طلب تكفوون يااعضاء الفزعه

[صياد شرقاوي]

السلام عليكم

كيف الحال شباب ان شاء الله طيبين

المهم أنا عندي طلب وتكفون اللي عنده طلبي لايبخل علي

طلبي هو اممممم أكل :p اي هذا احنا الشباب نحب الأكل اهم شي بطننا

أنا دائما أروح المطاعم البحريه وأطلب لي شوربة ربيان يحط لي فيها 6 حبات ربيان احم احم مايكفيني :cool: ويحط لي فيها جزر وورق اخضر ماادري ايش اسمه

المطلوب ابغى اعرف كيف طريقة عملها اللي عنده علم فيها يعلمني تراني انتظر الطريقة علشان أسويها تكفون الفزعه

[ولد الخبر22]

هلا فيك اخوي صياد شرقاوي ..

وياليتني اعرف للطريقة وممكن احد يفيدنا فيها .

وبالنسبه للورق الاخضر هذا يسمى ورق الغار يعطي الشوربه والاكل نكه رائعه .

تقبل احترامي

[طحنون]

شوربه الربيان بالكريمه



http://www.mekshat.com/pix/upload02/images57/mk9828_5pp.jpg
المقادير:
_ كيلو غرام من الربيان متوسط الحجم _خل
_ كرفس وجزره وبصله خضراء وكمون
_ملح وفلفل أبيض _ كوب كريمه لباني
_ عصير ليمونه _ ملعقة زبد نباتي _ بقدونس


الطـــــريقـــــــه:
يغسل الربيان بالخل جيدا,,وتنزع القشور اللي عليه مع الخيوط السوده,
,ويشطف من الخل ويقلب في زيت النباتي,
,ويضاف اليه التوابل جميعها,
,والكرفس والجزره والبصله الخضراء,,
وعصير الليمون ولتر ماء نقي,
,ويترك حتى ينضج جميعا ثم تضاف اليه الكريمه اللباني,
,وبعد ذلك يجمل سطح الشوربه بالروبيان والبقدونس وباقي الربيان محتوى داخل الشوربه,,ويقدم ساخنا


هاذي الشوربه الاكثر طلبا في المطاعم البحريه

طبعا لا تسألني عن الكريمه اللباني مافي امل اعرفها

[حاضرين]

بسم الله الرحمن الرحيم
السلام عليكم ورحمة الله وبركاته
هلا ومرحبا اخي صياد الشرقاوي
طريقة عمل شربه الربيان
المقادير
1- نصف كيلو ربيان
2- حبتين بصل متوسطة الحجم (مقطعه شرايح رفيعه )
3- عدد 4حبات جزر صغير(يقطع شرايح رفيعه)
4- فلفل رومي يقطع شرايح (ملون علي حسب الرغبه)
5- ذره صينيه صغيره طول الاصبع(تقطع حلقات)
6- قليل من السكر (مقدار ملعقة شاهي)
7- ثلاثة ملاعق صلصة الصويا (ملعقة طعام)
8- ملعقتين نشا طعام
9- ملعقه صغيره (عسل)
10- الملح +البهارات(علي حسب الرغبه)
الطريقه
1- يسلق الربيان قليلا مع الاحتفاض بالماء
2- يحمر البصل بقليل من الزبده
3- ثم يضاف اليه الجزر +الفلفل+الذره حتى يتحمر قليلا ثم يضاف اليه السكر ثم الربيان + ماء الربيان ثم يضاف الملح والبهارات
4- يترك علي النارلمدة 10 دقائق
5- يحلط العسل والنشا و صلصة الصويا بقليل من الماء البارد ويضاف الي الربيان ويترك لمدة (2) دقيقه بعد وضع المكونات الاخيره
ملاحظه :يقطع قليل من الخس ويضع علي الربيان(حسب الرغبه)
وبلهنا والعافيه
اخوك :ابو عبدالرحمن


حاضرين

http://www.mekshat.com/pix/upload/sign/images/mk44609.gif

[صياد الرياض]

مممممم شوقتونا للاكل طبق ولا احلى منهيك ههههه

[كشته 111]

صياد شرقاوي مادام انك تحب المطاعم البحرية انا ابقترح عليك وش تسوي لما تطلب الشوربه : مثال صحن شوربة الربيان 15 ريال رح لثلاجة العرض في المحل واشتري ربيان 100جرام منظف يكلف 4 ريال وتقول له حطها مع شوربة الربيان وسلامتك , واذا بغيت شوربة بحرية مشكله زودها 100 جرام فيلية و100 جرام خثاق بتكلفك 20 ريال لكن الطعم في الدماغ ,,,

وهذي سلطة ربيان عشانك من عشاق المطاعم البحرية :


http://www.w31w.com/up/w31w_yaxCCANwkw.jpg


http://www.w31w.com/up/w31w_NBXJLwp48H.jpg

[صياد شرقاوي]

مشكورين ياشباب والله شوقتوني للشوربة بس والله خايف ماتكون اللي ابغاها اخاف تكون خلطة ثانيه :d بعدين الكريمة ليه جايه صفراء مررره اللي اشربها صفارها خفيف ولا مجرد صورة هاذي ؟