هذا اليوم الخامس الذي تغطي فيه العوالق مدينة الرياض فمالسبب؟

[najazy]

السلام عليكم
:D
أنا من سكان مدينة الرياض
ومذ عدة أيام وأنا أرى عوالق بالجو وخاصة في الصباح...
فما سر إستمرارها؟
وماهي تلك العوالق؟

[wahdani2006]

وعليكم السلام ورحمه الله وبركاته

وانا بعد ارى هذي العوالق بمدينة الرياض

بس العلم عند الله

والله يجيب الخير

[for]

شكله غبار مثلج في الجو :d

الله يغيثنا ونشوف السماء مثل القزاز صافيه

[ابو خطاب]

جواب : السبب مصنع الاسمنت.. الله يرحم صدورنا.

[عالي الشان]

^
^
لا طبعا الاسمنت او المصانع مالها دخل :)


عموما هي حاله غريبه ونادره ... اتمنى حتى انا القى لها تفسير منطقي وعلمي :confused:

[الخزامى 19]

والله ظاهرة غريبه جدا ...لم تشهدها مدينة الرياض الا هذه السنه

[ابو خطاب]

كلامك صحيح .. بس برضوه .. وبصيغها بطريقة اخرى الله يرحم صدورنا من مصنع الاسمنت وطقته :( .. وان بغيت تكحل عيونك ;) ;) .. سير على رابط رادار الامطار ..24 ساعة على 7 ايام .. تلوث على الرياض .. مايروح الا عقب المطر الله يجيبه .

[صوت الحق]

نتيجة للجبهة الباردة التي أثرت على معظم مناطق المملكة ودول الخليج بداية من الأحد الماضي نشطت معها الرياح الشمالية المثير للغبار واستقر على وسط الجزيرة نظرا لبداية تحول الرياح إلى جنوبية اعادت الغبار مرة اخرى على المنطقة وستنشط الرياح الجنوبة من جديد يوم غد الخميس بإذن الله

[najazy]

جزاك الله خير ياصوت الحق
والله يرحم اللي بهم ربو وحساسية

ويامال الجنة ووالديك

[hani458]

الله العالم انه غبار متطاير نتيجه لجرد المستودعات والمحلات بنهاية السنه

[الكايف2]

الله يبدله بالمطر

[النجم الأزرق]

يمكن إنها من البرد الشديد فكم درجة الحرارة في الرياض

[بيت طين]

هذى من شدة البرد الله يكفينا شره والله يرحم الضعوف من المسلمين هم اكثر المتاثرين فيه ونسال الله من واسع رحمته وفضله ان يغيثنا بالمطر هو اللي يفكنا منه وتقبلوا تحياتي..

[النجم الطائر]

ماكل من يهرج يقول الصوابي ... و ماكل من ينقل الطير صقّار
والسيف مايصلح بليا اقرابي ... وغمد بليا سيف ينحط بالنار
وماتصلح البندق بليا خشابي ... في حّزة الحاجه يجي لمسها حار
والفرد مايصلح الى هو خرابي ... لو حط فيه اولايتيات ماثار
والطير ماينفع الى هو غرابي ... حتى و لو راعيه سمّاه شنغار
والنفس كالمعدن وهذا الجوابي ... هم من تراب وصفوة التبر تندار

[ناصر التميمي]

الله يغيثنا ونشوف السماء مثل القزاز صافيه

[مشاري1427]

اللهم أغثنا ، اللهم أغثنا ، اللهم أغثنا

اللهم أنت الله لا إله إلا أنت ، أنت الغني ونحن الفقراء . أنزل علينا الغيث ولا تجعلنا من القانطين امين

[سلومي سار]

يالله رحمتك ياكريم

[سندي باد22]

الله العالم انه من شدة البرودة وليس الرياض فقط حتى جنوب الرياض

[سيد النشاما..]

وكذلك سجل عندك ملاحظ جديد
انا من يوم أقبل على الرياض من جهة الجنوب وأنا أنظر لها
الله يجيبك يالمطر

[شيخ نجد]

السلام عليكم

:D
أنا من سكان مدينة الرياض
ومذ عدة أيام وأنا أرى عوالق بالجو وخاصة في الصباح...
فما سر إستمرارها؟

وماهي تلك العوالق؟



نحن في وادي الدواسر نرتبط بتأثيرات المناخ في المنطقة الوسطى وخصوصا الرياض ومعروف ذلك لاهل الوادي سواء بالصيف أو الشتاء

ما تمر به الرياض حاليا من غبره وكدمه كان متوقعاً بأن يأتينا في الوادي وبالفعل صبحنا يوم الأحد مع الغبره والكدمه وهواء عاصف احيانا وبالليل كأنه ضباب مع بروده شديده جداً وصقيع ..

هذ الغبار والغتام شبيه بغبره اصابتنا بعد اعصار جونو باسبوع واستمرت ثلاثة ايام وكانت رطبة جداً ..

هذا ما لدينا في الوادي وكل عام وانتم بخير ..