , ومن الافضل الذهاب اليه كمجموعه.
الجزائر : بها حبارى كثيره ومقانيص تشرح الخاطر , لكنها ممنوعه ولايسمح بالقنص فيها الا لامير مع توفير الحراسه له , وتكلفة القمناص فيها لايقل عن 100الف دولار الحد الادنى!.
المغرب : مقانيصها الوافره بالحبارى محميه من قبل حكام الخليج!! وبها مقناص بالقرب من مدينة العيون جنوبا لكن حباراه قليله , والطير ممنوع دخوله الابواسطة السفاره المعنيه.
مصر : الحبارى بها قليله والطير ممنوع دخوله .
تونس : بها مقناص في الجنوب على الحدود الجزائريه الليبيه , لكن لابد من الحصول على رخصه !
موريتانيا : مقناصها بعيد ورخصتها غاليه وموسم المقناص فيها ينتهي في الشهر الحالي.
- - وهكذا ستجد الكثير من العقبات في مقانيص الخارج اذا لم تكن مقتدر ماليا ولديك علاقات قويه هناك في البلد المراد المقناص فيه. انا لاأصعب لك الامور لكن هذا هو الواقع.

[أبو فيصل]

فيه مقناص حباريه واجد وأرضه أفضل الدول العربية بعد السعودية ... ولكن

خطر نوعآ ما ... جاك الذيب جاك أخوه ويمكن تنتهي في ...........!!!

يعني يمكن يروح اللي ماله من يفقده ولا يحزن عليه ويرقد متوسد السلاح (ما دون الحلق الا< اليدين)

وهو العراق وترى الخطر هو أياه أول و تالي

ولا ننصح به مع أني ما قد رحت له وعاده في الخاطر يمكن بعدين

وباقي الدول ما أحد مدحها ألا بعض الخويا اللي لجوك منكفين قامو يهايطون كنهم اللي صارفين من جيوبهم ولا مدبرين الأمور وهم بعضهم ما يقطع الفرجه بلحاله

أوصيك تخاوي المطاليق شروا كم اللي جمعنهم على المرجله و الطاعه أو تنصى بعض القبائل أو الأجواد المعروفين في الخارج اللي لجيتهم أكرمتهم و أكرموك والجود من الموجود

[ابرق العزاف]

السودان فيها حبارى كثير جدا

خصوصا غربها الاوسط ممايلي النيل كثيره جدا

التكلفه ماعندي خبر لكن شوف السفاره وافتك من الطير ومشكلته000
يعنى بالبندق هذه السنه

[الاشعل 316]

نصيحتي لك خل مقناصك بالسعودية واذا ما شفت الحباري السنه عليك بالسنه

الجايه وترى وحده بالسنه وفي ديرتك تسوى عشلر من اللي بالخارج

وهالايام خلك على الكروان احسناك ةطيب خاطرك على الكراوين

اذا انت من اهل السعوديه

[ا ل غ ر م و ل]

السودان فيها منطقة اسمها الكحلة يمكن قليل اللي يعرف عنها موقعها جنوب الخرطوم حوالي 8 ساعات..قنصتها ثلاث مرات والحمدلله توفقت بالحباري والحبرو والكراوين ودجاج الوادي و غزال ابو سير فيها جميع ما تتخيله حتى الله يكرمك الخنزير البري موجود...

[خشف.]

ما قصرو اعضاء الخيمه

[yahoo]

انا ما ازود على كلام اخواني
جارح العين
الشاصي
قلب ذيب
ابوفيصل
ابرق العزاف
الا شعل316
ا ل غ ر م و ل

فيهم الخير
ومشكووووووووووووووووووووورين

[هداد11]

الله يبيض وجيهكم ويكثر من امثالكم يا ابوفيصل ابرق العزاف جارح العين الشاصي الاشعل الغرمول الخشف ياهووووو والاخ قلب ذيب اللي ماقصر وشاكر على تجاوبكم مع المشاركه وآرآكم الى زي العسل