الأحسن

[النجم الأزرق]

السلام عليكم
أيت نوع من السنانير كويس وقولولي ما نوع أحسن سناره

[صياد شرقاوي]

حياك الله اخوي نجم في السماء والمعذره ياشباب على الانقطاع من المنتدى وذلك لظرروف ضغط العمل
بالنسبة للسنارات فهي انواع كثيرة منها الاصلي ومنها التقليد يعني الاصلي قيمة ماكينتها ب 1200 ريال يابانية وكبيرة وعلى مااعتقد انها 12 بيرنغ البيرنغ يعني القوة والتحمل اما بالنسبة للعصا فهي عدة انواع نوع تجيك تركيب قطعتين ونوع تجيك 3 قطع وهاذي ماتقل عن 4 امتار ونصف ونوع تجيك قطعة وحدة يعني تتمدد لحد معين وهاذي اللي انصحك فيها لأنها مع الرمي تمتد وتساعدك في الرمي لمسافة تصل الى 40 متر على حسب رميتك العصا أنصحك بالكربون والكربون نوعين نوع غالي ونوع رخيص الكربون ميزته انك تنزل العصا كأنك بتكسرها وتمشي معك ماتنكسر يعني مطاطية اما بالنسبة للمكاين في عندك الصناعه اليابانية احسن شي وتجي بعدها الفرنسي والايطالي والبرازيلي عندك محل بالدمام اسمه الربان البحري شارع حي الزهور هذا يوفر لك عدة انواع من المكاين والعصا وعنده النوع الجيد أتمنى اكون افدتك بالمطلوب واي خدمة حاضرين
تحياتي لك