مسابقة في الرد على قصيدة

[يوسف الخليفة1]

بسم الله الرحمن الرحيم


حياكم الله يا قرائنا الكرام ونطرح لكم قصيدة ونريد من يرد عليها و يأتي بمثلها وفقا للشروط


1- التوافق في نفس عدد الأبيات مع قصيدة المسابقة


2- أن تكون مقفاة وموزونة وعلى نفس الوزن والقافية وتنتهي القافية بالنون والزاي


3- أن لا تحتوي قصيدة المتسابق على أي كلمة من القافية وهي عجز البيت من قصيدة المسابقة الأصل فمثلا عندما نذكر كلمة ( صالح ) مثلا في نهاية البيت الأول أو الخامس أو 00 لا يذكر المتسابق كلمة ( صالح ) في نهاية عجز أي بيت من أبيات قصيدته


4- لا يسمح بذكر أكثر من كلمة واحدة أجنبية في نهاية الأبيات جميعها فمثلا عندما يذكر كلمة أجنبية في نهاية عجز البيت الأول فلا يذكر أي كلمة أجنبية في نهاية جميع باقي الأبيات


5- القصيدة من الشعر النبطي العامي



ودمتم بخير وإليكم القصيدة



جعلت سري بالمغاليق محــــجوز 000000000000000 خليته بمكنون بالي كما الكنــــــــــز


حطيته بغبات قلبي له حـــــــــروز 000000000000000 وامنع نواقيطه اليا بان له نـــــــــز


ابديه للي في ضميري له ركـــــوز 000000000000000 اللي على مثلي بالامجاد عنـــــــــز


اخير منهو بالعلاقات مــــهزوز 000000000000000 اللي تباطا بي عن الود حنـــــــــز


اللي عطاه من الطويلات مجـزوز 000000000000000 دايم عطياته من الطيب باقنـــــــــز


لو يعطي القفضه يتابعها باحـزوز 000000000000000 عطا مثل هذا كما الجيف مخنـــــز


حتيش لو يعطي كدالك او بنـــــوز 000000000000000 كله سوا لو هي من المجربه عنز


لصار شكله بالردايا له رمــــــوز 00000000000000 0العنز من مثله تساوت مع البنـــز


لو هو يكوبر بالمشالح على روز 000000000000000 او يلبس الجاكيت مع غالي الجنز


العلم دينه للي مثله به يفـــــــــوز 000000000000000 والمال ما ينفع اذا فيه فلونــــــــز


لو انك تخاوي حلاياه مخبــــــــوز 000000000000000 تصير مثل اللي بنعشه مجنــــــــــز


اليا بغيت العلم تلقاه مهــــــــــزوز 000000000000000 وليا عطيته صامل العلم خانـــــــز


يكفيك طيّب لو سبوته به خـــــروز 000000000000000 ولباسه مرقع به الناس تطنــــــــز




( يوسف الخليفة )

[جرير]

فكره جيدة بارك الله فيك
ولكن صعبتها شوي اضافه الي صعوبة القافيه
على كل حال نرى من يستطيع المجاراة
عليك الجائزه

[يوسف الخليفة1]

فكره جيدة بارك الله فيك
ولكن صعبتها شوي اضافه الي صعوبة القافيه
على كل حال نرى من يستطيع المجاراة
عليك الجائزه


حياك الله يا مشرفنا المحترم ولا تصعب عليكم إن شاء الله وأبشر بما يسرك فالجائزة عندي والشكر الجزيل

[القسامي511]

___بسم الله الرحمن الرحيم___
___________________________
هاض القصيد وزان نضمه على إوز=
وشطره الثاني بامر ربي على إز
بامر الولي تاج التحدي له إنحوز=
وبامر الولي صعب القوافي له انجز
شاعر واخايل بالسما برق،ن إينوز=
وماضنتي قاف الخليفه إيعجز
الله على اللي لاعطى الدرب مدزوز=
من سرعته كن الهبايب له إتكز
يبري غليل اللي من الرعب مفزوز=
جيب،ن حفيز النوع الاسم لكزز
حتى العرب للملوكها جاز ويجوز=
ويضا لهم حاصل على راية العز
عليه قرم،ن واسمه اليوم عزوز=
حر،ن وله في قمة المجد مركز
عده على يوسف على عالي القوز=
قله ترا محمد على الرد يحرز
جتك القوافي وسطها الغز مطروز=
ببيوت شعر،ن بالجزاله تميز
الطيب بالطيب رصيد،ن ومكنوز=
والا الردي ماهوب عندي معزز
ياصاحب الفكره ترا القاف ملكوز=
افهم معان الشعر والقاف بالرمز
انشدك عن شي،ن على الشين بيهوز=
حتى النبي حذر منه ويتحرز
انجزت انا ردي على جملة إلغوز=
وإذهن عليه يالسنافي تنفرز
((_محمد،،،القسامي_))

[يوسف الخليفة1]

الأخ القسامي 511 صح لسانك والشكر على الرد وعلى القصيدة الطيبة ومشاركة مقبولة لكن اختل شرط من الشروط ألا وهو :

2- أن تكون مقفاة وموزونة وعلى نفس الوزن والقافية وتنتهي القافية بالنون والزاي